Լրահոս

Ըստ ոստիկանության օպերատիվ հաղորդագրությունների ամփոփագրերի՝ հոկտեմբերի 25-28-ը ՆԳՆ ոստիկանության ստորաբաժանումները բացահայտել են հանցագործության 190 դեպք, որոնցից՝ 1-ը նախկինում կատարված:

ԱՄՆ դոլարի փոխարժեքն այսօր՝ հոկտեմբերի 28-ին, կազմել է 387.13 դրամ՝ նախորդ օրվա համեմատ նվազելով 0.12 դրամով: Այդ մասին տեղեկանում ենք Կենտրոնական բանկի պաշտոնական կայքից։

Գյումրիի ավագանու «Բալասանյան դաշինք» խմբակցության 14 անդամները՝ քաղաքապետ Վարդգես Սամսոնյանի գլխավորությամբ, մանդատից հրաժարվելու դիմում են ներկայացրել թիվ 31 ընտրատարածքային ընտրական հանձնաժողով: Այս մասին հայտնել է ԿԸՀ-ն:

Պետական հեղաշրջման վտանգի մասին է ահազանգում Վրաստանի իշխանությունը՝ հասկացնելով, որ խորհրդարանական ընտրություններում պարտված ընդդիմությունը իշխանազավթման ճանապարհով է ուզում գնալ: Վրաստանի վարչապետ Իրակլի Կոբախիձեն վստահեցրել է՝ ոչ մեկին չի հաջողվի խարխլել երկրի սահմանադրական կարգը: Ավելի վաղ, Վրաստանի նախագահ Սալոմե Զուրաբիշվին հայտարարել էր, թե չի ճանաչում ընտրությունների արդյունքները ու հանրահավաքի հրավիրել քաղաքացիներին: Նա Ռուսաստանին էր մեղադրել քվեարկությանը միջամտելու համար, ինչին բավականին կոշտ արձագանքել են Դմիտրի Պեսկովն ու Մարիա Զախարովան: Իսկ Միացյալ Նահանգները ցույց է տվել, որ կանգնած է ընդդիմության կողքին:

News.am-ի տեղեկություններով՝ Գյումրիի քաղաքապետի ՔՊ-ի թեկնածուն ԱԺ պատգամավոր Կարեն Սարուխանյանն է։

2024 թվականի հոկտեմբերի 27-ին՝ ժամը 23:00-ին, Երևան քաղաքի Ն.Շենգավիթ 6-րդ փողոցի տներից մեկի բնակչից ահազանգ է ստացվել այն մասին, որ իր 72-ամյա կնոջը իրենց որդին սպանել է։

Հյուսիս-հարավի Տրանշ-2-ի Ագարակի հնագիտական վայրը շրջանցող մոտ 8կմ երկարությամբ ճանապարհի կառուցման աշխատանքներով պայմանավորված՝ հոկտեմբերի 29-ին` ժամը 12։00-14։00-ի սահմաններում‚ Մ-1 միջպետական ճանապարհի՝ Աղձք բնակավայրի հարակից հատվածում իրականացվելու են պայթեցման աշխատանքներ:

Կենտրոնական ընտրական հանձնաժողովից հայտնում են՝ ԿԸՀ նախագահ Վահագն Հովակիմյանն ու ԿԸՀ անդամ Աննա Գրիգորյանը հոկտեմբերի 21-ից 25-ը գործուղվել են Բոգոտա՝ Կոլումբիայի Հանրապետություն։ ԿԸՀ ներկայացուցիչներին հրավիրել են Կոլումբիայի Ազգային քաղաքացիական ռեգիստրը (RNEC) և Ընտրական մարմինների համաշխարհային ասոցիացիան՝ A-WEB-ի 6-րդ Գլխավոր ասամբլեային մասնակցելու համար։

Հոկտեմբերի 28-ին, ժամը 15։42-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի 16-րդ թաղամասի շենքերից մեկի բնակարաններից մեկում հրդեհ է բռնկվել։

Այսօր՝ հոկտեմբերի 28-ին, մոպեդի և ավտոմեքենայի բախում է տեղի ունեցել Երևանում: Ժամը 11:15-ի սահմաններում Բաղրամյան պողոտա, Վիկտոր Համբարձումյան և Երզնկյան փողոցների խաչմերուկում բախվել են Երևանի բնակիչ 24-ամյա Տիգրան Հովհաննիսյանի վարած «Tesla» մակնիշի ավտոմեքենան և Տավուշի մարզի բնակիչ 26-ամյա Սուրեն Ազատյանի վարած մոպեդը:  

Ներկա դրությամբ այդպիսի վտանգներ, սպառնալիքներ չկան, որ Ադրբեջանը կարող է հարձակվել. Իրադրությունը գնահատվում է սահմաններում հարաբերականորեն կայուն: Այս մասին, այսօր՝ հոկտեմբերի 28-ին, ԱԺ-ում լրագրողների հետ զրույցում նշեց ԶՈՒ գլխավոր շտաբի պետ Էդվարդ Ասրյանը:

Վերջին 10-ամյակում առաջին անգամ Հայաստանի բյուջեն սոցիալական չէ: Հաջորդ տարվա բյուջեի ծախսի մեծ մասը՝ գրեթե 56 տոկոսը պաշտպանությանն է ուղղվելու: Կառավարությունն այսօր Բյուջե-2025 թվականի նախագիծն է տարել խորհրդարան: Քննարկումների սկզբում նախ դասախոսություն է կարդացել Հայաստանի վարչապետը:

2018 թվականի թավշյա իրողություններն Արցախյան ազատագրական պայքարից առավել կարևորող Սասուն Միքայելյանը, որն ավելի ուշ ստանձնեց նաև Երկրապահ կամավորական միության նախագահի պաշտոնը, իր՝ «երկիրը պահողի» առաքելությանը հակասող հերթական հայտարարությունն է արել։

Մայրաքաղաքի բնակչուհի Արմինե Դ.-ն հոկտեմբերի 26-ին հայտնվել է Երևանի վարչական սահմաններով ընթացող բեռնատար գնացքի դիմաց՝ երկաթուղային գծերի չարտոնված հատվածում։ Լոկոմոտիվային բրիգադի կողմից ձեռնարկվել են բախումից խուսափելու բոլոր փորձերը, սակայն բեռնատար գնացքը չի հաջողվել շտապ կանգնեցնել: Քաղաքացին ստացած վնասվածքներից հիվանդանոցում մահացել է:

«Հայաստանի մասնակցությունը Բաքվում կայանալիք COP29-ին խիստ կարևոր է»,- ասուլիսի ընթացքում ասաց Միջազգային և համեմատական իրավունքի կենտրոնի ղեկավար, ՄԻԵԴ-ում հայ գերիների շահերի ներկայացուցիչ Սիրանուշ Սահակյանը։

Հայլուր 15։30 Լարվածությունն աճում է Վրաստանում. փողոցային անկարգություններ կսկսվե՞ն

Բաքվում նորից հեղեղումներ են, փակվել են մի շարք փողոցներ, այդ թվում՝ Սաբունչի՝ նախկին «Հայկական աղբյուր» շրջանը: Ինչպես գիտեք, նախորդ շաբաթվա սաստիկ հեղեղումներից հենց այդտեղ էին 2 մարդ զոհվել:

Գյումրիի ժուռնալիստների «Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում անդրադարձել է Գյումրու քաղաքային իշխանության շուրջ զարգացումներին՝ տեղեկացնելով, որ Գյումրու համայնքապետարանի Բալասանյան դաշինքի պաշտոնյաներն այսօր հրաժարականներ են տալիս, խմբակցության 14 անդամները՝ նույնպես:

Հայաստանը դատապարտում է միջազգային անվտանգության խաթարմանն ուղղված գործողությունները, որոնք նաև դրսևորվել են նախորդ շաբաթ ընդդեմ Իրանի Իսլամական Հանրապետության: Այս մասին X-ում գրել է ՀՀ ԱԳՆ-ն:

ՀՀ քննչական կոմիտեի ԵՔՔՎ Կենտրոն և Նորք-Մարաշ վարչական շրջանների քննչական բաժնում կատարվող նախաքննությամբ պարզվում են հոկտեմբերի 27-ին Երևան քաղաքի Կենտրոն վարչական շրջանի Միքայել Չայլախյան փողոցի տներից մեկում տեղի ունեցած պայթյունի և մեկ անձի մահվան հանգամանքները։