Լրահոս

Թեեւ HBO-ն միլիոնավոր դոլլարներ ծախսեց «Գահերի խաղը» եւս մեկ եթերաշրջանով ապահովելու համար, բայց 2019 թվականի լավագույն սերիալը դարձավ «Ժառանգները»: Ջեսսի Արմսթրոնգի գայթակղիչ դրաման պատմում է ամերիկյան մեդիամագնատների ընտանիքի մասին:

Հիշեցնենք, որ «5-րդ ալիք»-ի եթերում շարունակվում է «Ժառանգները» սերիալի առաջին եթերաշրջանը, որի վերջին մասը կլինի դեկտեմբերի 24-ին: Իսկ հունվարի 7-ից կմեկնարկի երկրորդ եթերաշրջանը:

«Գելափ» միջազգային ընկերությունը ամփոփել է Հայաստանի հեղափոխական տարին: Պարզվում է՝ հեղափոխության առաջնորդի վարկանիշը գրեթե 2 անգամ ընկել է: 2018-ին Նիկոլ Փաշինյանին լիովին դրական էր գնահատել հարցվածների մոտ 61 տոկոսը, 2019-ին՝ մոտ 37-ը: Հանրության քանի տոկոսի մոտ են արդարացել հեղափոխական սպասելիքները և քանի տոկոսը կընտրեր «Իմ քայլին» եթե խորհրդարանական ընտրությունները լինեին այսօր:

Դասադուլների պատճառ դարձած Բարձրագույն կրթության մասին աղմկահարույց օրինագիծը մտել է Ազգային ժողով: Բայց կրթության հարցերի մշտական հանձնաժողովում կքննարկվի մյուս շաբաթ: Օրինագծի պատճառով նախարարի հրաժարականը պահանջող երիտասարդներից մեկն ու նախարար Արայիկ Հարությունյանը ևս այսօր խորհրդարանում են եղել: Բարձրագույն կրթությանը հասնելուց առաջ,, ընդդիմադիր պատգամավոր Նաիրա Զոհրաբյանը խորհուրդ է տվել փոփոխությունները սկսել դպրոցներից, որտեղ ըստ Զոհրաբյանի, ողբերգական վիճակ է: Պատգամավորը հույս ունի, որ հանրակրթական դպրոցներում կգա մի օր, որ աշակերտները էլ չեն ասի, թե Սասունցի Դավիթն արձան է, Դեմիրճյանն էլ՝ փողոց:

Ռոբերտ Քոչարյանը կմնա կալանքի տակ: Վեչաքննիչ դատարանը Լուսինե Աբգարյանի նախագահությամբ, անփոփոխ է թողել առաջին ատյանի դատարանի որոշումը: Մարտի մեկի գործը կշարունակվի քննվել առաջին ատյանի դատարանում Աննա Դանիբեկյանի նախագահությամբ: Քոչարյանի փաստաբանները համոզված են, որ դատարանի վրա նորից ճնշում է եղել: Այս անգամ վճռից մեկ օր առաջ ոստիկանության տարածած տեսանյութի տեսքով: Երկրորդ նախագահի որդին տեղի ունեցածը կայուն պրակտիկա է համարում:

Երեկվանից չի դադարում աղմուկը ի պաշտպանություն Ռոբերտ Քոչարյանի տարածված հայտարարության շուրջ: Ինչպես գիտեք, մշակույթի մի քանի տասնյակ հայտնի գործիչներ Հայաստանից ու Ռուսաստանից, միացել են երկրորդ նախագահին կալանքից ազատ արձակելու կոչ անող հայտարարությանը: Նրանց մի մասը, լրատվամիջոցներում ու հատկապես համացանցում բարձրացած աղմուկից հետո, սկսեց հերքել թե իրենք ստորագրել են հայտարարության տակ: Քոչարյանի գրասենյակի ղեկավարը պարզաբանել է, որ հայտարարությանը գործիչները ոչ թե ստորագրությամբ են միացել, այլ իրենց համաձայնությունը հայտնելով: Բացի այդ, Սողոմոնյանը տեղեկություններ ունի, որ որոշ գործիչների զանգել ու զգուշացրել են նոր իշխանությունը կնեղանա իրենցից:

Քրեակատարողական հիմնարկներում սկսվել է պայքարը «զոն նայողների» ինստիտուտի դեմ: Լրագրողներին հավատացրել է քրեակատարողական ծառայության պետը: Արթուր Գոյունյանը տեղեկացրել է, որ «Նուբարաշեն» և «Դատապարտյալների հիվանդանոց» քրեակատարողական հիմնարկները պետք է լուծարվեն։ Դրանց տեղում կառուցվելու են միջազգային ստանդարտներին համապատասխան հիմնարկներ: Քրեակատարողական ծառայության պետը սկանդալային բացահայտումներ է արել այսպես ասած գաղութային ավանդույթների մասին: Պարզվում է, հստակ սահմանված գումարներ են եղել տեսակցությունների և նույնիսկ մարմնավաճառների ծառայությունների համար:

Անվտանգության աշխատողի օրը, Մոսկվայի կենտրոնում տեղի ունեցած հրաձգությունը Ռուսաստանի Հատուկ ծառայությունները ահաբեկչական գործողություն են որակում: Կրակոցների հետևանքով հատուկ մահացել է 2 մարդ, ևս 3-ը վիրավորվել: Ոստիկանները արդեն պարզել են հրաձիգի ինքնությունը: 39-ամյա տղամարդը, պարզվում է հրաձգության տարբեր մրցաշարերի հաղթող է:

Արարատի մարզում էլ կան պաշտոնյաներ, որ դիմադրում են հեղափոխությանը: Այս մասին տարին ամփոփող ասուլիսի ժամանակ ասել է Արարատի մարզպետ Գարիկ Սարգսյանը: Նա խոստովանել է, որ կոռուպցիոն սխեմաների իդեալական մաքրություն դեռ չեն արել, դիմադրող օջախներ դեռ կան: Ինչպես հիշում եք՝ հեղափոխությանը դիմադրող պետական համակարգի մասին խոսել էր վարչապետ Նիկոլ Փաշինյանը: Ի դեպ, ըստ Գարիկ Սարգսյանի Արարատի մարզպետարանն այնքան հավելյալ միջոցներ ունի, որ կարող է իրեն թույլ տալ, ոչ միայն 13-րդ, այլև 14-րդ աշխատավարձ տալ իր աշխատողներին:

2019 Էկո-տարին են ամփոփել բնապահպանները: Գլխավոր խնդիրը շարունակում է մնալ Ամուլսարի շուրջ ստեղծված անորոշ վիճակը: Ի դեպ, կառավարությունը ևս 54 հազար դոլար հատկացրեց Ամուլսարի փորձաքննությունների համար: Դրանից առաջ «Էլարդ» միջազգային կազմակերպությանը 400 հազար դոլար էր փոխանցվել:

Ի պաշտպանություն ՀՀ Նախագահ Ռոբերտ Քոչարյանի հայտարարությանը՝ միացել է ևս 7 մշակույթի գործիչ.

Վերաքննիչ քրեական դատարանը՝ նախագահությամբ դատավոր Լուսինե Աբգարյանի, մերժեց ՀՀ երկրորդ նախագահ Ռոբերտ Քոչարյանի պաշտպանների՝ նրա նկատմամբ գրավ կիրառելու միջնորդությունը։

Որոշումը ենթակա է բողոքարկման Վճռաբեկ դատարանում 15-օրյա ժամկետում։

Արգելիր երեխաներիդ արտահայտվել ներքին քաղաքական հարցերի վերաբերյալ, իսկ կնոջդ՝ արտահայտվել Արցախի հարցի և բանակի վերաբերյալ, քանզի պատերազմն ու բանակը տղամարդու առաքելությունն է։ Գոնե ես այդպես եմ կարծում։