Բաքվի բանտում մահվան դեպքեր կարող են լինել, երբ Ալիևը փակի Կարմիր խաչը. ինչպե՞ս ճեղքել մեկուսացումը

Գերիների վերադարձի հարցով ավելի բա՞րձր կհնչի Հայաստանի ձայնը, թե՞ ընդմիշտ կլռի Ադրբեջանի սպառնալիքների տակ, պարզ չէ: Հայտնի է մի բան՝ մեկը մյուսի հետևից Բաքուն փակում է միջազգային այն կառույցները, որոնց խողովակներով հնարավոր էր գոնե սուղ տեղեկություններ իմանալ հայ գերիների մասին: Չբացահայտված հանգամանքներում՝ մինչև անգամ մահվան դեպքեր կգրանցվեն Բաքվի բանտերում, եթե Ադրբեջանում փակվեն Կարմիր խաչի ու ՄԱԿ-ի գրասենյակները, ահազանգում է ՄԻԵԴ-ում հայ գերիների շահերի ներկայացուցիչը: