Լրահոս

Ինչպես հայտնի է, Սյունիքի մարզի առաջին ատյանի դատարանում սկսվել է Գլխավոր շտաբի պետի նախկին տեղակալ, գեներալ-լեյտենանտ Տիրան Խաչատրյանի դատավարությունը։ 53-ամյա Խաչատրյանը մեղադրվում է 44-օրյա պատերազմի ընթացքում Արցախի հարավային հատվածում իրեն վստահված Ալփաշայի բարձունքի, Սուլթանլիի եւ Արաքսավանի բնագծերի պաշտպանությունը ձախողելու համար: Ծառայության նկատմամբ անփույթ վերաբերմունքի մեղադրանքը նա չի ընդունում: «Այն, ինչի հիման վրա եզրահանգումներ են արվել, զինվորական մասնագիտական որակումներից դուրս են: Չի կարելի ոչ մասնագիտական՝ ես նկատի ունեմ պրոֆեսիոնալ, եզրահանգումներ անել եւ նմանատիպ եզրահանգումները դատարան ներկայացնել որպես մեղադրանք», – դատարանում հայտարարել էր Տիրան Խաչատրյանը:

ՔՊ-ում դեռ չեն քննարկել ՔՊ-ից հեռացած Հովիկ Աղազարյանին եւ «Պատիվ ունեմ»-ից Տարոն Մարգարյանին անձեռնմխելիությունից զրկելու հարցը, մասնավորապես՝ թե ինչ դիրքորոշում պետք է հայտնեն ՔՊ-ականները, ինչ ելույթներ պետք է ունենան եւ այլն: Սակայն  խմբակցությունում օրեցօր մեծանում է այն պատգամավորների թիվը, ովքեր պատրաստվում են այդ օրվա նիստին «հիվանդանալ» եւ իրենց բացակայությամբ վերաբերմունք արտահայտել Նիկոլ Փաշինյանի նախաձեռնած այս «հաշվեհարդարին»։

«Աշխարհաքաղաքական զարգացումները ոգեւորել են նաեւ արցախցի քաղաքական գործիչներին։ Մոտ 2 ամիս է՝ Արցախի ԱԺ-ն հաճախակի նիստեր է անում Հայաստանում Արցախի ներկայացուցչությունում:

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Գյումրու ընտրություններից առաջ իշխանությունն այլեւս չի կարողանում քողարկել իր ջղաձգումները։ Շուրջօրյա ռեժիմով աղմկահարույց շոուներ են բեմադրվում՝ իշխանության՝ շրիշակից ցածր վարկանիշը բարձրացնելու եւ այս անգամ էլ ընտրություններում հաղթելու համար:

Մամուլում օրեր առաջ կրկին անդրադարձ է եղել 2024 թվականի հոկտեմբերի 7-ին Իսակովի պողոտայում գտնվող «Դոմուս» ընկերության էլեկտրոնիկայի պահեստում առաջացած հրդեհին. նշվում է, որ հրդեհից հետո «Դոմուս» ՓԲԸ-ի սեփականատերերը ընկել են դատարանի դռները` փորձելով պատասխանատվության սլաքներն այլ տեղ ուղղել։

Երևանի քաղաքապետարանի ոչ պրոֆեսիոնալ, դանդաղկոտ, բյուրոկրատական գործունեության արդյունքում, պարզվում է, տուժել է նաեւ Հայաստանի Ամերիկյան համալսարանը։ Շատերը նկատած կլինեն, որ վերջին ամիսներին վերանորոգման նպատակով փակ էր Հայաստանի Ամերիկյան համալսարանի հետնամասում գտնվող այգին, իսկ շրջակա շենքերը քանդված էին։

Մարտի 12-ին, առեղծվածային ու ողբերգական դեպք է տեղի ունեցել Կոտայքի մարզում։ Ժամը 21:30-ի սահմաններում ՀՀ Ներքին գործերի նախարարության Ոստիկանության քրեական ոստիկանության գլխավոր վարչության Կոտայքի մարզի քրեական վարչությունում և ՀՀ ՆԳՆ Ոստիկանության համայնքային ոստիկանության գլխավոր վարչության Նաիրիի բաժնում օպերատիվ տեղեկություններ են ստացվել, որ Նոր Հաճն քաղաքում գործող Արզնի-Շամիրամի ջրամբարի Նոր Հաճնի ջրատարում դի կա, հայտնում է Shamshyan.com-ը։ Տեղում պարզվել է, որ տեղեկությունը հավաստի է. ջրատարում մոտ 7-10 մետր խորության վրա ջրի մեջ հայտնաբերվել է տղամարդու դի և մարմինը դուրս բերելու համար դեպքի վայր են ժամանել ՀՀ ՆԳՆ Փրկարար ծառայության Աբովյանի հրշեջ-փրկարարական ջոկատից 1 մարտական հաշվարկ: Փրկարարները հատուկ ճոպաններով և ջրատարի աշխատակիցների հետ դուրս բերեցին մարմինը։ Դեպքի փաստով Նաիրիի քննչական բաժնում «սպանություն» (դժբախտ պատահար) հատկանիշներով նախաձեռնվել է քրեական վարույթ։ Ոստիկանությունն ու քննչական բաժինը ձեռնարկում են անհրաժեշտ միջոցառումներ՝ մահացածի ինքնությունը պարզելու ուղղությամբ։

ԱՄՆ Միջազգային զարգացման գործակալության (USAID) ղեկավարությունը հրամայել է աշխատակիցներին ոչնչացնել փաստաթղթերը, առաջին հերթին՝պաշտոնական: Այս մասին հայտնել է Politico պարբերականը՝ հղում կատարելով ծառայողական շրջաբերականին։

Այսօր՝ մարտի 12-ին, արտակարգ դեպք է տեղի ունեցել Երևանում։ Ժամը 20:30-ի սահմաններում «Մուրացան» համալսարանական հիվանդանոց է տեղափոխվել տղա երեխա։

Վրացական դատարանը վերջապես վճռել է Միխեիլ Սաակաշվիլիի ճակատագիրը: 4 տարի կալանավորված Վրաստանի նախկին նախագահը դատապարտվել է 9 տարվա ազատազրկման: Ըստ վրացական դատարանի` նա ավելի քան 3,2 մլն դոլար պետական միջոցներ է ծախսել սեփական հաճույքների համար: Օրինակ՝ մեքենաներ է վարձել, կոսմետիկ պրոցեդուրաներ անցել՝ վրացիների հարկերով:

Քաղաքագետ Արա Պողոսյանի ֆեյսբուքյան գրառումը․ «Ես զարմանում եմ մի բանի վրա` ինչպե՞ս խելահաս մարդը կարող է քննարկել Բաքվի բեմադրած «դատարանում» որևէ ցուցմունք կամ որևէ հայտարարություն։

Հայաստանի ազգային հավաքականի նախկին պաշտպան Ռոբերտ Արզումանյանը Միլանում ներկա է եղել Չեմպիոնների լիգայի խաղարկության 1/8-րդ եզրափակչի՝ «Ինտեր»-«Ֆեյենորդ» պատասխան խաղին, որտեղ միլանյան թիմը 2:1 հաշվով հաղթանակ է տարել և երկխաղյա դիմակայության արդյունքում ՉԼ քառորդ եզրափակչի ուղեգիր է նվաճել:

Ներքաղաքական լուրջ ինտրիգներ է ծնել ոստիկանության հատուկ ջոկատայինների վերջին դիմակավորված օպերացիան Երևանի կենտրոնում: ՔՊ-ի կարկառուն դեմքի՝ Խաչատուր Սուքիասյանի անվտանգության աշխատակիցներն են եղել իրավապահների թիրախում. Սուքիասյանի թիկնապահներին ԱԼՖԱ-ն ձերբակալել է ապօրինի զենք կրելու կասկածով: Ի՞նչ է փորձում հասկացնել Փաշինյանի ռեժիմը թիմակցին և ինչո՞ւ է հենց մեծահարուստ Սուքիասյանը հայտնվել Ներքին գործերի նախարարության ուշադրության կենտրոնում՝ Արփի Սուքիասյանի ռեպորտաժում:

SHAMSHYAN.com-ի տեղեկություններով մարտի 6-ին, արտակարգ դեպք է տեղի ունեցել Երևանում։ Ժամը 15։30-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Ավանի բաժնում տեղեկություն է ստացվել, որ նույն օրը ժամը 12։00-ի սահմաններում Ավան վարչական շրջանի դպրոցներից մեկի 7-րդ դասարանի դասասենյակում վիճաբանության է տեղի ունեցել աշակերտների միջև։

Երևանում տրանսպորտի ուղևարձի բոյկոտը հաճախ տուրոդմփոց է դառնում վարորդների ու ուղևորների միջև: Բոյկոտի դեմն առնելու համար վարորդները սկսել են մի մեխանիզմ կիրառել, որն էլ լեզվակռվի, քաշքշուկների պատճառ է դառնում: Զարուհի Սահակյանն է փորձել հասկանալ՝ ի՞նչն է զայրացնում երկու կողմերին:

Մարտի 12-ին, ժամը 13:08-ին Ճգնաժամային կառավարման ազգային կենտրոն ահազանգ է ստացվել, որ Տավուշի մարզի Այգեհովիտ գյուղի մոտակայքում հրդեհ է բռնկվել․ կա տուժած:

23-րդ օրն է՝ Բաքվում պատանդառված Ռուբեն Վարդանյանը շարունակում է հացադուլը: Վարդանյանի ակնհայտ հյուծված լուսանկարներից հետո թշնամին հոգեբանական տեռորը շարունակել է շինծու դատավարությանը, այսպես կոչված, վկաների ցուցմունքները հրապարակելով: Արցախի հայաթափումից հետո ծննդավայրը չլքած երկու հայեր, ովքեր առողջական խնդիրներ ունեն, ըստ արցախցիների, ցուցմունք են տվել Վարդանյանի դեմ, թե իբր Արցախի նախկին պետնախարարը Ադրբեջանի դեմ կռվելու համար ջոկատ է ֆինանսավորել: Ի՞նչ է հայտնի շինծու դատարավարության այդ մասնակիցների մասին և ի՞նչ է սպառնում նրանց ցուցմունքներից հետո փորձել է հասկանալ Թերեզա Կադաևչյանը:

Տեսագրությունում երևում է նաև, որ նույն օրը ժամը 16։45-ի սահմաններում Սիլվի Ջ․-ն մոտենում է աթոռին նստած սաներից Մ․ Պ․-ին, ով ընկնում է գետնին, որից հետո ձեռքից քաշելով բարձրացնում է երեխային և մեկ անգամ ձեռքով հարվածում դեմքին, իսկ քիչ անց Սիլվի Ջ․-ն մեկ անգամ հարվածում է նաև սաներից Դ․ Զ․-ի դեմքին:

Հակակոռուպցիոն դատարանի դատավոր Մերի Մոսինյանը 2024 թվականի փետրվարի 1-ին ՀՀ ԱԺ նախագահ Ալեն Սիմոնյանի եղբոր կնոջը՝ Անի Գևորգյանին կալանավորելու որոշում էր կայացրել՝ ՀՀ Էկոնոմիկայի նախարարությանն առնչվող քրեական գործի շրջանակում։