Լրահոս

Ալիևը քաղաքացիների հետ հանդիպման ժամանակ է նախ գլուխ գովել, թե իրենք ինչին ուզում հասնում են, հետո հայտարարել, որ Հայաստանից ժամկետներ է ակնկալում, թե երբ կգործարկվի Զանգեզուրի միջանցքը: Հայաստանի ԱԳՆ-ն պատասխանել է «Զանգեզուրի միջանցքը բացող» Ալիևին: Նախարարությունը միջազգային գործընկերների ու հանրության ուշադրությունն է հրավիրել փաստի վրա, որ պաշտոնական Բաքուն շարունակում է ռազմաշունչ հայտարարություններով ուժի կիրառման հստակ սպառնալիքներ հնչեցնել Հայաստանի ինքնիշխանության, տարածքային ամբողջականության նկատմամբ:

Համաշխարհային լրատվամիջոցների ուշադրության կենտրոնում Պուտին-Բայդեն օնլայն հանդիպումն է, որը սկսվել է մեկ ու կես ժամ առաջ: Տեսակորնֆերանսը տեղի է ունենում փակ դռների հետևում:

Լավագույն պաշտպանությունը հարձակումն է: «Հայաստան» խմբակցության պատգամավորները նկատել են, որ ՔՊ-ականները ամեն նախադասության սկզբում ու վերջում տեղի անտեղի երկրորդ նախագահ Ռոբերտ Քոչարյանի անունն են տալիս ու այդ ցայտնոտային հայտարարություններով փորձում հետ մղել ընդդիմադիրների սուր հարցերը՝ հրատապ անվտանգային թեմաների մասին:

Ալեն Սիմոնյանն այսօր հայտարարել է, որ չի հրաժարվում իր խոսքերից, ավելին, նա վստահ է, որ կան զինվորներ ու սպաներ, որոնք սահմանը պաշտպանելու փոխարեն նախընտրել են հանձնվել:

Ոստիկանները փորձել են բերման ենթարկել ակցիայի մասնակիցներին: Անհետ կորածների հարազատներից մեկի ինքնազգացողությունը վատացել է:

Ազգային ժողովը մերժել է ընդդիմադիր «Պատիվ ունեմ» խմբակցության պատգամավոր Թագուհի Թովմասյանի նախագիծը՝ «Զինվորական ծառայության և զինծառայողի կարգավիճակի մասին» օրենքում լրացում կատարելու վերաբերյալ: Թովմասյանն առաջարկում էր զինծառայողների առողջական վիճակի հետազոտումը, փորձաքննությունն ու բուժումը կատարել արտահերթ ու անվճար:

Թաքնված տեսախցիկի առաջ ԱԺ նախագահ Ալեն Սիմոնյանն ասել է, թե գերիներին համարում է, որ արդեն իրանք չկան, իր համար չկան։

Հայաստանում արտադրվող «Սպուտնիկ Լայթ» հակակորոնա պատվաստանյութը կսկսեն օգտագործել: Արտադրող ընկերության տնօրենն այսօր Առողջապահության նախարարի հետ համատեղ ասուլիսում հայտարարել է, որ երեք աշխատանքային օրում կարող են ապահովել Հայաստանի մեկ տարվա պատվաստանյութի պահանջը:

Սպիտակի ավերիչ երկրաշարժից 33 տարի անց Գյումրիում դեռ 2776 տնակ կա: Վաղ առավոտյան երկրորդ նախագահ Ռոբերտ Քոչարյանի անունից Գյումրիում ծաղկեպսակ է դրվել 1988-ի ավերիչ երկրաշարժի զոհերի հիշատակին:

Դելիմիտացիայի հարցերով ՔՊ-ականների հետ երկու ժամ փակ քննարկումից հետո «Հայաստան» խմբակցության մոտ ամրապնդվել է կասկածը, որ Հայաստանի իշխանությունը Ադրբեջանի հետ բանավոր պայմանավորվածություններ ունի և իրականացնում է դրանք:

Բյուջե-2021-ով Փաշինյանի ու մյուս բարձրաստիճան պաշտոնյաների անվտանգության ապահովման համար դուրս գրված փողի 95 տոկոսը ծախսվել է: Մինչդեռ Հայաստանի անվտանգության պատասխանատու կառույցներից ԱԱԾ-ն ծախսել է բյուջեից հատկացված միջոցների ընդամենը 28 տոկոսը: Թերակատարվել են տնտեսությունը զարգացնող կապիտալ ծախսերը:

Կարմիր շուկա-Թաղավարդ հատվածում պայթյունի ձայներ են այսօր լսել գյուղացիները: Արցախցի պատգամավորին տեղացիները ասել են, որ կրակոցներ ու պայթյուններ ամեն օր էլ լինում են: Ոչ պաշտոնական տեղեկություններ կան, որ կիրակի երեկոյան մահացած 19-ամյա ժամկետային զինծառայողը թշնամու գնդակից է զոհվել։

Սյունիքի համայնքապետերին ու Սյունիքը պաշտպանողներին, ըստ փաստաբանների՝ իշխանությունը կալանքի տակ է պահում, որովհետև «սկսվել է Սյունիքը գլխատելու երկրորդ օպերացիան»:

36 համայնքից ՔՊ-ն ղեկավար կարող է ընտրել միայն 15-ում: 9 համայնքում՝ կոալիցիայի միջոցով է հնարավոր ավագանու մանդատ ստանալ: Այդ համայնքներից մեկն էլ Վանաձորն է, որտեղ առավելագույն քվե ստացած Մամիկոնյան դաշինքը կտրականապես հերքել է՝ ՔՊ-ի հետ կոալիցիայի հնարավորությունը:

Սեմյոնովկայի ու Ծովագյուղի համայնքների բնակիչները, որոնք դեմ են խոշորացմանը, այսօր պատմել են, թե ինչ վտանգներ են տեսնում: Ծովագյուղցիների խոսքով իրենց բնակավայրը ամենազարգացածն է Հայաստանում: Իրականում քվեարկության չգնալը իրավական որևէ հետևանք չի ունենա ընտրությունների արդյունքի վրա, քանի որ Սեմյոնովկան ու Ծովագյուղը արդեն Սևան խոշորոցված համայնքի կազմում են:

Թեպետ Հայաստանի խոշոր քաղաքներում ՔՊ-ն պարտվել է՝ իշխող ուժի ղեկավարը հայտարարել է, որ իրենց երազանքն է կատարվել: Գլխավոր դատախազութոյւնում՝ մոտ 6 տասնյակ խախտում է գրանցվել՝ 9 մարզում տեղի ունեցած ՏԻՄ ընտրություների ժամանակ:

Նիկոլ Փաշինյանը ընտրություններից հետո ստատուս է գրել, այսօրվա անվտանգային աղետների պատճառը, ըստ էության, համարելով՝ իր ձևակերպմամբ՝ ընտրությունների կեղծման երկարամյա պրակտիկան, որ քայքայել է 90-ականների սկզբին ձևավորվող պետական դիմակայունության համակարգը:

Արցախի պաշտպանության բանակը հետաքննություն է սկսել պարզելու 19-ամյա ժամկետային զինծառայողի մահվան հանգամանքները: Կիրակի՝ 21:20-ի սահմանում է՝ ըստ ՊԲ-ի՝ դեռևս չպարզված հանգամանքներում հրազենային մահացու վիրավորում ստացել Գոռ Էդուարդի Մարտիրոսյանը:

Թբիլիսիում հազարավոր մարդիկ դուրս են եկել փողոց, բողոքում են կանաչ անձնագրերի պարտադրանքի դեմ: Ցուցարարները երթով հասել են խորհրդարանի մոտ: Պահանջում են չեղարկել որոշումը:

Ժամեր առաջ Արցախում՝ Կարմիր շուկա-Թաղավարդ հատվածում պայթյունի ձայներ են լսվել: Այս մասին «Հայլուր»-ին ասել է Արցախի Ազգային ժողովի ընդդիմադիր պատգամավոր Մետաքսե Հակոբյանը: Նրան գյուղացիները պատմել են, որ կրակոցների ու պայթյունի ձայներ գրեթե ամեն օր են լսում: