Լրահոս

Խնածախի մշակույթի տան գնդակոծության մասին Պաշտպանության նախարարության հարոդագրությունից րոպեներ առաջ պաշտպանության փոխնախարար Արման Սարգսյանը խորհրդարանական թղթակիցներին վստահեցրել էր, թե սահմանին իրավիճակը հարաբերականորեն կայուն է: Կրակոցները թիրախային չեն: Արման Սարգսյանը նաև պնդել էր՝ սահմանին ադրբեջանական ուժերի կուտակում չկա։

Ապրլի 14-ին ՀՅԴ Բյուրոյի ներկայացուցիչ Արմեն Ռուստամյանը, Բյուրոյի անդամներ Լիլիթ Գալստյանն ու Արսեն Համբարձումյանն այցելել են Հայաստանում ԱՄՆ դեսպանատուն։

Ո՛չ գերիների վերադարձի, ո՛չ արցախահայության իրավունքների պաշտպանության, առավել ևս վերադարձի իրավունքի համար ոչինչ չեն անում Հայաստանի իշխանությունները: «Արցախի հարցը փակված չէ»- ուղերձով են այսօր Հայաստանի արտգործնախարարություն գնացել արցախցիները, հենց տեղում իշխող ուժին հիշեցրել 2021 թվականի նախընտրական խոստումները՝ Շուշիի, Հադրութի դեօկուպացիայի և Արցախի տարածքային ամբողջականության վերականգնման մասին: Որպես իշխանությունների կողմից սեփական խոստումներից հրաժարվելու օրինակ՝ ակցիայի մասնակիցները ցուցադրաբար այրել են ՔՊ-ի նախընտրական ծրագիրը:

ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 392․5 դրամ:

Հայլուր 20։30 Իսկանդերի 2 հարված է հասցրել ՌԴ-ն՝ ուկրաինական Սումիին. արյունոտ օրվա տվյալները

Հայաստանի կառավարության հարկային քաղաքականությունից դժգոհ են փոքր և միջին բիզնեսի տասնյակ ներկայացուցիչներ, հաշվապահներ ու իրավաբաններ: Աղմկոտ օրենքի չեղարկման պահանջին նաև մարզերի ձեռնարկատերերն են միացել: 2000 ստորագրություն են տարել վարչապետի գրասենյակ, պահանջել ևս կես տարով հետաձգել շրջհարկի կրկնակի բարձրացման օրենքը:

Հայտնաբերվել է հայ-թուրքական սահմանին անհետ կորած համարվող թուրք երիտասարդի դին։ Այս մասին հայտնում է guvengazetesi.com.tr կայքը:

Անթալիայի դիվանագիտական ֆորումի շրջանակներում ՀՀ ԱԳ նախարար Արարատ Միրզոյանը հարցազրույց է տվել թուրքական NTV հեռուստաընկերությանը։

Միրզոյան-Բայրամով Անթալիայում կայացած հանդիպումից հաշված ժամեր անց Հայաստանի արտաքին գործերի նախարարը սկսել է մի շարք հարցազրույցներ տալ հիմնականում թուրքական լրատվամիջոցներին՝ հավանաբար վերահաստատելու հայկական կողմի հավատարմությունը Ադրբեջանի առաջ ստանձնած պարտավորություններին: Երևանը պատրաստ է փոխել Սահմանադրությունը, չնայած չկա այնտեղ տարածքային պահանջ Ադրբեջանի նկատմամբ, անգամ Հայաստանի օկուպացված տարածքներից է, ըստ էության, հրաժարվում, իսկ խաղաղության համաձայնագիրը ստորագրելուց 10 րոպե անց պատրաստ է հրաժարվել նաև ԵԱՀԿ Մինսկի խմբից:

Անդրանիկ Մատիկոզյանը  ՖԻԴԵ-ի ավագ մարզչի կոչում է ստացել։ Այդ մասին հայտնում են Հայաստանի շախմատի ֆեդերացիայից։

Կիրակի ադրբեջանական կրակոցից վնասվել է Սյունիքի մարզի Խնածախ գյուղի մշակույթի տունը: Ըստ Պաշտպանության նախարարության՝ ժամը 22:20-ի սահմանում են ադրբեջանցիները կրակել բնակավայրի ուղղությամբ, տուժածներ չկան: Ադրբեջանական կողմին Երևանը կոչ է արել հետաքննել Խնածախի մշակույթի տան գնդակոծման փաստը և հանդես գալ հրապարակային պարզաբանումներով։ Մարտի վերջին Խնածախում ադրբեջանցիների կրակոցների հետևանքով մի տան տանիք էր վնասվել, մեկ ուրիշ տան՝ պատուհան: «Այս գիշեր ադրբեջանցիներն ավելի ինտենսիվ են կրակել»,- «Հայլուրին» ասել են Խնածախի բնակիչները: Ըստ նրանց՝ թշնամին սկսել է գնդացիրներ կիրառել:

«Ադրբեջանը հերթական անգամ է կրակում Խնածախում, որի հետեւանքով փամփուշտներ են դիպչում նաեւ գյուղի մշակույթի տանը: Սրանք հերթական կրակոցներն են՝ վերջին օրերին, բայց մի հատկանշականությամբ: Կրակոցները, համաձայն Հայաստանի ՊՆ հաղորդագրության, եղել են ապրիլի 13-ի գիշերը: Ապրիլի 12-13-ին Սյունիք էր այցելել Նիկոլ Փաշինյանը: Նա իհարկե իր այցի ընթացքում չի եղել Խնածախում, իսկ կրակոցների ժամանակ արդեն ընդհանրապես երեւի թե եղել է Երեւանում: Բայց հատկանշականն այն է, որ ադրբեջանցիները փաստորեն կրակել են Նիկոլ Փաշինյանի «հետեւից»»,-գրում է քաղաքական վերլուծաբան Հակոբ Բադալյանը։

«Այսօր տեղի ունեցան Սամվել Վարդանյանի վերաբերյալ «ավտոբուսի գործով» լրացուցիչ դատալսումները՝ նշանակման ենթակա պատժի հարցով։ Դատարանը վճռեց նշանակել պատիժ 750 հազար դրամ տուգանքի ձևով։ Միաժամանակ, հաշվի առնելով 100 օր տևողությամբ տնային կալանքը, դատարանը վճռեց Սամվելին ազատել պատժից։

Հայլուր 18։30 Լարվածություն՝ սահմանին. Ադրբեջանը կրակում է, Հայաստանը՝ փակագծեր բացում

ՓՄՁ ներկայացուցիչները տևական դադարից հետո կրկին ակցիա են կազմակերպել կառավարության դիմաց: Նրանք բողոքում են շրջանառության հարկի բարձրացման դեմ՝ նշելով, որ դա կհանգեցնի փոքր և միջին բիզնեսների փակմանը:

«Հայլուր»-ը բազմաթիվ ահազանգեր է ստանում սոցիալական անարդարության զոհ դարձած քաղաքացիներից: Այդ բողոքներից մեկի հետքերով է գնացել մեր նկարահանող խումբը: Մյասնիկ Պողոսյանը պետական փաստաթղթերի նկատմամբ անփույթ վերաբերմունքի զոհ է. 1 տարի է` չի կարողանում իրեն հասանելիք աշխատանքային թոշակը ստանալ, քանի որ նրա ստաժի վերաբերյալ տվյալները գործարանից Սոցապ նախարարություն ճանապարհին կորել են:

ԿԳՄՍ նախարարությունը տեղեկացնում է, որ կրթության, մշակույթի և սպորտի ոլորտներում գործունեության համար պարտադիր զինվորական ծառայության զորակոչից տարկետում ստանալու համար փաստաթղթերի ներկայացման վերջնաժամկետն է 2025 թվականի մայիսի 1-ը:

Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:  Այս մասին հայտնում են Գլխավոր դատախազությունից:

Ադրբեջանի ԱԳՆ մամուլի քարտուղար Այհան Հաջիզադեն արձագանքել է տարածաշրջանում լարվածության աճի վերաբերյալ Ֆրանսիայի արտգործնախարար Ժան-Նոել Բարրոյի հայտարարությանը։

Այսօր՝ ապրիլի 14-ին, վրաերթ է տեղի ունեցել Երևանում: Ինչպես հայտնում է Shamshyan.com-ը, ժամը 13:25-ի սահմաններում Երևանի բնակիչ 64-ամյա Հրաչիկ Մ.-ն իր վարած «MAN» մակնիշի, Երևանի քաղաքապետարանում հաշվառված թիվ 36 երթուղին սպասարկող ավտոբուսով Մաշտոց-Թումանյան փողոցների խաչմերուկում՝ հետիոտնի համար նախատեսված անցման վայրում, վրաերթի է ենթարկել հետիոտն, Արմավիրի մարզի բնակիչ 26-ամյա Էմմա Մ.-ին: