Լրահոս

Բահրեյնում աշխարհի չեմպիոն դարձած ծանրորդ Վարազդատ Լալայանից օլիմպիական մեդալ են ակնկալում Հայաստանի՝ մեծությամբ երկրորդ քաղաքից, հատկապես, որ նրա հիմնական մրցակից վրացի մարզիկը թողել է սպորտը՝ հանուն քաղաքականության:

Դեկտեմբերի 19-ին, արտակարգ դեպք է տեղի ունեցել Երևանում։ Ժամը 22:20-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Մյասնիկյան պողոտայում՝ «Բելաջիո» ռեստորանային համալիրի ավտոկայանատեղիում, ավտոմեքենա է այրվում։

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար:

Հայաստանյան ներկայիս իշխանությունները 2021 թվականի համապետական ընտրություններին ներկայացրին Կառավարության հնգամյա ծրագիր, որը նախատեսված էր իրականացնել 2021-2026 թվականներին։

«Հրապարակ» թերթը գրում է. «Քաղպայմանագրի» քաղաքական վերջին ժողովի ընթացքում Նիկոլ Փաշինյանն օրենսդիր մարմնի ներկայացուցիչներին՝ ժողովի մասնակից ՔՊ-ական պատգամավորներին, հրահանգել է մարզային ակտիվ այցելություններ կազմակերպել, մոտավորապես հետեւյալ բառապաշարով. «Եթե ԱԺ նիստ չկա, ի՞նչ եք վեր ընկնում ձեր սենյակներում, գնացեք մարզեր, շփվեք ժողովրդի հետ, լսեք նրանց խնդիրները, փորձեք լուծումներ տալ, դուք մենակ պարգեւավճար ու աշխատավարձ ստանալու համար չեք պատգամավոր դարձել»։

«Ժողովուրդ» օրաթերթը գրում է. «Դատական համակարգը ահազանգում է, որ բոլոր դատավորների՝ հատկապես հակակոռուպցիոն դատարանի դատավորների աշխատասենյակում գաղտնի տեսախցիկներ կան դրված՝ հնարավոր կոռուպցիոն ռիսկերը նվազեցնելու նպատակով:

«Հրապարակ» թերթը գրում է. «Իշխանական թիմում սոդոմ-գոմոր է, խմբավորումների են բաժանվել, իրար դեմ դուրս եկել, ինքնաոչնչացման գործընթաց է սկսվել։ Մի կողմից՝ Նիկոլ Փաշինյանն է թիմը մաքրում անհնազանդներից, կուսակիցներին իրար դեմ հանում` «ինքնաքննադատության» հայտնի նիստերով, որոշ պատգամավորների գաղտնի հանձնարարում է մյուսների կոռուպցիոն գործունեության մասին բարձրաձայնել:

«Հրապարակ» թերթը գրում է. «Գրել էինք, որ ՔՊ-ի ակտիվի նիստերից մեկի ժամանակ Արփի Դավոյանը գրոհել է կուսակցական «կոռուպցիոներների» եւ հատկապես՝ Երեւանի քաղաքապետի դեմ եւ հայտարարություններ արել: Մանավանդ՝ ԱՆԻՖ-ի թեման է արծարծել, պահանջելով գոնե թիմին հայտնել, թե ովքեր էին մեղավոր, որ բյուջեից այդքան գումար վատնվեց։ Մեզ պատմեցին, որ Դավոյանն այդ զեկույցից հետո ինքն է հայտնվել ոմանց թիրախում:

«Ժողովուրդ» օրաթերթը գրում է. «ՔՊ-ն Կառավարության հարեւանությամբ վարձակալած շենքը, որը վերանորոգումներից հետո պետք է ծառայեցներ որպես կուսակցության գլխավոր գրասենյակ, հետ է վերադարձրել պետությանը:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Դեկտեմբերի 19-ին, ավտովթար է տեղի ունեցել Արագածոտնի մարզում։ Ժամը 14:40-ի սահմաններում Լոռու մարզի բնակիչ 45-ամյա Դավիթ Գ.-ն իր վարած «Toyota» մակնիշի ավտոմեքենայով Մարգարա-Վանաձոր-Տաշիր ավտոճանապարհի 84 կմ հատվածում դուրս է եկել ճանապարհի երթևեկելի գոտուց, բախվել ճամփեզրի գազատար խողովակներին և հայտնվել առվում։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ուղևոր՝ Լոռու մարզի բնակիչ 64-ամյա Գալուստ Թ.-ն մարմնական վնասվածքներով տեղափոխվել է «Ապարան» բժշկական կենտրոն, իսկ որոշ ժամանակ անց Վանաձոր բժշկական կենտրոն է դիմել մեկ այլ ուղևոր՝ Լոռու մարզի բնակիչ 56-ամյա Արայիկ Լ.-ն։ Ըստ նախնական տեղեկությունների՝ վթարի պատճառը եղել է «Opel» մակնիշի ավտոմեքենայի վարորդի կողմից վթարային իրավիճակ ստեղծելը։ Դեպքի վայրում է եղել նաև այդ «Opel»-ը, որի վարորդի ինքնությունը պարզվում է։ Օպերատիվորեն ժամանել են նաև «Գազպրոմ Արմենիա»-ի Արագածոտնի մարզն սպասարկող վթարավերականգնողականի աշխատակիցները։

«Տեղեկացնում ենք, որ 14 տարեկան երեխան տանը մեծ քանակի դեղեր է ընդունել եւ սուր թունավորումով տեղափոխվել Ալավերդիի հիվանդանոց, որտեղից սուր երիկամային անբավարարության պատճառով մեկ օր անց տեղափոխվել է «Արաբկիր» բժշկական համալիր։ «Արաբկիրում» ախտորոշվել է բազմաօրգանային սուր անբավարարություն, եւ բժիշկների ջանքերը, ցավոք, արդյունք չեն տվել»,-նշված էր հայտարարության մեջ։

Հունվարի 1-ից Երևանում հասարակական տրանսպորտով երթևեկելու համար առաջարկվող սակագների բազմազանությունը մոլորության մեջ է գցում երևանցիներին: Մտահոգություն է հայտնում «Իրազեկ և պաշտպանված սպառող» հասարակական կազմակերպության նախագահ Բաբկեն Պիպոյանը: Նա չի հասկանում, թե քաղաքապետ Տիգրան Ավինյանը ինչ հաշվարկ է արել, որ պնդում է, թե սակագնի միջին գինը 144 դրամ է լինելու:

Այսօր՝ դեկտեմբերի 19-ին, խոշոր ավտովթար է տեղի ունեցել Կոտայքի մարզում։ Ժամը 14։45-ի սահմաններում Երևան-Սևան ավտոճանապարհի 21 կմ հատվածում բախվել են Տավուշի մարզի բնակիչ 35-ամյա Արման Դ․-ի վարած «Mercedes» մակնիշի և Երևանի բնակիչ 70-ամյա Վլադիկ Գ․-ի վարած «XCMG» մակնիշի բեռնատարները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան, իսկ ճանապարհը դարձել է միակողմանի երթևեկելի։ Վթարի փաստով ՊԾ Կոտայքի մարզի գումարտակում փաստաթղթեր են ձևակերպվում։

Դեկտեմբերի 19-ին, ժամը 08։51-ից 14:08-ն ընկած ժամանակահատվածում ՆԳՆ ՓԾ մարզային փրկարարական վարչությունների ճգնաժամային կառավարման կենտրոններ 6 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ: Մասնավորապես՝ Կոտայքի մարզի Հրազդան քաղաքում, Արագածոտնի մարզի Բերքառատ, Ծաղկահովիտ, Ջամշլու գյուղերում, Քաղսի-Սոլակ և Մեծ Մասրիկ-Կախակն ավտոճանապարհներին։ Դեպքի վայր ժամանած փրկարարներն արգելափակումից դուրս են բերել 15 ավտոմեքենա և 32 քաղաքացու ցուցաբերել համապատասխան օգնություն։

«Բարսելոնան» 2025 թվականի ամռանը կփորձի ձեռք բերել «Մանչեսթեր Սիթիի» հարձակվող Էրլինգ Հոլանդին։ Այս մասին հայտնում է El Chiringuito-ն։ Աղբյուրի համաձայն՝ կատալոնական ակումբը որոշել է առաջիկա ամռանը ակտիվացնել նորվեգացի հարձակվողին գնելու գործընթացը՝ թիմի կենտրոնական հարձակվող Ռոբերտ Լևանդովսկու ներկայիս մարզավիճակի վերաբերյալ կասկածների պատճառով։ Կատալոնական ակումբում կածում են, որ հաջորդ ամառ իդեալական ժամանակն է Հոլանդի հետ պայմանագիր կնքելու համար՝ կապված «Մանչեսթեր Սիթիի» իրավական խնդիրներին, ինչպես նաև այս մրցաշրջանում «քաղաքայինների» խաղային անկման հետ: Ընթացիկ մրցաշրջանում 24-ամյա նորվեգացին «Սիթիի» կազմում մասնակցել է 23 հանդիպման՝ դառնալով 18 գոլի և 1 գոլային փոխանցման հեղինակ, փոխանցում է Armsport-ը։

Հայաստանում ուժեղ քամին տոն է փչացրել Վանաձորում: Վնասվել են քաղաքի զարդարանքները: Գեղարքունիքում էլ է ավերածություններ բերել կեսգիշերային քամին: Ավելի քան մեկ տասնյակ ահազանգ են ստացել փրկարարները՝ տանիքներ քշել-տանելու, ծառեր արմատախիլ անելու մասին:

Իրանի արտաքին գործերի նախարար Աբաս Արաղչին ու Թուրքիայի արտաքին գործերի նախարար Հաքան Ֆիդանը հանդիպել են Եգիպտոսում D-8 Տնտեսական համագործակցության կազմակերպության ԱԳ նախարարների հանդիպման շրջանակում, հայտնում է IRNA–ն: Հանդիպմանն Իրանի և Թուրքիայի ԱԳ նախարարները մտքեր են փոխանակել D-8-ի ղեկավարների 11-րդ հանդիպման օրակարգային հարցերի շուրջ: Իրանի և Թուրքիայի ԱԳ նախարարները քննարկել են նաև տարածաշրջանի վերջին զարգացումները՝ կենտրոնանալով Գազայում տիրող իրավիճակի, Պաղեստինում և Լիբանանում ժողովրդի դեմ ուղղված Իսրայելի հանցագործությունների վրա:

Հայկական արդարադատության որակի մասին ցցուն օրինակ է Սոնա Մնացականյանի վրաերթի գործը: Դատախազությունը համառորեն քրեական հետապնդում չի ցանկանում հարուցել հղի կնոջը վրաերթի ենթարկած՝ վարչապետի ավտոշարասյան ղեկավար կազմի նկատմամբ: Երկրորդ անգամ է դատարանը անօրինական համարել դատախազության այդ որոշումը:Սակայն Սոնա Մնացականյանի իրավահաջորդի փաստաբանին այս լուրը չի ոգևորում: Դատախազությունը կարող է դատարանի այդ որոշումն էլ բողոքարկել, ինչի դեպքում նորից կերկարաձգվի գործի քննությունը:

Դեկտեմբերի 19-ին՝ ժամը 20:18-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դիլիջան քաղաքի Շամախյան փողոցում տեղի է ունեցել ՃՏՊ: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ VAZ մակնիշի ավտոմեքենան դուրս է եկել ճանապարհի երթևեկելի հատվածից և շրջվել: Փրկարարները հոսանքազրկել են ավտոմեքենան, փակել գազի բալոնի փականը, ուղղել և դուրս բերել ճանապարհի երթևեկելի հատված: