Լրահոս

ԵՊՀ արևելագիտության ֆակուլտետի պրոֆեսոր, Արցախի պաշտպանության բանակի գնդապետ Գուրգեն Մելիքյանն այսօր տոնում է ծննդյան 85-ամյակը: Միայն մի երազանք ունի, որ նորից միավորված տեսնի Արցախ աշխարհը:

Փաշինյանի թիմակից Անդրանիկ Քոչարյանը չգիտի՝ Բրյուսելում Փաշինյանն ու Ալիևը քննարկելո՞ւ են հայ ռազմագերիների հարցը: Տարատեսակ բանակություններին չի՞ խանգարելու խորհրդարնի ՔՊ-ական խոնակ Ալեն Սիմոնյանի սկանդալային հայտարարությունը, թե գերիներն իր համար էլ չկան, որովհետև դասալիք են:

Սաստիկ ցրտի պատճառով Արարատի Բարձրաշեն համայնքի միջնակարգ դպրոցը դատարկվել է։ Չջեռուցվող դպրոցի աշակերտները դասադուլ են անում: Գործադուլ է սկսել տնօրենի ժամանակավոր պաշտոնակատարը՝ իր ձեռքին էլ ճար չկա։

10 օր առաջ իրավապահներին երկրից չհեռանալու ստորագրություն տված «Հայաստան» դաշինքի անդամ Նարեկ Մանթաշյանին ձերբակալելու որոշում է կայացվել՝ ըստ փաստաբանի՝ Հայաստանի դրոշը կառավարությունում ծածանելու մեղադրանքով: Քաղաքացիական գիտակցություն հասարակական կազմակերպության նախագահ Նարեկ Սամսոնյանին ոստիկանները ասֆալտափռման տեսարաններով են բերման ենթարկել, թեև ինքը պնդում է, որ տնից դուրս էր եկել հենց իրավապահներին ներկայանալու նպատակով:

Բրյուսելում այսօր նախատեսված Փաշինյան-Ալիև-Միշել եռակողմ հանդիպումից ժամեր առաջ կրքերը թեժացել են: Հայաստանի վարչապետը Ալիևին է մեղադրում տարածաշրջանային կոմունիկացիաների բացման հարցը փակուղի մտցնելու փորձի համար:

Ապօրինի զենք-զինամթերք պահելու մեղադրանքով կալանավորված Սիսական ջոկատի հրամանատար Աշոտ Մինասյանի ազատության պահանջով նրա պաշտպանության խորհուրդը պատրաստվում է ակցիաներ անել հյուպատոսարանների ու դեսպանատների մոտ։ Խորհրդի անդամները պնդում են՝ եթե անգամ Մինասյանը ապօրինի զենք-զինամթերք պահեր, իրավական համակարգը այնքան ապաշնորհ է, որ չէր կարող գտնել զենքը:

Չնայած օմիկրոնը կորոնավիրուսի 5-րդ ալիքն է բորբոքել Եվրոպայում, Հին աշխարհում դեմ են իրենց տեղաշարժի սահմանափակումներին: Ամանորին ընդառաջ կանաչ անձնագրերի դեմ ցույցերն աշխարհում նոր թափ են հավաքում:

Հայաստանը պատրաստ է Թուրքիայի հետ հարաբերությունները կարգավորելու համար հատուկ ներկայացուցիչ նշանակել։ Հայաստանի արտգործնախարարության մամուլի խոսնակն այս մասին հայտնելով՝ հիշեցրել է, որ Երևան-Անկարա հարաբերությունների կարգավորումը նաև կառավարության ծրագրում է արձանագրված։

Խորհրդարանի «Հայաստան» խմբակցությունն այսօր բոյկոտել է պաշտպանության հարցերի հանձնաժողովի նիստը և նախագահի տեղակալի թեկնածու չի առաջադրել: «Քաղաքացիական պայմանագիրը» մինչ այս 14 անգամ չէր ընտրել Արթուր Ղազինյանին հանձնաժողովի փոխնախագահի պաշտոնում։

Մոսկվայում ռեկորդային տեղումներ են գրանցվել։ Մեկ օրում այնքան ձյուն է եկել, որքան սովորաբար գալիս է մեկ շաբաթում: Ավելի քան երեսուն չվերթ հետաձգվել կամ չեղարկվել է:

Թուրքիայի հետ հարաբերություններ սկսող Հայաստանի իշխանությունը քարոզչական մեծ արշավ է սկսում երկրի ներսում: Սա փորձագիտական կարծիք է: Հայաստանի խորհրդարանում այսօր արդեն մի շարք պրոթուրքական հայտարարութուններ են հնչել:

Փաշինյանի թիմակից Անդրանիկ Քոչարյանը չգիտի, թե արդյոք Բրյուսելում Փաշինյանն ու Ալիևը քննարկելու են հայ ռազմագերիների հարցերը: Նա վստահեցրել է՝ քանի դեռ գերիները կան, դա իրենց օրակարգի առաջնային հարցն է, և գերիների մասին շահարկումները պետք է հանել ներքին քաղաքական օրակարգից:

Թեստավորումը շաբաթը մեկ դարձնելուց հետո Առողջապահության նախարարությունը հիմա էլ քննարկում է չպատվաստված կորոնավարակակիրների ստացիոնար բուժումը դարձնել վճարովի։

Հայաստանի գլխավոր դատախազ Արթուր Դավթյանի խորհրդական Գոռ Աբրահամյանը հերքել է լուրը, թե Դավթյանը դհոլ է նվագել օգոստոսի 16-ին, երբ սահմանին իրավիճակը լարված էր, զոհեր ունեինք։

Ադրբեջանի արտգործնախարար Ջեյհուն Բայրամովը Հայաստանին է մեղադրել սահմանին սադրանքներ հրահրելու և դելիմիտացիայի գործընթացը չսկսելու համար: «Հայաստանը պետք է հասկանա, որ նման սադրանքների դիմելով՝ ոչնչի չի հասնի։ Հետևանքները լինելու են շատ ծանր ու ցավալի»,- ասել է Բայրամովը:

Գլխավոր դատախազության համար խնդրահարույց է՝ պատգամավորական անձեռնմխելիության վերաբերյալ Սահմանադրական դատարանի որոշումը: Դատախազությունը Բարձր դատարանի որոշումից 4 օր անց հայտարարություն է տարածել: Պնդում, թե պատգամավորներին անձեռնմխելիությունից զրկելու համար պարտադիր չէր դիմել Ազգային ժողով:

Առավոտյան մայրաքաղաքի ուղևորափոխադրումը կաթվածահար արած ավտոբուսների վարորդները կեսօրից հետո դադարեցրել են բողոքի ակցիան ու վերադարձել գիծ: Քաղաքապետարանի ներկայացուցչի հետ հանդիպումից հետո հայտարարել են, թե իրենց խնդիրների 90 տոկոսը լուծվել է: Ցույցի դուրս եկած վարորդների խոսքով՝ գնաճի պատճառով այնքան վատ է իրենց վիճակը, որ գիծ դուրս գալուց հազիվ մի աման փլավ են ուտում:

Բրյուսելյան հանդիպմանն ընդառաջ Ադրբեջանի արտգործնախարարը հայ-ադրբեջանական սահմանի մասին է խոսել ու Հայաստանին մեղադրել սադրանքներ հրահրելու համար: Փորձագետները կարծում են, որ հայ-ադրբեջանական սահմանի վերահսկման հարցն է տարաձայնությունների հիմնական պատճառը:

Կալանավորված 4 գերիներից մեկի փաստաբանը տղաների գերեվարման հանգամանքների վերաբերյալ աղմկահարույց մանրամասներ է պատմել: Փաստաբանի խոսքով կալանավորված զինվորները, ըստ էության, քավության նոխազ են: Նրանց ցուցմունքներից երևում է, որ զինվորները պաշտպանվելու համար բավարար փամփուշտատուփեր չեն ունեցել։

Ստամբուլի փողոցները շարունակում են ցնցվել հակաէրդողանական ցույցերից: Արդեն մի քանի օր հացի հերթ կանգնող մարդկանց կարծիքով Թուրքիայի իշխանությունը միտումնավոր է դոլարի փոխարժեքը բարձր պահում, որ իրենց գնողունակությունն ընկնի: Լիրայի անկման ու գնաճի ֆոնին հազարավոր թուրքեր բողոքի են դուրս եկել՝ աշխատավարձերը բարձրացնելու պահանջով: