Լրահոս

Ինքս էլ համարում եմ, որ թեկնածուների մեջ Էրդողանին լուրջ մրցակից չկա։ Էրդողանը և' լավ պոպուլիստ է, լավ հռետոր, միաժամանակ փորձառու է և կարող է իրավիճակն իր օգտին ծառայեցնել։ Սա կարծում եմ ակնհայտ է։

Արևմուտքի՞, թե՞ Ռուսաստանի հովանու տակ են ընթանում հայ-ադրբեջանական բանակցությունները: Չնայած ընդամենը 3 օր առաջ խորհրդարանի նախագահ Ալեն Սիմոնյանն ասել էր, թե հիմնական դերակատարը մնում է Ռուսաստանը, այսօր նրա ՔՊ-ական կոլեգաները պնդել են՝ գլխավոր դերակատար չկա, միջնորդ՝ նույնպես... Բաքուն ու Երևանը առանց միջնորդի առաջարկներ են քննարկում: Քննարկումներից գոհ է Վաշինգտոնը:

Քանի՞ դատարկ մնացած բնաբաժակ ցույց տամ, որ ծառը հատվել ա, տեղը ոչինչ չի տնկվել ու մոխրաման դարձել:

Սաուդյան Արաբիայի և Իրանի արտաքին գործերի նախարարներ Ֆեյսալ բեն Ֆարհան Ալ Սաուդը և Հոսեյն Ամիր Աբդոլլահիանը հեռախոսով քննարկել են երկրների միջև հարաբերությունների կարգավորման հարցը և պայմանավորվել անցկացնել երկկողմ հանդիպում:

Արցախի ԱԳՆ մեկնաբանությունը ադրբեջանական ԶՈՒ կողմից Արցախի խաղաղ բնակչության թիրախավորման կապակցությամբ․

Ռուսական խաղաղապահ զորակազմի կողմից Լեռնային Ղարաբաղում, Շուշիի շրջանում հրադադարի պահպանման ռեժիմի խախտում է արձանագրել, տեղեկացնում է ՌԴ պաշտպանության նախարարությունը։

Մարտի 23-ին, ժամը 17:08-ին Սյունիքի մարզային ճգնաժամային կառավարման կենտրոն ահազանգ է ստացվել, որ Մեղրի-Կապան ավտոճանապարհին տեղի է ունեցել ՃՏՊ։

Հայլուր 20։30 Լարվածության աճ՝ ուկրաինական ճակատում. Կիևը հակահարձակում է խոստանում «շատ շուտով»

Մարտի 24-ին` ժամը 11:00-ին, Լոռու մարզի Տաշիր խոշորացված համայնքի Մեծավան բնակավայրում անցկացվելու է «Ազդարարում, տարհանում, պատսպարում» թեմայով ուսումնավարժանք, որի ընթացքում գործարկվելու է բնակավայրում առկա շչակը:

Երասխում, որտեղ նախօրեին ադրբեջանցի դիպուկահարի կրակոցից զոհվեց զինծառայող Արշակ Սարգսյանը, գիշերն էլ են կրակոցների ձայներ լսվել: Այսօր «Հայլուրի» թղթակից Ալբերտ Սերոբյանին երասխցիներն ասել են, որ թուրք-ադրբեջանական զորավարժություններից հետո նման մի բան սպասում էին: Նրանք նաև հիշել են թշնամու կրակոցից զոհված ագարկցի Արշակին: Տան մեծ տղան էր, զորակոչվել էր անցած տարի:

Գերմանիան աջակցում է Վրաստանի եվրոպական հեռանկարին: Նման հայտարարություն է արել Գերմանիայի արտաքին գործերի նախարար Անալենա Բերբոքը Հյուսիսային Մակեդոնիա և Վրաստան այցի ժամանակ: Ըստ Բերբոքի՝ Բեռլինն ամուր կանգնած է վրաց ժողովրդի կողքին, որը հանդես Է գալիս հօգուտ եվրոպական ինտեգրման և դեմ է Մոսկվայի հետ մերձեցմանը: «Արմենպրես»-ի փոխանցմամբ՝ այս մասին հաղորդում է Deutsche Welle-ի թղթակիցը։

Մարտի 22-ին Երևանում ծնվել է 55 երեխա: Այս մասին հայտնում են Երևանի քաղաքապետարանից:

«Շուշին Արցախի ամենահարուստ ու զարգացած քաղաքն էր, որտեղ գործում էին դատարաններ, դպրոցներ, համքարություններ, գործարաններ և կառուցվել էր Արցախի առաջին տպագրատունը։ Շուշիի պես շեն քաղաքը իր նշանակությամբ շատ «գրավիչ» էր թուրքերի համար։ 1905 թվականից սկսած հայերի հետ հրահրվող պարբերական բախումների թիվը սկսեց աճել»։

Չնայած իշխանությունը պնդում է, թե թափանցիկ է բանակցային ամբողջ գործընթացը՝ խորհրդարանական ընդդիմությունը հավաստիացնում է՝ 7 կողպեքի տակ է պահվում Երևանից Բաքու քննարկվող առաջարկների բովանդակությունը: Արդեն երկու ամիս է՝ Անվտանգության խորհրդի քարտուղարը չի արձագանքում «Հայաստան» խմբակցության պատգամավորի նամակին և հնարավորություն չի տալիս տեսնել, թե ի՞նչ առաջարկներ է ներկայացրել հայկական կողմը խաղաղության պայմանագրի նախագծի վերաբերյալ:

Ըստ ոստիկանության օպերատիվ հաղորդագրությունների ամփոփագրերի՝ մարտի 22-23-ը Հայաստանի Հանրապետության ոստիկանության ստորաբաժանումները բացահայտել են հանցագործության 88 դեպք, որոնցից 5-ը՝ նախկինում կատարված։

Արևմտյան ու ռուսական միջնորդությունների հակասությունների ֆոնին՝ պակաս հակասական չեն Նիկոլ Փաշինյանի և Իլհամ Ալիևի խաղաղության պատկերացումները: Հայաստանի վարչապետը չի էլ կասկածում, որ լինելու է խաղաղության պայմանագիր: Ադրբեջանի նախագահը դրա մասին խոսելուց առաջ շեշտում է իր նախապայմանները:

Չեխիայի կառավարությունը մինչև 2024 թ. մարտի 31-ը երկարաձգել է այն որոշումը, ըստ որի արգելվում Է Ռուսաստանի և Բելառուսի քաղաքացիներին վիզաների, ինչպես նաև երկարաժամկետ կացության թույլտվությունների տրամադրումը: Որոշումն ընդունվել է Ուկրաինայում ՌԴ-ի ռազմական գործողությունների սկսվելուց հետո: Այդ մասին «Արմենպրես»-ը տեղեկանում Է «РИА Новости» գործակալությունից:

Հանրապետության նախագահ Վահագն Խաչատուրյանն ընդունել է Հայաստանի ֆոնդային բորսայի գլխավոր տնօրեն Հայկ Եգանյանին և Դիտորդ խորհրդի անդամներ Զդիսլավ Սոկալին, Փոմաս Սթիսին, Մայքլ Վոլտերին և Մաթեուշ Զաիստովսկուն:

2023 թ.-ի հունվարի 1-ի տվյալներով՝ Կանադայի բնակչությունը կազմել է 39 566 248՝ 2022 թ.-ի հունվարի 1-ի համեմատ աճելով 1 050 110-ով: Կանադայի վիճակագրական գործակալությունը նշում է, որ սա երկրի պատմության ընթացքում առաջին 12-ամսյա ժամանակաշրջանն է, որի ընթացքում բնակչությունն աճել է 1 միլիոնով, ինչպես նաև տարեկան բնակչության աճի ամենամեծ ցուցանիշն է (+2,7 %) 1957 թ.-ից ի վեր (+3,3 %): 1957 թ.-ի բնակչության աճը պայմանավորված էր հետպատերազմյան ծնելիության աճով և Հունգարական հեղափոխությունից հետո փախստականների տեղաշարժով:

ԵԽԽՎ-ում ՀՀ ԱԺ պատվիրակության անդամ, ԵԽԽՎ տեղական և տարածաշրջանային իշխանությունների հարցերով հիմնական զեկուցող Արմեն Գևորգյանը մարտի 22-ին Ֆրանսիայի Ստրասբուրգ քաղաքում ելույթ է ունեցել Եվրոպայի խորհրդի տեղական և տարածաշրջանային իշխանությունների կոնգրեսի 44-րդ նստաշրջանի ընթացքում` «Կայուն զարգացման նպատակների (ԿԶՆ) տեղայնացումը» թեմայով նիստի ժամանակ: