Լրահոս

Այսօր՝ նոյեմբերի 15-ին, ժամը 19։00-ի սահմաններում դանակով զինված ավազակային հարձակման փորձ է տեղի ունեցել Երևանում գործող «Յուքոմ»-ի գրասենյակում։ Այս մասին հաղորդում է shamshyan.com-ը։

Թուրքիա-ԱՄՆ գերլարված հարաբերությունների ֆոնին այսօր Բալիում հանդիպել են Միացյալ Նահանգների ու Թուրքիայի նախագահները: Բայդենի ու Էրդողանի՝ նախապես չհայտարարված հանդիպումը կարճ է տևել, ըստ քաղաքագետների ենթադրության, ծայրաստիճան լարված:

Նոյեմբերի 11-ին տեղի է ունեցել Հնագիտության և ազգագրության ինստիտուտի գիտական խորհրդի ընդլայնված նիստ և աշխատակազմի ժողով, որոնք միաձայն և կտրականապես դեմ են արտահայտվել Պետական գույքի կառավարման կոմիտեի առաջարկին` ՀՀ ԳԱԱ «Հնագիտության և ազգագրության ինստիտուտ» ՊՈԱԿ-ին անհատույց օգտագործման իրավունքով ամրացված ք. Երևան, Չարենցի 15 հասցեում գտնվող անշարժ գույքը Հաշվեքննիչ պալատին ամրացնելու, իսկ ՊՈԱԿ-ը ք. Երևան, Ներսիսյան 25 հասցեում տեղակայելու վերաբերյալ:

Ընդդիմադիրները վերադարձել են խորհրդարան Հայաստանի տարածքային ամբողջականության պահպանման, Արցախի ինքնորշման վերաբերյալ պահանջներով: ՔՊ-ին չկատարած խոստումներն են հիշեցրել «Հայաստան» խմբակցության պատգամավորները: Իշխանականները գործընկերներին կամ չեմ պատասպանել, կամ պատասխանել են բարի վերադարձ մաղթելով:

Նոյեմբերի 15-ին, համածառայակցի արձակած կրակոցից հրազենային մահացու վիրավորում ստացած 20-ամյա Վահե Հովսեփյանը Սյունիքի մարզի Բալաք բնակավայրից է։ Տեղեկությունը NEWS.am-ին հայտնեցին Սիսիանի համայնքապետարանից։

Խորհրդարանական ընդդիմությունը երեք նոր պատգամավոր ունի: «Հայաստան» խմբակցության պատգամավորներ Մխիթար Զաքարյանի և Արթուր Ղազինյանի փոխարեն պատգամավորական մանդատ են ստացել Արգիշտի Գևորգյանը և Գառնիկ Դանիելյանը, իսկ «Պատիվ ունեմ» խմբակցության պատգամավոր Արթուր Վանեցյանի փոխարեն՝ Մարտուն Գրիգորյանը: Նոր երեք պատգամավորներն այսօր երդվել են:

Արցախի Հանրապետության արտաքին գործերի նախարարությունը ողջունում է նոյեմբերի 15-ին Ֆրանսիայի Սենատի կողմից ընդունված բանաձևը, որը դատապարտում է Ադրբեջանի ագրեսիվ և հայատյաց քաղաքականությունը Հայաստանի և Արցախի նկատմամբ։ Այս մասին հայտարարություն է տարածել Արցախի ԱԳՆ-ն։

Ինչո՞ւ է Հայաստանի պաշտպանության նախարարն անընդհատ խուսափում լրագրողների հարցերից՝ լինի Եռաբլուրում, թե Ազգային ժողովում: Այնքան, որ ՔՊ-ական Անդրանիկ Քոչարյանը եզրակացրել է, որ պաշտպանության նախարարը պաշտպանության կարիք ունի: Ընդդիմադիրներից ու փողոց դուրս եկած երիտասարդներից հետո, հիմա էլ լրագրող-օպերատորներին է պատգամավորը՝՝ սահման ուղարկելով «սպառնացել»:

Որքան մոտենում է «խաղաղության պայմանագրի» կուլմինացիան, այնքան իրադարձություններն ավելի անկանխատեսելի են դառնում։ Բաքուն սրում է բառապաշարը՝ Սիսիան-Գորիս-Կապանի բարձունքները վերահսկելով, Հայաստանի իշխանությունը հիմնականում միջազգային գործընկերներին ուղղված մեսիջներով արձանագրում է, որ նոր սադրանքի, նոր էսկալացիայի է պատրաստվում Ադրբեջանը:

Երևանում պղծել են Գարեգին Նժդեհի արձանը: Վանդալները արձանի պատվանդանին պարսկերեն գրել են՝ «Մահ Խամենեին»: Խամենեին Իրանի հոգևոր առաջնորդն է:

Ֆրանսիայի Հանրապետության Սենատն ընդունել է Հայաստանին աջակցող և Ադրբեջանի նկատմամբ պատժմիջոցներ առաջարկող բանաձև։ Այս մասին տեղեկացնում է Ֆրանսիայում Հայաստանի դեսպանության «Ֆեյսբուք»-ի էջը։

ՀՀ պետական վերահսկողական ծառայության կողմից ուսումնասիրվել են գյուղատնտեսական մշակաբույսերի սելեկցիոն գիտական հետազոտությունների իրականացմամբ, սերմերի ստացմամբ ու վերարտադրությամբ, ինչպես նաև տոհմային անասնաբուծության գիտահետազոտական աշխատանքներով զբաղվող, 100 % պետական մասնաբաժին ունեցող «Գյումրիի սելեկցիոն կայան» ՓԲԸ-ի 2018-2022 թվականների գործունեությունը, ինչի արդյունքում արձանագրվել է ընկերությանը հասցված ընդհանուր առմամբ շուրջ 557 մլն. դրամի վնաս:

Հիմք ընդունելով ՀՀ տարածքային կառավարման և ենթակառուցվածքների նախարարի գրությունը, ս․թ․ հոկտեմբերի 30-31-ը նախանշված ձմռան նախապատրաստական, պլանային նորոգման աշխատանքները հետաձգվել են և կիրականացվեն նոյեմբերի 16-ին ժամը 09։00-ից մինչև նոյեմբերի 17-ը ժամը 21։00-ն։

ՀՀ քննչական կոմիտեի զինվորական քննչական գլխավոր վարչության իններորդ կայազորային քննչական բաժնում ՀՀ քրեական օրենսգրքի 155-րդ հոդվածի 1-ին մասով նախաձեռնվել է քրեական վարույթ, որի շրջանակներում ձեռնարկվում են անհրաժեշտ և անհետաձգելի քննչական և վարութային այլ գործողություններ ՝ զինծառայողի կողմից ծառայակցի սպանության դեպքի բոլոր հանգամանքները պարզելու ուղղությամբ:

Այսօր Ավանում էինք, միանգամից ասեմ, որ այս վարչական շրջանն իր կառուցվածքով ունի հրաշալի պոտենցիալ։ Ֆեյսբուքյան էջում գրել է Երևանի քաղաքապետ Տիգրան Ավինյանը․

Հայլուր 20։30 Պղծել են Նժդեհի արձանը՝ «մահ Խամանեին» գրառմամբ

Ադրբեջանի դաշտում է Իրանին դիվանագիտական հարված հասցնելու գնդակը: Այդ երկրի ազգային անվտանգության ծառայությունը հրապարակել է, իբրև թե բացահայտված, Իրանի լրտեսական ցանցի անդամների խոստովանությունները: Ձերբակալված 5 քաղաքացիներից մեկն ասել է՝ 44-օրյա պատերազմի ժամանակ իսրայելական ու թուրքական ԱԹՍ-ների մասին են տեղեկություններ հարցրել իրանցիները:

Նոյեմբերի 15-ին ԱԽ քարտուղար Արմեն Գրիգորյանն ընդունել է ԵՄ և ԵՄ անդամ երկրների Արևելյան գործընկերության հարցերով հատուկ բանագնացների պատվիրակությանը:

ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը մասնակցել է «Դարձնելով սեռական բռնության հիմնախնդիրն օրակարգային Հայաստանի Հանրապետությունում» խորագիրը կրող համաժողովին:

Բալիում տեղի է ունեցել, փորձագետների ձևակերպմամբ, աշխարհում ռազմական ու տնտեսական լարվածության ֆոնին այս տարվա ամենակարևոր հանդիպումներից մեկը: Ջո Բայդեն-Սի Ծինփին: Միացյալ Նահանգների ու Չինաստանի առաջնորդները 3 ժամ տևած դեմառդեմ հնդիպումից հետո հայտարարել են, որ երկու երկրներին էլ նոր Սառը պատերազմ պետք չէ: