Լրահոս

Հայաստան արտերկրից ուղարկված փողերի ներհոսքը զգալի պակասել է: «Ժողովուրդ» օրաթերթը տեղեկացավ, որ այս տարվա հուլիսին ֆիզիկական անձանց անունով բանկերի միջոցով արտերկրից ստացված տրանսֆերտների զուտ ներհոսքը կազմել է 135 միլիոն 396 հազար դոլար: Նկատենք, որ, նախորդ ամսվա համեմատ, Հայաստան ուղարկված դրսի փողերի տրանսֆերտների զուտ ներհոսքը պակասել է 231 մլն 153 հազար դոլարով:

ՀՀ Ազգային ժողովի նախագահի տեղակալ, Հայաստան-Թուրքիա հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը սեպտեմբերի 10-ին ընդունել է ԵԱՀԿ Մինսկի խմբի ԱՄՆ նորանշանակ համանախագահ, Կովկասյան բանակցությունների հարցերով ավագ խորհրդական Ֆիլիպ Ռիքերին:

Բաբկեն Պիպոյան. «Իրազեկ և պաշտպանված սպառող» ՀԿ հիմնադիր նախագահ

Հանրապետության նախագահ Վահագն Խաչատուրյանն այսօր երեկոյան Երևանի Կարեն Դեմիրճյանի անվան մարզահամերգային համալիրում ներկա է գտնվել գիտության ու արվեստի միջազգային STARMUS VI փառատոնի փակման արարողությանը:

ՀՀ քննչական կոմիտեի նախագահ Ա. Քյարամյանն ընդունել է 2020 թվականի արցախյան պատերազմում զոհված զինծառայողների մի խումբ ծնողների, տեղեկացնում է ՀՀ ՔԿ-ն։

Սեպտեմբերի 8-10-ը ԱԻՆ ՓԾ Ճգնաժամային կառավարման ազգային կենտրոնում 6 ահազանգ է ստացվել հանրապետության տարբեր տարածքներում նկատված օձերի վերաբերյալ:

«Մինչ վարչապետ Նիկոլ Փաշինյանը տարբեր հարթակներից փորձում է վստահեցնել, թե իր իշխանության օրոք որևէ ընտրություն չի կեղծվել, ՔՊ շարքերում խոր անվտահություն կա ՔՊ վարչության առաջիկա ընտրությունների թափանցիկության հետ կապված։

Սեպտեմբերի 9-ին, ժամը 23։25-ին Արարատի մարզային ճգնաժամային կառավարման կենտրոն ահազանգ է ստացվել, որ Բաղրամյան գյուղի կենտրոնական հատվածում այրվում է ավտոմեքենա։

Ադրբեջանի պաշտպանության նախարարության տարածած հաղորդագրությունը, թե իբր սեպտեմբերի 9-ին ՀՀ ԶՈՒ ստորաբաժանումները կրակ են բացել հայ-ադրբեջանական սահմանագոտու արևելյան հատվածում տեղակայված ադրբեջանական դիրքերի ուղղությամբ` չի համապատասխանում իրականությանը:

Խորը կսկիծով Արցախի «Արդարություն» կուսակցությունը տեղեկացնում է կուսակցության անդամ, ԱՀ ԱԺ «Արդարություն» խմբակցության պատգամավոր Մետաքսե Հակոբյանի եղբոր` Գրիգոր Հարությունի Ասլանյանի, անժամանակ մահվան մասին:

Սեպտեմբերի 10-ին, ժամը 04։53-ին Վայոց ձորի մարզային ճգնաժամային կառավարման կենտրոն ահազանգ է ստացվել, որ Սյունիքի մարզի Սառնակունք գյուղի մոտակայքում տեղի է ունեցել ՃՏՊ՝ ավտոմեքենան գլորվել է ձորը․ անհրաժեշտ է փրկարարների օգնությունը։

«Այն, որ ՏԻՄ ընտրություններում ՔՊ-ի վիճակը, մեղմ ասած, լավ չէ, ի թիվս այլ գործոնների, վկայում են նաև նրանց ցուցակները, որոնց մեջ տեղ են գտել բավականին ուշագրավ անցյալով մարդիկ, այդ թվում՝ երկար տարիներ «նախկինների» օրոք գյուղապետ աշխատածներ: Նրանցից ոմանք նույնիսկ անցնում են քրգործերով, իսկ որոշներն էլ 2020 թվականին Նիկոլ Փաշինյանի հրաժարականն էին պահանջում:

Տեղի է ունենալու ՊՆ նախարարի փոփոխություն:

Սեպտեմբերի 9-ին, ժամը 23։40-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Գանձակ գյուղում չեն կարողանում կապ հաստատել սար բարձրացած հովիվի հետ. անհրաժեշտ է փրկարարների օգնությունը։

Բժիշկ և հեռուստահաղորդավար Ալեքսանդր Մյասնիկովը «Ռոսիա 1» հեռուստաալիքի «Ամենակարևորի մասին» հաղորդաշարի եթերում որպես այրոցի դեմ պայքարելու հիմնական միջոց անվանել է սննդակարգի վերանայումը, հաղորդում է Мослента պարբերականը: Բժիշկը նշել է, որ կարևոր է նվազեցնել շոկոլադի, սուրճի, ալկոհոլի, յուղոտ սննդի և արագ սննդի օգտագործումը։ Ստամոքսի թթվայնությունը կարելի է վերահսկել նաև դեղամիջոցներով: «Այրոցը միշտ չէ, որ հիվանդություն է։ Սա ֆիզիոլոգիական վիճակի մի մասն է, օրինակ՝ ավելորդ քաշ ունեցող մարդկանց կամ մարզիկների համար», – հավելել է մասնագետը: Մյասնիկովը զգուշացրել է, որ ամեն դեպքում անհրաժեշտ է միջոցներ ձեռնարկել շոշափելի անհարմարության դեպքում։ Այրոցը կարող է լինել գաստրոէզոֆագեալ ռեֆլյուքսի ախտանիշ, երբ ստամոքսի թթվային պարունակությունը վերադառնում է կերակրափող: Այս հիվանդությանը բնորոշ է կրծոսկրի հետին հատվածում այրոցը և ցավը, ինչպես նաև չոր հազը: Մարդկանց երկու տոկոսի մոտ այս վիճակը կարող է վերածվել քաղցկեղի: Ավելի վաղ Մյասնիկովը թվարկել էր այրոցի դեմ դեղեր ընդունելու կանոնները. նրա խոսքով՝ բուժումը պետք է սկսել նվազագույն ազդող չափաքանակից։

Ֆրանսիայի չեմպիոն ՊՍԺ-ի հարձակվողներ, ֆրանսիացի Կիլիան Մբապեի եւ բրազիլացի Նեյմարի հարաբերությունները դարձյալ սրվել են։ Չեմպիոնների լիգայի առաջին տուրի հանդիպումից հետո ֆուտբոլիստները լարված զրույց են ունեցել, գրում է ֆրանսիական L’Équipe-ը։ «Յուվենտուսի» դեմ խաղում Նեյմարը մրցակցի դատարկ դարպասի դիմաց փոխանցում չէր ստացել Մբապեից, որը այդ դրվագում հարվածել էր սուր անկյունից և վրիպել։ Նեյմարը Մբապեին կատարել էր մեկ գոլային փոխանցում այդ խաղում։ ՊՍԺ-ն հաղթել էր 2:1 հաշվով Մբապեի դուբլի շնորհիվ։ Հանդիպումից հետո Նեյմարը խուսափել է մասնակցել հարցազրույցի՝ ակումբի ներկայացուցիչներին զգուշացնելով, որ կարող է տհաճ բաներ ասել։ Չեմպիոնների լիգայի երկրորդ տուրում ՊՍԺ-ն սեպտեմբերի 14-ին կհյուրընկալվի իսրայելական «Մաքաբի Հայֆային»։

Իրավապաշտպան Ավետիք Իշխանյանը գրում է․ «Հյուսիսային Կորեան (ԿԺԴՀ) պաշտոնապես հայտարարեց միջուկային պետություն դառնալու մասին։ Հյուսիսային Կորեան աշխարհի թիվ մեկ բռնապետական երկիրն է։ Այո՛, բռնապետական, բայց․․․Բայց հզոր, ձախակողմյան գաղափարախոսություն ունեցող երկիր։ Իհարկե, Հյուսիային Կորեայում ժողովրդի կենսամակարդակը բարձր չի, բայց և կա պետական, սոցիալական աջակցություն։ Հյուսիսային Կորեայում բանակում ծառայությունը պարտադիր է և տևում է 10 տարի։Հյուսիային Կորեայից, մեղմ ասած զգուշանում են այնպիսի հզոր երկրներ, ինչպիսին Ճապոնիան է, նունիսկ ԱՄՆ-ը։ Հետաքրքիր է, որ ժողովրդավարության ջահակիր ԱՄՆ-ը, ոչ միայն չդատապարտեց Հյուսիսային Կորեաին, այլև պատրաստակամություն հայտնեց բանկցություններ վարելու մասին։Այո՛, ուժեղներին հարգում են։ Կուզենայի՞, արդյոք, որ Հայաստանը լիներ Հյուսիսային Կորեայի տիպի երկիր։ Իհարկե՝ ոչ։ Եթե այդպես լիներ, ես կամ կհայտնվեի բանտում, մահապատժի կենթակվեի, կամ, լավագույն դեպքում՝ վտարանդի կլինեի։ Բայց․․․չզարմանաք, կգերադասեի, որ Հայաստանը լիներ Հյուսիսային Կորեա, քան պարտված, տարածքներ կորցրած, բոլոր երկրների կողմից արհամարհված, ողորմելի, աննպատակ, անգաղափար «հեղափոխա»-բռնապետական երկիր»։

Կենտրոնական բանկը ներկայացրել է սեպտեմբերի 9-ին տարադրամի փոխարժեքը։ ԱՄՆ դոլարի փոխարժեքը կազմել է 405.32 դրամ՝ նախորդ օրվա համեմատ աճելով 0.21 դրամով: Եվրոյի փոխարժեքը կազմել է 408.32 դրամ՝ նախորդ օրվա համեմատ աճելով 2.85 դրամով։ Ռուբլու փոխարժեքը կազմել է 6.72 դրամ ՝ նախորդ օրվա համեմատ աճելով 0.05 դրամով։

Շիրակի մարզային ճգնաժամային կառավարման կենտրոնը սեպտեմբերի 9-ին, ժամը 17։32-ին ահազանգ է ստացել, որ Մարալիկ քաղաքի մոտակայքում այրվում է խոտածածկույթ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ Փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։ Ըստ աղբյուրի՝ պարզվել է, որ հրդեհը բռնկվել է Գուսանագյուղ գյուղի «Բադալի ձոր» կոչվող հանդամասում: Հրդեհը մեկուսացվել է ժամը 18:55-ին, մարվել՝ 19:12-ին: Այրվել են մոտ 11 հա խոտածածկույթ և մոտ 14 հա հնձած արտ:

Ոստիկանները Ազատության հրապարակից բերման են ենթարկել հայրենասիրական երգեր երգող երիտասարդների, երբ նրանք վանկարկել են՝ «Հայե՛ր, միացե՛ք, Արցախը մերն է»: Ըստ պարզաբանման՝ պատճառն այն է, որ երիտասարդները վարչական իրավախախտում են արել: Քաղտեխնոլոգ Վիգեն Հակոբյանը չի կասկածում, որ իրականում նրանք պատժվել են «Արցախը մերն է» ասելու համար: