Լրահոս

Առաջին անգամ Արայիկ Հարությունյանի անունը մամուլի սկանդալային վերնագրերում գրվեց մոտ մեկ ամիս առաջ, երբ հայտնի դարձավ, որ կրթության ոլորտի պատասխանատուները քննարկում են Հայոց եկեղեցու պատմություն առարկան դպրոցական ծրագրից հանելու հարցը: Կրքերը թեժացան, երբ օրակարգում հայտնվեցին ԲՈՒՀ-երում հայոց լեզվի ու հայոց պատմության դասավանդումը ոչ պարտադիր դարձնելու մտադրության, հայ ծանրամարտիկի սեռափոխության մասին պատմող ֆիլմի ու հանրապետության մետրոյի մոտ սկանդալային «Հուզանք ու զանգ» ֆուտուրիաստական ներկայացման ֆինանասավորման լուրերը:

Երկրորդ նախագահին աջակցող «Հաղթանակ» շարժումը Կոտայք, Գեղարքունիք այցելելուց հետո Հայաստանի հարավ է գնացել: Սյունիքի մարզում Ռոբերտ Քոչարյանի ազատության պահանջով ստորագրահավաք անողներին մարդիկ գանգատվել են հեղափոխական էյֆորիայից հետո նորից մնացել են կոտրած տաշտակի առաջ:

Բանակում ամեն ինքնասպանության դեպքից հետո պաշտոնյաներ են պատիժ ստանում: Այսօր պաշտպանության նախարարի տեղակալն է վստահեցրել: Բայց Գաբրիել Բալայանն ինքն էլ ընդունում է , որ այս սարսափելի երևույթը ի սպառ վերացնելը գրեթե անհնար է:

Վաղ առավոտից Կրթության, գիտության, մշակույթի և սպորտի նախարարության առաջ վերսկսկսվել է միայն հանգստյան օրերին ընդհատված շուրջօրյա նստացույցը: Արայիկ Հարությունյանի հրաժարականաը պահանջող ՀՅԴ երիտասարդական միության անդամներին ու Երևանի պետհամալսարանի դասադուլ հայտարարած ուսանողներին են միացել Կամք նախաձեռնության ներկայացուցիչները: Այսօր միասին շրջել են բուհ-երով, ուսանողներին պայքարին միանալու կոչ արել: ԵՊՀ ուսանողական ծրագրերի համակարգող Էդվարդ Գալստյանը գործադուլ է սկսել վստահ, որ Նախարարը գնալու է, իրենք հաղթելու են:

2018-ի՝ իշխանափոխության օրերին փողոց փակելու մեծ փորձ հավաքած մի խումբ ավտոներկրողներ հիմա սպառնում են նույն կերպ փողոց փակել, եթե Կառավարությունը չլսի իրենց բողոքի ձայնը: Այսօր նրանք մաքսատունը Գյումրի տեղափոխելու որոշումից դժգոհ փակել են Նորագավիթի ճանապարհը:

Այսօր Էներգախնայողության միջազգային օրն է ու մեր երկրում էլ փորձագետները փորձում են Կառավարության ուշադրությունը հրավիրել էներգետիկ պաշարների եւ էներգիայի վերականգնվող աղբյուրների զարգացման խնդիրներին:

Օգոստոսին Արցախի հաղթանակած բանակի հերոսների ժառանգներին Շուշիի բերդի տարածքում հավաքած Հաղթանակած նախաձեռնությունը միավորման նոր ձևաչափ է մտածել: Երևանից Ստեփանակերտ սիրո ֆլեշմոբերի մասին ռեպորտաժում:

Բոլիվիայում բողոքի ցույցերի ֆոնին հրաժարական է տվել նախագահ Էվո Մորալեսը, իր խոսքով որպեսզի ընդդիմության առաջնորդները դադարեն կրակի մատնել հասարակ մարդկանց տները։

Ե՞րբ է իրականացվելու Արցախը բանակցային սեղանին վերադարձնելու վարչապետի խոստումը, Մինսկի խմբի ո՞ր համանախագահն է համաձայնել արցախյան հակամարտության լուծումը պետք է ընդունելի լինի երեք ժողովուրդների համար բանաձևին, ինչու՞ ոչ ոք չի խոսում կարևորագույն ազգերի ինքնորոշման իրավունքի մասին ու վերջապես ինչպե՞ս բանակցային գործընթացից դուրս եկան Վիեննայի և Սանկտ Պետերբուրգի պայմանավորվածությունները։ Այս հարցերով էին այսօր Լավրովի հետ Զոհրաբ Մնացականյանի հանդիպման ավարտին, մեր արտաքին քաղաքական գերատեսչության մոտ հավաքվել Հանրապետական կուսակցության երիտասարդները: Նրանց ձեռքին ճամպրուկ կար Մնացականյանի համար, իրենց խոսքով դատարկ, ինչպես իշխանության խոստումները։

Ինչ վերաբերում է Արցախը բանակցային սեղան վերադարձնելու առաջարկությանը, ապա, ավաղ, այն փաստացի գերակա չի դիտվում ռուսական կողմի համար։

«ՎԵՏՕ» հասարակական-քաղաքական շարժումն այսօր՝ 11.11.2019թ.-ին հրավիրեց ընդհանուր ժողով՝ օրակարգում ունենալով մեկ հարց՝ ՀԱՅ ուսանողների նախաձեռնած պայքարն ընդդեմ կրթության, գիտության, մշակույթի ոլորտներում կառավարության ապազգային և քայքայիչ քաղաքականության:

Իրավական գլուխկոտրուկ են դարձել Ռոբերտ Քոչարյանին կալանքի տակ պահելու դատախազության պնդումները: Երկրորդ նախագահի փաստաբանները չեն հասկանում՝ ինչո՞ւ պետք է Ռոբերտ Քոչարյանը խոչընդոտի գործի քննությանը, երբ քննությունը վաղուց ավարտվել է, գործը դատարանում է:

Հայաստանում կյանքը, ասես, վերածվում է փերֆորմանսի՝ անկանոն շարժումներ, ոչմիտեղ տանող գործողություններ, չլռող ձայներ, լռեցված ձայներ, եռացող մտքեր Արվեստով եւ անարվեստ տեսարաններ, որ երբեմն՝ հուզում են, երբեմն՝ ոչ: Ոմանց ոգեշնչում են, ոմանց՝ վախեցնում:

Նիկոլ Փաշինյանի զինակիցներից Արայիկ Հարությունյանի վարկանիշն այս շաբաթ արագ անկում ապրեց: Կրթության, գիտության, սպորտի, մշակույթի նախարարը նշանակման օրվանից պարբերաբար հայտնվում է սկանդալների կենտրոնում: Հիշեցնեմ, թեկուզ, դպրոցի տնօրենների երևանյան հավաքը, որտեղ Հարությունյանը փորձել էր հեգնել ուսուցչուհուն՝ կասկածի տակ դնելով նրա օտար լեզվի իմացությունը: Արդյունքում՝ Հարությունյանն էր հայտնվել անհարմար վիճակում, երբ ուսուցչուհին հայերեն ելույթը կրկնել էր անգլերեն:

Մարտահրավերները ազգային արժեքների դեմ շաբաթվա վերջին փողոց էին հանել հարևան Վրաստանի քաղաքացիներին: Նրանք փորձում էին տապալել մայրաքաղաք Թբիլիսում ու Բաթումում էկրաններ բարձացած մի ֆիլմի պրեմիրա: Գեղարվեստական Ժապավենը ներկայացնում է երկու երիտասարդ պարողի սիրո պատմությունը: Ֆիլմը, ըստ ցուցարարների, սեռական փոքրամասնությունների քարոզ է: Ի դեպ, վրացի ռեժիսորի կինոնկարը Վրաստանը այս տարի ներկայացրել է Օսկարի՝ «Լավագույն արտասահմանյան ֆիլմ» անվանակարգում:

Ինչպե՞ս են բուրում հայկական ծաղիկները օծանելիքի սրվակում: Հիշում եք՝ Քիմ Քարդաշյանի միտքը նաև այս հարցն էր զբաղեցրել Հայաստան վերջին այցի ընթացքում: Նա հայտարարել էր, որ ցանկանում է օծանելիք ստեղծել՝ հայկական ծաղիկների բույրով: Քարդաշյանին գուցե մեր ռեպորտաժն օգնի՝ գործը արագ գլուխ բերելու համար: Այժմ կծանոթանաք հայաստանցի պարֆյումերի հետ: Նրա ստեղծած օծանելիքը աննկատ չի մնում նույնիսկ Ֆրանսիայում, որը օծանելիքի արտադրության հսկան է Եվրոպայում: