Լրահոս

Դատարանը վարույթ է ընդունել Ազգային ժողովի իշխանական պատգամավոր Խաչատուր Սուքիասյանի դեմ՝ երրորդ նախագահ Սերժ Սարգսյանի դիմումը: Երրորդ նախագահը պահանջում է հերքել իր պատիվն ու բարի համբավը արատավորող տեղեկությունները և որպես վնասի փոխհատուցում վճարել մեկ միլիոն դրամ: Խաչատուր Սուքիասյանը խորհրդարանի ամբիոնից հայտարարել էր, թե «Սարգսյանը 100 միլիոն դոլարից ավելի կազինոներում կրվել է»։

Արարատի մարզպետ Ռազմիկ Թևոնյանը հետ է վերցրել հրաժարականի դիմումը: Նա հրաժարական էր տվել մեկ շաբաթ առաջ, սակայն դիմումը չէր ստորագրվել: Թևոնյանի խոսքով՝ հրաժարական ներկայացնելը հապճեպ որոշում է եղել, հիմա ինքը որոշել է շարունակել մարզպետի պաշտոնում աշխատանքը:

NEWS.am-ի տեղեկություններով՝ ՀՀ երկրորդ նախագահ Ռոբերտ Քոչարյանն այսօր՝ սեպտեմբերի 16-ին, այցելել է «Հայաստան» խմբակցության պատգամավոր Արմեն Չարչյանին, որը այս պահին գտնվում է «Քանաքեռ-Զեյթուն» բժշկական կենտրոնում։

Այսօր ժամը՝ 21:15-ին , 5-րդ ալիքի եթերում «Բառերեն»-ն  է: Նորաստեղծ կինոպոեզիա-ֆիլմաշարով փորձում է արվում ցույց տալ ոչ թե բանաստեղծական պատկերների նյութականացված համարժեքները, այլ բանաստեղծության ապրման ընթացքը, մարդու կամ որևէ առարկայի շարժման մեջ արտահայտել խոսքի հուզական ազդեցության պլաստիկան։

Տեղեկություններ կան նաև, որ իրանական մեքենաները Սյունիքից Երևան են գալիս Տաթև-Աղվանի գրունտային ճանապարհով՝ շրջանցելով Գորիս-Կապանի՝ ադրբեջանին հաձնված 21 կիլոմետարնոց հատվածը:

Կորոնավիրուսի «Դելտա» շտամով պայմանավորված՝ Հայաստանում մահերի թիվը աճել է: Կառավարության այսօրվա նիստում առողջապահության նախարարը հայտարարել է, որ պատվաստումից չեն կարողանա խուսափել անգամ այն մարդիկ, որոնք բժշկի հակացուցման տեղեկանք կունենան: Ավանեսյանը նշել է, որ երբ քաղաքացին առողջանա, պետք է պատվաստվի, կամ 2 շաբաթը մեկ թեստ հանձնի: Այդ որոշումը սկսելու է գործել հոկտեմբերի 1-ից:

Հունվարի ոչ աշխատանքային օրերը 5-ով կրճատվել են: Հունվարի 2-ը, 3-ը, 4-ը, 5-ը, 7-ը կառավարության այսօրվա որոշմամբ դարձել են աշխատանքային: Կառավարությունում կարծում են՝ սա դրական կազդի տնտեսության վրա:

Նոր ձևավորված Հակակոռուպցիոն կոմիտեի նախագահ է նշանակվել Սասուն Խաչատրյանը: Նա ազատվել է ՀՔԾ պետի պաշտոնից: Հակակոռուպցիոն կոմիտեն աշխատանքները կսկսի մեկ ամսից, 20 քննիչ կունենա: Իշխանությունը վստահեցնում է՝ այս կոմիտեի ստեղծումը նպաստելու է կոռուպցիայի դեմ պայքարի արդյունավետության բարձրացմանը:

Պատմության մեջ առաջին անգամ Space X ընկերությունը տիեզերք է ուղարկել ոչ թե տիեզերագնացների, այլ պարզ մարդկանց խումբ: Հրթիռը թռել է ԱՄՆ Ֆլորիդա նահանգից: Անձնակազմի 4 անդամները տիեզերքում 3 օր կմնան: Նրանք 4-ն են, որովհետև Space X-ը ուզում է առաջնորդության, հույսի, շռայլության և բարգավաճման մեսիջներ ուղարկել մարդկությանը:

ՖԻՖԱ-ն այսօր՝ սեպտեմբերի 16-ին, հրապարակել է ազգային հավաքականների դասակարգման աղյուսակը:

Երեկվա ԱԺ հարց ու պատասխանը ծանր, ճնշող տպավորություն թողեց. մեկ հոգու` հոգնած, հեռանկար ցույց չտվող պատասխանները, և ընդդիմության՝ մեկ հոգուն նեղը գցելուն ուղղված բացառիկ նպատակով հարցաշարը, ցույց տվեցին այն ծանր փակուղին, որի մեջ գտնվում ենք մենք։

Գեղամասար խոշորացված համայնքի ղեկավար Հակոբ Ավետյանն իր աշխատակազմի աշխատակիցների հետ հրավիրվել է ոստիկանություն։ Վաղ առավոտից մոտ 3 ժամ փակ է եղել Սոթք-Վարդենիս ճանապարհը: Գյուղացիները դժգոհում են համայնքների խոշորացման որոշումից: Ըստ դրա՝ Գեղամասար համայնքը պետք է միանա Վարդենիսին:

Արտակարգ իրավիճակների նախարարության Սեյսմիկ պաշտպանության տարածքային ծառայության սեյսմոլոգիական ցանցի կողմից 2021թ սեպտեմբերի 9-ից 15-ը ՀՀ-ի և ԱՀ-ի տարածքներում 2-3 բալ և ավելի ուժգնությամբ գրանցվել է 5 երկրաշարժ:

Հայաստանը ստանձնեց Հավաքական անվտանգության պայմանագրի կազմակերպության նախագահությունը։ «Արմենպրես»-ը հայտնում է, որ Հավաքական անվտանգության խորհրդի ընդլայնված նիստի ավարտին Տաջիկստանի նախագահ Էմոմալի Ռահմոնը ՀԱՊԿ-ի նախագահությունը ստանձնելու կապակցությամբ շնորհավորել է Հայաստանի վարչապետ Նիկոլ Փաշինյանին և մաղթել արդյունավետ գործունեություն։

Եվրոպայի խորհուրդը (ԵԽ) կարող է Թուրքիայի դեմ պատժամիջոցներ կիրառել Մարդու իրավունքների եվրոպական դատարանի (ՄԻԵԴ) որոշումը չկատարելու համար: 

Քիչ առաջ, կառավարության նիստի ընթացքում Սասուն Խաչատրյանը նշանակվեց Հակակոռուպցիոն կոմիտեի նախագահ:

Հայաստանում մեկ օրում 21 կորոնավարակակիր է մահացել: 19-ի մահը վրա է հասել հենց քովիդ-19-ի պատճառով: Մեկ օրում թագավարակ է ախտորոշվել ևս 764 մարդու: Վարակակիրների քանակը հատել է 251 հազարի սահմանը: