Լրահոս

Հայլուր 18:30 Ծառուկյանը Հիսուսի արձանն է կառուցում, Փաշինյանը «ներում է» նրա պարտքերը | 09.07.2022

Ոստիկանության Անիի բաժնի ՔՀԲ ծառայողների ձեռնարկած օպերատիվ-հետախուզական միջոցառումների և բացատրական աշխատանքի արդյունքում հուլիսի 8-ին Սանկտ Պետերբուրգ-Գյումրի չվերթի ինքնաթիռի ժամանելուց հետո օդանավակայանում հայտնաբերվել և Անիի բաժին է ներկայացվել 22-ամյա Շոթա Ս.-ն, որը 2021 թ. նոյեմբերի 30-ից հետախուզվում էր ՀՀ նախկին քրեական օրենսգրքի 138-րդ հոդվածի 3-րդ մասի մեղադրանքով:

Այսօր՝ հուլիսի 9-ին, խոշոր ավտովթար է տեղի ունեցել Երևանում։ Ժամը 15։30-ի սահմաններում Արին Բերդի և Արցախի փողոցների խաչմերուկում բախվել են Opel և Ford Transit մակնիշի ավտոմեքենաները։   

Պետական եկամուտների կոմիտեի նախագահ Ռուստամ Բադասյանը, Ֆինանսների նախարար Տիգրան Խաչատրյանի գլխավորած պատվիրակության կազմում, հուլիսի 7-ից 8-ն աշխատանքային երկօրյա այցով գտնվել է Վրաստանում: Այցի շրջանակում հանդիպումներ են տեղի ունեցել Վրաստանի ֆինանսների նախարար Լաշա Խուցիշվիլիի, ինչպես նաև Ֆինանսների նախարարության եկամուտների ծառայության ղեկավար Լևան Կակավայի հետ:

Հանրապետության նախագահ Վահագն Խաչատուրյանը հուլիսի 8-ին Հայաստանի պետական տնտեսագիտական համալսարանում մասնակցել է շրջանավարտների դիպլոմների հանձնման արարողությանը:

Այսօր՝ հուլիսի 9-ին, արտակարգ դեպք է տեղի ունեցել Վայոց Ձորի մարզում։ Ժամը 08։10-ի սահմաններում Գեղարքունիքի մարզի բնակիչ՝ 58-ամյա Մայիսկա Ն-ն իր վարած ԳԱԶ 3302 բեռնատարով Երևան-Մեղրի ավտոճանապարհի 155.9 կմ հատվածում՝ Սարավան գյուղի վարչական տարածքում, Սյունիքի մարզից դեպի Վայոց Ձորի մարզ ընթանալիս դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել քարերին և կողաշրջվել։  

«Ինտերի» նորեկ Հենրիխ Մխիթարյանը հատուկ տեսաուղերձով միլանյան թիմի երկրպագուներին սովորեցնում է, թե ինչպես է պետք արտասանել իր ազգանունը։

Հուլիսի 8-ին՝ ժամը 04:30-ին, Տիտոգրադյան փողոցում գիշերային ծառայություն կատարող պարեկներին է մոտեցել 28-ամյա մի երիտասարդ և հայտնել, որ Խաղաղ Դոնի փողոցում տեղի ունեցած վիճաբանության ժամանակ չորս անհայտ անձինք ձեռքերով հարվածել են իրեն՝ պատճառելով վնասվածքներ, իսկ ինքը նրանցից մեկի մոտ նկատելով ատրճանակ՝ բահով խփել է նրան:

Արցախի ՆԳՆ ոստիկանությունն իրազեկում է, որ Արցախի Հանրապետությունում գտնվող վրացական պետհամարանիշներով տրանսպորտային միջոցներն ունեն համապատասխան տեխանձնագիր, և համարանիշները համապատասխանում են Վրաստանում գործող օրենսդրությանը:

ԱՄՆ նախագահ Ջո Բայդենը հուշարար էկրանից ելույթի ժամանակ սխալմամբ ընթերցել Է այն տողերը, որոնք նախատեսված չէին բարձրաձայնելու համար: 79-ամյա նախագահի ելույթը կանանց իրավունքների և աբորտների մասին ընդունված նոր որոշման մասին էր:

Արտակարգ իրավիճակների նախարարությունը տեղեկացնում է, որ ՀՀ տարածքում ավտոճանապարհներն անցանելի են։

Շրի Լանկայում շաբաթ օրվանից՝ հուլիսի 8-ից տնտեսական ճգնաժամի պատճառով սկսված բողոքի զանգվածային ցույցերը նոր թափ են ստանում:

Էլեն Ասատրյանն ընտրվել է Գլենդելի քաղաքային խորհրդի անդամ՝ ութ թեկնածուներից բաղկացած ընտրապայքարում զբաղեցնելով երկրորդ տեղը և դառնալով քաղաքի առաջին ներգաղթյալը, առաջին հայ և ամենաերիտասարդ կինը, որն ընտրվել է խորհրդի անդամ։

Նոր Զելանդիան գրանցել է երկրում կապիկի ծաղիկի առաջին դեպքը: «Արմենպրես»-ի հաղորդմամբ՝ այս մասին The New Zealand Herald-ը:

Ուկրաինայի նախագահը կոչ է արել Եվրոպային ռուսական գազի ծավալների կրճատմանը զուգահեռ ավելացնել ուկրաինական էլեկտրաէներգիայի մատակարարման ծավալները:

Հուլիսի 9-ին՝ ժամը 08:30-ին, Ոստիկանության Մարտունու շրջանային բաժնի Կարմիր Շուկայի բաժանմունքից հաղորդում է ստացվել, որ Սոս-Ճարտար ավտոճանապարհին ճանապարհատրանսպորտային պատահար է տեղի ունեցել։

Ճապոնիայի նախկին վարչապետ Սինձո Աբեի հուղարկավորությունը տեղի կունենա հուլիսի 12-ին։ Քաղաքական գործչին կհուղարկավոեն նրա հայրենի Սիմոնոսեկի քաղաքում: Երեկ Սինձք Աբեն սպանվել է Նարա քաղաքի կենտրում՝ հոծ բազմության աչքի առաջ, երբ նրանք թիկունքից ինքնաշեն հրացանով կրակել են: Նա հիվանդանոցում գիտակցության չգալով մահացել է:

Հուլիսի 8-ին N զորամիավորման մարտական հենակետերում անցկացվել են ստուգումներ: Այս մասին հայտնում են ՀՀ ՊՆ-ից:

ԱՄՆ իշխանություններն Ուկրաինա են ուղարկում նոր սպառազինություն, այդ թվում՝ շասսիի վրա մոնտաժված համազարկային կրակի HIMARS ռեակտիվ համակարգեր, քանի որ ուզում են ցանկացած միջոցներով ձգձգել հակամարտությունը, ինչպես նաև փոխհատուցել Կիևի կորուստները: Այս մասին ասվում է ԱՄՆ-ում ՌԴ դեսպանատան տարածած հայտարարության մեջ:

Արաբական թերակղզու շրջաններից արևադարձային տաք օդային հոսանքների ներթափանցմամբ պայմանավորված հանրապետության տարածքում հուլիսի 8-13-ն օդի ջերմաստիճանը կբարձրանա  5-8 աստիճանով։ Արարատյան դաշտում, Արագածոտնի, Վայոց ձորի նախալեռնային գոտիներում և Երևանում հուլիսի 11-13-ի ցերեկային ժամերին օդի ջերմաստիճանը կհասնի +39․․․+41 աստիճանի։