Արցախից Ուկրաինա մարդասիրական օգնության նոր խմբաքանակ կարող է ուղարկվել

14 տոննա մարդասիրական օգնություն ուղարկելով Արցախում ռուս խաղաղապահների միջոցով Ուկրաինայում ռազմական գործողությունների հետևանքով կարիքավոր մարդկանց՝ Արցախի կառավարությունը ցույց է տալիս իր պատրաստակամությունը՝ կանգնելու նույն աղետալի դժվարություններին բախվող մարդկանց կողքին, ինչ մենք ադրբեջանա-թուրքական ագրեսիայի ժամանակ։

Այս մասին իր տելեգրամ-ալիքում գրել է Արցախի պետական ​​նախարար Արտակ Բեգլարյանը։  

«Անկախ Արցախի Հանրապետության չճանաչված կարգավիճակից՝ մենք մեր պարտականությունների և իրավունքների հետ մեկտեղ միջազգային հանրության պատասխանատու և լիիրավ անդամ ենք», - նշել է նա։  

Մենք չենք բացառում նոր մարդասիրական բեռների առաքումը ռուս խաղաղապահների միջոցով՝ ըստ կարիքների և մեր հնարավորությունների, հավելել է Բեգլարյանը։