Լրահոս

Այսուհետև վարչական և քրեական պատասխանատվության կենթարկվեն արտակարգ դրության ժամանակ մեկուսացման ու ինքնամեկուսացման պահանջը խախտողները: Ազգային ժողովն արտահերթ նիստում ընդունել է կառավարության ներկայացված օրենքի փաթեթը: Այն նախատեսում է նաև լրատվամիջոցների նկատմամբ ավելի մեծ տուգանքներ՝ արտակարգ դրության պահանջները խախտելու համար:

Ապաքինվածների մեծ մասը Չինաստանից է: Կորոնավիրուսի հայրենիք Չինաստանում վարակվածների 90 տոկոսը բուժվել է: Սրա լրիվ հակառակ վիճակագրությունն է Իտալիայում: Այդ երկրում հիվանդների դեռ տասը տոկոսն է բուժվել: Եվրոպայի կորոնա-կենտրոն Իտալիայում վիրուսն արդեն 5 հազար 500 մարդու կյանք է խլել:

«Ավրորան» շարունակելու է երկրորդ հնարավորություն ընձեռել նրանց, ովքեր արդեն իսկ բավական փորձությունների միջով են անցել: Միեւնույն ժամանակ, «Ավրորան» իր նպաստը կբերի համաճարակի դեմ պայքարին Հայաստանում՝ #AraratChallenge շարժման հանգանակությամբ  հիվանդանոցներին տրամադրելով թոքերի արհեստական շնչառության տասը սարք:

Աշխարհում կորոնավիրուսի ուրախ դրվագները:

Ուրբաթ ուշ երեկոյան հրատապ կարգով խորհրդարան տարած կառավարության նախագիծն առաջին ընթերցումն անցավ: Այդ նախագծով տուգանք կսահմանվի նրանց համար, ովքեր կխախտեն արտակարգ դրության ժամանակ ինքնամեկուսացվելու ու մեկուսացվելու պարետի ցուցումը, նաեւ նրանք, ովքեր չեն ենթարկվի ու հավաքներ, հանրային միջոցառումներ կանեն: Գիշերը խորհրդարանը քննարկել է նաեւ խախտում կատարածներին ազատազրկելու հարցը, եթե նրանց պատճառով մարդիկ են վարակվել: Վարչական պատասխանատվության կենթարկվեն նաեւ չթույլատրված տեղեկություն կամ խուճապ առաջացնող տեղեկություն տարածողները:

Հայաստանում լրատվամիջոցներն ավելի զգույշ պետք է խոսեն: Չնայած կառավարությունը փոփոխություն արեց արտակարգ դրություն հայտարարելու մասին մարտի 16-ի որոշման ամենաքննադատված կետը, բայց պարզ չէ, թե որ տեղեկությունն է համարվում խուճապ առաջացնող:

Ամենահնարամիտ սիրահարներն այս օրերին էլ գտել են սիրելու եւ սիրվելու ձեւը:

Երեւանի պոլիկլինիկաները արտակարգ ռեժիմով են աշխատում: Դռնեը բաց են նաեւ շաբաթ-կիրակի: Թոքի ռենտգեն հետազոտությունն անվճար կլինի: Քաղաքապետարանից վստահեցնում են՝ այս օրերին պարբերաբար ախտահանում են բազմահարկ շենքերի վերելակները, մաքրում աղբատարները: Ախտահանվում է նաեւ քաղաքի տրանսպորտը: Դրանց թիվը կրճատվել է վարորդների մի մասը խիստ հետեւում է տանը մնալու հորդորին: Սակայն ուղեւորների մեծ մասը կարծես թե այդ կոչը անտեսում է:

Վանաձորում թեստավորված բոլոր քաղաքացիների մոտ վարակի կասկածը հերքվել է: Այս մասին առողջապահական եւ աշխատանքի տեսչական մարմնի ղեկավարի օգնականն է հայտնում: Մեր երկրում կորոնավիրուսով վարակվածներն ու մեկուսացվածները կբուժվեն նաեւ մարզերի հիվանդանոցներում: Առողջապահության նախարարը թոքաբորբի 11 դեպքի մասին է ասել:

Վիրուսը մեծ արագությամբ տարածվում է Մեծ Բրիտանիայում: 2 շաբաթում վարակի 4000 դեպք է գրանցվել այստեղ, 180 մարդ մահացել է: Բրիտանիայում մեծամասշտաբ միջոցառումներ են չեղարկում: Իսկ Իտալիան ռեկորդներ է սահմանում: Այդ երկիրը մեկ օրում գրանցված մահերի թվով գերազանցել է Չինաստանին: Երեկ Իտալիայում 627 մարդ է մահացել մեկ օրում: Երկրում կարանտին է, բայց վարակվածների թիվն աճում է՝ մոտենում 50 հազարին:

Արցախը այլևս ուղիղ օգնություն չի ստանա ԱՄՆ կառավարությունից: Թրամփի վարչակազմը որոշել է կրճատել ֆինանսական աջակցությունը հայկական երկրորդ հանրապետության ականազերծման ծրագրին: Ամերիկյան հետազոտությունների հայկական կենտրոնի ղեկավարը Հայլուրին ասել է, որ ԱՄՆ կառավարությունը այս որոշումը մեկ օրում չի կայացրել: Հարցը ԱՄՆ անվտանգության խորհրդի օրակարգում էր ամիսներ շարունակ, ինչի մասին իրենք պարբերաբար ահազանգում էին: Հայաստանի իշխանություններին զգուշացրել են, որ Միացյալ Նահանգների պետական կառույցներում շատ ակտիվ աշխատում է ադրբեջանական լոբբին:

Արցախում դպրոցները փակել են, սահմաններին մարդկանց ջերմությունը չափում են, որպեսզի կորոնավիրուսը երկիր չմտնի: Ու հիմա սկսել են հզոր պայքար տանել վիրտուալ տարածքում, որտեղ կորոնավիրուսի մասին կեղծ լուրեր են տարածում:

ՀՀ երկրորդ նախագահ Ռոբերտ Քոչարյանի Փաստաբանական թիմի անդամ, պաշտպան Հովհաննես Խուդոյանը դիմել է Երևան քաղաքի ընդհանուր իրավասության դատարանի նախագահ Արթուր Մկրտչյանին՝ խնդրելով Ռ․ Քոչարյանի խափանման միջոց կալանքը անձնական երաշխավորությամբ փոխելու միջնորդության քննարկումը մակագրել այլ դատավորի։ Պաշտպանի դիմումի պատասխանը հայտնի կլինի երկուշաբթի՝ մարտի 23-ին։