Լրահոս

Վլադիմիր Զելենսկին ոչնչացրել է ողջ ընդդիմությունը և կառուցել տոտալիտար պետական ​​ռեժիմ, որը կկործանվի՝ առանց պատերազմը շարունակելու, ասել է ՌԴ ԱԳՆ պաշտոնական ներկայացուցիչ Մարիա Զախարովան, նրա մեկնաբանությունը հրապարակվել է ՌԴ ԱԳՆ կայքում։ «Դրա համար նա ոչնչացրեց ընդդիմությանը, կառուցեց տոտալիտար պետություն և անխնա մահվան ուղարկեց իր միլիոնավոր համաքաղաքացիների: Ներկայիս քաղաքական պայմաններում, որոնք գնալով վատթարանում են Կիևի ռեժիմը, այս գործիչը ի վիճակի չէ պատասխանատվության զգացում դրսևորել և, հետևաբար, տարված է պատերազմը շարունակելով՝ մերժելով խաղաղությունը, որն իր համար մահվան պես է»,- ասել է Զախարովան։

Մարտի 1-ին, ժամը 11:43-ին Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Արճիս գյուղում այրվում է տուն: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է գյուղի 14-րդ փողոցի տներից մեկում: Հրդեհը մեկուսացվել է ժամը 12:34-ին, մարվել՝ 14:15-ին: Այրվել է տունը (մոտ 24 քմ):

Պետական եկամուտների կոմիտեն հայտնում է, որ Եվրասիական տնտեսական հանձնաժողովի խորհրդի 24.11.2023թ. N 134 որոշմամբ ԱՏԳ ԱԱ 8703 80 000 2 ծածկագրին դասվող էլեկտրական շարժիչով տրանսպորտային միջոցների համար 0% ներմուծման մաքսատուրքի արտոնությամբ ձևակերպելու քվոտան 2025 թվականի համար սահմանվել էր 8, 000 հատ տրանսպորտային միջոցի մասով, որը ՀՀ կառավարության 28.11.2024թ. N 1876-Ն որոշմամբ բաշխվել է հետևյալ կերպ. 1) 3,000 հատից ոչ ավելի քանակով տրանսպորտային միջոցներ մաքսատուրքի արտոնությամբ կարող են ձևակերպվել անմիջապես ավտոարտադրողի հետ կնքված դիլերական-դիստրիբյուտորական պայմանագրի (համաձայնագրի) շրջանակում ներմուծում իրականացնող սուբյեկտների կողմից: 2) 5,000 հատից ոչ ավելի քանակով` 1-ին կետում չնշված ներմուծում իրականացնող սուբյեկտների (այդ թվում՝ ֆիզիկական անձանց) կողմից: Կոմիտեն տեղեկացնում է, որ 2025 թ. փետրվարի 28-ը ներառյալ մաքսատուրքի արտոնությամբ ձևակերպվել է. 1) 454 հատը կամ բաշխված քվոտայի (3,000 հատ) շուրջ 15%-ը` անմիջապես ավտոարտադրողի հետ կնքված դիլերական-դիստրիբյուտորական պայմանագրի շրջանակներում ներմուծում իրականացնող սուբյեկտների կողմից: 2) 4,795 հատը կամ բաշխված քվոտայի (5,000 հատ) շուրջ 96%-ը` 1-ին կետում չնշված ներմուծում իրականացնող սուբյեկտների կողմից:

Վերջին հինգ տարիների ընթացքում, գրեթե ամենօրյա ռեժիմով, Ալիևը Նիկոլի հետ վարվում է այնպես, ինչպես երեկ Թրամփը վարվեց Զելենսկու հետ: Ընդ որում, ի տարբերություն Նիկոլի, Զելենսկին ցույց տվեց, որ ինքն ունի արժանապատվություն և չի պատրաստվում «լիզել» Թրամփի կոշիկները (վերջին արտահայտությունի իմը չէ):

«Ինչպես Թրամփ-Զելենսկի բանակցությունները փլուզվեցին 10 կրակոտ րոպեի ընթացքում», «Թրամփը պայթեցրեց Զելենսկիին»: Այսպիսի վերնագրերով է ողողված միջազգային մամուլը՝ Սպիտակ տանը Միացյալ Նահանգների և Ուկրաինայի նախագահների սկանդալային հանդիպումից հետո:

ԱՄՆ-ն նախատեսում է մարտի 4-ին ուղեծիր դուրս բերել SPHEREx աստղադիտարանը, որը նախատեսված է Տիեզերքի առաջացման ընթացքը (առաջին ակնթարթներից սկսած) ուսումնասիրելու համար: «Արմենպրես»-ի հաղորդմամբ՝ այս մասին հայտնել է NASA-ն: Սարքավորումը հավաքելու է տվյալներ, որոնք լույս կսփռեն այսպես կոչված աճի պահի վրա, երբ Մեծ պայթյունից հետո տարածությունը վայրկյանից փոքր ժամանակահատվածում մեծացել էր մի քանի տրիլիոն անգամ՝ վերածվելով հսկայական և ընդարձակվող տիեզերքի: SPHEREx-ը, հավաքելով օպտիկական և ինֆրակարմիր լույսի ներքո տվյալներ, կազմելու է տիեզերքի քարտեզը: Աստղադիտակն ունակ է ճանաչել ինֆրակարմիր լույսը, որը դժվար է դիտարկել Երկրի մակերևույթից։ Սպեկտրոֆոտոմետրը օգտագործվելու է ամբողջ երկնակամարի քարտեզը 102 ինֆրակարմիր միջակայքերում կազմելու և միլիարդավոր երկնային օբյեկտների վերաբերյալ տվյալներ հավաքելու նպատակով: SPHEREx-ի առաքելությունը տևելու է 2.5 տարի, որի ընթացքում սարքը ստեղծելու է տիեզերքի առաջին ինֆրակարմիր 3D քարտեզը։ Մոտ կես տոննա կշռող արբանյակի արժեքը 488 միլիոն դոլար է: Հեռադիտակի արձակման համար օգտագործվելու է SpaceX ընկերության Falcon 9 հրթիռային կրիչը, որն արձակվելու է ԱՄՆ-ի տիեզերական զորքերի՝ Կալիֆոռնիայում գտնվող Վանդենբերգ բազայից: Falcon 9-ը ուղեծիր է դուրս բերելու ամերիկյան ևս չորս արբանյակներ, որոնք ստեղծվել են PUNCH նախագծի շրջանակներում՝ արևային պսակը և արևային քամին ուսումնասիրելու նպատակով:

Մարդու իրավունքների պաշտպան Անահիտ Մանասյանն այցելել է «Խարբերդի մասնագիտացված մանկատուն» պետական ոչ առևտրային կազմակերպությունում գործող «Ճախրուկ» մշակութային կենտրոն: Այցը նվիրված էր «Ճախրուկ» էթնո երաժշտախմբի սաներից չորսի ծննդյան օրվան: Միջոցառմանը ներկա են եղել նաև ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի անդամներ Մարինա Ղազարյանն ու Տիգրան Պարսիլյանը, ինչպես նաև ՄԻՊ ներկայացուցիչները։ Երաժշտախմբի հիմնադիր ղեկավարներն են Աննա և Անահիտ Մխիթարյանները: Տոնական միջոցառման ավարտին Պաշտպանն ու հյուրերը հոբելյարներին հանձնել են նվերներ։ «Յուրաքանչյուր մարդ՝ տալով սեր և ջերմություն, նպաստում է ընդհանուր միջավայրի դրական փոփոխություններին: Սիրելի՛ «Ճախրուկներ», ձեր գործունեությունը մեր միջավայրին սեր և ջերմություն տալու մասին է։ Այդ զգացողությունը ես ունենում եմ մշտապես` ամեն անգամ ձեզ հետ շփվելիս», – ասել է Պաշտպանը։ Հաշմանդամություն ունեցող անձանց և երեխաների իրավունքներին առնչվող հարցերը Մարդու իրավունքների պաշտպան Անահիտ Մանասյանի անմիջական ուշադրության ներքո են։ Պաշտպանը կարևորում է պետության աջակցությունը հաշմանդամություն ունեցող անձանց ստեղծագործական ներուժի խթանման գործում։

ԱՄՆ նախկին առաջնորդ Ջո Բայդենի նախագահությունը «փչացրեց» Վլադիմիր Զելենսկուն, ուստի նա ակնկալում էր, որ Միացյալ Նահանգները կշարունակի ռազմական գործողությունների ֆինանսավորումը, սակայն այժմ նրա համար «ամեն ինչ ավարտված է», «ՌԻԱ Նովոստի»-ի փոխանցմամբ՝ գրում է Bloomberg-ը՝ վկայակոչելով ԱՄՆ ներկայիս վարչակազմի դիրքորոշմանը ծանոթ աղբյուրին։ Ուրբաթ օրը Վաշինգտոնում կայացել է ԱՄՆ նախագահ Դոնալդ Թրամփի և Զելենսկու հանդիպումը, որը վերածվել է ծեծկռտուքի։ Fox News-ի փոխանցմամբ՝ Թրամփը Զելենսկիին «դուրս է շպրտել» այն կոնֆլիկտից հետո, երբ ամերիկացի առաջնորդն իրեն անհարգալից է զգում։ Fox News-ի փոխանցմամբ՝ հազվագյուտ հողային մետաղների մասին գործարքի ստորագրումը չեղյալ է հայտարարվել։ Թրամփն ասել է, որ չի տեսնում Զելենսկու՝ Ռուսաստանի հետ հակամարտությունը լուծելու ցանկությունը։ «Մինչև այս տարի Միացյալ Նահանգները գլխավորում էր Ուկրաինային աջակցելու ջանքերը... Այժմ Կիևի հեռանկարները կարող են նույնքան մռայլ լինել, որքան երեք տարի առաջ... Ըստ վարչակազմի մտածելակերպին ծանոթ մարդու, Ջո Բայդենի նախագահությունը փչացրել է նրան (Զելենսկի-խմբ.)՝ ստիպելով նրան ակնկալել, որ ամերիկացի ժողովուրդը կշարունակի ֆինանսավորել պատերազմը: Ինչպես նշվում է, եվրոպացի պաշտոնյաները Զելենսկու հանդիպումը Թրամփի հետ «աղետ» են համարել։ Եվրոպան այժմ պետք է միասին փորձի հաղթահարել ձախողված բանակցությունների հետևանքները, ասել է անանուն պաշտոնյան: Ավելի վաղ Ռուսաստանի ղեկավարի մամուլի քարտուղար Դմիտրի Պեսկովը հայտարարել էր, որ ԱՄՆ նախկին նախագահ Ջո Բայդենի վարչակազմը ցանկանում է պատերազմ սկսել Ուկրաինայում և դրա վրա ծախսել է ամերիկյան փողերը։ Ռուսաստանը կարծում է, որ Ուկրաինային զենքի մատակարարումները խոչընդոտում են կարգավորմանը, անմիջականորեն ներքաշում են ՆԱՏՕ-ի երկրներին հակամարտության մեջ և «կրակի հետ են խաղում»։ Ռուսաստանի արտգործնախարար Սերգեյ Լավրովը նշել է, որ Ուկրաինայի համար զենք պարունակող ցանկացած բեռ Ռուսաստանի համար օրինական թիրախ կլինի։ Նրա խոսքով, ԱՄՆ-ն և ՆԱՏՕ-ն անմիջականորեն ներգրավված են հակամարտությունում, այդ թվում՝ ոչ միայն զենք մատակարարելով, այլև Մեծ Բրիտանիայում, Գերմանիայում, Իտալիայում և այլ երկրներում անձնակազմի վերապատրաստմամբ։ Կրեմլը հայտարարել է, որ Արևմուտքի կողմից Ուկրաինա զենք մղելը չի ​​նպաստում բանակցություններին և բացասական ազդեցություն կունենա։

Քամին հարավարևմտյան 2-5մ/վ, մարտի 1-2-ին սպասվում է քամու ուժգնացում՝ 12-15մ/վ, մարտի 3-ին և 6-ին ՝ 15-18մ/վ արագությամբ, լեռնային շրջաններում՝ բուք, ցածր հորիզոնական տեսանելիություն։

Սենտ-Էտիենի քաղաքապետ Գաել Պերդրիոյի գլխավորած պատվիրակությունը մարտի 1-ին այցելել է Հայոց ցեղասպանության հուշահամալիր՝ Կապանի փոխքաղաքապետ Գոռ Թադևոսյանի ուղեկցությամբ: Պատվիրակության կազմում էին Սենտ-Էտիենի հայկական ասոցիացիայի նախագահ Վրեժ Խոսրովյանը, Սենտ-Էտիենի քաղաքապետի խորհրդական, Հայոց ցեղասպանությունը վերապրածի ժառանգ Ժան Պիեռ Կոտչյանը և այլք: Հյուրերին դիմավորել է Հայոց ցեղասպանության թանգարան-ինստիտուտի տնօրեն Էդիտա Գզոյանը: Նա հյուրերին ուղեկցել է դեպի Հայոց ցեղասպանության հուշահամալիր՝ ներկայացնելով հուշահամալիրի ստեղծման պատմությունը: Սենտ-Էտիենի քաղաքապետ Գաել Պերդրիոն ծաղկեպսակ է դրել Հայոց ցեղասպանության զոհերի հիշատակը հավերժացնող հուշակոթողին, այնուհետև հյուրերը ծաղիկներ են դրել անմար կրակի մոտ և մեկ րոպե լռությամբ հարգել Հայոց ցեղասպանության անմեղ զոհերի հիշատակը: Ֆրանսիայից ժամանած հյուրերը շրջել են նաև Հայոց ցեղասպանության թանգարանում, որտեղ ՀՑԹԻ-ի ավագ էքսկուրսավար Հասմիկ Մարտիրոսյանի ուղեկցությամբ ծանոթացել են մշտական և ժամանակավոր ցուցադրություններին, որից հետո Սենտ-Էտիենի քաղաքապետ Գաել Պերդրիոն և նրա խորհրդական Ժան Պիեռ Կոտչյանը գրառումներ են կատարել Պատվավոր հյուրերի հուշամատյանում: Շնորհակալություն հայտնելով այցի համար՝ ՀՑԹԻ-ի տնօրեն Էդիտա Գզոյանը պատվավոր հյուրին նվիրել է Հայոց ցեղասպանության մասին գրքեր: Սենտ-Էտիենի քաղաքապետի խորհրդական, Հայոց ցեղասպանությունը վերապրածի ժառանգ Ժան Պիեռ Կոտչյանն էլ իր հերթին Հայոց ցեղասպանության թանգարանին է հանձնել իր հեղինակած «Սատանայի գործը» կտավը:

Փետրվարի 25-ին գողության դեպք է տեղի ունեցել Արմավիրի մարզում։ Ժամը 16։30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Արմավիրի բաժնում տեղեկություն է ստացվել, որ մուտք են գործել Արմավիր քաղաքում գտնվող` «Ազնավուր» հիմնադրամին պատկանող արտադրական տարածք և այնտեղից գողություն կատարել։ Ինչպես հայտնում է ֆոտոլրագրող Գագիկ Շամշյանը, Ոստիկանության Արմավիրի բաժնի ծառայողներին Երևանի բնակիչ, 35-ամյա Տաթևիկ Ս․-ն հայտնել է, որ 2024 թվականի դեկտեմբերի 28-ից մինչև փետրվարի 25-ը ընկած ժամանակահատվածում կենտրոնական դռան փականը կոտրելու միջոցով մուտք են գործել Արմավիր քաղաքի Շահումյան փողոցի 9/50 հասցեում գտնվող, «Ազնավուր» հիմնադրամին պատկանող արտադրական տարածք և այնտեղից գողացել սյուների վրա տեղադրված թվով 4 հատ տեսանկարահանող սարքեր, իսկ արտադրամասի պատուհանի ճաղավանդակը պոկելու և պատուհանի ապակին հանելու միջոցով մուտք են գործել ներս և գողացել մեկ հատ համակարգչի էկրան, մեկ հատ ստեղնաշար և մեկ հատ հիշողության սարք (DVR): Ոստիկանության Արմավիրի բաժնի ծառայողների կողմից ձեռնարկվում են միջոցառումներ անհայտ անձի ինքնությունը պարզելու, վերջինիս և գողոնը հայտնաբերելու ուղղությամբ: Դեպքի փաստով Ոստիկանության Արմավիրի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Արմավիրի մարզային քննչական վարչություն: Գ․ Շամշյանի տեղեկություններով, Տաթևիկ Ս․-ն «Ազնավուր» հիմնադրամի գործառնությունների ղեկավարն է։

Մարտի 1-ին, ժամը 12:44-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Իսակովի պողոտայում գտնվող կահույքի խանութներից մեկում։ Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ, Բժշկական ապահովման վարչության հերթապահ և Ճգնաժամային կառավարման ազգային կենտրոնի օպերատիվ խմբերը։ Հայտարարվել է հրդեհի բարդության «Թիվ 2» աստիճան․ դեպքի վայր է մեկնել ՆԳՆ ՓԾ Երևան քաղաքի հրշեջ-փրկարարական ջոկատներից ևս երկու մարտական հաշվարկ: Հրդեհը մեկուսացվել է ժամը 13։15-ին, մարվել՝ 13:35-ին:

Ծիծաղով ուզում եմ սրանց ասել՝ դուք մեղկ եք: Այս մասին հայտարարել է Գյումրու նախկին քաղաքապետ, այժմ քաղաքապետի թեկնածու Վարդան Ղուկասյանը՝ անդրադառնալով իր դեմ գործ հարուցելուն: «Էնքան ցայտուն, էնքան բացահայտ է ձեր քաղաքական պատվերը: Ձեր կառույցի դատաիրավական ոլորտի ռեյտինգը այնքան եք ցածրացրել՝ «պլենդուզի» մակարդակից վար է»,- նշեց նա: Մանրամասն՝ տեսանյութում:

Նախկին քաղաքացիական ծառայող հնդիկ Բուդդին Գինեսի ռեկորդների գրքում է գրանցվել՝ աշխարհի ամենամեծ ռադիոհավաքածուի համար:

Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ պետական եկամուտների կոմիտեի համալիր հարկային ստուգումների վարչության ստուգումների 3-րդ բաժնի նախկին գլխավոր հարկային տեսուչ Արմանդ Աբրահամյանից և նրան փոխկապակցված անձանցից հօգուտ Հայաստանի Հանրապետության բռնագանձել՝ 3 անշարժ գույք՝ Երևանում (2 գույքի շուկայական արժեքը՝ 185 մլն 525 հազար դրամ), 1 անշարժ գույք՝ Բյուրավան գյուղում (շուկայական արժեքը՝ 82 մլն 265 հազար դրամ). 1 տրանսպորտային միջոց (շուկայական արժեքը՝ 18 մլն 420 հազար դրամ). 1 իրավաբանական անձում մասնակցություն. 215 միլիոն դրամ՝ որպես ապօրինի եկամտի մնացորդի և օրինական եկամուտներով չհիմնավորվող՝ բարեխիղճ երրորդ անձանց փոխանցված դրամական միջոցների հանրագումար:

Վլադիմիր Զելենսկին փորձում է ԱՄՆ-ին ներքաշել Ռուսաստանի հետ միջուկային պատերազմի մեջ, X սոցիալական ցանցում գրել է ԱՄՆ Ազգային հետախուզության տնօրեն Թուլսի Գաբարդը։ Նա շնորհակալություն է հայտնել ԱՄՆ նախագահ Դոնալդ Թրամփին Զելենսկու հետ բանակցություններում նրա դիրքորոշման համար։ «Շնորհակալ եմ Դոնալդ Թրամփին ձեր անսասան առաջնորդության համար՝ առաջ մղելու ամերիկյան ժողովրդի և աշխարհի շահերը: Ձեր ասածը բացարձակապես ճիշտ է. Զելենսկին տարիներ շարունակ փորձում է ԱՄՆ-ին ներքաշել Ռուսաստանի հետ միջուկային պատերազմի մեջ/Երրորդ համաշխարհային պատերազմի մեջ…»,- գրել է նա: Բացի այդ, Գաբարդը շնորհակալություն է հայտնել փոխնախագահ Ջեյ Դի Վենսին Ուկրաինայում հակամարտության կարգավորման հարցում դիվանագիտական մոտեցման անհրաժեշտության մասին խոսքերի համար: Թրամփի և Զելենսկու հանդիպումը, որն ի վերջո վերածվեց վիճաբանության, տեղի ունեցավ ուրբաթ օրը Վաշինգտոնում։ Ինչպես հաղորդում է Fox News-ը, ամերիկացի առաջնորդը «դուրս է շպրտել» Կիեւի ռեժիմի ղեկավարին՝ ցուցաբերած անհարգալից վերաբերմունքի պատճառով։ Չեղարկվել է նաև Վաշինգտոնի և Կիևի միջև հազվագյուտ հողային մետաղների մասին գործարքի ստորագրումը։ Իր հերթին, CBS News հեռուստաալիքը, վկայակոչելով ամերիկյան առաջնորդի շրջապատի բարձրաստիճան աղբյուրները, հաղորդում է, որ Սպիտակ տանը տեղի ունեցածը բարձրացնում է Ուկրաինային հետագա օգնությունը դադարեցնելու հարցը։ Նշվեց, որ Կիևում տեղի ունեցածից հետո պաշտոնյաները հուսահատության մեջ են ընկել և փորձում են ստիպել Սպիտակ տունը վերադառնալ քննարկումներին, սակայն ապարդյուն, քանի որ Թրամփն այս պահին չի ցանկանում զրուցել Զելենսկու հետ։

Ռուսական ռուբլու առքի առավելագույն արժեքն է 4․39 դրամ, վաճառքի նվազագույն արժեքը՝ 4․45 դրամ:

Վոլոդիմիր Զելենսկու հետ վիճաբանությունից հետո ԱՄՆ նախագահ Դոնալդ Թրամփը հրամայել է ազգային անվտանգության պաշտոնյաներին ստուգել՝ արդյոք Վաշինգտոնը կարող է ժամանակավորապես կամ ամբողջությամբ դադարեցնել զենքի մատակարարումը Ուկրաինային, «ՌԻԱ Նովոստի»-ի փոխանցմամբ՝ գրում է Wall Street Journal-ը։ Ավելի վաղ Washington Post-ը հայտնել էր, որ Թրամփի վարչակազմը դիտարկում է Ուկրաինային ռազմական օգնության բոլոր ընթացիկ մատակարարումները դադարեցնելու հարցը` Սպիտակ տանը Վլադիմիր Զելենսկու հետ նրա վեճից հետո: «Վիճահարույց հանդիպումից կարճ ժամանակ անց Թրամփը հրամայեց ազգային անվտանգության իր բարձրաստիճան պաշտոնյաներին ստուգել՝ արդյոք Միացյալ Նահանգները կարող է ժամանակավորապես կամ ընդմիշտ դադարեցնել զենքի ներկայիս վաճառքը Ուկրաինային», - ասվում է զեկույցում՝ վկայակոչելով ամերիկացի պաշտոնյային: Ինչպես նշում է թերթը՝ վկայակոչելով Թրամփի խորհրդականին, ամերիկացի առաջնորդը ներկայումս ծրագրում է սպասել Զելենսկու հետագա գործողություններին։ Թրամփն ու Զելենսկին հանդիպել են ուրբաթ օրը Վաշինգտոնում, և այն վերածվել է թեժ վեճի։ Fox News հեռուստաալիքի տվյալներով՝ Թրամփը «դուրս է շպրտել» Զելենսկուն կոնֆլիկտից հետո, որի ընթացքում ամերիկացի առաջնորդը անհարգալից վերաբերմունք է զգացել։ Հազվագյուտ հողային մետաղների մասին գործարքի ստորագրումը չեղարկվեց։ Թրամփն ասել է, որ չի տեսնում Զելենսկու՝ Ռուսաստանի հետ հակամարտությունը լուծելու ցանկությունը։

Հայլուր 12։30 Զելենսկիին պատին են դեմ տվել Սպիտան տանը. 10 նվաստացուցիչ րոպեներ

Ներքին գործերի նախարար Արփինե Սարգսյանն ուղերձ է հղել Քաղաքացիական պաշտպանության համաշխարհային օրվա առթիվ: Ուղերձում ասվում է. «Ներքին գործերի նախարարության համակարգի հարգելի՛ գործընկերներ, սիրելի՛ քաղաքացիներ, Մարտի 1-ին նշվում է Քաղաքացիական պաշտպանության համաշխարհային օրը, որը խորհրդանշում է պետությունների կողմից քաղաքացիների անվտանգության ապահովման կարևոր առաքելությունը։ Օրն առանձնահատուկ խորհուրդ ունի՝ ընդգծելով քաղաքացիական պաշտպանության անփոխարինելի դերը մեր երկրում՝ հատկապես բնակչության պաշտպանության մակարդակի բարձրացման համատեքստում։ Ներքին գործերի նախարարության ամենօրյա ուշադրության կենտրոնում է քաղաքացիական պաշտպանության համակարգի շարունակական զարգացումն ու անվտանգային և ինստիտուցիոնալ կարողությունների զարգացումը։ Քաղաքացիական պաշտպանությունը, լինելով ազգային անվտանգության անբաժանելի բաղադրիչ, մեր պետության դիմակայունության ապահովման կարևորագույն ուղղություններից է։ Մեր իրականության պայմաններում անհնար է հասնել հանրային անվտանգության բարձր մակարդակի առանց յուրաքանչյուր քաղաքացու կողմից այդ գործում իր մասնակցության մասնաբաժնի գիտակցման, և հենց սա է ամուր քաղաքացիական պաշտպանության համակարգ ունենալու բանաձևը։ Անվտանգային մշակույթը պետք է դառնա մեր ապրելակերպը. սա է հաջողության գրավականը։ Այս կարևոր օրվա առթիվ շնորհավորում եմ բոլոր նրանց, ովքեր իրենց աշխատանքով և նվիրվածությամբ մեծ ներդրում են ունեցել քաղաքացիական պաշտպանության համակարգի ձևավորման և զարգացման գործում։ Շնորհավորում եմ նաև այն անձանց, որոնք նոր են մուտք գործում համակարգ`գիտակցելով այս համակարգի զարգացման կարևորությունը։ Թող ձեր բարձր մասնագիտական կարողությունները, պատասխանատվությունը և նվիրվածությունը շարունակեն խթանել քաղաքացիական պաշտպանության համակարգի կայուն զարգացումը՝ ի շահ մեր պետության դիմակայության ամրապնդման»: