Լրահոս

Նոյեմբերի 20-ին՝ ժամը 21:00-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:Այս մասին հայտնում է ՀՀ Պաշտպանության նախարարության մամուլի ծառայությունը:

ԱԻՆ աշխատակիցները փլատակներից հանել են Մոսկվայի կենտրոնում գտնվող ծաղկի պահեստում հրդեհի հետևանքով երկրորդ զոհի մարմինը: Այս մասին այսօր՝ նոյեմբերի 20-ին, հայտնում է Iz.ru-ն։ Վերջին տվյալներով՝ փրկարարներն այրվող շենքից տարհանել են յոթ մարդու։ Կեսօրին հաղորդվել է նաև, որ ևս երկուսը մնացել են այնտեղ արգելափակված: Այն ժամանակ նշվում էր, որ բոլոր ուժերն ուղղված են մարդկանց փրկելուն։ Հրդեհը բռնկվել է կիրակի կեսօրին Կոմսոմոլսկայա հրապարակում գտնվող երկհարկանի ծաղկի պահեստում։ Կրակը տեղայնացվել է երեկոյան (ժամը 18:20-ին): Հրդեհի հետևանքով փլուզվել են առաջին և երկրորդ հարկերի միջև ընկած միջհարկային ծածկերը՝ 700 քմ մակերեսով:

Նոյեմբերի 20-ին՝ ժամը 15։03-ին, Տավուշի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել «Դիլիջանի ազգային պարկ»-ի տարածքում։ Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և օպերատիվ խումբը։ Հրդեհը մեկուսացվել է ժամը 18։05-ին, մարվել՝ 21։50-ին։

Պարզվել է նոյեմբերի 18-ին Լոռու մարզում ողբերգական ավտովթարի հետևանքով մահացածների ինքնությունը։ Shamshyan.com-ի հաղորդմամբ, պարզվել է՝ մահացածներն են Երևանի բնակիչներ՝ 75-ամյա Լեռուն Հարությունյանը, ով եղել է Nissan Pathfinder մակնիշի ավտոմեքենայի վարորդը, 67-ամյա Ռիտա Քալաշյանը, 62-ամյա Մարինե Մովսեսյանը, 71-ամյա Սուսաննա Հարությունյանը։ Պարզվել է նաև, որ «Հարավկովկասյան երկաթուղու» գնացքի մեքենավարը եղել է Լոռու մարզի բնակիչ՝ 61-ամյա Միշա Մարտիրոսյանը։ Հիշեցնենք, որ նոյեմբերի 18-ին խոշոր ու ողբերգական դեպք էր տեղի ունեցել Լոռու մարզում: Ժամը 23:20-ի սահմաններում, Վանաձոր-Ալավերդի ավտոճանապարհին՝ Փամբակի տարածաշրջանի շրջանցիկ կամրջից Nissan Pathfinder մակնիշի ավտոմեքենան դուրս էր եկել երթեւեկելի գոտուց եւ ընկել երկաթգծի վրա: Երկաթգծի ուղիների վրա հայտնվելուց հետո բեռնատար գնացքը բախվել էր ավտոմեքենային ու մոտ 500 մետր այդպես գնացել: Դեպքի վայր էին ժամանել Արտակարգ իրավիճակների նախարարության փրկարար ծառայության Վանաձորի հրշեջ-փրկարարները, ովքեր ՀՀ ոստիկանության պարեկային ծառայության Լոռու գումարտակի պարեկների հետ՝ գումարտակի հրամանատար Արմեն Բեժանյանի գլխավորությամբ եւ Հարավկովկասյան երկաթուղու նշված հատվածի աշխատակիցների հետ հ Ոստիկանները հատուկ տեխնիկայի միջոցով մետաղե ջարդոնի վերածված ավտոմեքենայից դուրս են բերել վարորդի դին, իսկ 3 ուղեւորների դիերը հայտնաբերվել էին գնացքի տակ գծերի տարբեր հատվածներում:

Հայկական doodooc հավելվածը FIFA Fan Fest 2022 փառատոնի պաշտոնական երաժշտական վիզուալիզատորն է: Այս մասին հաղորդվում է հավելվածի ֆեյսբուքյան էջում: «Ֆուտբոլի աշխարհի 2022 թվականի առաջնությունը մեկնարկել է այսօր: doodooc-ը միավորել է ուժերը GL Events-ի և Octagon-ի հետ՝ FIFA Fan Fest 2022-ն անմոռանալի դարձնելու համար: doodooc-ը փառատոնի պաշտոնական երաժշտական վիզուալիզատորն է, և դրա վիզուալիզացիաները կցուցադրվեն FIFA Fan Zones-ի յուրաքանչյուր էկրանին»,- ասված է ֆեյսբուքյան գրառման մեջ:

ԱԱ-2022-ի Կատար-Էկվադոր մեկնարկային խաղից առաջ վառ շոու է տեղի ունեցել Ալ-Խաուր քաղաքի «Ալ-Բեյթ» մարզադաշտում։ Արարողության VIP մասնակիցներից մեկը՝ հոլիվուդյան դերասան Մորգան Ֆրիմանը վարում էր արարողությունը։ Յուրահատուկ տղայի հետ, ով ծնվել է առանց ոտքերի և դարձել հայտնի պարալիմպիկ մարզիկ Ղանիմ Ալ Մուֆտան, ամերիկացի դերասանը ելույթ է ունեցել մեկ միջոցառման մեջ բոլորին համախմբելու մասին։ Հարավկորեացի երգիչ և BTS-ի անդամ Jungkook և կատարցի երգիչ Ֆահադոմ Ալ-Կուբայիսին կատարել են Dreamers երգը։ Լուսանկարները՝ Reuters-ի

Երեկ՝ նոյեմբերի 19-ին, արտակարգ դեպք է տեղի ունեցել Արարատի մարզում։ Ժամը 16։00-ի սահմաններում «Արտաշատ» բժշկական կենտրոնից ոստիկանության Արտաշատի բաժին ահազանգ է ստացվել, որ «գանգուղեղային վնասվածք՝ հարցականով, երկու ծնկների պատռած վերքեր, ձախ նախաբազկի դաստակային մասի պատռած վերքեր» ախտորոշմամբ իրենց մոտ է տեղափոխվել մի քաղաքացի։ © shamshyan.com https://shamshyan.com/hy/article/2022/11/20/1226987/Երեկ՝ նոյեմբերի 19-ին, արտակարգ դեպք է տեղի ունեցել Արարատի մարզում։ Ժամը 16։00-ի սահմաններում «Արտաշատ» բժշկական կենտրոնից ոստիկանության Արտաշատի բաժին ահազանգ է ստացվել, որ «գանգուղեղային վնասվածք՝ հարցականով, երկու ծնկների պատռած վերքեր, ձախ նախաբազկի դաստակային մասի պատռած վերքեր» ախտորոշմամբ իրենց մոտ է տեղափոխվել մի քաղաքացի։ © shamshyan.com https://shamshyan.com/hy/article/2022/11/20/1226987/

Բժիշկ-սրտաբան և հեռուստահաղորդավար Ալեքսանդր Մյասնիկովը «Ռոսիա 1» հեռուստաալիքի եթերում անվանել է ոչ ակնհայտ նշան, որը կարող է վկայել արյան քաղցկեղի մասին: Բժիշկը հայտարարել է, որ մարմնի 38 աստիճան և ավելի բարձր ջերմաստիճանը, որը երկար ժամանակ պահպանվում է նորմալ ինքնազգացողության պայմաններում, կարող է վկայել արյան քաղցկեցի մասին։ Ինչպես ճշտել է Մյասնիկովը, նման ախտանիշը հանդիպում է արյան քաղցկեղի այնպիսի տեսակների դեպքում, ինչպիսիք են լիմֆոման և լեյկոզը: Հաղորդավարը հավելել է, որ անընդհատ բարձր ջերմաստիճանը կարող է նաև խոսել երիկամների քաղցկեղի մասին:

Ֆուտբոլի աշխարհի 22-րդ առաջնությունը մեկնարկեց Կատար-Էկվադոր խաղով: «Արմենպրես»-ի հաղորդմամբ`Էկվադորի հավաքականը հանդիպման 3-րդ րոպեին գոլ խփեց, սակայն մրցավարը խաղային իրավիճակի վերանայման արդյունքում խաղից դուրս իրավիճակ գրանցեց և չեղարկեց գնդակը: Էկվադորին հաջողվեց բացել հանդիպման հաշվին արդեն 16-րդ րոպեին: Սեփական տուգանային հրապարակում կանոնները խախտեց Կատարի դարպասապահը: Նշանակված 11 մետրանոց հարվածն անվրեպ իրացրեց Էներ Վալենսիան, ով խփել էր նաև իր թիմի չեղարկված գնդակը: Հանդիպման 32-րդ րոպեին նույն Վալենսիան, մրցակցի տուգանային հրապարակում հայտնվելով ճիշտ ժամանակին, ճիշտ տեղում գլխի հարվածով կրկնապատկեց իր թիմի առավելությունը (0:2): Երկրորդ կեսի մեկնարկին Կատարը սկսեց առավել շատ տիրել գնդակին և երբեմն-երբեմն սուր գրոհել: Էկվադորը միայն արագ հակագրոհում էր: Այս խաղակեսում դարպասի գրավում այդպես էլ չարձանագրվեց: Կատար-Էկվադոր`0:2: Խմբի մյուս հանդիպումը կկայանա նոյեմբերի 26-ին` Սենեգալը կխաղա Նիդերլանդների հետ: Խաղը կմեկնարկի Երևանի ժամանակով 20:00-ին: A խմբի երկրորդ տուրում Կատարի հավաքականը նոյեմբերի 25-ին կխաղա Սենեգալի, իսկ Էկվադորը նոյեմբերի 26-ին` Նիդերլանդների հետ:

Սինգապուրյան Gero կենսատեխնոլոգիական ընկերության գիտնականները և Բուֆալոյի Roswell Park օնկոլոգիական համալիր կենտրոնի աշխատակիցները փորձ են անցկացրել՝ որոշելու տարիքային այն սահմանը, որին կարող է հասնել մարդը, փոխանցում է Аргументы и факты պարբերականը: Գիտնականներն ուսումնասիրել են մարդու օրգանիզմի վերականգնվելու ունակությունը։ Արհեստական ինտելեկտի օգնությամբ գիտնականները կարողացել են հետազոտել մոտ 100 հազար կամավորի։ Հետազոտողները եկել են այն եզրակացության, որ 120-150 տարեկանում մարդու մարմինը կորցնում է վերականգնվելու ունակությունը: Գիտնականները կարծում են, որ բժշկության և առողջապահության զարգացման ներկա մակարդակի պայմաններում այս տարիքը մարդու համար առավելագույն հնարավորն է։

Առնվազն 30 մարդ է զոհվել սիրիական Հալեպ, Ռաքքա և Հասաքա նահանգների քրդաբնակ շրջանների վրա թուրքական զորքերի զանգվածային հարձակումների հետևանքով։ Զոհերի մեջ կա 15 խաղաղ բնակիչ, ինչպես նաև սիրիական բանակի 15 զինծառայող։ Այս մասին հայտնում է Իրաքից հեռարձակվող Rudaw հեռուստաալիքը՝ հղում անելով Սիրիայի դեմոկրատական ուժերի գլխավոր հրամանատարությանը։ Նոյեմբերի 20-ին Թուրքիայի պաշտպանության նախարարությունը սկսել է «Ճանկ-սուր» ռազմական գործողությունը Սիրիայում և Իրաքում քրդական կազմավորումների դեմ։ Օրվա ընթացքում թուրքական զորքերը ոչնչացրել են 89 թիրախ, այդ թվում՝ ապաստարան ու զինամթերքի պահեստ։ Թուրքիան նոյեմբերի 13-ին Ստամբուլի կենտրոնում գտնվող Իսթիքլալ փողոցի վրա հարձակման համար պատասխանատու է համարում Սիրիայում Քրդստանի աշխատավորական կուսակցությանը և Սիրիայի դեմոկրատական ուժերին: Հիշեցնենք, որ հարձակման ժամանակ վեց մարդ է զոհվել, առնվազն 80 մարդ վիրավորվել է։

Երևանի քաղաքապետարանից հայտնում են․ «Հարգելի համաքաղաքացիներ, մայրաքաղաքի ամանորյա տոնական ձևավորման աշխատանքներով պայմանավորված՝ նոյեմբերի 21-ին, ժամը 09:00-ից մինչև 12:00-ն փակ կլինի Մաշտոցի պողոտայի՝ Մատենադարանից մինչև Իսահակյան հատվածի երթևեկությունը: 12:00-ից մինչև 18:00-ն Իսահակյան փողոցից Սայաթ-Նովա փողոց հատվածի երթևեկությունը»:

Բժիշկ-թերապեւտ և հեռուստահաղորդավար Ելենա Մալիշևան, իմունոլոգ Անդրեյ Պրոդեուսը և սրտաբան Հերման Գանդելմանը հայտարարել են, որ հոգնածության կարող է հանգեցնել B12 վիտամինի, երկաթի դեֆիցիտը, ինչպես նաև քաղցկեղը։ Թողարկումը հասանելի է հեռուստաալիքի կայքում։ Մասնագետները պատմել են, որ հոգնածության պատճառներից կարող է լինել օրգանիզմում B12 վիտամինի պակասը։ «B12 վիտամինն անհրաժեշտ է թթվածին տեղափոխող հեմոգլոբինի մոլեկուլը ձևավորելու համար։ Չկա վիտամին՝ հեմոգլոբին չի ձևավորվում, և թթվածին չկա, ինչը հանգեցնում է թուլության»,- պարզաբանել է Պրոդեուսը։ Հոգնածությունը սակավարյունության առաջին նշանն է, ավելացրել է Մալիշևան: Թուլության երկրորդ պատճառը կարող է լինել երկաթի պակասը, նշել են բժիշկները։ Նրանք բացատրել են, որ հաճախ տարրի պակաս կա երկար և առատ դաշտանային ցիկլ ունեցող կանանց մոտ, ինչը հանգեցնում է արյան մեծ կորստի: Ըստ Գանդելմանի՝ արգանդի նորագոյացությունները հանգեցնում են երկարատև արյունահոսության: «Այդ խնդիրներով գնում են գինեկոլոգի մոտ», – ասել է նա։ Ծայրահեղ հոգնածությունը կարող է առաջանալ սուր լիմֆոբլաստային լեյկոզից, որը նույնպես ուղեկցվում է սակավարյունությամբ, հայտնում են բժիշկները: «Սա արդեն ամենածանր պատմությունն է, չնայած իրականում դրանք անեմիայի՝ սակավարյունության ախտանիշներ են», — եզրափակել է Մալիշևան:

Նոյեմբերի 20-ին՝ ժամը 15։03-ին, Տավուշի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել «Դիլիջանի ազգային պարկ»-ի տարածքում։ Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և օպերատիվ խումբը։ Հրդեհը մեկուսացվել է ժամը 18։05-ին։

Վրաստանի Խաշուրի շրջանի Գոմի գյուղի մետ ձերբակալվել է Ադրբեջանի 3 քաղաքացի, հայտնում է Prime Time պորտալը: Լրատվականի հայտնած տեղեկությունների համաձայն՝ տեղի ճաշարանում ծեծկռտուք է սկսվել , որի հետեւանքով վիրավորվել է Թուրքիայի երկու քաղաքացի եւ Վրաստանի մեկ քաղաքացի գլխի շրջանում վնասվածքներով տեղափոխվել է հիվանդանոց: Ծեծկռտուքի մասնակիցները ձերբակալվել եւ տեղափոխվել են ոստիկանական բաժանմունք: Մեղադրանք դեռեւս չի առաջադրվել. ընթանում է հետաքննություն:

Երեխաների համաշխարհային օրվան ընդառաջ և Երեխայի իրավունքների մասին կոնվենցիայի ընդունման տարեդարձի առիթով Հայաստանը միացել է աշխահի այլ երկրներին՝ կապույտ գույնով լուսավորելու խորհրդանշական կառույցներ, այս անգամ նոր տեսլականով: «Այս տարի լուսավորվեցին Հաղթանակի զբոսայգում Մեծ Անիվը և Մայր Հայաստան հուշարձանը, ինչպես նաև Մատենադարանն ու Մոր և մանկան առողջության պահպանման կենտրոնը, այս ամենը խորհրդանշելու, թե ինչ է անհրաժեշտ երեխաներին առողջ ու երջանիկ մեծանալու համար՝ ուրախություն և զվարճալի ժամանց, պաշտպանություն ու խաղաղություն, կրթություն ու մշակույթ, ինչպես նաև առողջություն ու սնուցում ընտանեկան միջավայրում»,- ասված է ՅՈՒՆԻՍԵՖ-ի տարածած հաղորդագրության մեջ:

«Ֆորմուլա-1»-ի ավտոարշավորդ Մաքս Ֆերստապենը հաղթանակով ավարտեց մրցաշրջանը, որտեղ ժամանակից շուտ հռչակվել էր աշխարհի չեմպիոն: «Արմենպրես»-ի հաղորդմամբ` «Ռեդ Բուլ» թիմի հոլանդացի ավտոարշավորդ Մաքս Ֆերստապենը դարձավ «Ֆորմուլա-1»-ի Աբու Դաբիի Գրան Պրիի հաղթող` առաջինը հատելով եզրագիծը: Մրցումներն անցկացվել էին «Յաս Մարինա» ավտոմրցուղում։ Երկրորդ տեղում «Ֆերարի»-ի ներկայացուցիչ Շառլ Լեկլերկն է։ Լավագույն եռյակը եզրափակել է մեքսիկացի Սերխիո Պերեսը («Ռեդ Բուլ»)։

Կատարի մայրաքաղաք Դոհայում` «Էլ Բայտ» մարզադաշտում, կայացավ աշխարհի 22-րդ առաջնության բացման պաշտոնական արարողությունը: «Արմենպրես»-ի հաղորդմամբ` քառորդ ժամ տևած բացման արարողությանը մասնակցեց հոլիվուդյան աստղ Մորգան Ֆրիմանը: Լուսային շոույին հաջորդեց աշխարհի առաջնության ամենահայտնի երգերով և պարերով լի ներկայացումը:

Այս պահին ընթանում է Կատար-Էկվադոր ֆուտբոլային խաղը: Էկվադորի ավագ Էններ Վալենսիան 11 մետրանոցից խփում է 2022թ. աշխարհի առաջնության առաջին գոլը։ Կատար 0:1 Էկվադոր

Անդրանիկ Թևանյանը ֆեյսբուքյան իր էջում գրում է. Ես ֆուտբոլի ֆանատ եմ։ Ֆուտբոլով սկսել եմ զբաղվել 7 տարեկանից։ Մոտ 10 տարի։ Եղել եմ դարպասապահ։ Տարբեր պատճառներով չշարունակեցի ֆուտբոլը, բայց միևնույն է սերս հավերժ է։ Մինչև հիմա էլ փորձում եմ ժամանակ գտնել գնդակով զբաղվելու համար։ Տղայիս էլ եմ վարակել ֆուտբոլով ու դարպասապահ լինելու ցանկությամբ։ Մեծ ֆուտբոլին առաջին անգամ հետևել եմ 1984–ին՝ Եվրոպայի գավաթի եզրափակիչ փուլում․ փայլում էին ֆրանսիացիներ Միշել Պլատինին, Ամորոն, Տիգանան, Ժիրեսը, Ֆեռնանդեսը, Բաթսը, Ռոշտոն։ Հետո եղավ 1986–ի Մարադոնայի աշխարհի առաջնությունը։ Եղան Դասաևի, Շումախերի, Սուբիսարետայի, Վան Բրոյկելենի, Ն՛Կոնոյի, Բուֆոնի, հայր Շմեյխելի, Վան Դեր Սարի, Պֆաֆի, Պրյուդոմի հրաշագործությունները դարպասային գծում։ 1986–ից այս կողմ ոչ մի միջազգային ֆուտբոլային մրցաշարի ոչ մի խաղ բաց չեմ թողել։ Բառացի ոչ մի խաղ՝ ֆուտբոլային գաճաճներից մինչև մոնստրներ։ Ընտանիքիս անդամները, բարեկամներս, ընկերներս, մի խոսքով՝ ինձ հետ շփվողները գիտեին, որ աշխարհի կամ Եվրոպայի խաղերի ժամանակ իմ օրվա գրաֆիկը կառուցվում էր ըստ ֆուտբոլային խաղերի ժամերի։ Չգիտեմ ինչ պետք է լիներ, որ ես խաղերի ժամին հանդիպում կամ այլ բան պլանավորեի։ Ֆուտբոլն ինձ համար միշտ տոն է եղել։ Ինչու «եղել», քանզի այդ տոնն ինձանից արդեն գողացվել է։ Այսօր սկսում է Ֆուտբոլի աշխարհի առաջնության եզրափակիչ փուլը, և ես ինձ բռնացրեցի այն բանի վրա, որ արդեն սրտի թրթիռով չեմ սպասում աշխարհի խաղերի մեկնարկին, հավես չունեմ այդ խաղերը նայելու։ Ինձանից գողացվել է այդ տոնը։ Որոշ խաղեր, իհարկե, կնայեմ, բայց առաջվա զգացողություններն այլևս բթացել են։ Անկախ ինձանից։ Մեր երկիրն այնպիսի ցնցումների մեջ է հայտնվել, մենք այնպիսի ծանր վիճակում ենք գտնվում, որ մարդ տրամադրություն չունի ֆուտբոլը վայելելու։ Իմ կարծիքով՝ ոչ մի նորմալ մարդ հատկապես 2020–ի նոյեմբերի 9–ից հետո չի կարող առաջվա պես ապրել, կարծես ոչինչ չի եղել։ Հազարավոր երիտասարդների թաղած, զոհերի մի մասին դեռ չթաղած, Արցախի ծվեն–ծվեն լինելը տեսած, Շուշին կորցրած, ամենօրյա ռեժիմով Հայաստանի նվաստացումը արձանագրած ոչ մի նորմալ ՀՀ քաղաքացի ու հայ մարդ չի կարող հանգիստ վայելել կյանքը ու սովորական ռեժիմով ապրել։ Քանի դեռ մենք աշխարհին ներկայանում ենք պարտության դեմքով ու ամեն օր մեր երկրի գլխին կախված է ոչնչանալու վտանգը, մենք մեր տեղը չենք գտնելու, չենք փակելու աղետի էջը։ Եթե ոմանք փորձում են իրենց անջատել, միևնույն է դա ինքնախաբեություն է։ Միայն անմեղսունակը կամ ավարտված սրիկան կարող է անդարդ ապրել մեր երկրում։ Սրանք ՀՀ քաղաքացուն ժպիտ ու երջանկություն խոստացան, սակայն բերեցին մահեր ու դժբախտություն։ Դե իսկ բուն հայկական ֆուտբոլում այնպիսի խայտառակություն է հիմա տիրում, ինչպիսին երբևէ չի եղել (2050–ին ընդառաջ)։ Ասել է թե՝ «քայլարածների» բերած փլուզումները բոլոր ոլորտներում են։ Սրանք մեզանից գողացան բոլոր տոները՝ եռատոնից մինչև ֆուտբոլ։ Հ․Գ․։ Ֆուտբոլի այս առաջնությունը շատ խորհրդանշական է։ Այն վերջինն է լինելու Ռոնալդուի և Մեսսիի համար։ Վերջին 15 տարին այս երկուսի շուրջ են պտտվել ֆուտբոլային աստվածները, և հիմա գալիս է այդ «դարաշրջանի» ավարտը։ Թեև ես գերմանական ֆուտբոլային ոճի երկրպագու եմ (խոսքս՝ Բրեմեյի, Կլինսմանի, Կահնի, Զամմերի, Մյոլերի, Էֆենբերգի, Մաթեուսի, Ֆյոլերի, Ռումինիգեի, Շվայշտայգերի, Կրոսսի, Հյոսլերի Գերմանիայի մասին է) ու ֆուտբոլային կլասիկան Արգենտինա–Գերմանիա եզրափակիչն է, սակայն կուզենայի, որ այս եզրափակիչում հանդիպեին Արգենտինան ու Պորտուգալիան, որպեսզի Մեսսի–Ռոնալդու դիմակայությունը վերջնական հանգուցալուծում ստանա ֆուտբոլի դաշտում։ Այ դա կլինի իսկական ֆուտբոլային բլոգբաստեր։ Դե իսկ ֆուտբոլային տոնը և ոչ միայն դա, մի օր հաստատ կվերադառնա նաև Հայաստան։ Ես հավատում եմ դրան, ու ամեն ինչ պետք է անել մեր տոները վերադարձնելու համար։