Ուկրաինայի ազգայնականները խոչընդոտում են հումանիտար միջանցքներով խաղաղ բնակիչների շարժը դեպի Ռուսաստան․ ՌԴ ՊՆ ներկայացուցիչ

Ուկրաինայի ազգայնականները խոչընդոտում են հումանիտար միջանցքներով խաղաղ բնակիչների շարժը դեպի Ռուսաստան՝ Վոլնովախայի և Մարիուպոլի, ինչպես նաև Խարկովի և Սումի ուղղություններով, հայտարարել է Մարդասիրական արձագանքման միջգերատեսչական համակարգող շտաբի ղեկավար, ՌԴ պաշտպանության կառավարման ազգային կենտրոնի ղեկավար Միխայիլ Միզինցևը։

«Վոլնովախայի և Մարիուպոլի ուղղություններով ամեն օր են հումանիտար միջանցքներ բացվել, բայց ազգային գումարտակները խոչընդոտում են խաղաղ բնակիչների շարժը դեպի Ռուսաստանի Դաշնություն։ Նմանատիպ իրավիճակ է նաև Խարկովում և Սումում, ինչպես նաև մի շարք այլ բնակավայրերում»,- ասել է նա։

Միզինցևը հայտարարել է նաև, որ հարյուր հազարավոր փախստականներ մինչև այս պահը չեն կարողացել հասնել հումանիտար միջանցքներին։

«Ցավոք սրտի, այս պահի դրությամբ, մեր հավաստի տեղեկություններով, Մարիուպոլից հայտարարված՝ 200 000 և Վոլնովախայից՝ 15 000 փախստականներից և ոչ մեկը չի ժամանել»,- ասել է Միզինցևը։