Լրահոս

Հոկտեմբերի 22-23-ը կայացել է Հայաստանի սեղանի թենիսի թիմային առաջնությունը, որին մասնակցել են տղամարդկանց 11 և կանանց 10 թիմեր ՀՀ մարզերից, Երևանից և Արցախից:

Սիրելի հայրենակիցներ։ Արդեն երկու շաբաթ մամուլում շրջում է անգլերեն մի փաստաթուղթ, որը մշակվել է Վաշինգտոնում, Միացյալ Նահանգների հովանավորությամբ, որին Պրահայում հավանություն են տվել Փաշինյանն ու Ալիևը։ 

Հայ-ռուսական հարաբերությունների մասին ընտանեկան թերթով գաղտագողի անհեթեթ ծանուցումներ տվող, երկիրն առհասարակ թերթով ղեկավարող «հավաստի աղբյուրն» այսօր ի լուր աշխարհի հայտարարել է, որ արգելվում է ՌԴ ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինի մուտքը Հայաստանի հանրապետություն: Այս մասին այսօր՝ հոկտեմբերի 25-ին, ԱԺ-ում հայտարարությունների ժամին իր ելույթում նշել է ԱԺ «Հայաստան» խմբակցության պատգամավոր Ագնեսա Խամոյանը:

Երեկ՝ հոտեմբերի 24-ին, Երևանից Դիլիջանի բժշկական կենտրոն ժամանած շտապօգնության ավտոմեքենան Երևանի հիվանդանոցներից մեկն է տեղափոխել Երևանի բնակիչ 42-ամյա Ալեքսան Հ․-ին։ Վերջինս հոկտեմբերի 23-ին իր վարած Toyota Land Cruiser Prado մակնիշի ավտոմեքենայով Դիլիջան քաղաքի սկզբնամասում, դեպի Երևան ընթանալիս, վթարի էր ենթարկվել, ինչի հետևանքով իրեն և ևս 3 ուղևորների տեղափոխել էին հիվանդանոց։

Իսրայելը կշարունակի գործել նրանց դեմ, ովքեր փորձում են վնաս հասցնել իր քաղաքացիներին, ահաբեկիչների համար ապաստան-քաղաքներ Հորդանան գետի Արևմտյան ափին «չկան և չեն լինելու»: Այս հայտարարությամբ հանդես Է եկել հրեական պետության պաշտպանության նախարար Բենի Հանցը՝ մեկնաբանելով հոկտեմբերի 25-ի գործողությունը Նաբլուսում «Առյուծի որջ» պաղեստինյան խմբավորման կենտրոնակայանի չեզոքացման համար։

Հոկտեմբերի 25-ին Հռոմում ՀՀ ԱԳ նախարար Արարատ Միրզոյանը հանդիպել է Մալթայի Ինքնիշխան Ուխտի Մեծ կանցլեր (ԱԳ նախարար) Ռիկարդո Պատեռնո Դի Մոնտեկուպոյին։

Հայաստանում և աշխարհում քաղաքացիները հետևել են արևի խավարմանը: Այն սկսվել է Երևանի ժամանակով ցերեկը 13:52-ին: Արևի առավելագույն խավարումը եղել է 15 անց 11 րոպեին: Այդ պահին լուսինն 82 տոկոսով փակել է Արեգակը: Արևի խավարման գլխավոր դիտակետը գտնվում է Հյուսիսային բևեռում:

Երկրների միջև ցանկացած պաշտոնական նամակագրություն իրականացվում է բացառապես Արտաքին գործերի նախարարությունների խողովակներով՝ համապատասխան դեսպանությունների միջոցով։

ՀՀ վարչապետի որոշմամբ ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը հոկտեմբերի 23-27-ը գործուղվել է Ամերիկայի միացյալ նահանգներ՝ մասնակցելու «Հայաստանի խոստում» խորագրով կրթական համաժողովին:

Ճամբարակի «Աստղացոլք» հասարակական կազմակերպությունը երեխաների խնամքի, խոցելի խմբերի, ինչպես նաև հաշմանդամություն ունեցող կանանց զբաղվածության ապահովման նպատակով իրականացնում է սոցիալական տարբեր ծրագրեր: Կազմակերպության շահառուները պատրաստում են հայկական տարազով կավե զարգացնող խաղեր, որոնք զարգացնում են երևակայությունն ու ծանոթացնում հայկական մշակույթին:

Սանկտ Պետերբուրգում անցկացվող Առողջապահության հոբելյանական 10-րդ միջազգային համաժողովի շրջանակներում առողջապահության նախարարի տեղակալ Արտակ Ջումայանը հանդիպել է Սանկտ Պետերբուրգի առողջապահության կոմիտեի նախագահ Դմիտրի Լիսովեցի հետ:

Բազմաբնակարան շենքերում ավելի քան 40 տարի շահագործվող վերելակները փոխարինվում են: Երևանի քաղաքապետարանն այս տարի ծրագրում նախնական ներառել էր 426 վերելակ: Շուրջ 300-ն արդեն տեղադրվել է, անցել ԱԻՆ-ի համապատասխան փորձաքննություն և շահագործվում է: Մյուս մասը տեղադրման և կարգավորման փուլում է:

«Եթե Ռուսաստանը ահազանգում է, թե Ուկրաինան պատրաստվում է «կեղտոտ ռումբով» գրոհ կազմակերպել, ուրեմն հենց ինքն է նման հարված պատրաստում»,- հայտարարել է Ուկրաինայի նախագահը: 

Չարլզ III-ը Մեծ Բրիտանիայի նոր վարչապետ է նշանակել Ռիշի Սունակին։

Հայլուր 15:30 Ռուսաստանի հետ բացահայտ առճակատում՝ Պուտին-Փաշինյան-Ալիև հնարավոր հանդիպումից առաջ

Գերմանիայի նախագահ Ֆրանկ Վալտեր Շտայնմայերը Կիև Է ժամանել Ուկրաինայի տարածքում ՌԴ-ի ռազմական հատուկ գործողությունից հետո առաջին անգամ: Այդ մասին հոկտեմբերի 25-ին հաղորդել Է նրա ներկայացուցիչը: «Իմ ուղերձն Ուկրաինայի ժողովրդին այսպիսին Է. դուք կարող եք հույս դնել Գերմանիայի վրա: Մենք կշարունակենք աջակցել Ուկրաինային ռազմական, քաղաքական, ֆինանսական և հումանիտար առումով»,-Շտայնմայերի հայտարարությունն իր Twitter-ում մեջբերել Է նախագահի ներկայացուցիչ Քերսթին Համելինը:

Իրանի արտգործնախարարը պահանջում է վերացնել Արևմուտքի նոր պատժամիջոցները՝ իրանական զենքի վաճառքի նկատմամբ: Սանկցիաները սահմանվել են այն հիմնավորմամբ, թե Թեհրանը անօդաչուներ է վաճառում Մոսկվային, որոնք հետո օգտագործվում են Ուկրաինայի դեմ պատերազմում:

Կատարվում է նախաքննություն։

Ռուսաստանի պետդումայի պատգամավոր Կոնստանտին Զատուլինի մուտքը Հայաստան արգելվել է: «Հայկական ժամանակ»-ի տեղեկություններով՝ Դաշնության պետդումայի ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահն այլևս համարվում է անցանկալի անձ Հայաստանում։ Ռուս հայտնի քաղաքական գործիչը բազմիցս մեղադրել է Հայաստանի իշխանությանը 44-օրյա պատերազմի պարտության համար:

Մելիտոպոլ քաղաքի «Զա-թիվի» հեռուստաընկերության շենքի մոտ հզոր պայթյուն է որոտացել: Զապորոժիեի իշխանությունները հայտնել են, որ մեքենա է պայթել, որի մեջ ինքնաշեն պայթուցիկ սարք է եղել: Պայթուցիկի քաշը, ըստ նախնական տեղեկությունների, եղել է մեկուկեսից երկու կիլոգրամ: