Լրահոս

Ատոմային էներգետիկայի միջազգային գործակալության (ԱԷՄԳ) գլխավոր տնօրեն Ռաֆայել Գրոսին մարտի 4-ին Թեհրանում հանդիպել է Իրանի արտաքին գործերի նախարար Հոսեյն Ամիր Աբդուլահյանի հետ։ «Արմենպրես»-ի փոխանցմամբ, այս մասին հայտնում է «ԻՌՆԱ» լրատվական գործակալությունը։

ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանի և առևտրականի միջև քաշքշուկի գործով, նախօրեին ձերբակալված անձն ազատ է արձակվել։ Այս մասին NEWS.am-ի հետ զրույցում ասաց Քննչական կոմիտեի նախագահի մամուլի քարտուղար Գոռ Աբրահամյանը։

Մարտի 4-ին՝ ժամը 13:37-ին, Սյունիքի մարզային ճգնաժամային կառավարման կենտրոն ահազանգ է ստացվել, որ Մեղրի քաղաքում այրվում է խոտածածկույթ։

«Ռաիսինա երկխոսություն» համաժողովի շրջանակներում Նյու Դելիում գտնվող ՀՀ ԱԳ նախարար Արարատ Միրզոյանը մարտի 4-ին հանդիպում է ունեցել Հնդկաստանի ԱԳ նախարար Սուբրամանյամ Ջայշանկարի հետ:

Ուկրաինայի նախագահ Վլադիմիր Զելենսկին Լվովում հանդիպել է Եվրախորհրդարանի նախագահ Ռոբերտա Մեցոլայի հետ:

Կատարվում է քննություն:

Հայաստանը վաստակել է Գերմանիայի աջակցությունը խաղաղության, կայունության, ժողովրդավարության և իրավական պետության ճանապարհին։

Ադրբեջանի կողմից 2022 թվականի դեկտեմբերի 12-ից մինչ օրս շարունակվող Արցախի անօրինական շրջափակումը հումանիտար ծանրագույն հետևանքներ է ստեղծում Արցախի (Լեռնային Ղարաբաղի) Հանրապետության 120 000 ժողովրդի համար՝ հանգեցնելով մարդկանց ամենատարրական իրավունքների կոպտագույն խախտումների, ներառյալ՝ պարենի, դեղորայքի և այլ կենսական ապրանքների սղության, էլեկտրամատակարարման ու գազամատակարարման խափանման և հարակից այլ պատճառներով։ Այս մասին գրում է Արցախի մարդու իրավունքների պաշտպան Գեղամ Ստեփանյանը:

Արցախի Հանրապետության պետական նախարար Գուրգեն Ներսիսյանը մարտի 3-ին հրավիրել է ընդլայնված խորհրդակցություն՝ նվիրված շրջափակման պայմաններում տնտեսվարող սուբյեկտների կողմից իրացվող ապրանքների գնագոյացմանն ու գնաճին:

Գերմանիայի կանցլերը Վաշինգտոնում է: Օլաֆ Շոլցը ԱՄՆ նախագահի հետ քննարկել է ուկրաինական ճգնաժամը: Ջո Բայդենը գերմանացի գործընկերոջն ասել է, որ Վաշինգտոնը և Բեռլինը անխափան աշխատել են Ուկրաինային պաշտպանական օգնություն տրամադրելու համար: Միացյալ Նահանգների նախագահն ընդգծել է, որ շատ ուրախ է, որ Բեռլինը Ուկրաինայի պատերազմի ֆոնին մեծացրել է երկրի պաշտպանական ծախսերը և դիվերսիֆիկացրել էներգետիկ աղբյուրները Ռուսաստանից ավելի քիչ կախվածություն ունենալու համար:

Վարչապետ Նիկոլ Փաշինյանը Գերմանիայի Դաշնային Հանրապետություն կատարած աշխատանքային այցն ավարտել է տեղի հայ համայնքի ներկայացուցիչների հանդիպմամբ:

Չինաստանն ու Եվրամիությունը պետք է կառուցողական երկխոսություն վարեն, քանի որ համագործակցության լայն հնարավորություններ ունեն:

Այսօր խոշոր ավտովթար է տեղի ունեցել Երևանում։ Ժամը 02։40-ի սահմաններում Երևանի բնակիչ 21-ամյա Տիգրան Բաբայանը իր վարած Toyota մակնիշի ավտոմեքենայով Գայի պողոտա թիվ 33 հասցեում դուրս է եկել երթևեկելի գոտուց, բախվել «Քարերի աշխարհ» խանութ սրահի երկաթե պարսպին, կոտրել այն, ապա բախվել քարե սալիկների ցուցատախտակներին։ Այս մասին հայտնում է shamshyan.com-ը։

Գերմանիայում Ադրբեջանի դեսպան Նասիմ Աղաևն իր թվիթերյան էջում գրում է, որ Ադրբեջանի մայր տարածքը, Հայաստանի միջով Նախիջևանին կապող ենթակառուցվածքի 75%-ը պատրաստ է և վերջում ավելացրել է «Զանգեզուրի միջանցք» հեշթեգը: Թվիթին կցել է նաև համապատասխան տեսանյութ:

Ռուսաստանի պաշտպանության նախարարը հատուկ գործողության գոտի է գնացել «Վոստոկ» խմբավորման շրջանում, ստուգել ռուսական զորքի վիճակը: Սերգեյ Շոյգուն հատուկ ուշադրություն է դարձրել զորքի համակողմանի ապահովման կազմակերպմանը, անձնակազմի անվտանգ տեղակայման պայմաններին: Նախարարը զինվորականներին պետական պարգևներ է հանձնել, հայտարարել, որ առջևում դեռ շատ անելիքներ կան:

Սաուդյան Արաբիան հումանիտար օգնությամբ երկու ինքնաթիռ է ուղարկել Ուկրաինա։ Ինչպես հաղորդում է «Արմենպրես»-ը, այս մասին հայտնում է սաուդյան Saudi Press Agency-ն։

2023 թվականի հունվարի 1-ից Քրեական դատավարության օրենսգրքով սահմանված նոր խափանման միջոց է սկսել կիրառվել։ Նախկինում կային միայն բնակավայրից բացակայելու արգելքը` ստորագրությունը, գրավը և կալանավորումը, նոր Քրեական դատավարության օրենսգրքով ավելացել է նաև տնային կալանքը։

1028 զինվորական հանցագործություն է տեղի ունեցել Հայաստանի զինուժի զորամասերում 2022 թվականին: Ընդհանուր արձանագրվել է 4570 դեպք: Թվերը հրպարակել է զինդատախազը: Գրիգոր Էլիզբարյանը զինդատախազության 2022 թվականին կատարած աշխատանքները ներկայացրել է գլխավոր դատախազին ու պաշտպանության նախարարին: Ըստ պաշտոնական վիճակագրության՝ Զինուժում պատահարները 2021-ի համեմատ նվազել են:

Կատարվում է քննություն:

Գերմանիայում հայ համայնքի հետ հանդիպման ժամանակ Հայաստանի վարչապետը, ըստ էության, խոստովանել է, որ Հայաստանի անվտանգությունը երաշխավորված չէ: Բայց Փաշինյանի վստահեցմամբ՝ իրենք գիտեն՝ ինչ պետք է անել անվտանգային միջավայրը կառավարելու համար: Այս հայտարարությունից անմիջապես հետո Հայաստանի վարչապետը հիշել է խաղաղության օրակարգը: