Լրահոս

Ներքին գործերի նախարար Վահե Ղազարյանի գլխավորած պատվիրակությունը հոկտեմբերի 28-ին մեկնել է Կատարի Պետություն՝ մասնակցելու Դոհայում անցկացվելիք հասարակական անվտանգության և պաշտպանության խնդիրներին նվիրված MILIPOL Qatar 2024 համաշխարհային ցուցահանդեսին: Այս մասին տեղեկացնում են ՆԳՆ-ից:

Հոկտեմբերի 28-ի լույս 29-ի գիշերը Արարատյան դաշտում օդում սպասվում է 0․․․-3 աստիճան, հողի մակերևույթին՝ -4․․․-5 աստիճան ցուրտ։

2024 թվականի վերջում պետական պարտք-ՀՆԱ հարաբերակցությունը կանխատեսվում է 49,8 տոկոս, 2025 թվականի վերջում ակնկալվում է 53,5 տոկոս։ Լրագրողների հետ ճեպազրույցում այս մասին ասաց ՀՀ ֆինանսների նախարար Վահե Հովհաննիսյանը։  ՀՀ պետական պարտքն այս պահի դրությամբ 5 տրիլիոն դրամ է։

Ագարակի անցակետից ռուսական սահմանապահ ուժերի դուրսբերման որոշումից հետո Ռուսաստանի սահմանապահ զորքերի կարգավիճակի մասին հայ-ռուսական պայմանագրի փոփոխություն կամ վերանայում չի նախատեսվում, «Ազատության» հարցմանն ի պատասխան տեղեկացրել են Հայաստանի արտաքին քաղաքական գերատեսչությունից։

Վրաստանի նախագահը չի ճանաչում խորհրդարանական ընտրությունների արդյունքները: «Տեղի են ունեցել «ռուսական ընտրություններ», նոր տեխնոլոգիաներ են օգտագործվել կեղծիքների համար»,- հայտարարել է Սալոմե Զուրաբիշվիլին: Վրաստանում հոկտեմբերի 26-ին տեղի ունեցած ընտրությունները դատապարտել է Վաշինգտոնը: Պետքարտուղար Բլինքենը նշել է, որ պետք է հետաքննվեն խախտումների վերաբերյալ բոլոր հաղորդումները: Նիկոլ Փաշինյանը, Իլհամ Ալիևը և Վիկտոր Օրբանը, որն այսօր ժամանելու է Վրաստան, շնորհավորել են Վրաստանի վարչապետ, իշխող «Վրացական երազանք» կուսակցության նախընտրական շտաբի ղեկավար Իրակլի Կոբախիձեին՝ հաղթանակի համար: Վրաստանի կենտրոնական ընտրական հանձնաժողովը առավոտյան նոր տվյալ է հայտնել, համաձայն որի «Վրացական երազանքը» 53,92 տոկոս ձայն է ստացել:

«Մթնոլորտային օդի պահպանության մասին» ՀՀ օրենքի համաձայն՝ արգելվում է արտադրության կամ սպառման կամ տերևաթափից առաջացած թափոններն այրել բնական միջավայրում, բնակավայրերում, դրանց շրջակայքում կամ դրանց այրման համար չնախատեսված այլ վայրերում, կաթսայատներում կամ վառարաններում, թափոնների գործածության օբյեկտներում, հատուկ հատկացված տեղերում կամ չարտոնագրված աղբավայրերում: Այդ մասին հաղորդագրություն է տարածել Բնապահպանության և ընդերքի տեսչական մարմինը:

ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչներն անհատ ձեռնարկատեր Հմայակ Մինասյանին պատկանող հրուշակեղենի արտադրամասում անցկացվող ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (Շիրակի մարզ, ք. Գյումրի)։

ՀՀ կենտրոնական ընտրական հանձնաժողովը հոկտեմբերի 28-ի արտահերթ նիստում սահմանել է 2025 թվականի տեղական ինքնակառավարման մարմինների հերթական ընտրությունների քվեարկության օրերը։ Դրանք են՝ 2025 թվականի մարտի 30, հունիսի 8, հոկտեմբերի 5։

Ռուս-ուկրաիանական ճակատում իրավիճակը շարունակում է լարված մնալ: Ուկրաինական զորքը լքել է Չասով Յարի դիրքերը: Ռուսաստանի պաշտպանության նախարարությունը հայտնում է, որ «Հյուսիս 5» բրիգադը անօդաչուներով հարվածել է ուկրաինացիների դիրքերին, դրանից հետո նրանք նահանջել են: Չասով Յարը Դոնեցկում է, այն ունի կարևոր ռազմավարական նշանակություն: Դրանով ճանապարհ է բացվում դեպի Սլավյանսկո-Կրամատորսկայա, ինչպես նաև դեպի Կոնստանտինովկա, որոնք ուկրաինական բանակի վերահսկողության տակ են: Կիևն էլ հայտնում է, որ գիշերը ռուսները զանգվածային հարվածներ են հասցրել Խարկով քաղաքի մի քանի շրջանի, ինչպես նաև Խարկովի մարզի Չուգուև քաղաքին: Նախնական տվյալներով՝ տուժել է 21 մարդ, այդ թվում՝ 5 երեխա։ Ավերվել ու վնասվել են քաղաքացիական ենթակառուցվածքներ:

Նա նաև ընդգծել է, որ Իրանն իսրայելական ագրեսիային պատասխանելու  իրավունք ունի և ճիշտ ժամանակին կպատասխանի:

«Նրա հրաժարականի մասին խոսակցությունները շրջանառվում էին դեռ նախորդ շաբաթ։ Պատճառն այն է, որ իշխանությունները մյուս համայնքների նման ամեն գնով փորձում են Գյումրիում ևս զավթել իշխանությունը։

Հայաստանի խորհրդարանում Բյուջե-2025-ի նախագծի վերաբերյալ քննարկումներ են: Նիկոլ Փաշինյանը դարձյալ դասախոսություն է կարդացել: Նա խորհրդարան էր գնացել եկող տարվա բյուջեի քննակումների մեկնարկին մասնակցելու համար: Անվտանգայի՞ն, սոցիալակա՞ն... ի վերջո ինչպիսի՞նն է 2025 թվականի բյուջեն: Վարչապետն այս մասին որևէ բան չի ասել: Նա բյուջեի հիմքում դրել է տարբեր մտածողներից ու ասացվածքներից քաղած մտքեր, որպես սեփական բանաձևեր՝ «Հայաստանն իմ օջախն է, ժողովուրդն իմ ընտանիքն է», «Հարստացիր և հարստացրու», «Հայաստանի ապագան կախված է մեկ մարդուց և այդ մեկ մարդը դու ես», «Հայրենիքը պետությունն է, սիրում ես հայրենիքդ, ուժեղացրու պետությունդ», «Այստեղ պետություն, այստեղ հաց, այստեղ հայրենիք, այստեղ կաց»: Փաշինյանի բառերով՝ պետությունը քաղաքացիների բարեկեցությունն ապահովելու գործիք է, հաց վաստակելու տեղ: Իշխանության գալուց մոտ 7 տարի հետո Փաշինյանը հայտարարում է, որ այն, ինչ արել են այս ընթացքում, խարխափել են: Խարխափել են պատմական ու իրական հայաստանների արանքում։

2024 թվականի հոկտեմբերի 26-ին՝ ժամը 23:07-ին, ահազանգ է ստացվել այն  մասին, որ մի քաղաքացի մուտք է գործել ՀՀ նախարարությունների շենք՝ դրսևորել ագրեսիվ վարքագիծ։

Հայլուր 12։30 Պայթյունավտանգ իրավիճակ է հետընտրական Վրաստանում. ընդդիմությունը փողոց է դուրս գալիս

Պետական եկամուտների կոմիտեն հայտնում է, որ ՊԵԿ պաշտոնական կայքում հրապարակվել է 2024 թ. հունվար-սեպտեմբեր ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը:

Ընթացիկ տարվա հունվար-սեպտեմբեր ամիսներին ՀՀ այցելած զբոսաշրջիկների թիվը նվազել է 6,9 տոկոսով։

Հոկտեմբերի 28-ին, ժամը 09:37-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սասնա Ծռերի փողոցի շենքերից մեկի բակում այրվում է ավտոմեքենա։

Էկվադորի Հանրապետության մայրաքաղաք Կիտոյի «Պալասիո դե Կարոնդելետ» նախագահական պալատում տեղի է ունեցել ՀՀ դեսպան Արմեն Եգանյանի՝ Էկվադորի Հանրապետության նախագահ Դանիել Նոբոա Ասինին հավատարմագրերի հանձնման արարողությունը: Այս մասին տեղեկացնում են ՀՀ ԱԳՆ-ից:

Վարչապետ Նիկոլ Փաշինյանը շնորհավորական ուղերձ է հղել Չեխիայի վարչապետ Պետր Ֆիալային Չեխիայի Ազգային տոնի առիթով:

Ջերմուկ-Վայք DN300 մայրուղային գազատարի վրա վթարային իրավիճակի կանխարգելիչ միջոցառումներ իրականացնելու նպատակով հոկտեմբերի 28-ին ժամը 09:30-ից մինչև հոկտեմբերի 29-ը ժամը 21:00-ը դադարեցվել է Վայոց ձորի մարզի Վայք, Եղեգնաձոր քաղաքների, Ագարակաձոր, Գլաձոր, Վերնաշեն, Գետափ, Մալիշկա, Արին, Ազատեկ, Զառիթափ, Փոռ, Հերհեր բնակավայրերի գազասպառողների, «Թամսար», «Ռուբեն Յ.Հ», «Մելինե Էմիլիա», «Գլաձոր ՄԳՀ», «Վահ Գալ», «Վայք Գազ», «Ս. Ավետյան և ընկերներ» ՍՊԸ-ների ԱԳԼՃԿ-ների, նշված բնակավայրերում գործող այլ տարբեր նշանակության հանրային կազմակերպությունների գազամատակարարումը։ Այս մասին հայտնում են «Գազպրոմ Արմենիա» ընկերությունից: