Լրահոս

Ռուսական բանակի տիրապետության տակ անցած Սև ծովի առափնյա շրջանները վերադարձնելու համար Ուկրաինայի նախագահ Զելենսկին զինվորականներին հրամայել է ռազմական պլան մշակել: Գերագույն գլխավոր հրամանատարի հանձնարարությունը կատարելու համար Ուկրաինայի պաշտպանական գերատեսչությունը զենք է խնդրել Արևմուտքից։ 

Ռուսաստանի նախագահ Վլադիմիր Պուտինն առաջիկա օրերին պաշտոնական այց կկատարի Իրանի մայրաքաղաք Թեհրան։ Այս մասին հայտնում է IRNA գործակալությունը՝ հղում անելով Իրանի խորհրդարանի տնտեսական հանձնաժողովի նախագահ Մոհամմադռեզա Փուր-Էբրահիմիին։

Հունահռոմեական ոճի ըմբշամարտի Հայաստանի հավաքականի գլխավոր մարզիչ է նշանակվել ԽՍՀՄ միջազգային կարգի սպորտի վարպետ, ՀՀ վաստակավոր մարզիչ Արմեն Բաբալարյանը:

Հեղինակային կինոյի 100-ից ավելի ֆիլմեր, այդ թվում՝ միջազգային կինոփառատոների մասնակից ժապավեններ. արդեն 19-րդ անգամ Երևանում մեկնարկում է «Ոսկե ծիրան» միջազգային կինոփառատոնը: Ի դեպ, փառատոնի պատմության ընթացքում առաջին անգամ մշակութային այս իրադարձության գլխավոր հովանավորությունը ստանձնել է Երևանի քաղաքապետարանը:

ՀՀ կրթության, գիտության, մշակույթի և սպորտի նախարարության, ինչպես նաև Սախայի Հանրապետության (Յակուտիա) մշակույթի և հոգևոր զարգացման նախարարության ու տեղի հայ համայնքի համագործակցությամբ Հայաստանը մասնակցել է Յակուտսկ քաղաքում ՅՈՒՆԵՍԿՕ-ի հովանու ներքո տեղի ունեցող «ՅՈՒՆԵՍԿՕ-ի գլուխգործոցների հանդիպումը Օլոնխոյի հողի վրա» չորրորդ միջազգային փառատոնին։

Հուլիսի 11-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Ռումինիայի Հայոց թեմի հաստատման 620-ամյակի տոնախմբության առիթով Հայաստան ժամանած Ռումինիայի Հանրապետության Կրոնից նախարար Վիկտոր Օպասքիին և Ռումին Ուղղափառ Եկեղեցու Պատրիարքական փոխանորդ Գերաշնորհ Վարլաամ եպիսկոպոս Պլոյեստանուլին՝ ուղեկցությամբ Ռումինիայի հայոց թեմի առաջնորդ Գերաշնորհ Տ․ Տաթև եպիսկոպոս Հակոբյանի։ Այդ մասին ասված է Մայր Աթոռի տեղեկատվական համակարգի Ֆեյսբուքի էջում:

Հուլիսի 11-ին ՀՀ արդարադատության նախարարության «Նուբարաշեն» քրեակատարողական հիմնարկի անվտանգության ապահովման բաժնի ծառայողները անձնական խուզարկության են ենթարկել կալանավորված անձի մոտ երկարատև տեսակցության եկած կնոջը:

Հայաստանում ներքին գործերի նախարարություն վերստեղծելու վերաբերյալ խորհրդարանն այսօր լսումներ է կազմակերպել:

SHAMSHYAN.com-ի տեղեկություններով՝ ոստիկանության Գեղարքունիքի մարզային վարչության քրեական հետախուզության խմբի, ոստիկանության Սևանի բաժնի քրեական հետախուզության և համայնքային ոստիկանության բաժանմունքների ծառայողները, ձեռնարկելով օպերատիվ-հետախուզական միջոցառումներ, այնուհետև համագործակցելով Հայաստանի քննչական կոմիտեի Գեղարքունիքի մարզային քննչական վարչության Սևանի քննչական բաժնի քննիչների հետ, հուլիսի 10-ին Գեղամավան-Գագարին ավտոճանապարհի հարևանությամբ գտնվող դաշտամիջյան հատվածում հայտնաբերել են Lada մակնիշի ավտոմեքենա։  

Չորս անհայտ անձանց կողմից Երևան քաղաքի Փափազյան փողոցում գործող ծրագրավորմամբ զբաղվող կազմակերպության գրասենյակի աշխատակիցներից զենքի ու դանակի սպառնալիքով հափշտակություն կատարելու վերաբերյալ նշված գրասենյակի ղեկավարի հաղորդման հիման վրա ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում, ՀՀ քրեական օրենսգրքի 252-րդ հոդվածի 2-րդ մասի 3-րդ, 5-րդ և 7-րդ կետերի հատկանիշներով, նախաձեռնվել է քրեական վարույթ:

2022 թվականի առաջին կիսամյակում «Հարավկովկասյան երկաթուղի» ընկերությունը փոխադրել է 1,5 մլն տոննա բեռ, ինչը 2021 թվականի նույն ժամանակահատվածի համեմատ համադրելի ցուցանիշ է:

Պատերազմի զոհերի ծնողների բողոքի հիման վրա այսօր՝ հուլիսի 12-ին, Կոտայքի մարզի ընդհանուր իրավասության դատարանում կսկսվի գործընթաց՝ Աբովյանի դիահերձարանի նկուղում գետնին անփութորեն թափված պարկերով մեր հերոսների դիերի ու մասունքների սահմռկեցուցիչ տեսանյութի հետքերով:

Ըստ ոստիկանության օպերատիվ հաղորդագրությունների ամփոփագրերի՝ հուլիսի 11-ից 12-ը Հայաստանի Հանրապետության ոստիկանության ստորաբաժանումները բացահայտել են հանցագործության 38 դեպք, որից 6-ը՝ նախկինում կատարված։

Փաշինյան-Էրդողան հեռախոսազրույցը խաղաղության մեր հույսերը ծաղկեցնող նվեր է, Հայաստանի ու Թուրքիայի առաջին դեմքերի առաջին հեռախոսազրույցին այսպես է արձագանքել Պոլսո Հայոց պատրիարքը:

Այսօր՝ հուլիսի 12-ին, մահվան ելքով վրաերթ է տեղի ունեցել Գեղարքունիքի մարզում։ Ժամը 11։20-ի սահմաններում Uaz Patriot մակնիշի ՀՀ ՊՆ համարանիշներով ավտոմեքենան Ճամբարակ-Վարդենիս ավտոճանապարհի Ջիլ գյուղի վարչական տարածքում վրաերթի է ենթարկել հետիոտն՝ Գեղարքունիքի մարզի բնակիչ, 69-ամյա Վլադիմիր Գ-ին։  

Պաշտպանության փոխնախարարը կոչ է անում ոչ թե իրեն լսել, այլ հետևել պաշտոնական լրահոսին

Բնապահպանության և ընդերքի տեսչական մարմնի ղեկավարի հանձնարարությամբ վերջին օրերին Երևան քաղաքում և հարակից մարզերում իրականացվել է փոշու արտանետումները նվազեցնելուն ուղղված կանխարգելիչ լայնածավալ միջոցառում։

Ռուանդայի Հանրապետության արտաքին գործերի և միջազգային համագործակցության նախարար Վինսենտ Բիրուտան այցելել է Հայոց ցեղասպանության հուշահամալիր և հարգանքի տուրք մատուցել Ցեղասպանության զոհերի հիշատակին։

Հայլուր 12:30 Ադրբեջանը կրակել է Փաշինյան-Էրդողան հեռախոսազրույցի օրը | 12.07.2022

Այսօր «Էրեբունի» բժշկական կենտրոնում ծնվեց 44-օրյա պատերազմի անմահ հերոս Պապ Այվազյանի եղբայրը Պապ Այվազյան կրտսերը․․․