Լրահոս

Հակակոռուպցիոն դատարանը՝ դատավոր Սարգիս Պետրոսյանի նախագահությամբ, թույլատրեց ՀՀ նախկին փոխվարչապետ, ԱԺ «Հայաստան» խմբակցության պատգամավոր Արմեն Գևորգյանին՝ նոյեմբերի 5-11-ն ընկած ժամանակահատվածում հատել ՀՀ սահմանը։ Այսօրվա դատական նիստը հետաձգվել է։ Հաջորդ դատական նիստը տեղի կունենա նոյեմբերի 15-ին։ Այս մասին հայտնում է Փաստինֆոն։

Թուրքիայի կառավարությունը պատրաստվում է խորհրդարանի վավերացմանը ներկայացնել «օտարերկրյա գործակալների» մասին օրենքի նախագիծ։ Այս մասին գրում է Էրմենիհաբերը։

Փաշինյանն իր իշխանությունը հնարավորինս երկարաձգելու նոր միջոց է գտել, համոզված են ընդդիմադիրները: Ընտրական օրենսգրքում փոփոխությունների նոր նախագիծ կա, որն արդեն առաջին ընթերցմամբ ընդունել է խորհրդարանական մեծամասնությունը: Փոփոխությունների կետերից մեկով առաջարկվում է նոր քվեարկություն կազմակերպել, եթե ընտրությունների՝ նույնիսկ ձայների հաշվարկի փուլում, երկրում ռազմական կամ արտակարգ դրություն է հայտարարվում: Քաղաքագետ Սուրեն Սուրենյանցը ենթադրում է, որ օրինակ, Ալիևը հայաստանյան ընտրությունների՝ իր համար անցանկալի արդյունքի դեպքում կարող է դիմել ագրեսիայի, որի պատճառով ռազմական դրություն կհաստատվի մեր երկորում:

Հիդրոօթերևութաբանության և մոնիթորինգի կենտրոնը ներկայացրել է նոյեմբերին սպասվող  եղանակի կանխատեսումը։

«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Էդգար Զաքարյանին նշանակել էկոնոմիկայի նախարարի տեղակալ»,- նշված է Փաշինյանի ստորագրած որոշման մեջ:

Դատախազը 2024 թվականի հոկտեմբերի 31-ին հաստատել է Արագածոտնի մարզում սպանության փորձ կատարած անձի վերաբերյալ մեղադրական եզրակացությունը և վարույթի նյութերը հանձնել Արագածոտնի մարզի առաջին ատյանի ընդհանուր իրավասության դատարան: Այս մասին տեղեկացնում են ՀՀ գլխավոր դատախազությունից։

Աշխատանքի և սոցիալական հարցերի նախարարությունը մշակել է 2025 թվականից գործարկման նախատեսվող նորացված աջակցության ծրագիր։ Այս մասին հայտնում են նախարարությունից։

«2024թ. նոյեմբերի 1-ին Հայաստանի Հանրապետության և Ադրբեջանի Հանրապետության սահմանին տեղի է ունեցել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի տասներորդ հանդիպումը՝ Հայաստանի Հանրապետության փոխվարչապետ Մհեր Գրիգորյանի և Ադրբեջանի Հանրապետության փոխվարչապետ Շահին Մուստաֆաևի նախագահությամբ:

Հայլուր 18։30 Վտանգավոր նոր զարգացումներ.կպայթեցնի՞ Կորեական թերակղզին ՌԴ-ԱՄՆ կռիվը Ուկրաինայի շուրջ

Հայաստանի իշխանություններից հայանպաստ որոշման սպասելիքներ մենք վաղուց չունենք, քանի որ նրանք վաղուց չեն սպասարկում ՀՀ շահերը: Այս մասին ԱԳՆ դիմաց Բաքվի բանտերում պահվող հայ գերիների ազատ արձակման պահանջով բողոքի ցույցի ժամանակ ասաց «Հայաստան» խմբակցության պատգամավոր Իշխան Սաղաթելյանը։

ՀՀ վարչապետ Նիկոլ Փաշինյանը որոշում է Կարեն Մուրադյանին համատեղության կարգով նշանակել է Չեխիայում Հայաստանի ռազմական կցորդ։

Վաղ առավոտյան Իսրայելը 10 հրթիռ է արձակել Բեյրութի ուղղությամբ: Զոհերի ու վիրավորների մասին լիբանանյան աղբյուրները չեն հաղորդում: Պաղեստինը ահազանգում է 95 խաղաղ բնակչի մահվան մասին: Այդքան մարդ զոհվել է միայն երեկվա իսրայելական հարվածներից: Իսրայելը չի մեկնաբանել մեղադրանքները: Հիմա Թել-Ավիվում պատրաստվում են իրանական հարձակմանը: Աքսիոս լրատվականը տեղեկացել է, որ Իրաքի տարածքից է անօդաչուներ ու բալիստիկ հրթիռներ արձակելու Թեհրանը Իսրայելի ուղղությամբ:

Այսօր՝ նոյեմբերի 1-ին, գայլերի կողմից հերթական հարձակման դեպքն է տեղի ունեցել Գեղարքունիքի մարզում: Ժամը 06:30-ի սահմաններում Նորատուս գյուղի բնակիչ 37-ամյա Էդիկ Մամիկոնյանը սովորույթի համաձայն մտել է անասնագոմ, որպեսզի գառներին խնամի, սակայն ականատես է եղել, որ գոմից մոտ 30 մայրացու գառներ պակասում են, իսկ արդեն դրսում հայտնաբերել է 4-ին՝ սատկած, հաղորդում է Shamshyan.com-ը:

Բաքվում գտնվող յուրաքանչյուր հայի բանտարկությունը, պատանդառությունը միայն իրենց խնդիրը չէ, միայն իրենց ընտանիքների խնդիրը չէ, մեզնից յուրաքանչյուրի խնդիրն է, 10 միլիոն հայերի խնդիրն է, մեր բոլորիս արժանապատվության խնդիրն է: Այս մասին ԱԳՆ դիմաց Բաքվի բանտերում պահվող հայ գերիների ազատ արձակման պահանջով բողոքի ցույցի ժամանակ ասաց «Հայաստան» խմբակցության պատգամավոր Աննա Գրիգորյանը։

Մենք պահանջում ենք, որ համաշխարհային հանրությունը, համամարդկային արժեքներ դավանող, ժողովրդավարական արժեքներ դավանող երկրների առաջնորդները դատապարտեն, հրաժարվեն և մասնակիցը չդառնան ադրբեջանական արյունալի պատմության հետագծի մաքրագործման գործում: Այս մասին Հայաստանում ՄԱԿ-ի գրասենյակի դիմաց իր ելույթում ասաց «Հայաստան» խմբակցության պատգամավոր Ասպրամ Կրպեյանը։

ՀՀ քննչական կոմիտեի Շիրակի մարզային քննչական վարչության Ախուրյանի քննչական բաժնում ավարտվել է 2024 թվականի հուլիսի 26-ին Շիրակի մարզի Ախուրյան համայնքի Ջաջուռ բնակավայրի վարչական տարածքում երեք մարդու կյանք խլած ավտոպատահարի դեպքի առթիվ նախաձեռնված քրեական վարույթի նախաքննությունը` 2 անձի վերաբերյալ մեղադրական եզրակացությամբ։

ԱՄՆ դոլարի փոխարժեքն այսօր՝ նոյեմբերի 1-ին, կազմել է 387.17 դրամ՝ նախորդ օրվա համեմատ նվազելով 0.46 դրամով: Այդ մասին տեղեկանում ենք Կենտրոնական բանկի պաշտոնական կայքից։

Հիմնանորոգվում է Հ-38, /Հ-30/ (Թթուջուր) – /Հ-36/ (Նավուր) հանրապետական նշանակության ավտոճանապարհի կմ0+000-կմ15+100 հատվածը։ 15.1 կմ երկարությամբ ճանապարհահատվածն անցնում է Գեղարքունիքի մարզով։ Ճանապարհը միացնում է Ճամբարակի տարածաշրջանի Թթուջուր բնակավայրը Տավուշի մարզի Բերդի տարածաշրջանի հետ։ Այս մասին տեղեկացնում են «Ճանապարհային դեպարտամենտից»։

Հայաստանի Հանրապետությունում Ֆրանսիայի արտակարգ և լիազոր դեսպան Օլիվիե Դըկոտինյին շնորհավորել է Հայաստանին 2026 թվականին Կենսաբազմազանության կողմերի համաժողովը հյուրընկալելու կապակցությամբ։ Այս մասին Ֆրանսիայի դեսպանը գրել է X-ի իր միկրոբլոգում։ 

ՄԻՊ գրասենյակը մատնված է անգործության կամ վախենում է որոշակի քայլեր ձեռնարկել, որովհետև դա իր հետ կբերի Նիկոլ Փաշինյանի և ՔՊ-ի զայրույթին։ Այս մասին ՄԻՊ-ի գրասենյակի մոտ բողոքի ակցիայի ժամանակ ասաց «Հայաստան» խմբակցության պատգամավոր Գառնիկ Դանիելյանը։