Լրահոս

Այսօր՝ մարտի 12-ին, խոշոր ավտովթար է տեղի ունեցել Արարատի մարզում: Ժամը 17:00-ի սահմաններում Երևանի բնակիչ, 24-ամյա Նինա Ի.-ն իր վարած Hyundai Elantra մակնիշի ավտոմեքենայով Երևան-Երասխ ավտոճանապարհի 22 կմ հատվածում, դեռևս անհայտ հանգամանքներում, դուրս է եկել երթևեկելի գոտուց, մի քանի պտույտ շրջվելով գլխիվայր հայտնվել ճանապարհի երթևեկելի գոտուց դուրս: Այս մասին հայտնում է shamshyan.com-ը։ Աղբյուրի հաղորդմամբ` վթարի հետևանքով Նինա Ի.-ն, նրա ուղևոր, Երևանի բնակիչ, 29-ամյա Մարիամ Ի.-ն մարմնական վնասվածքներով տեղափոխվել են Էրեբունի բժշկական կենտրոն, իսկ մյուս ուղևորներ, Երևանի բնակիչներ, 6-ամյա Է.Խ.-ն, 7-ամյա Ռ. Խ.-ն և 18-ամյա Մ.Ի.-ն մարմնական վնասվածքներով տեղափոխվել են Երևանի Սուրբ Աստվածամայր բժշկական կենտրոն: Վիրավորներին առաջինը օգնության են հասել քաղաքացիները և օպերատիվ են գործել Արտաշատի հիվանդանոցի բժիշկների հերթապահ խումբը, ովքեր վիրավորներին մինչև հիվանդանոցներ տեղափոխելը, առաջին բուժօգնություն են ցուցաբերել: Վթարի փաստով քննչական վարչությունում նախաձեռնվել է վարույթ: Քննիչի հանձնարարականով ավտոմեքենան տեղափոխվել է Ոստիկանության Արտաշատի բաժնի պահպանվող հատուկ տարածք: Աղբյուիի տեղեկություններով՝ վարորդն ու վիրավորները ազգականներ են: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի՝ օրինական ուժի մեջ մտած դատավճռով։

Մարտի 12-ին, ժամը 15։14-ին Ճգնաժամային կառավարման ազգային կենտրոն ահազանգ է ստացվել, որ Լենինգրադյան փողոցից դեպի «Դալմա գարդեն մոլ» տանող ավտոճանապարհին տեղի է ունեցել ՃՏՊ․ առկա է վառելիքի արտահոսք։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Ծիծեռնակաբերդի խճուղում բախվել են «Nissan Tiida» (վարորդ՝ Մ․ Մ․) և «Opel Astra G» (վարորդ՝ Ա․ Ա․, ծնված 1967 թ.) մակնիշների ավտոմեքենաները․ տեղի է ունեցել վառելիքի արտահոսք: Փրկարարները հոսանքազրկել են ավտոմեքենաները, փակել գազի բալոնների փականները և իրականացրել ճանապարհի լվացման աշխատանքներ։

ՀՀ ԿԳՄՍ նախարարությունը պատասխանում է քաղաքացիների հարցմանը, թե սուր վարակիչ հիվանդությունների աճով պայմանավորված՝ հնարավո՞ր է, որ դպրոցականների գարնանային արձակուրդը մեկնարկի ավելի շուտ: «Սուր վարակիչ հիվանդությունների աճի և համաճարակային իրավիճակի առկայության դեպքում ՀՀ դպրոցներում կանխարգելիչ միջոցառումները նախաձեռնվում և իրականացվում են՝ համաձայն ՀՀ առողջապահության նախարարության ցուցումների: Արձակուրդ ևս կարող է սահմանվել Առողջապահության նախարարության համապատասխան միջնորդության առկայության դեպքում: Համաճարակային իրավիճակի հետագա բարդություններից և հիվանդության տարածումից խուսափելու նպատակով, որպես կանխարգելիչ միջոցառում, դպրոցական և նախադպրոցական ուսումնական հաստատություններում սահմանվել և կիրառվում է «համաճարակային ֆիլտր»՝ հիվանդ երեխաների մուտքը հաստատություններ բացառելու համար: Այդ նպատակով ուսումնական հաստատություններ մուտք գործող բոլոր երեխաները, մանկավարժները և այլ աշխատակիցները ջերմաչափվում են: Ջերմության և հիվանդության այլ ախտանիշների առկայության դեպքում արգելվում է նրանց մուտքը դպրոց»։

Նովոսիբիրսկի մարզի Չուլիմ գյուղում հինգ տարեկան երեխան ալկոհոլից թունավորվելուց հետո ընկել է կոմայի մեջ։ Այս մասին հայտնում է Mash Siberia Telegram ալիքը։ Տղան չորսամյա քրոջ հետ ապրել է դիսֆունկցիոնալ ընտանիքում, որտեղ մայրն ու հայրն անընդհատ խմել են։ Երեք տարի տուն եկած սոցիալական աշխատողները բնակարանում տեսնում էին հակասանիտարական պայմաններ, սոված երեխաներ և հարբած ծնողներ։ «Երեխաներն ապրում են սարսափելի վիճակում, որտեղ նույնիսկ լվացվելու տեղ չունեն։ Այսինքն՝ նրանք ունեին աթոռներ՝ նախկինում կոլբաներ են եղել։ Երեխաները քնում են տախտակների վրա, տունը ջեռուցվում էր միայն ջեռուցիչով, հազվադեպ դեպքերում՝ վառելափայտով… Նրանք ապրում են ցրտի մեջ»,- ասել է երեխաների մեծ մորաքույրը։ Ծնողների դեմ արդեն բողոք է ներկայացվել անչափահասների գործերով բաժին, դատախազություն, սակայն երեխաները չեն տեղափոխվել։ Հարազատը պատմել է, որ առաջին անգամ խնամակալության համար դիմել է երեք տարի առաջ, որից հետո ծառայության աշխատակիցները միայն երկու անգամ են եկել այցելել։ Երկրորդ այցելությունից հետո երեխաներին վերցրել են և երկու ամիս ժամանակ են տվել բնակարանը մաքրելու համար, սակայն նրանք շարունակել են խմել երեխաների գումարով, պատմել է մեծ մորաքույրը։ Այնուհետև հայրն ու մայրը տղային տվել են տատիկին, ով նույնպես չարաշահել է ալկոհոլը։ Տղան կորցրել է գիտակցությունը և ընկել կոմայի մեջ։ Բժիշկները երեխայի մոտ ալկոհոլային թունավորում և հյուծվածություն են ախտորոշել։ Տղայի քրոջը տեղափոխել են վերականգնողական կենտրոն. Դեպքից հետո խնամակալական մարմինը մտադիր է երեխաներին երեք ամսով խլել ծնողներից, ասել է ազգականներից մեկը։ Նրա խոսքով, մինչ տղան կոմայի մեջ է ընկել, նրա հետևից տատիկը նշել է փետրվարի 23-ը և չորս օր խնամակալության պաշտոնյաների առջև դուռը չի բացել։

Այսօր՝ մարտի 12-ին, արտակարգ դեպք է տեղի ունեցել Երևանում։ Ժամը 17:40-ի սահմաններում ՀՀ Ներքին գործերի նախարարության փրկարար ծառայության 911 Ճգնաժամային կառավարման ազգային կենտրոն ահազանգ է ստացվել, որ Նվեր Սաֆարյան 23/12 հասցեի մոտակայքում՝ քարերի մեջ, ականանման առարկա կա։ Ինչպես հայտնում է shamshyan.com-ը՝ ժամանել են հրշեջ-փրկարարները, սակրավորական ջոկատը, Ոստիկանության պարեկային ծառայության պարեկները: Տարածքը սահմանազատվել են, որպեսզի սակրավորները վնասազերծեն ականանման իրը։ Ժամանել է նաև Երևանի 103 շտապօգնության բժիշկների հերթապահ խումբը, ովքեր տեղում հերթապահություն են իրականացնում։

Այսօր՝ մարտի 12-ին, առեղծվածային դեպք է տեղի ունեցել Կոտայքի մարզում։ shamshyan.com-ի հաղորդմամբ ժամը 11։20-ի սահմաններում ՀՀ ներքին գործերի նախարարության Ոստիկանության Կոտայքի բաժին ահազանգ է ստացվել, որ Գեղաշեն գյուղի տներից մեկում դի կա։ Ոստիկանները նշված գյուղի առաջին փողոցի տներից մեկի սենյակում հայտնաբերել են այրված մահճակալ, որտեղ մեջքի վրա պառկած վիճակում հայտնաբերել են նույն տան բնակիչ 52-ամյա Համլետ Բ․-ի այրված, մոխրացած դին։ Դեպքի փաստով Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժնում սպանություն հատկանիշներով նախաձեռնվել է քրեական վարույթ։ Քննիչի որոշմամբ՝ նշանակվել է դիակի դատաբժշկական փորձաքննություն։ Գ․ Շամշյանի տեղեկություններով՝ ոստիկանություն ահազանգողը եղել է մահացածի եղբայրը։

Մարտի 12-ին, ժամը 14:00-ին Ճգնաժամային կառավարման ազգային կենտրոն տեղեկություն է ստացվել, որ Արարատի մարզի Հովտաշատ գյուղի 3-րդ փողոցում այրվում է չբնակեցված վագոն-տնակ: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Հրդեհը մեկուսացվել է ժամը 14։41-ին, մարվել՝ 15։24-ին։ Այրվել է վագոն-տնակը (15 քմ):

4,4 մագնիտուդով երկրաշարժ է տեղի ունեցել Թուրքիայի կենտրոնում, հայտնում է Եվրոպական միջերկրածովյան սեյսմոլոգիական կենտրոնը (EMSC): Կենտրոնի տվյալներով՝ ցնցումը գտնվել է Գեքսուն քաղաքից 21 կմ դեպի արևմուտք և ընկած է եղել 1 կմ խորության վրա։ Քաղաքում ապրում է ավելի քան 50 հազար մարդ։ Երկրաշարժի հետևանքով զոհերի և ավերածությունների մասին տեղեկություններ չկան։ Ավելի վաղ EMSC-ը հայտնել էր, որ Վանուատուի ափերի մոտ 5,5 մագնիտուդ ուժգնությամբ երկրաշարժ է տեղի ունեցել։ Ստորգետնյա ցնցումների էպիկենտրոնը գտնվել է Սոլա քաղաքից 280 կմ հյուսիս-արևմուտք, որտեղ ապրում է 1,1 հազար մարդ։ Աղբյուրը գտնվել է 30 կմ խորության վրա։ Ցունամիի սպառնալիքի մասին չի հայտարարվել, ավերածությունների կամ զոհերի մասին տեղեկություններ չկան։ Փետրվարի 6-ին Թուրքիայի հարավ-արևելքում 7,7 և 7,6 մագնիտուդ ուժգնությամբ երկու հզոր երկրաշարժ է տեղի ունեցել, ցնցումները ավերածությունների են հանգեցրել հարևան երկրներում, այդ թվում՝ Սիրիայում։ Աղետի զոհերի թիվը հասել է 48 հազարի։

Երեկ՝ մարտի 11-ին, խոշոր ավտովթար է տեղի ունեցել Երևանում։ Ժամը 22։50-ի սահմաններում Իսակովի պողոտայում Երևանի բնակիչ 22-ամյա Սերգեյ Ս․-ն իր վարած Mercedes մակնիշի 60 OQ 060 համարանիշի ավտոմեքենայով բախվել է Երևանի բնակիչ 26-ամյա Արթուր Հ.-ին պատկանող, կայանված Mercedes C200 մակնիշի ավտոմեքենային, հայտնում է shamshyan.com-ը։ Ըստ նախնական տեղեկությունների, բարեբախտաբար, տուժածներ չկան։ Տեղում տարածքը սահմանազատել և ծառայություն են իրականացրել նույն վաշտի ավագ պարեկ Ռազմիկ Ղարիբյանն ու կրտսեր պարեկ Մհեր Մանուկյանը։ Վարորդները տեղում ենթարկվել են սթափության փորձաքննության, եղել են սթափ։ Վթարի փաստով Պարեկային Ծառայության Երևան քաղաքի գնդում նյութեր են նախապատրաստվում։

Արցախի Հանրապետության նախագահ Արայիկ Հարությունյանի գլխավորությամբ մարտի 12-ին կայացել է Անվտանգության խորհրդի արտահերթ ընդլայնված նիստ:Այս մասին հայտնում է ԱՀ նախագահի աշխատակազմի տեղեկատվության գլխավոր վարչությունը: Քննարկվել են Հանրապետությունում ստեղծված ճգնաժամային իրավիճակը և առկա մարտահրավերները: Երկրի ղեկավարն իր խոսքում նշել է, որ շրջափակման հարուցած մարտահրավերները շարունակում են գոյություն ունենալ, իսկ մարտի 10-ին Հայաստանից մատակարարվող բնական գազի խողովակաշարի հերթական արգելափակումն Արցախում հումանիտար ճգնաժամի խորացմանն ուղղված հերթական քայլն է: Նախագահ Հարությունյանը ևս մեկ անգամ միջազգային հանրության ուշադրությունն է հրավիրել Արցախի ժողովրդի 91-օրյա շրջափակման վրա: Նա ընդգծել է, որ Արցախի Հանրապետությունը փորձում է վերացնել 2020թ.-ի պատերազմի ծանր հետևանքները, սակայն այժմ առերեսվել է շրջափակմամբ և ուժի կիրառման սպառնալիքով պայմանավորված նոր ծանր մարտահրավերների: Հանրապետության նախագահը որոշ հանձնարարականներ է տվել պատկան մարմիններին՝ իրավիճակով պայմանավորված հրատապ ու կարևոր քայլերի իրականացման նպատակով:

Գառնիկ Դանիելյանը ֆեյսբուքյան իր էջում գրում է․ Գործընկերոջս` Արման Ղազարյանի հետ, այցելեցինք 72 ժամով ձերբակալված Գևորգ Պետրոսյանին: Պարոն Պետրոսյանը պատմեց իր հետ տեղի ունեցած դեպքի մանրամասները: Ըստ նրա, երեկ երեկոյան Պարեկային ծառայության աշխատակիցները բավականին երկար ժամանակ հետևել են իրեն, այնուհետև, արդեն այն ժամանակ, երբ վերջինս մոտ է եղել իր բնակության վայրին, մոտեցել են և առանց պատշաճ կերպով օրինական պահանջ ներկայացնելու փորձել են իրեն դուրս բերել մեքենայի միջից: Ի վերջո, մեծաթիվ պարեկային ծառայողների միջոցով դա նրանց հաջողել է, ինչի հետևանքով Գևորգ Պետրոսյանին տեղափոխել են նախ անհրաժեշտ քննություններն անցկացնելու, ապա Երևան քաղաքի ոստիկանական բաժանմունքներից մեկը: Պարեկային ծառայողների ակնհայտ անօրինաչափ գործողությունների հետևանքով ոստիկանական մեքենայում կտրուկ վատացել է Գևորգ Պետրոսյանի ինքնազգացողությունը: Ահազանգով ժամանել են շտապ օգնության ծառայության աշխատակիցներ, որոնք նախնական զննությունից հետո պնդել են, որ Գևորգ Պետրոսյանին անհրաժեշտ է տեղափոխել բժշկական հաստատություն, քանի որ վերջինիս մոտ առկա են առողջական խնդիրներ, և բժշկական օգնություն ցուցաբերելու անհապաղ կարիք կա։ Պարեկային ծառայության աշխատակիցները հրաժարվել են իրականացնել այս պահանջը` այդպիսով վտանգելով ՀՀ քաղաքացու կյանքը: Ի վերջո, ոստիկանական բաժանմունք բերման ենթարկվելուց հետո Գևորգ Պետրոսյանին տեղափոխել են Ձերբակալված անձանց պահման վայր, որտեղ էլ այսօր տեսակցեցինք նրան: Չնայած առողջական խնդիրներին և դեղամիջոցներ ընդունելուն՝ պարոն Պետրոսյանը հոգեպես ընկճված չէ։ Ակնհայտ է, որ այս ամենը պարոն Պետրոսյանի հետ տեղի է ունեցել իշխող ուժի նկատմամբ հնչեցրած դիրքորոշումների հետևանքով։ Իսկ տեղի ունեցածը ևս մեկ ապացույցն է այն հանգամանքի, որ մարդու իրավունքներ ասվածն իշխող ուժի ներկայացուցիչների համար պարզապես իշխանության գալու հարմար միջոց էր: 79 1

Կիրակի օրը տղամարդը զենքից կրակ է բացել Դոնի Ռոստովի հրապարակում, մեկ մարդ վիրավորվել է, լրագրողներին հայտնել է ՌԴ ՆԳՆ Ռոստովի մարզի ներկայացուցիչը։ «Ոստիկանությունը հաղորդագրություն է ստացել, որ Դոնի Ռոստով քաղաքի Աշխատանքային հրապարակում տեղի ունեցած կոնֆլիկտի արդյունքում տղամարդը տրավմատիկ զենքից կրակել է հակառակորդի ուղղությամբ, այնուհետև դեպքի վայրից դիմել փախուստի»,- ասել է նա։ Տուժածին ցուցաբերվել է բուժօգնություն։ Ներկա պահին ոստիկանությունը որոնում է կրակողին։ Կազմակերպվել է ստուգում:

Մարտի 12-ին, ժամը 12։21-ին Տավուշի մարզային ճգնաժամային կառավարման կենտրոն ահազանգ է ստացվել, որ Պառավաքար գյուղի ջրամբարին հարակից տարածքում այրվում է խոտածածկ տարածք: Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տավուշի հատուկ օբյեկտների պահպանության հրշեջ-փրկարարական ջոկատի Պառավաքարի հենակետից մեկ մարտական հաշվարկ: Ըստ նախնական տվյալների՝ այրվում է մոտ 8 հա խոտածածկ տարածք:

Մալթայում բժշկական սխալի հետևանքով ստիպված են եղել անդամահատել Ավստրալիայի Մելբուրն քաղաքից 10 ամսական Զեյն Շոգունայի ոտքը: Այս մասին հայտնում է 7News-ը։ 2022 թվականի նոյեմբերին տղան հիվանդանոց է ընդունվել բրոնխիոլիտով։ Երեխային բուժող բժիշկները նրա համար կենտրոնական երակային կաթետր են տեղադրել և պատահաբար վնասել զարկերակը։ Նրա մոր՝ Ջոաննա Շոգունայի խոսքով, ոտքը անմիջապես գունատվել ու սառել է։ Երեխայի մոտ թրոմբ է առաջացել, ուստի նրան արյունը նոսրացնող միջոց են տվել։ Տղան ևս մի քանի օր անցկացրել է հիվանդանոցում՝ բժիշկների հսկողության տակ, սակայն նրա վիճակը շարունակել է վատանալ։ «Չորրորդ օրն ինձ ասացին, որ նրանք չունեն մանկական անոթային վիրաբույժ, ուստի մենք պետք է գնանք Մեծ Բրիտանիա՝ Զեյնին բուժելու համար», – ասել է Ջոանը: Ընտանիքը օդային շտապօգնության մեքենայով թռել է Լոնդոն, իսկ երեխային շտապ վիրահատել են՝ արյան հոսքը վերականգնելու համար: Չնայած դրան՝ բժիշկները որոշել են անդամահատել ոտքը՝ մկանների և հյուսվածքների լայնածավալ վնասվածքի պատճառով։ «Սիրտս կոտրվում է… Կարծում եմ, մալթացի բժիշկները կործանեցին նրա կյանքը»,- ասում է մայրը: Զեյնի ծնողները տուն են վերադարձել Ավստրալիա և բողոք են ներկայացրել հիվանդանոցի դեմ, որտեղ տղան բուժվում էր։ Նրանք բժիշկներին մեղադրել են անփութության մեջ՝ պատճառաբանելով, որ նրանք պետք է ժամանակին տեղեկացնեին զարկերակի վերականգնման վիրահատության անհրաժեշտության մասին։ Ջոանը նշել է, որ չնայած վերջույթի կորստին, Զեյնը ակտիվ է։ «Ես պարզապես հուսով եմ, որ երբ նա մեծանա, ամեն ինչ լավ կլինի: Ես նկարում էի նրա ոտքերը և միշտ կհիշեմ այդ նկարները։ Ես շնորհակալ եմ, որ նա մեզ հետ է։ Ես ուզում եմ, որ նա մեծանա և անի այն, ինչ ուզում է»,- ասել է նա:

Մարտի 12-ին «Իզվեստիան» տեսագրություն է ձեռք բերել փողոցային հսկողության տեսախցիկներից, որը ֆիքսել է Մոսկվայի մարզում տեղի ունեցած սպանությունից հետո առաջին րոպեները, որոնց կատարման մեջ կասկածվում է Պետդումայի պատգամավոր Արտեմ Իվանյուժենկովի որդին։ Կադրերում երեւում է, որ մարդիկ վիրավոր երիտասարդին դուրս են բերում ու նստեցնում մեքենան։ Հայտնի է, որ Ռուսաստանի Կոմունիստական ​​կուսակցությունից (KPRF) ՌԴ Պետդումայի պատգամավոր Բորիս Իվանյուժենկովի որդին՝ 24-ամյա Արտեմը, դեռ կալանավորված չէ։ Որոշ տեղեկությունների համաձայն՝ հանցագործությունից հետո երիտասարդը դիմել է փախուստի։ Այդ օրը ավելի վաղ հաղորդվել էր, որ Արտեմ Իվանյուժենկովը կասկածվում է Մոսկվայի մարզում սպանություն կատարելու մեջ։ Հարուցվել է քրեական գործ։ Ռուսաստանի Դաշնության Քրեական օրենսգրքի 105-րդ հոդվածի երկրորդ մասով:

Սարատովի մարզի դաշնային մայրուղում ավելի քան 20 մեքենաների բախման հետևանքով տուժածների թիվը հասել է 15-ի, նրանք հիմնականում կոտրվածքներ ունեն, իր տելեգրամյան ալիքում հայտնել է շրջանի առողջապահության նախարար Օլեգ Կոստինը։ Ավելի վաղ Կոստինը հայտնել էր, որ ժամը 7.45-ին Խվալինսկի շրջանի Ռ-228 Սիզրան-Սարատով-Վոլգոգրադ դաշնային մայրուղու 113-րդ կիլոմետրում, նախնական տվյալներով, մերկասառույցի հետևանքով բախվել են 21 բեռնատարներ և ավտոմեքենաներ. արդյունքում տուժել է 13 մարդ, այդ թվում՝ երեք երեխա։ Բժիշկները մեկ երեխայի վիճակը գնահատել են ծանր, մնացածինը՝ միջին ծանրության։ «3երեխա, 9 մեծահասակ տեղափոխվել է Բալակովո, 14-ամյա դեռահասը` ծանր վիճակում՝ ուղեղի կոնտուզիայով։ Հիմնականում ստացել են կոտրվածքներ. 2 մեծահասակ տեղափոխվել է վիրահատարան. Բելառուսի Խվալինսկի Հանրապետությունում կոտրվածքներով երկու մեծահասակ է հոսպիտալացվել։ Մեկը հրաժարվել է հոսպիտալացումից»,- գրել է Կոստինը։

Սախալինի բնակչին քրեական պատասխանատվության են ենթարկել անօրինական միգրացիա կազմակերպելու համար։ Այս մասին հայտնում է ASTV.ru-ն։ Ըստ հրապարակման՝ Ռուսաստանի ԱԴԾ սահմանային տնօրինության Սախալինի շրջանի աշխատակիցները պարզել են, որ Անիվսկի շրջանի բնակչուհին 2019-ից 2021 թվականներին իր բնակարանում գրանցել է 762 օտարերկրյա քաղաքացու։ Ռուս կինը մարդկանց միգրացիոն ռեգիստրում է մտցրել՝ փողի դիմաց կնքելով ֆիկտիվ աշխատանքային պայմանագրեր։ Յուժնո-Սախալինսկի դատարանը կնոջը դատապարտել է 1,5 տարվա պայմանական ազատազրկման։ Ավելի վաղ Սանկտ Պետերբուրգի կենտրոնական շրջանի դատախազությունը ստուգման ժամանակ ավելի քան 800 միգրանտների բնակելի տարածքում հայտնաբերել էր ֆիկտիվ գրանցումով «ռետինե» բնակարան։ Սակայն իրենք՝ միգրանտները, չեն հայտնաբերվել բնակարանի ներսում։

Մարտի 13-ին՝ ժամը 10:00-ից 11:00-ն ընկած ժամանակահատվածում, Արարատի մարզի Արտաշատ խոշորացված համայնքի թիվ 1 հիմնական դպրոցում իրականացվելու է «Օդային տագնապի դեպքում տարահանում և պատսպարում» թեմայով գործնական վարժանք, որի ընթացքում փորձարկվելու է էլեկտրական շչակ, ժամը 12:00-ից 13:00-ն ընկած ժամանակահատվածում Արտաշատ խոշորացված համայնքի Հնաբերդ բնակավայրում ևս փորձարկվելու է էլեկտրական շչակ: Փրկարար ծառայությունից խնդրում են չանհանգստանալ։

Մոսկվայում տղամարդը դպրոց է եկել՝ ատրճանակը ձեռքին: Նա հեռացավ միայն այն բանից հետո, երբ համոզվել է, որ դա ոստիկանության բաժին չէ։ Ամեն ինչ տեղի է ունեցել Պեստել փողոցի թիվ 1554 գիմնազիայում։ Մարտի 9-ին, ժամը 16:00-ի սահմաններում, անհայտ տղամարդը զենքով մտել է դպրոց։ Տեսնելով պահակին՝ նա հարցրել է՝ արդյոք դա ոստիկանն է։ Երբ նրան ասել են, որ դպրոց է, տղամարդը հեռացել է։ Պահակին հաջողվել է սեղմել խուճապի կոճակը։ Որոշ ժամանակ անց դեպքի վայր են ժամանել Ազգային գվարդիայի աշխատակիցները։ Ձերբակալվածը 29-ամյա Կունիժև Անզորն էր։ Նրա մոտ հայտնաբերվել է ատրճանակ։ Միաժամանակ տղամարդն իրեն ոչ ադեկվատ է պահել և կրկնել, որ իրեն հետապնդում են։ Նրան համար կանչել են հոգեբուժական օգնություն և տեղափոխել հիվանդանոց։