Լրահոս

Ապրիլի 16-ին, ժամը 18:43-ին Ճգնաժամային կառավարման ազգային կենտրոն ահազանգ է ստացվել, որ Երևանի Բագրատունյաց փողոցում այրվում է ավտոմեքենա։

Մարդու իրավունքների պաշտպան Անահիտ Մանասյանն ապրիլի 16-ին ընդունել է Եվրոպայի Խորհրդի Մարդկանց թրաֆիքինգի դեմ պայքարի հարցերով փորձագետների խմբի (GRETA) անդամներին։

Քրեական հետապնդումներով իշխանությունը պատրաստվո՞ւմ է պատժել եկամուտների հայտարարագիրը չլրացրած մարդկանց: Երեք ամիս է՝ «Հայաստան» խմբակցության պատգամավոր Ագնեսա Խամոյանը չի կարողանում պետական կառույցներից ստանալ հարցի պատասխանը՝ ի՞նչ պատիժ է սահմանվում հայտարարագիրը չլրացրած մարդկանց համար: Պատգամավորը կասկածներ ունի, որ 3-6 տարի ազատազրկում է սպառնում եկամուտները թաքրած մարդկանց:

ՀՀ առողջապահության նախարարությունը ներկայացրել է սիրտ-անոթային հիվանդությունների և շաքարային դիաբետով հիվանդների համար պետության կողմից երաշխավորված անվճար և արտոնյալ պայմաններով փոխհատուցվող դեղերի տրամադրման կարգը:

Սահմանադրական դատարանից հայտնում են, որ  գրավոր ընթացակարգով քննելով «Հայաստանի Հանրապետության Ազգային ժողովի պատգամավորների ընդհանուր թվի առնվազն մեկ հինգերորդի դիմումի հիման վրա՝ «Ապօրինի ծագում ունեցող գույքի բռնագանձման մասին» օրենքի՝ Սահմանադրությանը համապատասխանության հարցը որոշելու վերաբերյալ» գործը, ընդունել են որոշում, որը օրենքով սահմանված կարգով և ժամկետներում կհրապարակվի Սահմանադրական դատարանի պաշտոնական կայքում:

Միասնական ընդդիմությունը տոնում է հաղթանակը Հայաստանի երկրորդ մեծ քաղաքում: Այսօր ընդդիմությունը վերջանականապես տապալել է «Քաղաքացիական պայմանագրի» իշխանությունը Գյումրիում: Ավագանու առաջին նիստում միաձայն քաղաքապետ է ընտրվել Վարդան Ղուկասյանը՝ 13 տարվա ընդմիջումից հետո 5-րդ անգամ: Կողմ են քվեարկել նիստին մասնակցող ավագանու բոլոր 18 անդամները՝ առանց «Քաղաքացիական պայամնագրի»: Այդ կուսակցության անդամները հրաժարվել են մասնակցել նիստին՝ կոչ անելով Գյումրիում արտահերթ ընտրություններ անցկացնել:

Վերջին 24 ժամում Ուկրաինայի օդուժը 6 անգամ գրոհել է ռուսական էներգետիկ ենթակառուցվածքները Բելգորոդի, Բրյանսկի, Կուրսկի և Խերսոնի մարզերում: Այս մասին հայտնում է Ռուսաստանի պաշտպանության նախարարությունը: Հակառակ ուղղությամբ հարվածների մասին է հայտնում ուկրաինական կողմը: Խերսոնի քաղաքապետը ուղիղ եթերում ստիպված է եղել պառկել գետնին հերթական ավիահարվածից պաշտպանվելու համար: Քաղաքում մեկ զոհ, հինգ վիրավոր կա: Տուժածներ կան նաև ռուսական կողմում: Պատերազմը դադարեցնելու ամերիկյան ջանքերը կարծես փակուղի են մտնում: Գերագույն Ռադան ևս 90 օրով երկարաձգել է ռազմական դրությունը, որը թույլ է տալիս երկրին շարունակել զորահավաքները և արգելում է որևէ ընտրության կազմակերպում:

Մոլդովայի մայրաքաղաք Քիշնևում անցկացվող ծանրամարտի Եվրոպայի առաջնությունում Գոռ Սահակյանը փոքր բրոնզե մեդալ է նվաճել։

Այսօր՝ ապրիլի 16-ին, ավտովթար է տեղի ունեցել Սյունիքի մարզում։ Ժամը 14։25-ի սահմաններում Նորավան-Լծեն ավտոճանապարհին Իրանի Իսլամական Հանրապետության քաղաքացի 59-ամյա Դավոուդ Մարանդը իր վարած «Howo» մակնիշի կցորդիչով բեռնատարով դուրս է եկել ճանապարհի երթևեկելի գոտուց, բախվել երկաթե արգելապատնեշներին և կողաշրջվել։

Հայլուր 20։30 Մեծ թալան՝ տգիտության քողի տակ. ընդդիմությունը մերկացնում է Փաշինյանի կաբինետին

«Վերջին շրջանում իշխող ուժի ներկայացուցիչների կողմից՝ թե՛ Ազգային ժողովում, թե՛ նրա սահմաններից դուրս, հայտարարությունների պակաս չի զգացվել։ Որքան ողբերգական են նրանց քաղաքականության և գործողությունների հետևանքները հայ ժողովրդի համար, այնքան բարձր են նրանց լեզուն, տոնը և պահվածքը։ Երբ մեկը հետևում է Փաշինյանի և նրա շրջապատի թատերական ելույթներին, դժվար է չհարցնել ինքն իրեն.

Ուշադրություն, ուշադրություն… ըստ վերջերս հայտնաբերված տեղեկատվության, ԱՄՆ USAID-ն հովանավորում էր մոտ … ուշադրության … ՀԱՐՅՈՒՐ ՈՒԹՍՈՒՆ բլոգերների Հայաստանում, տարեկան 20 ՄԼՆ ԴՈԼԱՐ ընդհանուր գումարով (20,000,000 $): Ինչպե՞ս է դա ժողովրդավարության համար: Ինչպե՞ս է դա կոռուպցիայի համար: Այլ երկրում հասարակական կարծիքը մանիպուլյացիա անելն ու աղետի տանե՞լը։

«Պետական եկամուտների կոմիտեն տեղեկացնում է, որ վերջին օրերին ՊԵԿ էլեկտրոնային կառավարման համակարգերից օգտվելու հնարավորությունները սահմանափակվել են՝ համակարգերի սպասարկման աշխատանքներ իրականացնելու անհրաժեշտությամբ պայմանավորված: Համակարգերի աշխատանքն արդեն վերականգնվել է:

«Թշնամին գործում է նույն փորձված բանաձևով.

Ադրբեջանի հետ հարաբերությունների կարգավորման ճանապարհից շարունակում է Հայաստանի իշխանությունը հեռացնել եղած քարերը: Ցլերի ու կարմիր շորերի այլաբանությամբ Անկախության հռչակագրի վտանգները մեկ տարի առաջ բացատրող Փաշինյանն այսօր ուղիղ է ասել, որ Անկախության հռչակագրին հղում չի կարող լինել Հայաստանի Սահմանադրության մեջ, հակառակ դեպքում դա կնշանակի, որ Հայաստանը ինքնիշխանություն չի ունենա: Դա իր քաղաքական դիրքորոշումն է անվանել Հայաստանի վարչապետը: «Դա Բաքվի պահանջն է»,- շարունակում է պնդել խորհրդարանական ընդդիմությունը ու ներկայացնում Սահմանադրության փոփոխության վերաբերյալ Հայաստանի իշխանության դիրքորոշման տրանսֆորմացիան՝ «դա մեր ներքին գործն է» պնդումներից մինչև Հայաստանի ինքնիշխանությանը սպառնացող Սահմանադրություն:

Վրաստանի նախագահը Միխեիլ Կավելաշվիլին ապրիլի 28-29-ը պաշտոնական այցով կժամանի Հայաստան, հայտնում է «Սպուտնիկ» գործակալության վրացական ծառայությունը:

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ապրիլի 17-ին ժամը 09.00-ից մինչև ապրիլի 18-ը ժամը 09.00-ն կդադարեցվի Երևանի Շենգավիթ վարչական շրջանի՝ Արշակունյաց 39-71 կենտ, 42-218 զույգ համարների, Գ.Նժդեհի, Ֆրունզեի, Զ.Եսայան, Մայիսի 9-ի, Մխչյան, Սմբատ Զորավարի, Եղբայրության, Մանթաշյան, Մանանդյան, Նիզամու, Բայդուկովի, Եղ.Թադեվոսյան, Գորգագործների փողոցների, Վերին Շենգավիթ թաղ. 1-ին, 2-րդ, 10-րդ փողոցների ու նրբանցքների, Սևանի փողոցի և նրբանցքի, Չեխովի փող. 1-30 համարների ջրամատակարարումը:

Այսօր՝ ապրիլի 16-ին, խոշոր հրդեհ է տեղի ունեցել Արմավիրի մարզում: Ժամը 01:55-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Էջմիածին քաղաքի Արամ Մանուկյան 2-րդ փողոցի տներից մեկին կից ավտոտնակում հրդեհ է բռնկվել և ներսում կա ավտոմեքենա:

Հայլուր 18։30 Սկանդալ. արդեն բացահայտ ուրանում է Փաշինյանը ՀՀ Անկախության հռչակագիրը՝ ցլերի ահից

ՀՀ քննչական կոմիտեի հատկապես կարևոր գործերի քննության գլխավոր վարչության մարդու դեմ ուղղված հանցագործությունների քննության վարչությունում քննվող քրեական վարույթի նախաքննության ընթացքում առերևույթ փաստական տվյալներ են ձեռք բերվել այն մասին, որ ՔԿՀ-ում գտնվող դատապարտյալն օգտվելով անչափահաս երեխաների ծնողի ֆինանսական ծանր վիճակում գտնվելու հանգամանքից, վերջինիս առաջարկել է երեխաների նկատմամբ սեքսուալ բնույթի բռնի գործողություններ կատարելու, պոռնկության և սեքսուալ շահագործման այլ ձևերի ենթարկելու, վերջիններիս ֆիզիկական ուժեղ ցավ և հոգեկան ուժեղ տառապանք պատճառելու ընթացքը տեսաձայնագրելու և իրեն ուղարկելու դիմաց կատարել նյութական ծառայություններ, որին ծնողը, ըստ էության, տվել է իր համաձայնությունը: