Լրահոս

Այսօր՝ հունվարի 10-ին, Երևանում մոպեդի մասնակցությամբ հերթական դեպքն է տեղի ունեցել Երևանում: Ժամը 13:30-ի սահմաններում Տիչինայի փողոցում բախվել են Երևանի բնակիչ 27-ամյա Գևորգ Պ.-ի վարած «Mazda» մակնիշի ավտոմեքենան և Հնդկաստանի Հանրապետության քաղաքացու մոպեդը: 

Իրավապաշտպան Արսեն Բաբայանին ու նրա ընկերներին ձերբակալել են։ Այդ մասին անձամբ Բաբայանն է հայտնել։

Ռուս հայտնի դերասան Միխայիլ Բոյարսկին, ով անցած տարեվերջին նշել է ծննդյան 75-ամյակը, հոսպիտալացվել է Սանկտ Պետերբուրգում։

ՀՀ ԱԳ նախարար Արարատ Միրզոյանը հանդիպում է ունեցել Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Մագդալենա Գրոնոյի հետ։ Այս մասին հայտնում են ՀՀ ԱԳՆ-ից:

Գրիպի և սուր շնչառական վիրուսային վարակների բուժման համար ցուցված չէ hակաբակտերիային դեղերի կիրառումը: Այս մասին հայտնում են ՀՀ առողջապահության նախարարությունից:

Կառավարության առաջին նիստում Նիկոլ Փաշինյանը թոշակառուների դժգոհություններից է խոսել: Նա կարծում է՝ անհիմն են բողոքները: Ի վերջո, իր կառավարությունը 5 անգամ բարձրացրել է թոշակը, և Հայաստանում նվազագույն թոշակը ավելի բարձր է, քան նվազագույն պարենային զամբյուղը: Թոշակառուները վարչապետին առաջարկում են մեկ ամիս իրենց պարենային զամբյուղով ապրել:

2025 թվականից կառուցապատման թույլտվությունների ստացմանն առնչվող ողջ գործընթացը ՀՀ բոլոր մարզերում և Երևանում պետք է իրականացվի էլեկտրոնային եղանակով: Այդ մասին հայտնում են Երևանի քաղաքապետարանից:

ՀՀ սննդամթերքի անվտանգության տեսչական մարմնի Շիրակի մարզային կենտրոնի տեսուչներն անհատ ձեռնարկատեր Շահեն Քիթոյանին պատկանող կաթնամթերքի արտադրամասում (Շիրակի մարզ, ք․ Արթիկ) անցկացրած ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով։ Այս մասին հայտնում են ՍԱՏՄ-ից:

Ըստ ոստիկանության օպերատիվ հաղորդագրությունների ամփոփագրերի՝ հունվարի 9-ից 10-ը ՆԳՆ ոստիկանության ստորաբաժանումները բացահայտել են հանցագործության 136 դեպք, որոնցից 6-ը՝ նախկինում կատարված: Այս մասին հայտնում են ՆԳՆ-ից:

Տեղեկացնում ենք, որ «Կատարողական վարույթի մասին» ՀՀ նոր օրենքի, որն ուժի մեջ կմտնի 2025 թվականի հուլիսի 1-ից, 48-րդ հոդվածը սահմանում է հարկադիր կատարողի որոշմամբ պարտապանի նկատմամբ հայտարարված հետախուզման, Հայաստանի Հանրապետության տարածքից հետախուզվող անձի ելքի իրավունքի սահմանափակումը։

Այսօր Քրեակատարողական ծառայության պետ Ծովինար Թադևոսյանը և ՀՀ մարդու իրավունքների պաշտպան Անահիտ Մանասյանն այցելել են ՀՀ ԱՆ «Արմավիր» քրեակատարողական հիմնարկ՝ տեղում ծանոթանալու ազատազրկված անձանց պահման պայմանների ընթացիկ վիճակին և առկա կարիքներին։

Հայաստանը ստիպված կլինի ընտրություն կատարել Եվրասիական տնտեսական միության և Եվրամիության միջև: Այս երկու կազմակերպությունները «անհամատեղելի» են՝ հաշվի առնելով իրենց տարածքում ապրանքների, ծառայությունների և կապիտալի ազատ շրջանառությունը, հայտարարել է Ռուսաստանի փոխվարչապետ Ալեքսեյ Օվերչուկը՝ խոսելով հինգշաբթի Հայաստանի կառավարության հավանությանն արժանացած օրինագծի մասին: «Ռուսաստանը Հայաստանի կողմից Եվրամությանն անդամակցելու գործընթացի քննարկումը դիտարկում է որպես Եվրասիական տնտեսական միությունից ելքի սկիզբ և Հայաստանի հետ իր տնտեսական քաղաքականությունը կկառուցի այդ հանգամանքը հաշվի առնելով»,- ասել է Օվերչուկը: Նա համոզմունք է հայտնել, որ ԵԱՏՄ-ի հետ կապերի դադարեցման դեպքում երկրում կաճեն էներգիայի և սննդամթերքի գները, 70-80 տոկոսով կկրճատվի արտահանումը:

Ռուսաստանի Դաշնության նախագահ Վլադիմիր Պուտինը պատրաստ է առանց որևէ նախապայմանի հանդիպել ԱՄՆ նորընտիր նախագահ Դոնալդ Թրամփի հետ։ Նման շփումների կազմակերպումը պահանջում է Վաշինգտոնի ցանկությունը և քաղաքական կամքը, ճեպազրույցում մեկնաբանել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Պուտինի հետ հանդիպելու ծրագրերի մասին Թրամփի հայտարարությունները։ Այս մասին գրում է ՏԱՍՍ-ը:

ՆԳՆ ոստիկանության օպերատիվ կառավարման կենտրոն հունվարի 9-ի առավոտյան զանգած քաղաքացին հայտնել էր, որ Ֆիոլետովո գյուղի մոտակայքում «Նիսան» մակնիշի մեքենան կողաշրջվել է, և արգելափակված անձինք քաղաքացիների շնորհիվ դուրս են բերվել:

Հայաստանը կլիմայական առումով մի երկիր է, որտեղ ժամանակի նույն պահին տարբեր բնակավայրերում կարող է դիտվել 25-26 աստիճանի ջերմաստիճանային տարբերություն։ Այս մասին գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը։

Եղիշե Չարենցի տուն-թանգարանի հիմնադրման 60 և բացման 50-ամյա հոբելյանները նշանավորվում են նաև տիեզերքում։

Եվրամիության արտաքին քաղաքական հարցերով բարձր ներկայացուցիչն առաջարկել է ևս երկու տարով երկարաձգել Հայաստանում Եվրամիության քաղաքակացիական առաքելության տեղակայումը, «Ազատությանը» հայտնել են բարձր ներկայացուցչի մամուլի գրասենյակից։

Լոս Անջելեսի շրջանի ոստիկանությունը ձերբակալել է Լոս Անջելեսի արևմտյան շրջանում Քենեթի հրդեհի բռնկման մեջ կասկածվողին, հայտնում է NewsNation-ը՝ վկայակոչելով իրավապահ մարմիններին։

Սիսակ Գաբրիելյանն արձագանքեց, որ ինչքանով տեղյակ է՝ կա պատասխանատվություն. «Բոլոր տեղերում, որ գնացել ենք, այս գրված նոտաները խախտվել են, ամեն ինչն էլ խախտվել է և որևէ մեկը պատասխանատվության չի ենթարկվել։ Ենթադրում եմ, որ վարչական պատասխանատվություն կլինի»։

Թրամփ-Պուտին հանդիպում է նախապատրաստվում։ Այդ մասին ԱՄՆ ընտրված նախագահն է հայտնել Ֆլորիդա նահանգում իր ելույթի ժամանակ։ Թրամփը վստահեցրել է, որ Պուտինը ևս այդպիսի ցանկություն ունի: «Նա ցանկանում է հանդիպել, և մենք դա կազմակերպում ենք»,- հայտարարել է նա, բայց չի հստակեցրել, թե երբ կարող է տեղի ունենալ հանդիպումը: Կրեմլը Վլադիմիր Պուտինի հետ հանդիպում կազմակերպելու ոչ մի հարցում չի ստացել Դոնալդ Թրամփի թիմից, հինգշաբթի ասել է Ռուսաստանի նախագահի մամուլի խոսնակը: Դմիտրի Պեսկովի խոսքով՝ Պուտինը բազմիցս խոսել է երկխոսության իր պատրաստակամության և անհրաժեշտության մասին և միայն կողջունի շփումները ԱՄՆ բարձրագույն ղեկավարության հետ: