Լրահոս

44-օրյա պատերազմում հաշմանդամություն ձեռք բերած հատուկ ջոկատային Մանուկ Հազրոյանն առաջարկում է միասին վերլուծել՝ ինչու՞ փոքրացավ մեր երկիրը:

Վերջին տվյալներով ապաքինվել է 237 263 անձ` վերջին մեկ օրում 295 անձ:

Սեպտեմբերի 26-ին, ժամը 19:00-ին Արուճ գյուղի Սուրբ Գրիգոր եկեղեցում կկայանա համերգ, որում հանդես կգա Հայաստանի պետական կամերային երգչախումբը (գեղարվեստական ղեկավար և գլխավոր դիրիժոր`Ռոբերտ Մլքեյան): Ծրագրում կոմիտասյան ստեղծագործություններն են։

Խոսելով Արցախյան 44-օրյա պատերազմի մասին՝ նա ասել է, որ «Ադրբեջանը, օգտվելով «արտաքին ագրեսիայից» պաշտպանվելու իր իրավունքից, իրականացրել է ՄԱԿ-ի Անվտանգության խորհրդի չկատարված բանաձևերը և վերջ դրել «իր հողերի օկուպացիային»:

Այսօր 44-օրյա պատերազմում՝ սիրելի Շուշիի պաշտպանության համար զոհված Գևորգ Արշակյանը՝ հայրենիքի համար ծնված «ֆանտաստիկ» Գևը, կդառնար 25 տարեկան։ Ճիշտ է՝ նրա ծննդյան օրը նոյեմբերի 12-ին է, բայց ինքը միշտ նշել է սեպտեմբերի 21-ին՝ անկախության օրը:

Սեպտեմբերի  25-ի ցերեկը, 26-ին սպասվում է առանց տեղումների եղանակ: Սեպտեմբերի 22-23-ը հիմնականում կեսօրից հետո, 25-ի գիշերն առանձին շրջաններում, 24-ի ցերեկը շրջանների զգալի մասում սպասվում է անձրև և ամպրոպ:

44-օրյա պատերազմից հետո ստեղծված «Հավերժների այգու» մոտ կառուցված Սրբոց Հրեշտակաց եկեղեցու՝ Խաչի ու խորանի օծման արարողությունն է եղել: «Թովմասյան» հիմնադրամը ապակուց գմբեթով ու խաչով առաջին եկեղեցին է կառուցել: Իր տեսքով ու ճարտարապետական լուծումներով այն աշխարհում միակն է՝ հայտարարել է հիմնադրամի նախագահը:

Օրվա մամուլի հրապարակումները ժ.11-ին, 5-րդ ալիքի ուղիղ եթերում «Օրագիր» հաղորդման հեղինակ Մարիաննա Ղահրամանյանը կքննարկի Կովկասի ինստիտուտի քաղաքագետ Հրանտ Միքայելյանի  հետ:

Անկախության 30-րդ տարեդարձի նախօրեին ջահերով երթ է եղել դեպի Եռաբլուր: Երիտասարդները խոստացել են իրենց զոհված ընկերներին, որ մի օր Հայաստանը նորից լիարժեք տոնելու է անկախության տոնը:

Չնայած հասարակական զայրույթի մեծ ալիքին, սեպտեմբերի 21-ին կայացավ Նիկոլ Փաշինյանի խոստացած գունագեղ տոնակատարությունը՝ նվիրված զոհերի հիշատակին: Ըստ Փաշինյանի, հաղթելու համար պետք չէ հաղթել ուրիշներին:

Զոհված զինծառայողների հարազատները, հարյուրավոր քաղաքացիներ, հասարակական, քաղաքական գործիչներ այսօր Ազատության հրապարակից ջահերով երթ են արել դեպի Եռաբլուր՝ ցույց տալով, որ տոնելու բան չկա, և ավելորդ է հրապարակի գունագեղ տոնակատարությունը:

Հայաստանի քաղաքական և հոգևոր իշխանության ներկայացուցիչները ուղերձներներ են հղել անկախության 30-ամյակի առթիվ: ՀՀ նախկին ղեկավարները հույս են հայտնել, որ անկախության օրը դեռ տոնելու ենք:

ՀՀ ԱԺ «Հայաստան» խմբակցության ղեկավար Սեյրան Օհանյանը նշում է, որ մենք իրավունք չունենք ռազմավարական կետերը հանձնել թշնամուն ու դրանից հետո միայն սկսել մտածել սահմանագծման ու սահմանազատման մասին:

Անկախության 30-ամյակի տարբերանշանի վրա գրված 30 թվի միայն 3-ն է երևում: Գուցե գրաֆիկական անհաջող լուծում է, բայց փիառ մասնագետներից շատերը կասկածում են, որ խորհրդանիշներով իշխանության եկած ու քաղաքացիների գիտակցության մեջ անհավատալի վերափոխումներ արած թիմը այս անգամ էլ է հնարք բանեցնում փորձելով՝ անխակությունն ասոցացնել իրենց եռամյա կառավարման և 3-րդ համարի քվեաթերթիկի հետ:

Անկախության օրը կարելի էր բավարարվել ռազմական շքերթով, որը գոնե մի քիչ ուժ կտար մարդկանց, կներարկեր նոր հաղթանակների տրամադրվածություն: Հրապարակի գունագեղ տոնակատարությունը պատմության դասագրքերից մեզ հայտնի «բարոյական հաղթանակների» պես մի ինքնախաբեություն են համարում մեր համաքաղաքացիները:

Թշնամին շարունակում է կրակել Կութի ուղղությամբ: Համայնքապետի խոսքով՝ այնքան շատ են կրակում, որ գյուղացիներն արդեն սկսել են ուշադրություն չդարձնել:

Իշխանական էլիտան օրը սկսել է Եռաբլուրից: Կարմիր բերետավորների շարքով պաշտպանված իշխանավորները չեն նկատել բողոքի գործողությունները, պնդել են, թե տեղյակ չեն, որ տհաճ միջադեպեր են եղել: