Լրահոս

Հունվարի 1-ից Երևանում հասարակական տրանսպորտով երթևեկելու համար առաջարկվող սակագների բազմազանությունը մոլորության մեջ է գցում երևանցիներին: Մտահոգություն է հայտնում «Իրազեկ և պաշտպանված սպառող» հասարակական կազմակերպության նախագահ Բաբկեն Պիպոյանը: Նա չի հասկանում, թե քաղաքապետ Տիգրան Ավինյանը ինչ հաշվարկ է արել, որ պնդում է, թե սակագնի միջին գինը 144 դրամ է լինելու:

Այսօր՝ դեկտեմբերի 19-ին, խոշոր ավտովթար է տեղի ունեցել Կոտայքի մարզում։ Ժամը 14։45-ի սահմաններում Երևան-Սևան ավտոճանապարհի 21 կմ հատվածում բախվել են Տավուշի մարզի բնակիչ 35-ամյա Արման Դ․-ի վարած «Mercedes» մակնիշի և Երևանի բնակիչ 70-ամյա Վլադիկ Գ․-ի վարած «XCMG» մակնիշի բեռնատարները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան, իսկ ճանապարհը դարձել է միակողմանի երթևեկելի։ Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում։

Դեկտեմբերի 19-ին, ժամը 08։51-ից 14:08-ն ընկած ժամանակահատվածում ՆԳՆ ՓԾ մարզային փրկարարական վարչությունների ճգնաժամային կառավարման կենտրոններ 6 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ: Մասնավորապես՝ Կոտայքի մարզի Հրազդան քաղաքում, Արագածոտնի մարզի Բերքառատ, Ծաղկահովիտ, Ջամշլու գյուղերում, Քաղսի-Սոլակ և Մեծ Մասրիկ-Կախակն ավտոճանապարհներին։ Դեպքի վայր ժամանած փրկարարներն արգելափակումից դուրս են բերել 15 ավտոմեքենա և 32 քաղաքացու ցուցաբերել համապատասխան օգնություն։

«Բարսելոնան» 2025 թվականի ամռանը կփորձի ձեռք բերել «Մանչեսթեր Սիթիի» հարձակվող Էրլինգ Հոլանդին։ Այս մասին հայտնում է El Chiringuito-ն։ Աղբյուրի համաձայն՝ կատալոնական ակումբը որոշել է առաջիկա ամռանը ակտիվացնել նորվեգացի հարձակվողին գնելու գործընթացը՝ թիմի կենտրոնական հարձակվող Ռոբերտ Լևանդովսկու ներկայիս մարզավիճակի վերաբերյալ կասկածների պատճառով։ Կատալոնական ակումբում կածում են, որ հաջորդ ամառ իդեալական ժամանակն է Հոլանդի հետ պայմանագիր կնքելու համար՝ կապված «Մանչեսթեր Սիթիի» իրավական խնդիրներին, ինչպես նաև այս մրցաշրջանում «քաղաքայինների» խաղային անկման հետ: Ընթացիկ մրցաշրջանում 24-ամյա նորվեգացին «Սիթիի» կազմում մասնակցել է 23 հանդիպման՝ դառնալով 18 գոլի և 1 գոլային փոխանցման հեղինակ, փոխանցում է Armsport-ը։

Հայաստանում ուժեղ քամին տոն է փչացրել Վանաձորում: Վնասվել են քաղաքի զարդարանքները: Գեղարքունիքում էլ է ավերածություններ բերել կեսգիշերային քամին: Ավելի քան մեկ տասնյակ ահազանգ են ստացել փրկարարները՝ տանիքներ քշել-տանելու, ծառեր արմատախիլ անելու մասին:

Իրանի արտաքին գործերի նախարար Աբաս Արաղչին ու Թուրքիայի արտաքին գործերի նախարար Հաքան Ֆիդանը հանդիպել են Եգիպտոսում D-8 Տնտեսական համագործակցության կազմակերպության ԱԳ նախարարների հանդիպման շրջանակում, հայտնում է IRNA–ն: Հանդիպմանն Իրանի և Թուրքիայի ԱԳ նախարարները մտքեր են փոխանակել D-8-ի ղեկավարների 11-րդ հանդիպման օրակարգային հարցերի շուրջ: Իրանի և Թուրքիայի ԱԳ նախարարները քննարկել են նաև տարածաշրջանի վերջին զարգացումները՝ կենտրոնանալով Գազայում տիրող իրավիճակի, Պաղեստինում և Լիբանանում ժողովրդի դեմ ուղղված Իսրայելի հանցագործությունների վրա:

Հայկական արդարադատության որակի մասին ցցուն օրինակ է Սոնա Մնացականյանի վրաերթի գործը: Դատախազությունը համառորեն քրեական հետապնդում չի ցանկանում հարուցել հղի կնոջը վրաերթի ենթարկած՝ վարչապետի ավտոշարասյան ղեկավար կազմի նկատմամբ: Երկրորդ անգամ է դատարանը անօրինական համարել դատախազության այդ որոշումը:Սակայն Սոնա Մնացականյանի իրավահաջորդի փաստաբանին այս լուրը չի ոգևորում: Դատախազությունը կարող է դատարանի այդ որոշումն էլ բողոքարկել, ինչի դեպքում նորից կերկարաձգվի գործի քննությունը:

Դեկտեմբերի 19-ին՝ ժամը 20:18-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դիլիջան քաղաքի Շամախյան փողոցում տեղի է ունեցել ՃՏՊ: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ VAZ մակնիշի ավտոմեքենան դուրս է եկել ճանապարհի երթևեկելի հատվածից և շրջվել: Փրկարարները հոսանքազրկել են ավտոմեքենան, փակել գազի բալոնի փականը, ուղղել և դուրս բերել ճանապարհի երթևեկելի հատված:

Հայկական բանակը խաղաղության օրակարգին հարմարեցնելու մասին է այսօր հայտարարել Հայաստանի վարչապետը: Փաշինյանն այդ մասին խոսել է Ադրբեջանի նախագահի այն հայտարարությունից հետո, թե սպառազինության մրցավազքում Ադրբեջանին չի հասնի Հայաստանը: Ռազմական փորձագետները Փաշինյանի խոսքերում կապիտուլյացիայի դրսևորում են նկատում:

Արգենտինայի հավաքականի և «Ինտերի» հարձակվող Լաուտարո Մարտինեսի տրանսֆերային արժեքը նվազել է, սակայն նա շարունակում է գլխավորել այս ցանկը։ Այժմ ֆուտբոլիստի տրանսֆերային արժեքը գնահատվում է 100 մլն եվրո (նախորդ տրանսֆերային արժեքը՝ 110 մլն եվրո)։

Նիկոլ Փաշինյանը կռիվ է գցում համայնքի բնակիչների և համայնքի ղեկավարների միջև: Քաղտեխնոլոգները այսպես են մեկնաբանում այսօր կառավարության նիստին Փաշինյանի այն հայտարարությունը, թե կկրճատի համայնքին հասանելիք սուբվենցիան՝ պետական աջակցությունը, եթե համայնքապետները իրենց «պադավատների» թիվը չկրճատեն: Փաշինյանը խոստովանել է, որ հատուկ է դա անում:

Այսօր՝ դեկտեմբերի 19-ին, ավտովթար է տեղի ունեցել Երևանում։ Ժամը 17։30-ի սահմաններում Չարենց փողոցում բախվել են Գեղարքունիքի մարզի բնակիչ 30-ամյա Վահան Բարսեղյանի վարած «Honda» մակնիշի, Երևանի բնակիչ 44-ամյա Արսեն Բաղդասարյանի վարած «BMW» մակնիշի և Երևանի բնակիչ 20-ամյա Դավիթ Մարտիրոսյանի վարած «Mercedes» մակնիշի ավտոմեքենաները, ինչի հետևանքով վերջինը կողաշրջվել է։ Ինչպես հայտնում է ֆոտոլարգրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է Հերացի թիվ 1 համալսարանական հիվանդանոց։ Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վիրավորի ինքնությունը։

Ռուսաստանի նախագահը կոչ է արել Կիևին խնայել սեփական զինվորների կյանքը՝ քարը փեշից թափել ու հանուն Ուկրաինայի կայուն խաղաղության՝ նստել բանակցությունների: Ռուսաստանի ղեկավարին դեռ չեն արձագանքել Կիևից, որին հարվածել է պատրաստ Պուտինը, միայն թե ապացուցի, որ Օրեշնիկն անխոցելի զենք է:

Վարչապետ Նիկոլ Փաշինյանը «Արմենպրես»-ին տված հարցազրույցում ԵԱՀԿ Մինսկի խումբը լուծարելու՝ ադրբեջանական պահանջի վերաբերյալ իր դիրքորոշումն է հայտնել։ Հարցին՝ ինչպիսի՞ն է Հայաստանի դիրքորոշումը ԵԱՀԿ ՄԽ-ն լուծարելու գաղափարի վերաբերյալ, նա պատասխանել է․ «Կառուցողական»։ «Մենք հասկանում ենք այն դիրքորոշումը, որ եթե չկա կոնֆլիկտ, ի՞նչ իմաստ ունի կոնֆլիկտի կարգավորմամբ զբաղվող ձևաչափի գոյությունը: Բայց մենք նաև ուզում ենք համոզվել, որ հենց այս նույն տրամաբանությամբ է հարցին մոտենում Ադրբեջանը, և նրա մղումը, ասենք, օրինակ այսպես կոչված «Արևմտյան Ադրբեջանի» խոսույթի զարգացմամբ Հայաստանի Հանրապետության տարածքի նկատմամբ ագրեսիվ քաղաքականություն իրագործելը չէ»,- ասել է Փաշինյանը:

ՀՀ գլխավոր դատախազությունը Գոռ Վարդանյանի «Կայսրության թևեր» ֆիլմի ձեռքը կրակն է ընկել։ Հիշեցնենք, որ ԿԳՄՍ նախարար Ժաննա Անդրեասյանը դիմել էր դատախազություն` հիմնվելով «Հանրապետական մանկավարժահոգեբանական կենտրոն» ՊՈԱԿ-ի եզրակացության վրա, քանի որ ֆիլմը պարունակում է «անչափահասների սոցիալական վարքին բացասական ազդեցություն ունեցող տարրեր, մասնավորապես, կարող է նպաստել ծխախոտի օգտագործման, անհարգալից վերաբերմունքի, ինչպես նաև քրեական ենթամշակույթի տարրերի ընդօրինակման»: Նախարարությունը, հղում անելով «Երեխաների իրավունքների մասին» օրենքի 18-րդ հոդվածի դրույթներին, նշել է, որ արգելվում է երեխայի առողջության և դաստիարակության վրա բացասական ազդեցություն ունեցող բովանդակության տարածումը։

Հայլուր 20։30 Ալիևի անողոք հարձակմանը Փաշինյանը պատասխանում է՝ նրբություններ բացահայտելով

Նախարար Գևորգ Պապոյանը դեկտեմբերի 19-ին ընդունել է «Ցե-Կվադրատ Ամպեգա» կենսաթոշակային ֆոնդի փոխնախագահ Անդրեաս Վիմմերին և խորհրդի անդամ Կառլոս Մենդես դե Վիգոյին։ Հանդիպմանը ներկա է եղել նաև նախարարի տեղակալ Սևակ Միքայելյանը։ Այս մասին տեղեկացնում են ՀՀ էկոնոմիկայի նախարարությունից: «Ցե-Կվադրատ Ամպեգան» ավելի քան 10 տարի է՝ կառավարում է կենսաթոշակային և ներդրումային ֆոնդեր Հայաստանում: Ընկերությունը ծառայություններ է մատուցում կուտակային կենսաթոշակային համակարգի մասնակիցներին, ինստիտուցիոնալ և մասնավոր ներդրողներին: Հանդիպման ընթացքում քննարկվել են Հայաստանի ֆինանսական շուկայի և ներդրումային միջավայրի զարգացմանն առնչվող մի շարք հարցեր։ Կողմերն անդրադարձել են «Ցե-Կվադրատ Ամպեգա»-ի գործունեությանը և կառավարվող ֆոնդերի կատարողականին։ Ներկայացվել են նաև կենսաթոշակային հաշվիչի նորարարական առանձնահատկությունները, կենսաթոշակային հաշիվների կատարելագործմանն ուղղված քայլերը։ Անդրադարձ է կատարվել կրթական ծրագրերի միջոցով հասարակության ֆինանսական գրագիտության խթանմանը։ Երկուստեք կարևորվել են ընկերության մոտեցումները, որոնք ուղղված են Հայաստանի կապիտալի շուկայի և ֆինանսական էկոհամակարգի հետագա զարգացմանը։

Հովիկ Աղազարյանի ինտիմ կյանքի մասին հրապարակումները դարձել են սուտ մատնության հոդվածով վարույթի պատճառ: Փաշինյանի կառավարության կրքոտ քարոզչի դեմ հաղորդում է ներկայացրել ընդդիմադիր պատգամավոր Թագուհ Թովմասյանը, որի պնդմամբ՝ Տարոն Չախոյանն իր մասին է կեղծ լուրեր տարածել: Գլխավոր դատախազությունը պատգամավորի հաղորդմանն ընթացք է տվել:

Ամփոփվել են ուսուցիչների կամավոր ատեստավորման 2024 թվականի արդյունքները՝ ներառյալ նաև բողոքարկումից հետո կատարված փոփոխությունները։ Այս մասին հայտնում են ՀՀ ԿԳՄՍՆ հասարակայնության հետ կապերի եվ տեղեկատվության վարչությունից: Ուսուցիչների կամավոր ատեստավորման գործընթացն այս տարի առաջին անգամ կազմակերպվել է էլեկտրոնային ձևաչափով, որին մասնակցության համար դիմել է 6260 ուսուցիչ, որոնցից 572-ը՝ որպես չաշխատող անձ: Հայտագրվածներից ատեստավորմանը մասնակցել են 4982-ը, որոնք ցուցաբերել են հետևյալ արդյունքները՝ 60-69% արդյունք ցուցաբերել է 1073-ը․ նրանք ունենալու են միայն դրույքաչափի փոփոխություն /200 հազար դրամ՝ 1 դրույք զբաղվածության համար/ 70-79% արդյունք են ցուցաբերել 1158-ը (հավելավճարը կտրվի մանկավարժական աշխատավարձի 30 տոկոսի չափով), 80-89% արդյունք է ցուցաբերել 989-ը (հավելավճարը կտրվի մանկավարժական աշխատավարձի 40 տոկոսի չափով), 90-100% արդյունք է ցուցաբերել 600-ը (հավելավճարը կտրվի մանկավարժական աշխատավարձի 50 տոկոսի չափով), 0-59 տոկոս արդյունք է ցուցաբերել 1162-ը: Գործող ուսուցիչներից 2024 թվականին կամավոր ատեստավորմանն առաջին անգամ մասնակցել են 2825-ը, այս պահին չաշխատող և առաջին անգամ մասնակցած անձանցից գործընթացին առաջին անգամ մասնակցել են 272-ը: 60 տոկոսի շեմն առաջին անգամ մասնակցածներից հաղթահարել են 2250-ը, նախորդ տարիների համեմատ արդյունքը բարելավել են 1248-ը: 538 ուսուցչի գրանցած արդյունքները չեն փոխվել: Բարձրագույն կրթություն չունեցող անձանցից 124-ը մասնակցել է կամավոր ատեստավորմանը և արդյունքում հաղթահարել է անցողիկ շեմը: Բողոքարկումից առաջ արձանագրված էր հետևյալ պատկերը՝ 0-59 % արդյունք էր ցուցաբերել 1350 ուսուցիչ/անձ, 60-69 % ՝ 1127-ը, 70-79 %՝ 1074-ը, 80-89 %՝ 918-ը, 90-100 %՝ 529-ը:

Աբխազիայի խորհրդարանում վիճաբանությունից հետո արձակված կրակոցներից մահացել է պատգամավորներից մեկը: Վախթանգ Գոլանձիան գլխի մահացու վնասվածք է ստացել: Եվս մեկ պատգամավոր ծանր վիրավոր է: