Լրահոս

Մամուլի տեսություն 01.06.23

Հայաստանի Հանրապետության գլխավոր դատախազ Աննա Վարդապետյանը Վրաստան կատարած այցի շրջանակում Վրաստանում ՀՀ արտակարգ և լիազոր դեսպան Աշոտ Սմբատյանի ուղեկցությամբ այցելել է Բաթումում ՀՀ գլխավոր հյուպատոսություն։

Ռուսական ռուբլու առքի առավելագույն աժեք է սահմանվել 4.74 դրամը, վաճառքի նվազագույն արժեք՝ 4.81 դրամը:

Արցախի (Լեռնային Ղարաբաղ) Հանրապետությունն արդեն 160 օրից ավելի գտնվում է լիակատար շրջափակման ﬔջ: 120 000 արցախահայերի, այդ թվում՝ 30 000 երեխաների իրավունքներն անօրինաբար ոտնահարված են Ադրբեջանի ցեղասպանական քայլերի, ﬕջազգային հանրության լուռ համաձայնության ու Հայաստանի ներկայիս կառավարության հանցավոր անգործության արդյունքում:

Մարդու իրավունքների պաշտպան Անահիտ Մանասյանն ու ԵԽԽՎ իռլանդացի պատգամավոր Փոլ Գավանը քննարկել են Լաչինի միջանցքի շրջափակման հետևանքով մարդու իրավունքների խախտումներին վերաբերելի հարցեր:

Մայիսի 31-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Ֆրեզնոյի պետական համալսարանի (ԱՄՆ) Հայագիտության ամբիոնի մի խումբ ուսանողների` ուղեկցությամբ ամբիոնի վարիչ դոկտոր Բարլոու սարկավագ Տեր-Մկրտչյանի: Նորին Սրբությունը, իր օրհնությունն ու բարեմաղթանքը փոխանցելով ուսանողներին, իր գնահատանքը հայտնեց Բարլոու Տեր-Մկրտչյանին հայ երիատասարդներին հայրենիքի հետ մշտապես կապելու և նրանց հայկական ոգով կրթելու համար: Ամենայն Հայոց Կաթողիկոսն ուսանողներին ծանոթացրեց հայրենիքում ու Արցախում ստեղծված դժվարին իրավիճակին և հորդորեց, որ երիտասարդ ուսանողներն էլ իրենց հերթին ամեն հնարավորություն օգտագործեն արցախահայության ազատ ու անկախ ապրելու իրավունքի արդար պահանջը բարձրաձայնել բոլոր ատյաններում, ինչպես և ԱՄՆ իշխանությունների առջև՝ կանխելու Ադրբեջանի ծավալապաշտական քաղաքականությունը։ Իր հերթին Բարլոու սարկավագը Նորին Սրբությանը տեղեկացրեց, որ համալսարանի Հայագիտության ամբիոնի դասերին մասնակցում է շուրջ չորս հարյուր ուսանող։ Բարլոու սարկավագ Տեր-Մկրտչյանը կարևորեց ուսանողների այցելությունը Հայաստան, որով նրանց համար լավագույն հնարավորությունն է ընձեռնվում ճանաչելու և հաղորդակցվելու հայ հոգևոր ու մշակութային ժառանգությանը։

Նշված քրեական վարույթը նախաձեռնվել է մայիսի 28-ին «Մուրացան» բժշկական կենտրոնից ՀՀ Ներքին գործերի նախարարության Ոստիկանության Կենտրոնական բաժին ստացված ահազանգի փաստով։ Այդ օրը, ժամը 07։50-ի սահմաններում նշված բժշկական կենտրոնից հայտնել են, որ իրենց մոտ է տեղափոխվել երեխայի դի։

Ֆրանսիայի նախագահ Էմանուել Մակրոնը հայտարարել է, որ Եվրոպան չի կարող անվտանգության հարցերում ապավինել ԱՄՆ-ի աջակցությանը և պետք է կառուցի իր ռազմական ինքնիշխանությունը։ «Արմենպրես»-ի հաղորդմամբ՝ ինչպես հայտնում «ՌԻԱ Նովոստի»-ն, այս մասին Ֆրանսիայի նախագահը նշել է Բրատիսլավայում Globsec անվտանգության ֆորումի նստաշրջանի իր ելույթում։ «Այսօր մենք պետք է ուրախանանք, որ ԱՄՆ վարչակազմը աջակցում է մեզ և նույնքան ջանքեր է գործադրել (Ուկրաինային աջակցելու համար), որքան և եվրոպացիները, ինչը բարձրացնում է մեր ընդհանուր հեղինակությունը։ Բայց արդյոք այս վարչակազմը միշտ այդպիսին կլինի: Մենք չենք կարող դա ասել, մենք չենք կարող մեր հավաքական անվտանգության հարցերը թողնել առաջիկա տարիներին Ամերիկայի քաղաքացիների ընտրությանը»,- ասել Է Մակրոնը։ Նա նշել է, որ խոսքը ՆԱՏՕ-ն «ֆրանկո-գերմանական համատիրությամբ» փոխարինելու մասին չէ։

Օրեր առաջ Բերձորում, բավականին ագրեսիվ ու լկտի բառապաշարով, Ադրբեջանի նախագահը սպառնաց արցախցիներին: Այս մասին Facebook-ի իր էջում գրել է ԱԺ «Պատիվ ունեմ» խմբակցության քարտուղար Տիգրան Աբրահամյանը:

Հայկական արմատներով ռուսաստանցի թենիսիստ Կարեն Խաչանովը դուրս եկավ Ֆրանսիայի բաց առաջնության 3-րդ շրջան: «Արմենպրես»-ի հաղորդմամբ` Փարիզում ընթացող մրցաշարի տղամարդկանց մենախաղի 2-րդ շրջանում Խաչանովը մրցեց Մոլդովան ներկայացնող Ռադու Ալբոտի հետ և առավելության հասավ երեք սեթերում` 6:3, 6:4, 6:2 հաշվով:

«Ժողովուրդ» օրաթերթը գրում է. Պարզվում է՝ Դավիթաշենի վարչական շրջանի ղեկավար Ռոման Համբարձումյանի տեղակալ Կորյուն Մխիթարյանի վրա կրակել են ոչ թե անձնական խնդիրների պատճառով, այլ քանի որ նա Ռոման Համբարձումյանի տեղակալն է և քաղաքացիների հետ հարաբերվել է փողոցային կանոններով:

Հունիսի 1-ին, ժամը 07:23-ին Ճգնաժամային կառավարման ազգային կենտրոն ահազանգ է ստացվել, որ Երևանի Թբիլիսյան խճուղում՝ «Իդեալ» խանութ սրահի մոտակայքում, տեղի է ունեցել ՃՏՊ՝ բախվել է 3 ավտոմեքենա, կան տուժածներ։ Այս մասին հայտնում են ՆԳՆ-ից։

Հնդկաստանի կառավարությունը տուգանք է նշանակել հնդիկ պաշտոնյայի նկատմամբ, որն օրերս հայտնվել էր լրատվամիջոցների առաջին էջերում այն բանից հետո, երբ դատարկել էր ամբարտակը՝ կորած հեռախոսը գտնելու համար: Այս մասին հաղորդում է «Արմենպրես»-ը՝ վկայակոչելով BBC-ն: Ռաջեշ Վիշվասին պարտավորեցրել են վճարել 53 092 ռուփի (642 ԱՄՆ դոլար)՝ առանց իշխանությունների թույլտվության ամբարտակից 4.1 միլիոն լիտր ջուր դատարկելու համար: Վիշվասը, որը սննդի տեսուչ է, սելֆի անելիս իր 1200 դոլար արժողությամբ Samsung հեռախոսը գցել էր Կերկատայի ամբարտակը: Նա այնուհետև պնդել էր, որ հեռախոսը հարկավոր է դուրս բերել, քանի որ այն պարունակում է պետական զգայուն տվյալներ: Վիշվասին մեղադրել են պաշտոնեական դիրքը չարաշահելու մեջ։ Պաշտոնյան հայտնել է, որ այն բանից հետո, երբ տեղացի ջրասուզակները չեն կարողացել գտնել հեռախոսը, նա վճարել է դիզելային պոմպ բերելու համար: Պոմպը մի քանի օր աշխատել է՝ հազարավոր լիտր ջուր դատարկելով, սակայն մինչև հեռախոսը գտնվել է, այն այլևս չի աշխատել: Այդ ժամանակ Վիշվասը լրատվամիջոցներին ասել է, որ մի պաշտոնյայի կողմից բանավոր թույլտվություն է ստացել, որ ջուրը մղվի մոտակա ջրանցքը, և որ այդ պաշտոնյան, իբր, ասել է, թե դա «իրականում օգուտ կբերի ֆերմերներին, քանի որ նրանք ավելի շատ ջուր կունենան»: Միջադեպից հետո Ռաջեշ Վիշվասին հեռացրել էին պաշտոնից:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Թուրքիայի 28-րդ գումարման խորհրդարանի մայիսի 14 -ի ընտրությունների վերջնական արդյունքների համաձայն իշխող «Արդարություն և զարգացում» կուսակցությունը ստացել է 268 պատգամավորական մանդատ, «Նոր բարեկեցություն» կուսակցությունը ՝ 5, «Ազգայնական շարժում» կուսակցությունը ՝ 50, «Կանաչ Ձախ» կուսակցությունը ՝ 61, աշխատավորական կուսակցությունը ՝ 5, Հանրապետաժողովրդական կուսակցությունը ՝ 169 և İYİ (Լավ) կուսակցությունը ՝ 43 տեղ: «Արմենպրես»-ի հաղորդմամբ, ինչպես հայտնում է թուրքական «Անադոլու» գործակալությունը, ընտրությունների վերջնական արդյունքները հրապարակվել են կառավարության պաշտոնական տեղեկագրում ՝ Resmi Gazete-ում: Ըստ աղբյուրի՝ Թուրքիայի կենտրոնական ընտրական հանձնաժողովի տվյալներով ՝ երկրում, արտերկրում և մաքսակետերում գրանցված 64 145 504 ընտրողներից ընտրությունների քվեարկությանը մասնակցել է 55 835 895-ը: Անվավեր է ճանաչվել 1 393 307 քվեաթերթիկ։ Թուրքիայում ընտրողների մասնակցությունը կազմել է 88,92 տոկոս, իսկ արտերկրում և մաքսակետերում ՝ 53,80 տոկոս: Ընտրություններին ընդհանուր մասնակցությունը կազմել է 87.05 տոկոս։

Հնարավոր է՝ Փաշինյանը միջանցքը կարճաժամկետ՝ 3 կամ 5 տարի ժամանակով տրամադրի։

Մայիսի 31-ին ժամը 17:13-ին, <<911>> ճգնաժամային կառվարման կենտրոն ահազանգ է ստացվել, որ Ասկերան քաղաքի Շահումյան փողոցի 2 տուն տեղացած հորդառատ անձրևի պատճառով լցվել է անձրևաջրերով, ջուրը հեռացնելու համար անհրաժեշտ է փրկարարների օգնությունը։ Ժամը 17:28-ին տեղեկություն է ստացվել, որ Խնապատ համայնքի բնակելի տներից մեկի նկուղային հարկը լցվել է անձրևաջրով: Ասկերանի շրջանային ԱԻ բաժնի հրշեջ-փրկարարները տեխնիկական օգնություն են ցուցաբերել բնակիչներին, բնակելի տներում իրականացնելով ջրահեռացման աշխատանքներ։

Ռուսաստանի և Ուկրաինայի ղեկավարները պատրաստվում են այցելել Թուրքիայի նախագահ Ռեջեփ Թայիփ Էրդողանին նրա երդմնակալությունից հետո: Հնարավո՞ր է եռակողմ հանդիպում լինի՝ հաշվի առնելով այն, որ Էրդողանը երազում է Պուտինին և Զելենսկիին հաշտեցնողի կարգավիճակի մասին: Ըստ պաշտոնական լուրերի՝ պետությունների ղեկավարներն առանձին այցեր են կատարելու Թուրքիա։

Թուրքագետների համոզմամբ՝ 20 տարի Թուրքիան ղեկավարած Էրդողանը վերընտրվելուց հետո ավելի սուր ազգայնական քաղաքականություն է որդեգրելու՝ չնայած ոտքի վրա հազիվ է կանգնում և նմանակներով է գլուխ բերում գործերը: Առաջիկա 5 տարում փորձագետները կանխատեսում են հակահայկական տրամադրությունների կտրուկ աճ Անկարայում:

Քաղաքական հետապնդման, ընդդիմախոսների հետ հաշվեհարդար տեսնելու քաղաքական պատվերի մասին է այսօր ահազանգել «Հայաստան» խմբակցության պատգամավոր, պրոֆեսոր Արմեն Չարչյանը՝ իր դատը նմանեցնելով աբսուրդի թատրոնի, որի ընթացքում շուրջ 5 ամիս կալանքի տակ է եղել: