Լրահոս

Ժամը 19:45-ի դրությամբ իրադրությունն առաջնագծում շարունակում է հարաբերականորեն կայուն մնալ:

Ներքին գործերի նախարարությունը նախաձեռնել է Կենսաչափական անձնագրերի և նույնականացման քարտերի թողարկման շուկայի հետ նախնական հաղորդակցման գործընթաց: Այս մասին հայտնում են ՆԳՆ-ից։

Այսօր Անգլիայի բժիշկ-ինտերնները լայնամասշտաբ քառօրյա գործադուլ են սկսել, որն սպառնում է լրջորեն խաթարել Առողջապահության ազգային ծառայության (National Health Service, NHS) գործունեությունը: «Արմենպրես»-ի փոխանցմամբ՝ Մեծ Բրիտանիայի բժշկական ասոցիացիայի կազմակերպած գործադուլներին, ըստ Sky News հեռուստաալիքի գնահատումների, պետք է մասնակցեն մինչև 47,6 հազար բժիշկ- ինտերններ՝ NHS-ի բուժաշխատողների հաստիքակազմի ավելի քան 40%-ը։

Աշխատանքային այցով Բրյուսելում գտնվող պաշտպանության նախարար Սուրեն Պապիկյանն այցելել է ՆԱՏՕ-ի՝ Եվրոպայում դաշնակցային ուժերի գերագույն հրամանատարություն: Ինչպես գիտեք, անցած շաբաթ մեր երկրի անունը հայտնվել էր ՆԱՏՕ-ական «Defender 23» զորավարժությունների մասնակիցների ցանկում, հետո՝ ջնջվել: Պենտագոնի մամուլի ծառայությունը պնդել էր, թե վրիպակ է եղել, մեր պաշտպանության նախարարությունը պարզաբանել էր, որ Հայաստանը Միացյալ Նահանգների դրոշի տակ երկու ուրիշ զորավարժությունների կմասնակցի:

19:00-ի դրությամբ փոխհրաձգության ինտենսիվությունն էականորեն նվազել է:

«Հենց այս պահին Հայաստանի տարածքով թռչում է առանց տարբերանշանի ադրբեջանական ինքնաթիռ»։

Ապրիլի 3-ից 10-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4289 խախտում՝ պահպանվող հատուկ տարածք տեղափոխելով 96 մեքենա։ Մասնավորապես, հայտնաբերվել է ոչ սթափ վիճակում մեքենա վարող՝ 185, առանց վարորդական իրավունքի վկայականի՝ 302 անձ։

Սահմանին կրակոցների լուրերից հետո Հայաստանի խորհրդարանը դադարեցրել է աշխատանքը: Փոխնախագահ Հակոբ Արշակյանը հայտնել է, որ կիսատ մնացած աշխատանքը կշարունակեն վաղն առավոտից:

Ադրբեջանի զինված ուժերը կրակել են նաև հայ-ադրբեջանական սահմանի Սոթքի հատվածում տեղակայված հայկական դիրքերի ուղղությամբ, ինչի հետևանքով դադարեցվել են Սոթքի ոսկու հանքավայրի աշխատանքները, աշխատակիցները տարհանվել են:

Այսօր երեկոյան թշնամին կրակել է նաև Սոթքի դիրքերի վրա: Այս մասին «Հայլուրին» հայտնել է Գեղամասարի նախկին համայնքապետ Հակոբ Ավետյանը: Կրակոցները տևել են 15-20 րոպե: Ավետյանը ենթադրում է, փոխհրաձգություն է եղել: Ժամը 18:20-ին կրակոցները արդեն լռել էին: Ըստ նախկին համայնքապետի՝ վիրավորներ չունենք:

Երևանի քաղաքապետարանից հայտնում են՝ ապրիլի 10-ին մայրաքաղաքում ծնվել է 74 երեխա:

Այսօր՝ ապրիլի 11-ին, արտակարգ դեպք է տեղի ունեցել Շիրակի մարզում, գրում է shamshyan․com-ը։

Զոհեր և վիրավորներ ունենք Տեղ գյուղի այն հատվածում, որը 13 օր առաջ դարձավ սահման: Պաշտպանության նախարարությունը կրակոցների մասին առաջին տեղեկությունից մոտ մեկ ժամ անց միայն հայտնեց, որ ժամը 16:00-ի սահմաններում Ադրբեջանի զինուժի ստորաբաժանումները կրակ են բացել ինժեներական աշխատանքներ իրականացնող մեր ստորաբաժանումների ուղղությամբ: Հայկական կողմը դիմել է պատասխան գործողությունների: Սկսվել է փոխհրաձգություն: Ըստ Տեղի մեր աղբյուրների՝ այն տևել է 15-20 րոպե:

Այս պահին որոշակի լարվածություն կա նաև Վարդենիսի ուղղությամբ։ Տեղեկությունը Sputnik Արմենիա-ի հետ զրույցում հայտնել է «Հայաստան» խմբակցության պատգամավոր Աննա Գրիգորյանը։

Հայլուր 18։30 Զոհեր ու վիրավորներ ունենք Տեղում. «վիճակ չկա»

Շարմ Էլ Շեյխ-Երևան թռիչքը սպասարկող եգիպտական ​​AMC ավիաընկերության ինքնաթիռը, որը եղանակային վատ պայմանների պատճառով վայրէջք էր կատարել Թուրքիայի Էրզրում քաղաքի օդանավակայանում, ժամանել է «Զվարթնոց» օդանավակայան: Այս մասին «Արմենպրես»-ին հայտնեցին Հայաստանի քաղաքացիական ավիացիայի մամուլի ծառայությունից։

Ապրիլի 5-ին նույնպես արդյունավետ էր Վաղարշապատի ոստիկանների ուժեղացված ծառայությունը: Բաժնի պարեկապահակետային ծառայության դասակի աշխատակիցներն առավոտյան ժամը 10.30-ին Էջմիածին-Մարգարա ճանապարհին ձերբակալել և բաժին են տեղափոխել Էջմիածնի 23-ամյա մի բնակչի: Խուզարկությամբ նրա պայուսակի մեջ հայտնաբերվել է օդաճնշիչ հրացան:

Սյունիքի մարզի Տեղ գյուղում այսօր 15-20 րոպե ինտենսիվ փոխհրաձգություն է տեղի ունեցել հայ և ադրբեջանցի դիրքապահների միջև։ Արդեն տեղեկացրել ենք, որ փոխհրաձգության հետևանքով հայկական կողմը նախնական տվյալներով երեք զոհ և բազմաթիվ վիրավորներ ունի, վիրավորների թվում է նաև Հատուկ բանակային կորպուսի հարմանատար Արմեն Գյոզալյանը, որին այս պահին վիրահատում են Գորիսի բժշկական կենտրոնում։

Իսրայելի վարչապետ Բենյամին Նեթանյահուն երեկ երեկոյան ուղերձում հայտարարել է պաշտպանության նախարար Յոավ Գալանտին իր պաշտոնում վերականգնելու մասին: Նեթանյահուն նման հայտարարություն է արել աճող հասարակական զայրույթի և մի քանի ուղղություններից իրականացված հարձակումների պայմաններում: Այս մասին հաղորդում է «Արմենպրես»-ը՝ վկայակոչելով Times of Israel պարբերականին:

Ադրբեջանի ԶՈՒ-ն շարունակում է սադրանքը: Ժամը 17:30-ի սահմաններում նույն ուղղությամբ Ադրբեջանի ԶՈՒ ստորաբաժանումները կիրառել են ականանետային միջոցներ: