Լրահոս

Դոնալդ Թրամփը իրեն հռչակել է Միացյալ Նահանգների 47-րդ նախագահ՝ ընտրատեղամասերի փակվելուց հաշված ժամեր հետո: Ֆլորիդայում կայացած հետընտրական առաջին հավաքում նախագահի հանրապետական 78-ամյա թեկնածուն հայտարարել է՝ ԱՄՆ-ում «երբևէ չտեսնված քաղաքական հաղթանակի» մասին: Նրա համոզմամբ՝ ինքը հավաքում է 538 ընտիչներից 315-ի ձայները: Ու չնայած ընտրություններում Թրամփի հաղթանակի մասին պաշտոնապես դեռ չի հայտարարվել, աշխարհի բազմաթիվ երկրների առաջնորդներ շարունակում են շնորհավորել ԱՄՆ նախկին նախագահին: Նախագահի դեմոկրատ թեկնածուն՝ ԱՄՆ փոխնախագահ Քամալա Հարիսը, պատրաստվում է դիմել ժողովրդին: Դեմոկրատական կուսակցության շտաբում ասում են, թե սպասում են բոլոր քվեաթերթիկների հաշվարկի ավարտին: Դիտորդներին այս իրավիճակը հիշեցնում է 2016 թվականի ընտրությունները, երբ Հիլարի Քլինթոնը պարտվեց Դոնալդ Թրամփին։

ՀՀ սննդամթերքի անվտանգության տեսչական մարմնի ղեկավար Արմեն Հայրապետյանը հրաժարականի դիմում է ներկայացրել: Տեղեկությունը Sputnik Արմենիայի հետ զրույցում հաստատել է ՍԱՏՄ մամուլի խոսնակ Անուշ Հարությունյանը։

««Փյունիկ» ՖԱ-ն վրդովված է Հայաստանի ֆուտբոլի ֆեդերացիայի փոխնախագահ Արմեն Նիկողոսյանի՝ Fast Sports-ի եթերում մեր ակումբի հասցեին հնչեցված վիրավորանքների ու ստերի հերթական տարափով, որոնք որևէ առնչություն չունեն իրականության հետ: Սա հերթական անգամ ապացուցում է, որ Արմեն Նիկողոսյանն այն աստիճան է ցածրացել ու հուսալքվել, որ դիմում է էժանագին մանիպուլյացիաների ու կեղծիքի՝ ՀՖՖ ղեկավարության վարկաբեկված հեղինակությունը վերականգնելու և ուրիշներին նսեմացնելու համար:

Տարիներ շարունակ Երևանի տարբեր հասցեներում հայտնվել են հնամաշ մեքենաներ ու անպիտան թափքեր, որոնք խոչընդոտում են բնակիչների ազատ տեղաշարժը, բակերում ու փողոցներում անտեղի տարածքներ զբաղեցնում և, ամենակարևորը, աղավաղում մայրաքաղաքի արտաքին տեսքը։ Այս մասին  տեղեկանում ենք Երեւանի քաղաքապետարանից:

Հայաստանը և Եվրասիական զարգացման բանկը համաձայնագիր են կնքել Կայունացման և զարգացման հիմնադրամի միջոցներից Քաջարանի թունելի շինարարության և M2 ճանապարհի 4 կմ հատվածի վերակառուցման համար 200 մլն ԱՄՆ դոլարի վարկ տրամադրելու մասին:

Այսօր ՀՀ առաջին նախագահ Լևոն Տեր-Պետրոսյանը թեթև վիրահատական միջամտությունից հետո դուրս է գրվել հիվանդանոցից:

Հերթական վտանգը, որի մասին խոսում էինք, հաստատում է Թուրքիայի ԱԳ նախարարը: Այս մասին իր էջում գրել է ԱԺ «Հայաստան» խմբակցության դաշնակցական պատգամավոր Քրիստինե Վարդանյանը՝ անդրադառնալով Թուրքիայի ԱԳ նախարարի հայտարարությանը։

Հայլուր 15։30 Պուտինը դեռ մտածում է. Թրամփը շնորհավորանքներ է ստանում ամբողջ աշխարհից

Այսօր՝ նոյեմբերի 6-ին, խոշոր ավտովթար է տեղի ունեցել Արագածոտնի մարզում:  ժամը 12:40-ի սահմաններում Երևանի բնակիչ 35-ամյա Հովհաննես Խ.-ն իր վարած «Ford Transit» մակնիշի ավտոմեքենայով Երևան-Գյումրի Մ1 ավտոճանապարհի 59 կմ հատվածում դեռևս անհայտ հանգամանքներում բախվել է Հյուսիս-հարավ ճանապարհին կառուցվող բետոնե արգելապատնեշներին և կողաշրջվել:  

Ֆրանսիան և Ղազախստանը լիակատար աջակցում են Հայաստանի և Ադրբեջանի միջև հարաբերությունների կարգավորմանը և խաղաղության պայմանագրի շուտափույթ ստորագրմանը: Այս մասին ասված է նախագահներ Էմանուել Մակրոնի և Կասիմ Ժոմարտ Տոկաևի համատեղ հայտարարությունում:

Քաղաքական որոշումները չեն ազդել իսրայելական բանակի ռազմական գործողությունների ինտենսիվության վրա: Երեքշաբթի ուշ երեկոյան Լիբանանի Բարջա քաղաքում ՑԱԽԱԼ-ի ավիահարվածներից առնվազն 20 մարդ է զոհվել, 14-ը վիրավորվել են:

Էներգետիկ ըմպելիքները պարունակում են մեծ քանակությամբ կոֆեին, շաքար, նյութափոխանակության վրա ազդող խթանիչ նյութեր, հայտնում են ՀՀ առողջապահության նախարարությունից։

«Ջերմ շնորհավորանքներս Դոնալդ Թրամփին Միացյալ Նահանգների 47-րդ նախագահի պաշտոնում տպավորիչ հաղթանակի կապակցությամբ: Պրն. նորընտիր նախագահ, անհամբեր սպասում եմ Ձեզ հետ աշխատելուն՝ կառուցելու հայ-ամերիկյան երկկողմ ռազմավարական հարաբերություններ՝ հիմնված մեր ընդհանուր արժեքների, առաջնահերթությունների և շահերի վրա»,-X-ում գրել է նա:

Ընտրական Ամերիկայից վերջին նորություններն է հայտնում «Հայլուրի» թղթակից Լիլիթ Գասպարյանը: Նա ընտրություններին հետևում է հայտարարված տատանվող նահանգներից մեկում՝ Վիսկոնսինում:

Ամերիկայի ժողովուրդը փոփոխություն է ցանկացել եւ դրա համար կամք է ցուցադրել, չի մտածել, որ իրենցից ոչինչ կախված չէ։ Կարող է արդյոք Թրամպը բերել այդ փոփոխությունները, կյանքը ցույց կտա, գրում է քաղաքագետ Ստեփան Դանիելյանը։

Դոնալդ Թրամփը հաղթական ելույթ է ունեցել: Նա, դուրս գալով իր աջակիցների առաջ, իրեն անվանել է ԱՄՆ 45-րդ ու 47-րդ նախագահ: Թրամփը հայտարարել է, թե «սա երբևէ գոյություն ունեցած մեծագույն քաղաքական շարժումն է», ու հույս է հայտնել, որ կստանա 315 ընտրիչի ձայն: Նա խոստացել է իր կառավարման շրջանում բացել Միացյալ Նահանգների «ոսկե դարաշրջանը»:

Համաշխարհային առաջնորդներն ԱՄՆ նախագահական ընտրություններում հանրապետական թեկնածու Դոնալդ Թրամփին շնորհավորել են հաղթանակի կապակցությամբ:

ՆԳՆ Միգրացիայի և քաղաքացիության ծառայության աշխատանքներն առավել արդյունավետ կազմակերպելու, քաղաքացիներին մատուցվող ծառայություններն առավել հասանելի դարձնելու, ինչպես նաև ԼՂ-ից բռնի տեղահանված անձանց՝ ՀՀ քաղաքացիություն ստանալու վերաբերյալ դիմումների ընդունմանն աջակցելու նպատակով նոյեմբերի 11-13-ը շրջիկ ձևաչափով ծառայություններ կմատուցվեն Արագածոտնի մարզում։

Վարչապետը ողջունել է նրա այցը Հայաստան և մասնակցությունը Երևանում անցկացված «Ճանապարհ դեպի սոցիալական արդարություն. արժանապատիվ աշխատանք» միջազգային համաժողովին: Նիկոլ Փաշինյանը բարձր է գնահատել Քայլաշ Սաթյարթիի գործունեությունը երեխաների շահագործման դեմ պայքարի և հանրակրթության հասանելիության ուղղությամբ՝ ընդգծելով, որ երեխաների իրավունքների պաշտպանությանն ուղղված քայլերը գտնվում են ՀՀ Կառավարության ուշադրության կենտրոնում: Վարչապետն ընդգծել է, որ ՀՀ-ում երեխաների կրթության իրավունքի պաշտպանությունն ու իրացումը, ինչպես նաև կրթության հավասար հնարավորությունների ապահովումը պետական կրթական քաղաքականության առանցքային թիրախներից է:

Թրամփ, թե՞ Հարիս. աշխարհը համակ ուշադրությամբ հետևում է Ամերիկայի Միացյալ Նահանգների ընտրություններին: Fox News-ի եթերում հայտարարում են Դոնալդ Թրամփի հաղթանակի մասին և ասում, որ նա արդեն իսկ հավաքել է ընտրիչների ձայների անհրաժեշտ թիվը: Թրամփին ԱՄՆ ընտրված նախագահ է հայտարարել Ներկայացուցիչների պալատի խոսնակ Մայք Ջոնսոնը: Օվալաձև աշխատասենյակ վերադառնալու ճանապարհին հանարապետականների համար որոշիչ էին ԱՄՆ 7 տատանվող նահանգների ձայները: Ինչպես ցույց են տալիս թվերը, այդ նահանգները կողմնորոշվել են Թրամփի օգտին: