Լրահոս

Ճամբարակի ոստիկանները փայտանյութով բեռնված մեքենաներ են հայտնաբերել

Հետախույզ Հովոյի կյանքի ու կռվի մասին հիշեցնող հուշարձան է տեղադրվել Գյումրիում: Նաև նրա կռվի դրվագներն է ներկայացրել ռեժիսոր Մհեր Մկրտչյանն իր «Կյանք ու կռիվ» ֆիլմում: Քառօրյային մասնակցած Հովիկ Սիմոնյանը ընկել է 44-օրյա պատերազմում՝ Քարին տակի մարտերի ժամանակ:

Հունիսի 2-ին՝ ժամը 14:30-ին, Ճգնաժամային կառավարման ազգային կենտրոն ահազանգ է ստացվել, որ Տավուշի մարզի Դիլիջան-Իջևան ավտոճանապարհին տեղի է ունեցել ՃՏՊ՝ ավտոմեքենան ընկել է գետը. կան տուժածներ: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Երևան-Դիլիջան ավտոճանապարհի 100-րդ կմ-ին «Mercedes-Benz» մակնիշի ավտոմեքենան (վարորդ՝ Կ. Ա., ծնված 1974 թ․) դուրս է եկել ճանապարհի երթևեկելի հատվածից, սահել դեպի ձորը (մոտ 5 մ) և բախվել ծառին: Փրկարարները հոսանքազրկել են ավտոմեքենան, փակել գազի բալոնի փականը և սահմանազատել տարածքը: Փրկարարներն ավտոմեքենայից դուրս են բերել վարորդին և մոտեցրել շտապօգնության ավտոմեքենային. տուժածը հոսպիտալացվել է Դիլիջանի ԲԿ, որտեղ բժիշկները նրա առողջական վիճակը գնահատել են ծանր: Возможно, это изображение автомобиль Возможно, это изображение автомобиль

Ադրբեջանի պաշտպանության նախարարությունը կրկին ապատեղեկատվություն է տարածել: Ադրբեջանի ՊՆ հաղորդագրությունն այն մասին, թե իբր հունիսի 2-ին` ժամը 12:25-ին, ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը:

Պարենի համաշխարհային գները մայիսին նվազել են հացահատիկի, բուսական յուղերի և կաթնամթերքի գնանշումների զգալի անկման պատճառով: Միևնույն ժամանակ, աճել է բրնձի, շաքարի և մսի գինը: «Արմենպրես»-ի փոխանցմամբ` այդ մասին ասված է ՄԱԿ-ի Պարենի և գյուղատնտեսության կազմակերպության (ՊԳԿ) տարածած հաղորդագրության մեջ։ ՊԳԿ-ի պարենի գների ինդեքսը, որն արտացոլում է պարենի հիմնական տեսակների միջազգային գների ամսական փոփոխությունները, մայիսին կազմել է 124,3 կետ, ինչը 2,6%-ով ավելի ցածր է, քան ապրիլին, և 22,1%-ով ավելի ցածր է պատմական առավելագույն ցուցանիշից, որն արձանագրվել է 2022 թվականի մարտին: Նշվում է, որ ՊԳԿ-ի հացահատիկի գների ինդեքսը 4,8%-ով նվազել է նախորդ ամսվա համեմատությամբ՝ պայմանավորված եգիպտացորենի գների անկմամբ։ Իսկ ցորենի համաշխարհային գները նվազել են 3,5%-ով, ինչը պայմանավորված է, այդ թվում՝ «սևծովյան հացահատիկային նախաձեռնության» երկարաձգմամբ։ Միևնույն ժամանակ, մայիսին աճել են բրնձի գները՝ կապված արտահանող որոշ երկրներում, մասնավորապես՝ Վիետնամում և Պակիստանում մատակարարումների նվազման հետ: ՊԳԿ-ի բուսական յուղի գների ինդեքսը մայիսին իջել է 8,7%-ով, ինչը միջին հաշվով 48,2%-ով ցածր է 2022 թ.-ի մակարդակից։ Կաթնամթերքի գներն ապրիլի համեմատությամբ մայիսին նվազել են 3,2%-ով: Դրա հետ մեկտեղ, շաքարի գների ինդեքսն աճ է ցույց տալիս չորրորդ ամիսն անընդմեջ՝ ապրիլի համեմատությամբ ավելանալով 5,5%-ով և հասնելով գրեթե 31%-ով ավելի բարձր մակարդակի, քան նախորդ տարի։ Մայիսին մսի գները նույնպես աճել են`1%-ով։

ՆԱՏՕ-ի գլխավոր քարտուղար Յենս Ստոլտենբերգը կայցելի Թուրքիա, որտեղ կմասնակցի Ռեջեփ Թայիփ Էրդողանի երդմնակալության արարողությանը: Այս մասին հաղորդում է «Արմենպրես»-ը՝ վկայակոչելով ՆԱՏՕ-ի մամուլի ծառայության տարածած հաղորդագրությունը: Ստոլտենբերգի այցը կտևի 2 օր՝ հունիսի 3-ից 4-ը: «Շաբաթ օրը՝ հունիսի 3-ին, նա Անկարայում կմասնակցի Թուրքիայի Հանրապետության նախագահ պարոն Ռեջեփ Թայիփ Էրդողանի երդմնակալության արարողությանը: Գլխավոր քարտուղարը երկկողմ հանդիպումներ կունենա նախագահ Էրդողանի և թուրք բարձրաստիճան պաշտոնյաների հետ», - նշված է հաղորդագրությունում։ Էրդողանը հաղթող է ճանաչվել նախագահական ընտրությունների երկրորդ փուլում, որը տեղի է ունեցել մայիսի 28-ին: Նա ստացել է ձայների 52,18 %-ը, իսկ նրա մրցակից Քեմալ Քըլըչդարօղլուն՝ 47,82 %-ը: Թուրքիայում նախագահական ընտրությունների առաջին փուլը կայացել էր մայիսի 14–ին։ Այն ժամանակ թեկնածուներից ոչ մեկին չէր հաջողվել հավաքել ձայների 50 %-ից ավելին, և ամենաշատ ձայներ հավաքած երկու թեկնածուներն անցել էին երկրորդ փուլ։

ԱՄՆ պետքարտուղար Էնթոնի Բլինքենը հայտարարել է, որ Ռուսաստանի հետ բանակցությունների համար նախապայման է ուժեղ Ուկրաինան, որը վերահսկում է իր սեփական տարածքը: «Արմենպրես»-ի փոխանցմամբ՝ այս մասին հաղորդում է France 24 պարբերականը: Բլինքենը նման հայտարարություն է արել Ֆինլանդիայում, որը վերջերս է դարձել ՆԱՏՕ-ի անդամ: «Հենց այն պատճառով, որ մենք պատրանքներ չունենք Պուտինի նկրտումների վերաբերյալ, մենք կարծում ենք, որ բովանդակալից դիվանագիտության և իրական խաղաղության նախապայմանն ավելի ուժեղ Ուկրաինան է, որը կարող է զսպել և պաշտպանվել ապագա ցանկացած ագրեսիայից», - ասել է Բլինքենը: Դիվանագետը հավելել է, որ «Ուկրաինայի ուժի մեջ ներդրումներ կատարելը ոչ թե ի հաշիվ դիվանագիտության է, այլ ճանապարհ է հարթում դրա համար»։ ԱՄՆ պետքարտուղարը նաև նշել է, որ ՌԴ նախագահ Վլադիմիր Պուտինն Ուկրաինայում ծավալած պատերազմի միջոցով «ոչ թե պառակտել է, այլ միավորել» Արևմուտքը: Ավելի վաղ Բլինքենն այցելել էր Շվեդիա, որի անդամակցությունը ՆԱՏՕ-ին Թուրքիան դեռ չի հաստատել: Ռուսաստանը բազմիցս հայտարարել է, որ Կիևին զենք մատակարարելով՝ Արևմուտքը ներգրավվում է պատերազմի մեջ: Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Ուկրաինային զենքի նոր մատակարարումները չեն ազդի ռազմական գործողությունների ընթացքի վրա, սակայն կհանգեցնեն հետագա պատասխան քայլերի:

ՀՀ սննդամթերքի անվտանգության տեսչական մարմնի Երևանի կենտրոնի տեսուչները ստուգում են իրականացրել անհատ ձեռնարկատեր Գեղանուշ Գալստյանին պատկանող փքաբլիթի և կարկանդակի արտադրամասում (ք․ Երևան) և պարզել, որ առկա են իրավական ակտերով սահմանված սանիտարահիգիենիկ նորմերի կոպիտ խախտումներ: Մասնավորապես՝ – հատակի և պատերի անջրանցիկ մակերևույթը եղել է վնասված, արդյունքում՝ պատշաճ լվացում և ախտահանում չի իրականացվել, – արտադրական շինությունում պահվել են սննդամթերքի արտադրության ընթացքում չօգտագործվող նյութեր և պարագաներ, – սարքավորումները, գործիքները, պարագաները և բեռնարկղերը պատրաստված չեն եղել հիգիենայի պահանջները բավարարող նյութերից, – չի իրականացվել և սահմանված չի եղել մաքրման, լվացման, ախտահանման, միջատազերծման և կրծողների ոչնչացման գործընթացների պարբերականություն, – աշխատակիցները չեն ենթարկվել պարտադիր նախնական և պարբերական բժշկական զննության և չեն ունեցել սանիտարական գրքույկներ: Արտադրամասի գործունեությունը կասեցվել է, խախտումները վերացնելու համար սահմանվել է ժամկետ: –

Շվեդիայի ու Գերմանիայի հայ համայնքի խորհուրդները Արցախին աջակցող ու Փաշինյանին դատապարտող հայտարարություններ են տարածել: Արցախի Հանրապետությունը չի կարող ճանաչվել Ադրբեջանի մաս որևէ մեկի, հատկապես Հայաստանի իշխանության կողմից: Այս նույն զգուշացմամբ հինգշաբթի Գլենդելում հայերը բողոքի մեծ ակցիա են արել, պահանջել «Առանց Նիկոլ Հայաստան»:

ՀՀ առողջապահության նախարարությունը հայտնում է` շատերը համոզված են, որ էլեկտրոնային ծխախոտը ավելի քիչ վնասակար է, քան սովորական ծխախոտը, որ դրանք ծխախոտ ծխելու առողջ այլընտրանք են: Մինչդեռ այդպես չէ: Էլեկտրոնային ծխախոտից ստացված աերոզոլը գրգռում է ալվեոլները (թոքաբշտերը) և կարող է առաջացնել ասթմայի նոպա: Աէրոզոլը բարձրացնում է շնչառական հիվանդությունների հանդեպ օրգանիզմի ընկալունակությունը: Նույնիսկ առանց նիկոտինի հեղուկի գոլորշիները կարող են հանգեցնել շատ ծանր հետևանքների: Աերոզոլի մեջ գտնվող նիկոտինը առաջացնում է զարկերակների նեղացում, ինչը կարող է հանգեցնել սրտանոթային համակարգի հիվանդություններ: Այսօր չկա որևէ ապացույց այն մասին, որ ավանդական ծխախոտային արտադրատեսակների հետ համեմատ էլեկտրոնային ծխախոտը քիչ վնասակար է: Նիկոտինային կախվածությունից ազատվելու նպատակով դիմե՛ք «ծխելու դադարեցման թեժ գիծ»՝ անվճար խորհրդատվություն ստանալու նպատակով` 060 440001:

Դանակահարված պատանու հայրը հետապնդել էր դանակահարողին և մարմնական վնասվածքներ հասցրել: Ոստիկանությունը տեսանյութ է ներկայացրել:

Հունիսի 2-ին, ժամը 13։11-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր քաղաքի Դպրոցի փողոցում գտնվող նախկին վարժարանի շենքի հիմնական պատի վրա ճաք է առաջացել, առկա է պատի և տանիքի փլուզման վտանգ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ շենքի արտաքին պատի (մոտ 54 քմ) սալիկները մասամբ թուլացել են (մոտ 24 քմ)․ առկա է պատի և տանիքի փլուզման վտանգ։ Փրկարարները սահմանազատել են տարածքը։

Այսօր՝ հունիսի 2-ին ԱՀ Առողջապահության նախարարության «Հանրապետական բժշկական կենտրոն» ՓԲԸ-ից 18 բուժառու՝ ուղեկցողների հետ միասին, «Կարմիր խաչի» միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ։ 11 բուժառուներ, ովքեր պետական պատվերի շրջանակներում ուղեգրվել են ՀՀ բուժում ստանալու համար, ուղեկցողների հետ վերադարձել են Արցախ։ «Արևիկ» բուժմիավորումում 13 երեխա գտնվում է նորածնային և վերակենդանացման բաժանմունքում: «Հանրապետական բժշկական կենտրոն» ՓԲԸ-ում 10 բուժառու գտնվում է վերակենդանացման բաժանմունքում, որոնցից 7-ը ծայրահեղ ծանր վիճակում։

Հայաստանի Հանրապետությունը ստացել է հրավեր՝ մասնակցելու Թուրքիայի նախագահ Ռեջեփ Թայիփ Էրդողանի երդմնակալության արարողությանը: Հունիսին 3-ին ՀՀ վարչապետ Նիկոլ Փաշինյանը կմեկնի Անկարա՝ արարողությանը մասնակցելու համար, հայտնում է ՀՀ կառավարության մամուլի ծառայությունը։

2023 թվականի հունիսի 2-ին, Տավուշի մարզի դատախազի որոշմամբ` վերացվել է Ներքին գործերի նախարարության ոստիկանության Տավուշի մարզային վարչության Դիլիջանի բաժնի քրեական հետախուզության բաժանմունքի պետ Ա. Ղայթմազյանի նկատմամբ հանրային քրեական հետապնդում չհարուցելու վերաբերյալ միջնորդությունը բավարարելու մասին որոշումը: Նույն օրը Տավուշի մարզի դատախազության դատախազի կողմից վարույթն իրականացնող քննիչին տրվել է հանձնարարություն՝ քրեական վարույթ նախաձեռնելու մասին արձա­նագրության մեջ փոփոխություն կատարելու վերաբերյալ՝ ենթադրյալ հանցանքի փաստական նկարագրությունը և տրված իրավական գնահատականը շտկելու համար, ինչը կատարվել է: Դատախազի որոշմամբ՝ Ոստիկանության Դիլիջանի բաժնի քրեական հետախուզության բաժանմունքի պետ Ա. Ղայթմազյանի նկատմամբ հարուցվել է հանրային քրեական հետապնդում՝ Քրեական օրենսգրքի 196-րդ հոդվածի 2-րդ մասի 3-րդ կետով (անչափահասին ֆիզիկական ուժեղ ցավ կամ հոգեկան ուժեղ տառապանք պատճառելը), այն բանի համար, որ Ա. Ղայթմազյանը 2023 թվականի ապրիլի 10-ին` ժամը 23:30-ի սահմաններում, գտնվելով Տավուշի մարզի Դիլիջան քաղաքի «Հաղարծին» ռեստորանային և հյուրանոցային համալիրում, անհիմն վիճաբանության մեջ է մտել ռեստորանի աշխատակից` անչափահաս Ա.Ա.-ի հետ, ձեռքի ափերով բազմաթիվ հարվածներ է հասցրել Ա.Ա.-ի գլխի և մարմնի տարբեր մասերին` անչափահասին պատճառելով ուժեղ ֆիզիկական ցավ: Դատախազի կողմից վարույթն իրականացնող քննիչին տրվել է նաև հանձնարարություն՝ Ա. Ղայթմազյանին մեղադրանք ներկայացնելու, ազատության մեջ գտնվող մեղադրյալին ձերբակալելու և կալանավորումը որպես խափանման միջոց ընտրելու մասին դատարան միջնորդություն ներկայացնելու վերաբերյալ: Տրված հանձնարարությամբ պահանջվել է քննության առարկա դարձնել բոլոր հնարավոր վարկածները, պարզել տեղի ունեցածի իրական պատճառները, ինչպես նաև քննության առարկա դարձնել անչափահաս տուժողի՝ նշված համալիրում աշխատելու իրավական հիմքերը: Միևնույն ժամանակ, դատախազի կողմից, պետական շահերի պաշտպանության հայց հարուցելու լիազորությունների շրջանակում, «Հաղարծին» ռեստորանային և հյուրանոցային համալիրում սկսվել է ուսումնասիրություն՝ ի թիվս այլնի՝ անչափահասներին աշխատանքի ընդունելու օրենքով սահմանված կարգի հնարավոր խախտումները վեր հանելու և իրավական գնահատականի արժանացնելու նպատակով: Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՌԴ Բելգորոդի մարզի նահանգապետ Վյաչեսլավ Գլադկովը հայտնել է Ուկրաինայի Զինված ուժերի կողմից Շեբեկինսկի քաղաքային շրջանի գնդակոծության մասին, փոխանցում է «Արմենպրես»-ը: Դեպքի հետևանքով կան զոհեր և վիրավորներ։ «Ուկրաինայի զինված ուժերը գնդակոծել են Շեբեկինսկի շրջանի Մասլովա Պրիստան բնակավայրի ճանապարհի մի հատվածը: Արկի բեկորները դիպել են անցնող մեքենաներին, որոնցից մեկում երկու կին է եղել: Նրանք տեղում մահացել են ստացած վնասվածքներից: Երկրորդ մեքենայում կա երկու վիրավոր», - գրել է Գլադկովն իր Telegram ալիքում: Նրա խոսքով՝ վիրավոր տղամարդկանցից մեկը կրծքավանդակի շրջանում բեկորային վնասվածքներ է ստացել, իսկ երկրորդ տղամարդը՝ ստորին վերջույթների բեկորային վնասվածքներ: Նրանց վիճակը ծանր է: Բացի այդ, 11 արկ է արձակվել Տիշանկա գյուղի ուղղությամբ: Տուժածներ չկան: Բելգորոդում հայտարարված է ահաբեկչական վտանգի «դեղին» (բարձր) մակարդակ: 15 սահմանամերձ բնակավայրերում արտակարգ իրավիճակի ռեժիմ է սահմանված: Ինչպես ավելի վաղ հայտնել էր «Արմենպրես»-ը, այս գիշեր Ռուսաստանի Սմոլենսկի, Կուրսկի և Բրյանսկի մարզերի ղեկավարները հայտնել են անօդաչու թռչող սարքերով հարձակումների մասին: Ուկրաինայից ևս հայտնել են, որ գիշերը Կիևի և Ուկրաինայի այլ քաղաքների վրա են արձակվել անօդաչուներ և թևավոր հրթիռներ, որոնք, ըստ իշխանությունների, խոցվել են:

Հունիսի 2-ին, ժամը 15։22-ին Ճգնաժամային կառավարման ազգային կենտրոն ահազանգ է ստացվել, որ Վայոց ձորի մարզի Եղեգնաձոր քաղաքի Նարեկացի փողոցում գտնվող խանութի տանիքում հրդեհ է բռնկվել: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հայտարարվել է հրդեհի բարդության «Թիվ 2» աստիճան․ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից ևս երկու մարտական հաշվարկ։ ն հաշվարկ։

Խաչատրյանական տարվա արժանի մեկնարկ՝ Կամերային երաժշտության ազգային կենտրոնում։ ՀՀ վաստակավոր արտիստ, անվանի դաշնակահար Հայկ Մելիքյանը հունիսի 14-ին հանդես է գալու բացառիկ ծրագրով՝ ներառելով խաչատրյանական գլուխգործոցներ, դաշնամուրային փոխադրումներ, ինչպես նաև Խաչատրյանի արվեստի վրա անշեջ հետք թողած աշուղական երաժշտության դաշնամուրային մեկնաբանություններ և հայ դասականների գոհարներ։ Այս մասին հայտնում են Կամերային երաժշտության ազգային կենտրոնից։ Համերգը տեղի կունենա Կոմիտասի անվան կամերային երաժշտության տանը։ «Խաչատրյանը մի ողջ դպրոց է ու ազգային ինքնություն. նա խոսեց հայերեն, բայց նրա լեզուն հասկացավ ողջ աշխարհը։ Այս հայեցակարգը մտքումս պատրաստել եմ հատուկ մի ծրագիր՝ նիրված Մեծ կոմպոզիտորի 120-ամյակին։ Սրտումս առանձնահատուկ թրթիռ է և մեծ պատասխանատվություն։ Հունիսի 14-ը զուտ մենահամերգ չէ, այլև՝ մի ողջ տոնախմբություն»,- նշում է Հայկ Մելիքյանը։

Հունիսի 1-ին, ժամը 12.40-ին, ՀՀ ՆԳՆ ոստիկանության Երևան քաղաքի վարչության «Զվարթնոց» օդանավակայանի գծային բաժնի ծառայողները, սառը զենք կրելու կասկածանքով, օդանավակայանի մեկնման սրահից գծային բաժին են տեղափոխել ՌԴ քաղաքացի, 48-ամյա տղամարդու: Նրա ձեռքի պայուսակի խուզարկությամբ հայտնաբերվել է 9 սմ շեղբի երկարությամբ գաղտնի փականով դանակ: 48-ամյա տղամարդը ներկայացվել է նախաքննական մարմին: Նախաձեռնվել է քրեական վարույթ: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: