Հալեպում նշվել է Հայաստանի Հանրապետութայն անկախության 30-րդ տարեդարձը

Սիրիայի Արաբական Հանրապետության քաղաքում, ՀՀ մարդասիրական առաքելություն իրականացնող անձնակազմի մշտական տեղակայման վայրում, այսօր սեպտեմբերի 21-ին ի նշանավորումն ՀՀ Անկախության 30-րդ տարեդարձի տեղի ունեցավ ցերեկույթ:

Միջոցառումն իրենց ներկայությամբ պատվել էին Բերիո Հայոց թեմի Առաջնորդ, Գերաշնորհ Տեր Մասիս Սրբազանը, Սիրիայի Հայ Ավետարանական Համայնքի համայնքապետ, Վերապատվելի դոկտոր Հարություն Սելիմյանը, Բերիո Հայոց Կաթողիկե թեմի ներկայացուցիչները, Սիրիայի ազգային ժողովի երեսփոխան, պարոն Ժիրայր Ռեսյանը, ինչպես նաև տեղական ինքնակառավարման մարմինների և համայնքային այլ ներկայացուցիչներ:

Միջոցառման ավարտին ՀՀ մարդասիրական առաքելություն իրականացնող անձնակազմը իրենց մասնագիտական պարտականությունները բարձր մակարդակով իրականացնելու համար գործընկերների կողմից պարգևատրվել են պատվոգրերով և շնորհակալագրերով:

Միջոցառման կազմակերպան եվ աջակցության համար շնորհակալ եմ Սիրիայի Արաբական Հանրապետությունում եվ  Հորդանանի Հաշիմյան Թագավորությունում ՀՀ արտակարգ եվ լիազոր դեսպան պարոն Tigran Gevorkian եվ Հալեպում ՀՀ նախկին գլխավոր հյուպատոս, այժմ Քաթարում ՀՀ արտակարգ եվ լիազոր դեսպան պարոն  Armen Sarkissian-ին։