Լրահոս

Հայրենական մեծ պատերազմում հաղթանակի հոբելյանական 80-ամյակը և Շուշիի ազատագրման ու Արցախի պաշտպանության բանակի ստեղծման տարեդարձները նշում ենք մեր ժողովրդի համար թանկ ու կարևոր հիշատակներով։

Այսօր մենք տոնում ենք մայիսի 9-ը՝ Հաղթանակի և խաղաղության տոնը։

Հա՛րգելի հայրենակիցներ, վստահ եմ, որ մեր փառահեղ հաղթանակների և ծանր կորուստների դասերը մեզ ուժ են տալու, և միասին կառուցելու ենք ավելի հզոր և խաղաղ Հայաստան:

«Ժողովուրդ» օրաթերթը գրում է. ««Ժողովուրդ» օրաթերթի վստահելի աղբյուրների փոխանցմամբ՝ Հակակոռուպցիոն կոմիտեն մոտ օրերս կավարտի ԱԺ պատգամավոր Հովիկ Աղազարյանի դեմ հարուցված քրեական գործի նախաքննությունը և կուղարկի դատարան։ Գործի առանցքում խախտված ընթացակարգեր, խիստ պահանջված անասուններ և… 300 հազար դոլար կանխիկ կաշառքն է «անհնազանդության» դիմաց։

«Հրապարակ» թերթը գրում է. «Մոսկվայից հետո՝ մայիսի 10-ին, Նիկոլ Փաշինյանը կրկին Սյունիք կմեկնի՝ մասնակցելու տիկնոջ կրթարշավին, հընթացս էլ իր գրաֆիկն է համապատասխանեցրել եւ մի քանի այցելություն կունենա, իսկ մայիսի 11-ին էլ կրթարշավի շրջանակներում կայցելի Քաջարան։

«Ժողովուրդ» օրաթերթը գրում է. «ԱԺ-ի «ընկերական գնումների» զավեշտն ու կոռուպցիոն շղթան երեկ բացահայտեց ԱԺ պատգամավոր Թագուհի Թովմասյանը, ինչին ի պատասխան` ԱԺ նախագահը փորձեց ստերով պաշտպանվել՝ այդպես էլ չասելով, թե ոսկե համրիչը՝ թզբեհը, ում համար է գնել:

«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ Նիկոլ Փաշինյանն այս օրերին լծված է նաև սեպտեմբերի վերջին սպասվող «Քաղաքացիական պայմանագիր» կուսակցության վարչության նոր անդամներ փնտրտուքի գործին:

«Ժողովուրդ» օրաթերթը գրում է. ««Ժողովուրդ» օրաթերթը, բաց աղբյուրներից տեղեկացավ, որ չնայած իշխանությունների պնդումներին, թե գնաճ չկա, կամ այն «թեթև» է, իսկ եկամուտներն էլ աճում են, պաշտոնական վիճակագրությունը ներկայացնում է մեկ այլ իրականություն։

«Հրապարակ» թերթը գրում է. «Չնայած պաշտպանական գերատեսչությունը վերջին օրերին լռում էր եւ միայն երեկ տեղեկացրեց,որ մայիսի 7-ին Խնածախում տան տանիք է վնասվել ադրբեջանական կրակոցներից, սակայն Խնածախից շարունակում են ահազանգել, որ կրակոցները շարունակվում են, ավելին՝ դրանք առավել թիրախային են դարձել, քաղաքացիական օբյեկտներին են հարվածում։

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

Oրվա մամուլի հրապարակումները ժամը 11-ին, «5-րդ ալիք»-ի ուղիղ եթերում «Օրագիր» հաղորդման հեղինակ Մարիաննա Ղահրամանյանը  կքննարկի ռազմական փորձագետ Դավիթ Ջամալյանի հետ:

Փաստաբան Զարուհի Փոստանջյանը սոցցանցի իր էջում ուղիղ եթերով հայտնել է, որ ձերբակալել են գյումրեցի հետաքննող լրագրող Լիլիթ Աղեկյանին։ Ավելի ուշ Փոստանջյանը ֆեյսբուքյան եթերով հայտնել է, որ իր պաշտպանյալին ոստիկանները տեղափոխում են հիվանդանոց։ Փաստաբանը կասկածներ ունի, որ լրագրող Լիլիթ Աղեկյանին ոստիկանները ծեծել են, ինչից հետո նրա ինքնազգացողությունը վատացել է, և ոստիկանների ուղեկցությամբ լրագրողին տեղափոխել են հիվանդանոց։ Մանրամասները՝ տեսանյութում։

Մայիսի 8-ին՝ ժամը 15:29-ին, Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Երասխ ավտոճանապարհից Մասիս քաղաք տանող ճանապարհի սկզբնամասում տեղի է ունեցել ՃՏՊ, ավտոմեքենայից առկա է գազի արտահոսք․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչությունների հրշեջ-փրկարարական ջոկատներից երկու մարտական հաշվարկ և մեկ ջրատար: Պարզվել է, որ Երևան-Երասխ ավտոճանապարհի 13-ին կմ-ին բախվել են ZIL մակնիշի ավտոցիստեռնը (բեռնված հեղուկ գազով) և BMW մակնիշի ավտոմեքենան, ինչի հետևանքով վերջինս շրջվել է, իսկ ավտոցիստեռնը կողաշրջվել, ավտոցիստեռնից առկա է հեղուկ գազի արտահոսք․ տուժածեր չկան։ Փրկարարներն ուղղել են ավտոմեքենաները, հոսանքազրկել BMW մակնիշի ավտոմեքենան, փակել ZIL մակնիշի ավտոցիստեռնի գազի բալոնի փականը և իրականացրել հովացման աշխատանքներ։

Մայիսի 9-ը սուրբ օր է, Նացիզմի դեմ հաղթանակը ձեռք է բերվել Եվրոպայի, ԱՄՆ-ի, Աֆրիկայի, Ասիա-Խաղաղօվկիանոսյան տարածաշրջանի և Լատինական Ամերիկայի ժողովուրդների համատեղ ջանքերով: Այս մասին հայտարարել է ՌԴ նախագահը Հաղթանակի 80-ամյակը նշելու ժամանած հյուրերի առջև իր ելույթում: Պուտինը նշել է, որ ՄԱԿ-ի նշանակությունն այժմ կրկին մեծանում է, ոչ ոք չի կարողանա զրպարտել հաղթանակի մեջ ԽՍՀՄ-ի վճռորոշ դերի մասին պատմական ճշմարտությունը։ «ՄԱԿ-ի նշանակությունն այժմ կրկին մեծանում է, ոչ ոք չի կարողանա զրպարտել հաղթանակի մեջ ԽՍՀՄ-ի վճռորոշ դերի մասին պատմական ճշմարտությունը, Ռուսաստանի Դաշնությունը կոչ է անում ողջ միջազգային հանրությանը համերաշխություն դրսևորել առկա խնդիրների լուծման գործում»,-հավելել է ՌԴ նախագահ Վլադիմիր Պուտինը։

Գիշերը Մովսեսի բնակիչները կրակոցների ձայներ են լսել: Ահազանգում է տավուշեցի լրագրող Ոսկան Սարգսյանը․ «Մայիսի լույս 8-ի գիշերը Բերդ համայնքի Մովսես գյուղի բնակիչները կրակոցներ ձայներ են լսել։ Բնակիչները լրագրողիս հայտնեցին, որ անցած գիշեր մի քանի անգամ երկար կրակահերթերի ձայներ են լսել։ Մովսեսցիները չգիտեն, թե ինչ ուղղությամբ են եղել , կրակոցները Մովսես գյուղի վրա չեն եղել»,- նշել է նա։

«Երբեմն հանդիպում եմ հարցի՝ ինչու է ընդդիմությունը շարունակում գնալ Ազգային ժողով, երբ ակնհայտ է, որ այնտեղ հաճախ հանդիպում է ագրեսիայի, վիրավորանքների, երբեմն էլ՝ ֆիզիկական բռնության։ Փաշինյանը հաճախ կորցնում է ինքնատիրապետումը, պատգամավորների վրա հարձակվում են, խոսքի իրավունքը հաճախ սահմանափակվում է։

ԱՄՆ-ն և Մեծ Բրիտանիան մայիսի 8-ին կհայտարարեն ամերիկյան մաքսատուրքերի նվազման շուրջ համաձայնագրի մասին։ «Արմենպրես»-ի փոխանցմամբ՝ այս մասին հաղորդում է BBC-ն։ Լրատվամիջոցը նշում է, որ ըստ էության, Մեծ Բրիտանիան առաջին երկիրն է, որ նման համաձայնության է հասել ԱՄՆ վարչակազմի հետ, ինչը մեծ ձեռքբերում է Քիր Սթարմերի կառավարության համար։ ԱՄՆ նախագահ Դոնալդ Թրամփը մայիսի 7-ին հայտարարել էր, որ «շատ հարգված երկրի հետ առևտրային խոշոր համաձայնագրի» մասին կհայտարարվի մայիսի 8-ին տեղի ունենալիք մամուլի ասուլիսի ժամանակ։ Իր հերթին, Մեծ Բրիտանիայի վարչապետ Քիր Սթարմերը մայիսի 8-ի առավոտյան նույնպես ակնարկել է Վաշինգտոնի հետ համաձայնության հասնելու մասին։ «Ինչպես գիտեք, ԱՄՆ-ի հետ բանակցությունները շարունակվում են, և այսօր ավելի ուշ դուք ավելի շատ տեղեկություն կստանաք ինձնից այդ մասին», - ասել է Սթարմերը։ Ավելի վաղ Դաունինգ Սթրիթը նույնպես հաստատել էր, որ ԱՄՆ-ի հետ համաձայնության մասին հայտարարություն կարվի մայիսի 8-ին։ ԱՄՆ նախագահը մեծ մաքսատուրքեր էր սահմանել իր առևտրային գործընկերների նկատմամբ, սակայն 90 օրով կասեցրել էր դրանց գործողությունը՝ բանակցություններ վարելու ժամանակ տրամադրելու համար։ Այժմ երկրների մեծ մասից ներմուծվող ապրանքների համար գործում են 10% բազային մաքսատուրքեր։

Պուտինի հյուրերը Ասիայից՝ Աֆրիկա և Եվրոպա. շքերթ՝ Կարմիր հրապարակում և լռություն՝ ռազմաճակատում

Հայաստանի Հանրապետության կրթության, գիտության, մշակույթի և սպորտի նախարար Ժաննա Անդրեասյանը պաշտոնական այցով կգործուղվի Էստոնիայի Հանրապետություն (Տալլին): Այս մասին տեղեկանում ենք e-gov.am–ում հրապարակված՝ վարչապետի որոշումներից: Նախարարը Տալլին կգործուղվի մայիսի 19-21-ը:

Այսօր՝ մայիսի 8-ին, խոշոր ավտովթար է տեղի ունեցել Արարատի մարզում: Ժամը 15:00-ի սահմաններում Երևան-Երասխ ավտոճանապարհի Մասիսի վարչական տարածքում՝ Մասիս քաղաքի մուտքի մոտ, բախվել են «BMW» մակնիշի ավտոմեքենան և հեղուկ գազ տեղափոխող բեռնատարը: