Լրահոս

Այսօր՝ դեկտեմբերի 2-ին, ավտովթար է տեղի ունեցել Կոտայքի մարզում։ Ժամը 10։15-ի սահմաններում Գեղարդի խճուղում բախվել են Արմավիրի մարզի բնակիչ 32-ամյա Արտաշես Վ․-ի վարած «Mercedes» մակնիշի և Կոտայքի մարզի բնակիչ 29-ամյա Անի Հ․-ի վարած «Infiniti» մակնիշի ավտոմեքենաները։

Ըստ աղբյուրի՝ քննարկվում է ԱՄՆ ներգաղթի արգելքի ունեցող երկրների ցանկը 19-ից մոտ 30-ի հասցնելը, այդուհանդերձ, որոշումը գտնվում է վաղ փուլում, և ցանկը կարող է փոփոխվել։

Շրջանառվում են նաև ռինո-, բոկա-, ադենովիրուսներ և պարագրիպի հարուցիչները։ Սուր շնչառական վարակների սեզոնին ԿԳՄՍ-ի հետ համատեղ նախադպրոցական ու դպրոցական հաստատություններում ներդրվել է «համաճարակային ֆիլտր», որի սահմանաչափը գերազանցելու դեպքում ուսուցումը անցնում է հեռավար ձևաչափի։

Սկանդալային գաղտնալսումները, կոմպրոմատներն ու ներքին խռովքը շարունակում են ցնցել Մայր Աթոռ Սուրբ Էջմիածինը: Հոգևոր մայրաքաղաքը հիմա էլ Գևորգ եպիսկոպոս Սարոյանի մեղադրանքն է հերքում: Նրա սիրային կապը մերկացնող ձայնագրության հետ կապ չունի Մայր Աթոռը:

Թե բա՝ «Կառավարությունը հրապարակել է Ղարաբաղյան հակամարտության կարգավորման բանակցային գործընթացի փաստաթղթերը, այս մասին գրել է հրապարակախոս Հարութ Ուլոյանը։ «Ու էն որ կեսը Կազիմիրովի կայքից են վերցրել, կեսը ԵԱՀԿ կայքերից։ 1999 թվականի Մեղրիի տարբերակը՝ 2008 թվականի ՀԺ-ում հրապարակվածն են արտատպել, իսկ որպես նախաբան՝ Լևոն Տեր-Պետրոսյանի 2008-ի ելույթից մեջբերումներ․․․ Ու ԱԺ-ում 2018 թվականի Սերժի ելույթից մի հատված։ 1994 թվականի զինադադարի եռակողմ պայմանագիրն ո՞ւր ա։ 1995 թվականի ԵԱՀԿ գործող նախագահի հայտարարությունն ո՞ւր ա, որով Ղարաբաղը վերահաստատվում ա որպես բանակցությունների լիիրավ կողմ։ Լիսաբոնի վերաբերյալ Տեր-Պետրոսյանի կողմից կիրառված վետոյի հայտարարությունն ո՞ւր ա։ Քի-Վեսթի բանակցվածն ո՞ւր ա։ Պրահյան գործընթացն ո՞ւր ա։ Էս բոլորի վերաբերյալ հայկական կողմի պաշտոնական պատասխաններն ո՞ւր են։ Էն ձեր անձնական օգտագործման բաներն էլ մինչև հիմա պնդում էին, թե 2019-ի առաջարկները միայն ռուսներինն էին, ՄԽ-ինը չէին․․․ Բա 44-օրյա պատերազմի օրերին պատերազմը կանգնեցնելու առաջարկներն ո՞ւր են։ Բա 2018-ից հետո Նիկոլի պաշտոնական պատասխաններն ո՞ւր են։ Չկա՞ն։ Բա հրապարակային ելույթների հատվածները կցեք, ոնց Սերժինն եք կցե․ «սեփական կետից եմ բանակցում», «ինչ ուզում, այն էլ բանակցում եմ», «Լավրովը թող հասկանա, որ իրավիճակ ա փոխվել», «երբ ուզենամ՝ կվերադառնամ Սերժի թողած բանակցային ժառանգությանը»․․․․ Մինչև 44-օրյա պատերազմն ու դրանից հետո, մինչև Ղարաբաղի հայաթափումը, Նիկոլը ոչ մեկին նամակ չի գրե՞լ, պայմանավորվածություններ չի ունեցե՞լ, առաջարկներին չի արձագանքե՞լ։ Բա հրապարակային հայտարարությունները կցեք․ «Շուշիի ու Հադրութի դեօկուպացիա», «Արցախում ապագա կա՛», «անջատում՝ հանուն փրկության»․․․ Ու էս ողորմելի փաթեթային մանիպուլյացիայի անունն էլ դրել են՝ փաստաթղթեր ենք հրապարակել»,-գրել է նա։

Պատերով տվող, թաթիկներ կտրող, դահլիճներից դուրս շպրտող ու ԱԱԾ պադվալները լցնող մարդը որոշել է բարեկիթ վարքի անցնել: Հայհոյանքը քաղաքական լեքսիկոն մտցրած ՔՊ-ականները Էթիկայի կանոնագիրք են ընդունել, որով նախատեսում են այլևս հայհոյանքով չպատասխանել հայհոյանքին: Փաշինյանի քաղաքական ընդդիմախոսները միայն մի բան գիտեն՝ կարմիր կովը կաշին չի փոխում:

Հրապարակվել են Կրեմլում ՌԴ նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիթքոֆի հանդիպման կադրերը: Ինչպես հայտնում է «ՌԻԱ Նովոստի»-ն, Ուիթկոֆի ներկայիս այցը Ռուսաստան այս տարի արդեն վեցերորդն է։ ԱՄՆ նախագահ Դոնալդ Թրամփի հատուկ դեսպանորդը Մոսկվա է այցելել փետրվարի 11-ին և մարտի 13-ին, իսկ ապրիլին երկու անգամ այցելել է երկիր՝ ապրիլի 11-ին նա Պուտինի հետ հանդիպել է Սանկտ Պետերբուրգում և ապրիլի 25-ին՝ Մոսկվայում։ Բոլոր այդ շփումները կապված էին ուկրաինական խնդիրների հետ։ Վերջին անգամ նրանք հանդիպել են օգոստոսի 6-ին: Ինչպես այն ժամանակ նշել էին Կրեմլում, Ուիթկոֆի այցն արդյունավետ էր։ Այս հանդիպումների ընթացքում կողմերը փոխանակվել են ազդանշաններով, որոնք հիմք են հանդիսացել Ալյասկայում ռուս-ամերիկյան գագաթնաժողովի նախապատրաստման համար։ Թրամփի հատուկ բանագնացի ներկայիս այցը Ռուսաստան կապված է Ուկրաինայի հարցով ԱՄՆ խաղաղության ծրագրի քննարկումների հետ։ Պուտինը հայտնել է, որ Մոսկվան պատրաստ է լրջորեն քննարկել Ուկրաինայի հարցով ԱՄՆ-ի ծրագիրը:

Այսօր՝ դեկտեմբերի 2-ին, ավտովթար է տեղի ունեցել Կոտայքի մարզում։ Ժամը 11։20-ի սահմաններում Երևան-Աբովյան ավտոճանապարհին 72-ամյա Աշոտ Շ․-ն իր վարած «Toyota Corolla» մակնիշի ավտոմեքենայով բախվել է երկաթե արգելապատնեշին։ Shamshyan.com-ի տեղեկություններով, վթարի հետևանքով 1 հոգի տեղափոխվել է «Աբովյան» բժշկական կենտրոն։ Վթարի փաստով Աբովյանի քննչական բաժնում նախաձեռնվել է քրեական վարույթ, որտեղ էլ պարզվում է վիրավորի ինքնությունը։

Քի Վեսթի փաստաթղթով՝ Արցախը միանում էր Հայաստանին՝ Լաչինի միջանցքով

«Արցախի թեմական խորհուրդը հայտնում իր խոր անհանգստությունն ու մտահոգությունը՝ կապված վերջին օրերին հանրային մեծ հնչեղություն ստացած Արցախի թեմակալ առաջնորդի գործելակերպի և դիրքորոշումների հետ:Խորհուրդը թեմակալ առաջնորդի քայլերի մասին նախապես տեղեկացված չի եղել, և այն չի բխել մեր միասնական դիրքորոշումից ու ներարցախյան քննարկումների տրամաբանությունից։

Հայլուր 20։30 Կոշտ արձագանք և նոր, սուր հարցեր. ինչի՞ մասին են հրապարակված թղթերը

Ուրեմն «եզրակացությունը» բաղկացած է ընդամենը մեկ էջից, որի կեսից ավելին լուսանկար է։ Այսինքն ամբողջ եզրակացությունն ուղիղ կես էջ է։

Գույքերի օտարման գործով այսօր նորից դատարան են բերել Գյումրիի քաղաքապետ Վարդան Ղուկասյանին: Մեկ վկայի է հարցաքննել դատարանը: Գյումրիի ավագանու նախկին անդամ Կոլյա Ղուկասյանը հայտնել է, որ քաղաքապետ Ղուկասյանը գույքերի օտարմանը վերաբերող որևէ ապօրինի հրահանգ չի տվել ո՛չ իրեն, ո՛չ մնացած թիմակիցներին:

Վիճակագրական կոմիտեն օրերս հրապարակել է «Աղքատության պատկերը Հայաստանում 2024թ. զեկույցը»։

Մեր խորագույն անհանգստությունն ենք հայտնում Հայաստանում և հատկապես մեր Սուրբ եկեղեցու ներսում կատարվող իրադարձությունների կապակցությամբ: Այս մասին հայտարարություն է տարածել Ուկրաինայի Հայոց թեմի քահանայաց դասը։

Նիկոլ Փաշինյանն ինքն էր ավելի վաղ խոստացել մինչև տարեվերջ հրապարակել այս փաստաթղթերը: «Լեռը մուկ ծնեց, մուկն էլ սատկած էր», - այսպես է օրվա գլխավոր հրապարակումը մեկնաբանել երկրորդ նախագահի գրասենյակի ղեկավար Բագրատ Միկոյանը:

Վաղարշապատի ավագանու անդամ Սևակ Խաչատրյանը գրում է․ «Սիրելի՛ վաղարշապատցիներ, իմ և «Հաղթանակ» դաշինքի անունից կրկին ցանկանում եմ հայտնել երախտիքի խոսք՝ ձեր կողմից տրված վստահության քվեի համար: Ձեր կողմից տրված այդչափ մեծ քանակի ձայները և՛ պարտավորեցնող, և՛ միաժամանակ ոգեշնչող են: Նախօրեին ընտրական հանձնաժողովը բաշխել է ավագանու մանդատները, ըստ այդմ, որպես Վաղարշապատ խոշորացված համայնքի «Հաղթանակ» ընդդիմադիր խմբակցության անդամներ խոստանում ենք՝ հետևողական ենք լինելու վաղարշապատցու շահի հետապնդմանն ու հոգսի թեթևացմանն ուղղված համայնքային ծրագրերի մշակմանը և կատարմանը:

Բացակայում է Քի-Վեսթը, որը ենթադրում էր Արցախի հարցի պատմական շահավետ լուծում։ Այդ փաստաթղթով Արցախը դառնում էր Հայաստանի մաս, Լաչինի 40 կիլոմետր լայնությամբ պաշտպանված միջանցքով միանում էր Հայաստանին, իսկ Մեղրիով հնարավոր ճանապարհը, ըստ այդ փաստաթղթի, բոլոր առումներով մեզ ավելի շահեկան էր, քան՝ անհասկանալի հեռանկարով TRIPP-ը։ Այս առումով 2-րդ նախագահի վաստակն անհնար է թերագնահատել։

«Մի քանի րոպե առաջ մենք ընդունեցինք նոր՝ Հայաստան–ԵՄ ռազմավարական օրակարգը, որը լրացնում է Համապարփակ և ընդլայնված գործընկերության համաձայնագիրը (ՀԸԳՀ) և մեր գործընկերության օրակարգը բարձրացնում ռազմավարական մակարդակի։

ՔՊ-ն, ապացուցելու համար, որ քննարկվել է «Ղարաբաղը Մեղրիի հետ փոխանակման» փաստաթուղթ վկայակոչում է «Հայկական ժամանակ»-ում 1999 թ. տպագրված հոդված: Այս մասին գրել է ԱԺ պատգամավոր Քրիստինե Վարդանյանը։