Բողոքի ակցիաներ՝ Երևանում. պահանջը՝ քայլեր ձեռնարկել, դատապարտել հայ գերիների խոշտանգումները Բաքվում

Բաքվի բանտում պահվող Ռուբեն Վարդանյանի կյանքին սպառնացող վտանգների մասին ահազանգերից հետո Երևանում այսօր մի քանի բողոքի ակցիաներ են կազմակերպվել՝ ի պաշտպանություն Բաքվում գտնվող բոլոր հայ ռազմագերիների ու պատանդների:

Քաղաքացիները պահանջում են, որ Հայաստանի իշխանությունը քայլեր ձեռնարկի գերիներին վերադարձնելու համար, միջազգային հանրությունից պահանջում են ճնշում գործադրել Ադրբեջանի վրա ու դատապարտել գերիների խոշտանգումները: Արտգործնախարարության մոտ են քաղաքացիները հավաքվել՝ պահանջելով դիվանագիտական խողովակներով միջազգային գործընկերներին հորդորել՝ կոշտ արձագանքել Բաքվում իրականացվող շինծու դատավարությանն ու գերիների խոշտանգումներին: