Լրահոս

Ադրբեջանը զավթո՞ւմ է Հայաստանի նավթամթերքի շուկան. Բաքվի վտանգավոր դեմպինգը

«Կենսաթոշակները բարձրանալու՞ են». սա փակ հարց է, որի պատասխանը ենթադրում է կամ «այո», կամ «ոչ» տարբերակները: Այս հարցի իմաստը չի հասկացել աշխատանքի և սոցիալական հարցերի նախարար Արսեն Թորոսյանը, ու ասուլիսին այն լսելուց հետո սկսել է պատմել քեշբեքի մասին` թե ինչպես են թոշակառուները հետվճար ստանում գնումներից: Բայց Երևանի փողոցներում շարունակում է հնչել՝ «թոշակները բարձրանալու՞ են»:

Մահապատիժ է սպառնում Իրանում անկարգությունների և ջարդերի մասնակիցներին, հայտարարել է Թեհրանի դատախազը։

«Իշխանություն» լրատվականի տեղեկություններով՝ Չաղ Ռուստամի հոր սպանության գործով ձերբակալված անձը քրեական աշխարհում հայտնի «Կուկ» մականունով Արթուր Ասրյանն է։ «Իշխանության» հետ զրույցում Ասրյանի մտերմիներից մեկն ասաց, որ «Կուկին» մի քանի օր առաջ կալանավորել էին մեկ այլ քրեական վարույթի շրջանակում։ Պարզվում է՝ Ասրյանը մի շարք ծանր հանցագործություններ կատարելու մեղադրանքով գտնվել է տնային կալանքի մեջ, որի ընթացքում ոտքից պոկել է պրոբացիայի ծառայության սարքը եւ դիմել է փախուստի։ Սեպտեմբերից նա գտնվում էր հետախուզման մեջ։ Չաղ Ռուստամի հոր սպանությունից օրեր անց Ասրյանին հայտնաբերել եւ դատարանի որոշմամբ կալանավորել են։ «Իշխանություն» լրատվականը «դատալեքս»-ից տեղեկացավ, որ Արթուր Ասրյանին մեղադրանք է առաջադրվել ապօրինի կերպով հրազեն և ռազմամթերք ձեռք բերելու, կրելու և պահելու, ինչպես նաև ՀՀ պետական սահմանը ապօրինի հատելու համար։ Ըստ գործի նյութերի՝ 2020 թվականի սեպտեմբերի 3-ին Երևան քաղաքի Հալաբյան փողոցի 53-րդ շենքի հետնամասում գտնվող այգում, նա ապօրինի կերպով ձեռք բերված ատրճանակից կրակոցներ է արձակել չորս անձանց՝ Դավիթ Տոնոյանի, Տիգրան Թամրազյանի, Վարդան Փաշինյանի և Տարոն Թամրազյանի ուղղությամբ։ Նշենք, որ հիշյալ անձանցից երկուսը հանդիսանում են օրենքով գող Կանևսկոյի ազգականները։

Դատարանը երեք ամսով երկարաձգել է Իմնեմնիմի փոդքաստի հաղորդավարներ Նարեկ Սամսոնյանի և Վազգեն Սաղաթելյանի կալանքները: Նոյեմբերի 13-ից անազատության մեջ են տղաները՝ խորհրդարանի նախագահ Ալեն Սիմոնյանի վիրավորանքներին պատասխանելուց հետո հարուցված քրեական գործով: Այսօր դատարանին հանրային մեղադրողը փորձել է համոզել, թե կալանքի փոխարեն այլ խափանման միջոց կիրառելու դեպքում հաղորդավարների փախուստի ռիսկ կա: Դատարանի որոշման դեմ բողոքով՝ անժամկետ հացադուլի մասին է հայտարարել Նարեկ Սամոսնյանը:

Այսօր՝ հունվարի 9-ին, ավտովթար է տեղի ունեցել Երևանում։ Ժամը 15։35-ի սահմաններում Գալշոյան փողոցում բախվել են 77-ամյա Զավեն Հ․-ի վարած «SsangYong Actyon» մակնիշի և 37-ամյա Եղիշե Մ․-ի վարած «Tesla» մակնիշի ավտոմեքենաները, ինչի հետևանքով վերջինը բախվել է հաստաբուն ծառին։

Արդեն 12 օր է՝ չեն խաղաղվում Իրանի փողոցները՝ բախումներ, զոհեր, ձերբակալություններ... Այս ֆոնին՝ շարունակում է աճել ԱՄՆ-Իրան լարվածությունը: Այսօր Իրանի գերագույն հոգևոր առաջնորդն է արձագանքել Թրամփին, որը հանդես է գալիս ցուցարարների պաշտպանության դիրքերից ու սպառնում Իրանի ղեկավարությանը: Խամենեին «ամբարտավան» է անվանել ԱՄՆ նախագահին, նրան հորդորել՝ զբաղվել Վաշինգտոնի գործերով, իսկ իր երկրի քաղաքացիներին միասնականության կոչ է արել:

Հայլուր 20։30 Ադրբեջանի երկրորդ նավթային «ներխուժումը». Բաքվի բենզինը կխեղդի՞ հայկական շուկան

Տեր Ներսես քահանա Ռուշանյանը կարդացել է Ջորջ Օրուելի «Անասնաֆերմա» վիպակն ու կիսվել իր հետևություններով։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները:

Հալեպի քրդաբնակ թաղամասերում հայտարարված հրադադարից հետո քաղաքում այժմ իրավիճակն ամբողջովին փոխվել է. եռօրյա մղձավանջային օրերից հետո որոշակի անդորր է տիրում, այդուհանդերձ, իրավիճակն արագորեն փոփոխվում է, և ռազմական գործողությունների վերսկսման հավանականությունը դեռ պահպանվում է:

Ավելի վաղ հայտնել էինք, որ սպանություն և սպանության փորձ է տեղի ունեցել Կոտայքի մարզում։

Սպիտակի համայնքապետ Քաջայր Նիկողոսյանը բյուջե է վերադարձրել նարդու առաջնությունում 3-րդ տեղը զբաղեցնելու կապակցությամբ ստացած 90 հազար դրամ պարգևավճարը: 

Մինչ տարեցները մի քիչ բարձր թոշակ են խնդրում, Փաշինյանը սկսում է վայելել իր նոր, գերճաճանչափայլ համարներով կորտեժը: Իշխանության գալու առաջին ամիսներին «ճաճանչափայլ» համարանիշներից ազատված Նիկոլ Փաշինյանը, իշխանության վերջին ամսիներին որոշել է երթևեկել ավելի գոլդ համարներ ունեցող պադավատով: Նրա ծառայողական մեքենան այսուհետ 1 նիշ կունենա՝ 1 թիվը և Հայաստանի եռագույնը: Այս պատմությունը վիշապին հաղթած ու վիշապի տեղը նստած տղայի մասին մի հեքիաթ է հիշեցնում քաղտեխնոլոգներին:

Վենեսուելայում լարվածությունը չի նվազում։ Մայրաքաղաքում և երկրի մի շարք շրջաններում դեռ զգացվում են ռազմական գործողությունների հետևանքները։ Զոհերի թիվը հասել է 100-ի: Այս ֆոնին հակամարտությունը կարծես դուրս է գալիս Վենեսուելայի սահմաններից. բողոքի ալիք կա Վենեսուելայի դաշնակից երկրներում

Ներքին գործերի նախարարության ոստիկանության քրեական ոստիկանության գլխավոր վարչության Կոտայքի մարզային վարչությունում օպերատիվ տեղեկություններ են ստացվել, որ 2 քաղաքացի դանակահարված տեղափոխվել են «Չարենցավան» բժշկական կենտրոն, որտեղ մեկը գիտակցության չգալով մահացել է։

Հայլուր 18։30 Կոշտ ուղերձներ, միասնության կոչեր. լարվածության թեժ պահին խոսել Իրանի հոգևոր առաջնորդը

ՀՀ կրթության, գիտության, մշակույթի և սպորտի նախարարի հրամանով հաստատվել է հանրակրթական ուսումնական հաստատության ղեկավարման իրավունքի /հավաստագրի/ համար հավակնորդների քննության և հավաստագրման ժամանակացույցը. հայտնում են ԿԳՄՍՆ-ից։ 

ԱՄՆ դոլարի առքի առավելագույն արժեքն է 381 դրամ, վաճառքի նվազագույն արժեքը՝ 383 դրամ:

Իշխանություն» լրատվականի տեղեկություններով՝ «Վանաձոր» քրեակատարողական հիմնարկի կալանավոր Գառնիկ Բաղդասարյանը ամիսներ շարունակ բանտի տաքսաֆոնային հեռախոսով զանգահարել է փրկարար ծառայություն եւ հայտնել, թե ռումբ է տեղադրված մի շարք պետական և հանրային նշանակության շինություններում և տարածքներում։