Լրահոս

Կատարի մայրաքաղաք Դոհայում մեկնարկում է ֆուտբոլի աշխարհի 22-րդ առաջնությունը: «Արմենպրես»-ի հաղորդմամբ` աշխարհի այս առաջնությունն արդեն իսկ բացառիկ է, քանի որ անցկացվում է ձմռանը, առաջին անգամ արաբական երկրում և երկրորդ՝ ասիական երկրում (առաջինը Կորեայում և Ճապոնիայում էր 2002 թվականին): Մունդիալ-2022-ի բացման պաշտոնական արարողությունը կկայանա նոյեմբերի 20-ին և կմեկնարկի Երևանի ժամանակով 19:00-ին, որին կհաջորդի բացման հանդիպումը` Կատար-Էկվադոր (ժամը` 20:00): Բացառիկության տեսանկյունից. ֆուտբոլի աշխարհի առաջնությունն անցկացվելու է մարզադաշտերում, որոնք լինելու են փակ և ունեն հատուկ օդորակման համակարգ: Եվ այս աշխարհի առաջնությունը վերջինն է, որին մասնակցում են 36 թիմեր, հաջորդիվ կայանալիք ԱԱ-ներում կլինեն 48 թիմեր: Մունդիալի եզրափակիչը կկայանա դեկտեմբերի 18-ին:

Ֆրանսիայի ֆուտբոլի հավաքականի անդամ, «Ոսկե գնդակ»-ի դափնեկիր և Մադրիդի «Ռեալ»-ի հարձակվող Քարիմ Բենզեման չի մասնակցի աշխարհի առաջնությանը վնասվածքի պատճառով: «Արմենպրես»-ի հաղորդմամբ` այս մասին գրում է Ֆրանսիայի ընտրանու պաշտոնական էջը «Թվիթեր»-ում: «Ձախ ազդրի քառագլուխ մկանների վնասվածքի պատճառով Քարիմ Բենզեման ստիպված է հրաժարվել աշխարհի առաջնությանը մասնակցելուց։ Ամբողջ թիմը կիսում է Քարիմի վիշտը և ցանկանում շուտափույթ ապաքինում»,- ասված է հաղորդագրությունում: Նոյեմբերի 19-ին Բենզեման վերադարձել էր ընդհանուր խմբի մարզումներին, սակայն նոր վնասվածք է ստացել: Ֆրանսիայի ֆուտբոլի ազգային թիմը` աշխարհի գործող չեմպիոնները, Մունդիալի առաջին հանդիպումը կանցկացնեն նոյեմբերի 22-ին: «Կապույտների» առաջին մրցակիցը խմբային փուլում կլինի Ավստրալիայի հավաքականը: Այս հանդիպումը կմեկնարկի Երևանի ժամանակով 23:00-ին:

Կատարում ֆուտբոլի աշխարհի առաջնությունից առաջ Կրիշտիանու Ռոնալդուն և Լիոնել Մեսսին սոցցանցի իրենց էջերում տեղադրել են լուսանկար, որին կից գրել են․ «Հաղթանակը հոգեվիճակ է»։ Ինչպես նշել է Ռոնալդուն՝ լուսանկարն արվել է Louis Vuitton-ի գովազդի համար։

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված ս.թ. նոյեմբերի 20-ին ժամը 10:00-16:00-ն կդադարեցվի Արգել գյուղի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

Հետազոտական խմբի կողմից հայտնաբերվել է 140 տարի անհետացած համարվող թռչունը, գրում է Audubon ամսագիրը: Նշվում է, որ արշավն իրականացվել է Search for Lost Birds («անհետացած թռչունների որոնում») նախագծի շրջանակում, որը BirdLife International, Rewild եւ American Bird Conservancy կազմակերպությունների համագործակցության արդյունքն է: Համագործակցությունը նպատակ ունի բացահայտել թռչունների ավելի քան 150 տեսակ, որոնք չեն հայտարարվել որպես անհետացած, բայց նաեւ չեն նկատվել առնվազն տասը տարի։ Սեւ աղավնի-փասիանին (Otidiphaps insularis) հայտնաբերել հաջողվել է Ֆերգյուսոն կղզում՝ Պապուա-Նոր Գվիենայի արեւելյան ափին։ Կղզու տարածքը կազմում է մոտ 1500 քառակուսի կիլոմետր։ Գիտնականները տարածքում ֆոտոծուղակ են տեղադրել, որից մեկը տեղադրել են լեռան գագաթին՝ ծովի մակարդակից 975 մետր բարձրության վրա, խիստ բուսականությամբ ծածկված հատվածում։ Մասնագետները կարծում էին, որ սա ամենահաջողակ վայրը չէ, սակայն տեղի գյուղի որսորդը հայտնել է, որ հենց այնտեղ է վերջին անգամ լսել կենդանու ձայնը։ Որոշ ժամանակ անց հետազոտողները տեսախցիկների ձայնագրություններում հայտնաբերել են միանգամից երկու տեսակի։ Այժմ Search for Lost Birds-ի աշխատակիցները կոչ են անում անհրաժեշտ միջոցներ ձեռնարկել անհետացող թռչնին պաշտպանելու համար։ Չնայած նրան, որ Ֆերգյուսոնը սակավ բնակչություն ունի, միջազգային կորպորացիաների կողմից հովանավորվող անտառահատումները կարող են էական վտանգ ներկայացնել բնիկ տեսակների համար: Բացի այդ, ներմուծված գիշատիչները, ինչպիսիք են վայրի կատուները, կարող են ոչնչացնել ինչպես փասիանին, այլեւ այլ էնդեմիկ կենդանիների։

Նոյեմբերի 20-ին, ժամը 01:26-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Մեծ Մասրիկ գյուղում այրվում է տուն: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է 5-րդ փողոցի տներից մեկի մոտակայքում գտնվող ավտոտնակի տանիքում։ Հրդեհը մեկուսացվել է ժամը 02:13-ին, մարվել՝ 04:57-ին: Արվել են ավտոտնակի տանիքի փայտե կառուցատարրերը (մոտ 32 քմ) և մոտ 80 հակ անասնակեր:

Երեկ՝ նոյեմբերի 19-ին, խոշոր ավտովթար է տեղի ունեցել Արագածոտնի մարզում։ Ժամը 14։40-ի սահմաններում Երևան-Գյումրի ավտոճանապարհի 30 կմ հատվածում բախվել են Արագածոտնի մարզի բնակիչներ՝ 48-ամյա Յուրիկ Ա- վարած ՎԱԶ 2106 մակնիշի ավտոմեքենան և 33-ամյա Էդգար Մ-ի վարած քարով բարձված ԶԻԼ մակնիշի բեռնատարը։ © shamshyan.com https://shamshyan.com/hy/article/2022/11/20/1226949/

Նոյեմբերի 18-ին դանակահարության դեպք է տեղի ունեցել Երևանում։ Այդ օրը, ժամը 01։00-ի սահմաններում Միքայելյան վիրաբուժության ինստիտուտից ոստիկանության Քանաքեռ-Զեյթունի բաժին ահազանգ է ստացվել, որ «որովայնի առաջնային պատի կտրած-ծակած թափանցող վերք» ախտորոշմամբ իրենց մոտ է տեղափոխվել մի քաղաքացի։ © shamshyan.com https://shamshyan.com/hy/article/2022/11/20/1226950/

ԱՄՆ-ում Դարել Բրուքսին դատապարտել են ավելի քան 700 տարվա ազատազրկման այն բանից հետո, երբ նա մխրճվել է ամբոխի մեջ Սուրբ ծննդյան տոնակատարության ժամանակ, հայտնում է Vice-ը։ Միջադեպը տեղի է ունեցել մեկ տարի առաջ՝ 2021 թվականի նոյեմբերին, Վիսկոնսին նահանգում։ Բրուքսը Սուրբ ծննդյան շքերթի ժամանակ մխրճվել է մարդկանց խմբի մեջ, ինչի հետեւանքով վեց մարդ մահացել է, տասնյակ մարդիկ՝ վիրավորվել: Դատարանի որոշմամբ տղամարդը ստացել է վեց ցմահ ազատազրկում եւ լրացուցիչ 700 տարվա ազատազրկում։ Դատավճիռը կայացրել են Բրուքսի գործողություններից տուժածների թվին համապատասխան։ Դատավոր Ջենիֆեր Դորոուն նիստում ասել է, որ Բրուքսը շատ արագ է վարել իր ամենագնացը, եւ նշել է, որ մեղադրյալը չի զղջում իր կատարած հանցագործության համար: Միեւնույն ժամանակ, ինքը՝ Բրուքսը, որն իրեն համեմատել է Հիսուսի հետ, հայտնել է, որ տեղի ունեցածը պլանավորված արարք չի եղել։ 2022 թվականի հունիսին Նյու Յորքում մեքենան մեծ արագությամբ մխրճվել էր ամբոխի մեջ հետիոտնային անցման վրա։ Միջադեպի հետեւանքով մեկ մարդ մահացել էր, չորսը՝ հոսպիտալացվել։

Նոյեմբերի 20-ին, ժամը 01։44-ին Տավուշի մարզային ճգնաժամային կառավարման կենտրոն ահազանգ է ստացվել, որ Հաղարծին գյուղի 5-րդ փողոցի տներից մեկի բակում անասնակեր է այրվում։ ԱԻՆ-ից NEWS.am-ին հայտնում են, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է անասնագոմի տանիքում։ Հրդեհը մեկուսացվել է ժամը 02:54-ին, մարվել՝ 07:17-ին: Այրվել են անասնագոմի (մոտ 80 քմ) առաստաղի փայտյա կառուցատարրերը (մոտ 40 քմ), տանիքում պահեստավորած 200 հակ և մոտ 5000 կգ, ինչպես նաև անասնագոմին հարակից մոտ 5000 կգ անասնակեր:

Հանուն Մանկական եվրատեսիլի Երևանը սկսել է տոնական հագնվել Ամանորից 42 օր առաջ: Եվրոպացի հյուրերին պատշաճ ընդունելու ու ճոխ լույսերով զարմացնելու համար, ըստ մամուլի հրապարակումների, ծախսվել է 190 միլիոն դրամ:

Քամին՝ հարավարևմտյան՝ 2-5 մ/վ:

Վիլնյուս կատարած աշխատանքային այցի ընթացքում «Քաղաքացիական պայմանագիր» խմբակցության պատգամավոր Արսեն Թորոսյանը հանդիպել է Լիտվայի խորհրդարանի՝ Սեյմի Լիտվա-Հայաստան բարեկամական խմբի ղեկավար Ռայմունդաս Լոպատայի և Արտաքին հարաբերությունների հանձնաժողովի նախագահ Ժիգամանտաս Պավիլիոնիսի հետ։ Թորոսյանն այս մասին գրել է «Ֆեյսբուք» սոցիալական ցանցի պաշտոնական իր էջում:

Նոյեմբերի 19-ին, մահվան ելքով վրաերթ է տեղի ունեցել Երևանում։ Ժամը 20։30-ի սահմաններում Երևանի բնակիչ 19-ամյա Վահե Վարոսյանն իր վարած Mercedes մակնիշի ավտոմեքենայով Թամանցիների փողոցում ժողովրդին հայտնի «գիշերային թիթեռնիկների» հավաքատեղիի մոտ, վրաերթի է ենթարկել փողոցը չթույլատրելի հատվածով անցնող տղամարդ հետիոտնին։

Ռուսական խաղաղապահ զորախումբը շարունակում է իր առաքելությունն իրականացնել Լեռնային Ղարաբաղում: Արձանագրվել է հրադադարի ռեժիմի խախտման 1 դեպք։ «Արցախպրես»-ի փոխանցմամբ այս մասին հայտնում են Ռուսաստանի Դաշնության պաշտպանության նախարարությունից։

Հայաստանի ֆուտբոլի ազգային հավաքականը մրցակցի հարկի տակ անցկացրած ընկերական խաղում զիջեց Ալբանիայի ազգային թիմին։ Խաղի 28-րդ րոպեին Խուլիանո Սկուկան բացեց հանդիպման հաշիվը։

Ամենադժվար, օրհասական պահին, երբ վտանգված է երկրի ու ժողովրդի ճակատագիրը, ամենամեծ ակտիվությունն ու եռանդը, ինչքան տարօրինակ էլ չթվա առաջին հայացքից, ցուցաբերում են իսկական հայրենասերներն ու ծայրահեղ ոչ հայրենասերները։ Այս մասին ֆեյսբուքյան էջում գրել է Արցախի արտգործնախարար Դավիթ Բաբայանը:

Հունական ՀՕՊ-ը օդում որսացել է թուրքական մի քանի ռազմական ինքնաթիռ ու կալանավորել: Ուրբաթ Թուրքիան Հունաստանի օդային տարածքը խախտել է 24 անգամ, թուրքական 26 օդանավ է մտել Հունաստանի տարածք: Ըստ տեղի աղբյուրների՝ դրանցից 19-ը զինված են եղել ռումբերով:

Վարչապետ Նիկոլ Փաշինյանը, Թունիսի Ջերբա քաղաքում անցկացվող Ֆրանկոֆոնիայի միջազգային կազմակերպության 18-րդ գագաթնաժողովի շրջանակում, հանդիպում է ունեցել Ֆրանսիայի նախագահ Էմանուել Մակրոնի հետ:

«Իշխանությունը, վարչական լծակները գործի դնելով, ցանկանում է կինոթատրոններում դադարեցնել «Իշխանություն 2» ֆիլմի ցուցադրությունը»,- այսպիսի լուրեր են հասել ֆիլմի ռեժիսոր Մհեր Միրտչյանին: Լսել է նաև, թե իշխանությունը նաև ուզում է քրեական պատասխանատվության ենթարկել իրեն: Մկրտչյանը «Հայլուրի» թղթակցի հետ զրույցում ասել է, անկախ բոլոր սպառնալիքներից, ֆիլմը ստացվել է: Ռեկորդային թվով հանդիսատես է այն արդեն դիտել: