Լրահոս

Մայիսի 2-ին Դիլիջանի թունելը սպասարկող կապալառու կազմակերպության կողմից թունելի երթևեկելի մասում իրականացվում են փոսային նորոգման աշխատանքներ

2025թ. մայիսին բնորոշ է մթնոլորտային պրոցեսների զգալի ակտիվացումը և օդային զանգվածների հաճախակի փոխատեղումը: Տաք և ցուրտ օդային զանգվածների հերթափոխը, ինչպես նաև երկրի մակերևույթի անհավասարաչափ տաքացումը, բարձր լեռնային շրջաններում ձյան հալոցքը բերում է հզոր կոնվեկտիվ հոսանքների առաջացման` հաճախ են դիտվում հորդառատ բնույթի տեղումներ, որոնք ուղեկցվում են ամպրոպներով: Միջին ամսական ջերմաստիճանը հանրապետությունում կազմում է 9.6°C:

ԱԺ «Հայաստան» խմբակցությունը մշտապես կողմնակից է եղել Նիկոլ Փաշինյանին հեռացնելու որևէ տարբերակի կիրառմանը։ Փաշինյանի հեռացումը համարելով կենսական անհրաժեշտություն պետության և ժողովրդի համար՝ «Հայաստան» խմբակցությունն առաջինն է հայտարարել իմպիչմենտի իրավական գործիքը կիրառելու տարբերակի մասին։

Երևանում ներկայացվել է Անաստաս Միկոյանի մասին պատմող փաստագրական գիրքը: «Անաստաս Միկոյան Իլյիչից մինչև Իլյիչ» գիրքը Միկոյանի թոռը՝ Ստաս Նամինն է գրել Անդրեյ Ռուբանովի հետ: Ինչպես հեղինակներն են պնդում՝ 500 էջանոց գրքում չորս դարաշրջան է և մեկ ճակատագիր:

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ մայիսի 1-ին, վթարային աշխատանքներով պայմանավորված, ս.թ մայիսի 1-ին՝ 12:30-15:00-ն, կդադարեցվի Շրջանային փողոցի ջրամատակարարումը:

Մարդու իրավունքների պաշտպան Անահիտ Մանասյանի գլխավորությամբ աշխատակազմում անցկացվել է խորհրդակցություն: Այս մասին հայտնում են ՄԻՊ գրասենյակից։

Քիչ առաջ Երեւանի լենինգրադյան փողոցում ավտովթար է տեղի ունեցել՝ 4 ավտոմեքենաների մասնակցությամբ: Իրար են բախվել «Օպել», «Կիա», «Մերսեդես» եւ «Լեքսուս» մակնիշի ավտոմեքենաները: Հայտնում է NEWS.am-ի թղթակիցը:

«Հրապարակ» թերթը գրում է. ««Երեւանի Նոր Նորք վարչական շրջանի ղեկավարի աշխատակազմում տեղի ունեցած դեպքից հետո «Հանրապետություն» եւ «Քաղպայմանագիր» կուսակցությունների միջեւ «բազառ» է սկսվել: ՔՊ-ում հասկանում են, որ եթե թաղապետը չազատվի պաշտոնից` տեսախցիկի առաջ խմբակային ծեծին մասնակցելուց հետո, ապա դա իրենց չի ներելու վրդովված հանրությունը:

«Ժողովուրդ» օրաթերթը գրում է. «Մրցակցության պաշտպանության հանձնաժողովի կողմից տոմատի մածուկի շրջանառության ոլորտում իրականացվող վերահսկողական միջոցառումների ընթացքում հսկիչ գնումների արդյունքում ձեռք է բերվել թվով 25 տեսակի «Տոմատի մածուկ» անվանումով ապրանք և ուղարկվել լաբորատոր փորձաքննության՝ դրանցում չոր նյութերի, քլորիդների (աղերի) զանգվածային մասի և շաքարի առկայությունը պարզելու նպատակով։

«Ժողովուրդ» օրաթերթը գրում է. «Մայիսի 5-ին ԱԺ-ում տեղի կունենա խորհրդի նիստ, որը պետք է հաստատի ԱԺ լիագումար նիստի օրակարգը: Տեղեկացանք, որ մայիսի 6-ին մեկնարկող ԱԺ լիագումար նիստին ներկայացվելու է ԱԺ ՔՊ խմբակցության պատգամավոր Անդրանիկ Քոչարյանի վարքագծի վերաբերյալ պատգամավորական էթիկայի հարցերով հանձնաժողով ստեղծելու մասին հարցը, որը ՔՊ խմբակցության ձեռամբ հանձնաժողովում բացասական եզրակացություն էր ստացել անցած շաբաթ:

«Ժողովուրդ» օրաթերթը գրում է. «Մայիսի 1-4-ը մայրաքաղաքում կանցկացվի «Երևանի քաղաքապետի գավաթ 2025» գեղասահքի միջազգային բաց մրցաշարը: Սպորտային միջոցառումների կազմակերպման ծառայություններ և «Երևանի քաղաքապետի գավաթ 2025»-ի համար հատկացվել է 69 մլն 578 հազար դրամ (մոտ 176 հազար ԱՄՆ դոլար) գումար քաղաքային բյուջեից։

«Հրապարակ» թերթը գրում է. «Մայիսի 3-ը հայտարարվել է համապետական շաբաթօրյակի օր: Այդ մասին պետական բոլոր գերատեսչությունների աշխատողներին հրահանգ է իջեցվել: Ասվել է, որ բոլորը պարտադիր մասնակցեն շաբաթօրյակին:

Ժողովուրդ» օրաթերթը գրում է. «ՀՀ գլխավոր դատախազ Աննա Վարդապետյանը ազատվել է իր վերջին տղամարդ օգնականից: «Ժողովուրդ» օաթերթին հայտնի դարձավ, որ գլխավոր դատախազի օգնական Արմեն Ղուկասյանն ազատվել է պաշտոնից:

Էպիկենտրոնային գոտում ստորգետնյա ցնցման ուժգնությունը կազմել է 2-3 բալ:

Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Oրվա մամուլի հրապարակումները ժամը 11-ին, «5-րդ ալիք»-ի ուղիղ եթերում «Օրագիր» հաղորդման հեղինակ Մարիաննա Ղահրամանյանը  կքննարկի քաղաքագետ Ալեն Ղևոնդյանի հետ:

Նոր Նորքի թաղապետարանում երկօրյա լարվածությունից հետո երկու քրեական գործ է հարուցել Քննչական կոմիտեն: Մեկը երկուշաբթի թաղապետարանում իրականացված ակցիայի գործն է՝ հարուցված խուլիգանության հոդվածով, մյուսը՝ երեկ տեղի ունեցած ծեծկռտուքը՝ մի խումբ անձանց կողմից ֆիզիկական ներգործության հոդվածով: Ենթադրյալ խուլիգանության համար մեղադրանք է առաջադրվել բլոգեր-ակտիվիստ Արթուր Չախոյանին ու Երևանի ավագանու անդամ Մեսրոպ Մանուկյանին, իսկ ենթադրյալ ֆիզիկական ներգործության համար՝ Նոր Նորքի թաղապետին ու նրա աջակիցներից 3-ին:

Իրանը նախկինի պես ձգտում է բանակցությունների միջոցով կարգավորել միջուկային ծրագրի շուրջ տարաձայնությունները։ ՏԱՍՍ-ի փոխանցմամբ՝ այս մասին հայտարարել է Իրանի ԱԳ նախարար Աբբաս Արաքչին՝ մեկնաբանելով ԱՄՆ-ի եւ Իրանի միջեւ բանակցությունների հերթական փուլը հետաձգելու որոշումը։ «Օմանի և ամերիկյան գործընկերների հետ մենք որոշում ենք կայացրել հետաձգել բանակցությունների չորրորդ փուլը լոգիստիկ և տեխնիկական պատճառներով։ Իրանի կողմից որևէ փոփոխություն չկա բանակցությունների միջոցով կարգավորման հասնելու մեր վճռականության մեջ»,- նշել է նա։

Ռուս-ուկրաինական ճակատում խաղաղությունն ուրվագծվում է, ըստ փորձագետների, քանի որ եռամսյա բանակցություններից հետո Վաշինգտոնն ու Կիևը ստորագրել են օգտակար հանածոների համատեղ արդյունահանման մասին համաձայնագիրը: