Լրահոս

Մայիսի 26-ին Ափնագյուղում ավտոտեխսպասարկման կետում տեղի ունեցած գազի բալոնի պայթունի հետևանքով վիրավորվածը տեղափոխվել է Երևանի «Արմենիա» բժշկական կենտրոն։

Արցախի Հանրապետության նախագահ Արայիկ Հարությունյանը մայիսի 26-ին հրավիրել է Անվտանգության խորհրդի նիստ, որի օրակարգում Արցախի շուրջ ստեղծված ռազմաքաղաքական իրավիճակի հարցն էր:

Ժամը 19․30-ի սահմաններում Կոտայքի մարզի Աբովյան համայնքի Ձորաղբյուր բնակավայրի գյուղապետարանի հարևանությամբ բախվել են «ԳԱԶ 66» և Renault մակնիշի ավտոմեքենաները։ Գրել է Shamshyan.com-ը։ Վթարի հետևանքով 1 հոգի տեղում մահացել է, որին հայտնաբերել են ավտոմեքենայից դուրս, իսկ 1 հոգու էլ Աբովյան բժշկական կենտրոնի օգնության բրիգադը նախ տեղում առաջին բուժօգնությունն է ցուցաբերել, ապա տեղափոխել հիվանդանոց։ Դեպքի վայր են ժամանել ՀՀ Ներքին գործերի նախարարության փրկարար ծառայության՝ Աբովյանի հրշեջ-փրկարարական ջոկատից և ՓԾ հատուկ փրկարարական աշխատանքների իրականացման կենտրոնի փրկարարական ջոկատից։ Օպերատիվորեն ժամանել են նաև ՀՀ ՆԳՆ Ոստիկանության պարեկային ծառայության Կոտայքի մարզի գումարտակի 2-րդ վաշտի պարեկները՝ ղեկավար կազմի գլխավորությամբ։ Վթարի մասին ՊԾ Կոտայքի գումարտակից տեղեկությունը փոխանցել են Հայաստանի քննչական կոմիտեի՝ Կոտայքի մարզային քննչական վարչության Աբովյանի քննչական բաժին։ Վթարի փաստով Աբովյանի քննչական բաժնում նախաձեռնվել է քրեական վարույթ։ Ոստիկանությունն ու Քննչական բաժինը պարզում են վարորդների, մահացածի և վիրավորի ինքնությունը։ Բախման հետևանքով Renault-ն դուրս է եկել երթևեկելի գոտուց ու կողաշրջված վիճակում հայտնվել բնակչի հողամասում

Ադրբեջանցիները երեկվանից հոլիվուդյան ոճի մոտիվներով փորձ են անում «դիվերսիա» կարել` ՀՀ 2 զինծառայողներին ծանր հանցագործության մեջ մեղադրելով, գրել է ԱԺ պատգամավոր Տիգրան Աբրահամյանը։

Մայիսի 29-ի ցերեկը, 30-ի գիշերը և առավոտյան՝ շրջանների զգալի մասում, մայիսի 27-ին, 28-ին, 30-ին, 31-ին կեսօրից հետո՝ առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է նաև կարկուտ։ Քամին՝ հարավարևմտյան 3-6մ/վ, ամպրոպի ժամանակ սպասվում է քամու ուժգնացում՝ 15-20մ/վ արագությամբ: Օդի ջերմաստիճանն էապես չի փոխվի։ Երևանում մայիսի 28-ին, 29-ին կեսօրից հետո, 30-ի գիշերը և առավոտյան սպասվում է, մայիսի 27-ին, 30-ի և 31-ի երեկոյան ժամերին հնարավոր է կարճատև անձրև և ամպրոպ, ամպրոպի ժամանակ՝ քամու ուժգնացում՝ 14-18մ/վ արագությամբ։ Արցախում վաղը սպասվում է անձրև և ամպրոպ։

Մայիսի 26-ին, ժամը 18:48-ին Արագածոտնի մարզային ճգնաժամային կառավարման կենտրոն ահազանգ է ստացվել, որ Ափնագյուղում՝ ավտոտեխսպասարկման կետում, տեղի է ունեցել գազի բալոնի պայթյուն. կա տուժած:

Փաշինյանը քպ-ականներին ասել է եթե Ադրբեջանի կազմում Արցախը անվտանգ չի լինի՝ կամ կմտնի Ռուաստանի կազմ, կամ արցախցիները կտեղափոխվեն Հայաստան:

Մայիսի 26-ին՝ ժամը 19:00-ից, մարտական դիրքեր սնունդ մատակարարող ՀՀ ԶՈՒ 2 զինծառայողի հետ կապն ընդհատվել է: Ընթանում են որոնողական աշխատանքներ` զինծառայողներին հայտնաբերելու ուղղությամբ: Քննվում է նաև դեռևս չպարզված հանգամանքներում ադրբեջանական կողմում հայտնվելու հնարավոր վարկածը:

«Գազպրոմ Արմենիա» ՓԲԸ-ն տեղեկացնում է, որ պլանային, պրոֆիլակտիկ վերանորոգման աշխատանքներ իրականացնելու նպատակով՝ մայիսի 29-ին ժամը 10:00-ից մինչև ժամը 15:00-ն, կդադարեցվի Կոտայքի մարզի Պռոշյան բնակավայրի Վանահովիտ թաղամասի, հարակից առանձնատների և տարբեր նշանակության հանրային օբյեկտների գազասպառողների, ժամը 10:00-ից մինչև ժամը 16:00-ն`Վայոց ձորի մարզի Ջերմուկ քաղաքի Ձախափնյակ թաղամասի թիվ 6, 9, 22ա, 23բ, 14, 12, 13, 15, 16, 17, 20, 22, 18, 19, 28, 21, 25, 39, 40, 42, 43 բազմաբնակարան շենքերի գազասպառողների գազամատակարարումը: Պլանային աշխատանքներ իրականացնելու նպատակով՝ մայիսի 30-ին ժամը 10:00-ից մինչև ժամը 18:00-ն, կդադարեցվի Արարատի մարզի Մասիս համայնքի Սայաթ-Նովա բնակավայրի գազասպառողների, ժամը 10:00-ից մինչև ժամը 18:00-ն՝ Կոտայքի մարզի Ալափարս բնակավայրի գազասպառողների գազամատակարարումը: «Գազպրոմ Արմենիա» ՓԲԸ-ն հայցում է գազասպառողների ներողամտությունը և խնդրում պահպանել անվտանգության կանոնները: Լրացուցիչ տեղեկություններ ստանալու նպատակով կարող եք զանգահարել 1-04 հեռախոսահամարով: Կիսվել:

Հոլիվուդի Փառքի ծառուղում 50-ականների ռոքնռոլի թագուհի Թինա Թըրների աստղի մոտ ծաղիկների թմբեր են բարձրանում: Նրա երկրպագուները հիշում ու ցավում են համաշխարհային աստղի կորստը, որը մահացավ 83 տարեկանում Շվեյցարիի իր տանը:

Տիգրանյան փողոցում ՔՊ-ական Հովիկ Աղազարյանի ու կարտոֆիլների արկղերի միջև մենամարտից հետո ապամոնտաժվել են բոլոր 10 տաղավարները: Արաբկիր վարչական շրջանի ղեկավարը խոստանում է դրանց փոխարեն կանաչ սիզամարգ փռել: «Հայլուր»-ի թղթակիցը այսօր պարզել է, որ ապամոնտաժվել է նաև այդտեղ կարտոֆիլ վաճառած Արթուրի ճակատագիրը, որը Աղազարյանի հետ վեճից, ձերբակալվելուց ու ազատ արձակվելուց հետո որոշել է լքել Հայաստանը:

Ռուս-ուկրաինական բանակցություններն այս պահին անհնար է համարում Դաշնության անվտանգության խորհրդի փոխնախագահ Դմիտրի Մեդվեդևը: Դրանք վերսկսելու հնարավորություն կարող է բացվել Զելենսկիի հեռանալով: Իսկ մինչ այդ պատերազմը նաև Ռուսաստանի խորքեր է հասնում: Ուկրաինական զինուժը Բելգորոդին, Ռոստովին ու Կրասնոդարին է հարվածել, իսկ ռուսական ուժերը՝ Դնեպրին:

Արցախում նույնպես այսօր հնչել է վերջին զանգը յուրահատուկ ձևով: Արցախցի շրջանավարտների մի մասը այսօր դպրոց է գնացել իր զոհված հարազատի լուսանկարով ու մտքերով, որ Արցախի համար վերջին զանգ չհնչի:

Տապալված են համարում փորձագետները մոսկովյան բանակցությունները: Աննախադեպ կարճ՝ ընդամենը 20 րոպե են զրուցել Հայաստանի, Ռուսաստանի ու Ադրբեջանի առաջնորդները՝ չհամաձայնեցնելով որևէ եռակողմ հայտարարություն՝ հակառակ ռուսական մամուլի տեղեկություններին, թե պետք է ստորագրվեր 5-րդ եռակողմ հայտարարությունը: Փաշինյան-Ալիև սուր բանավեճն է գուցե շրջադարձային եղել, կամ ռուսական կողմի համար առավել ակնհայտ դարձած անհամաձայնությունները հայկական ու ադրբեջանական կողմերի միջև, որոնք ըստ Դաշնության նախագահի, զուտ տեխնիկական են ու կարող են լուծվել երեք երկրների փոխվարչապետերի առաջիկա հանդիպման ժամանակ:

Լեհական «Պոգոնի» կիսապաշտպան Վահան Բիչախչյանը հրավիրվել է Հայաստանի ազգային հավաքական։ Այս մասին հայտնում է ակումբի մամուլի ծառայությունը։ Եվրո-2024-ի ընտրական փուլում Հայաստանի ազգային հավաքականը հունիսի 16-ին արտագնա խաղում կմրցի Ուելսի հավաքականի հետ, իսկ հունիսի 19-ին Ալեքսանդր Պետրակովի գլխավորած թիմը Երևանում կընդունի Լատվիայի ընտրանուն։

Արևմտյան երկրների՝ Ռուսաստանի նկատմամբ սահմանած պատժամիջոցների պատճառով Ռուսաստանի ավանդական ոսկու արտահանումների հիմնական ուղղությունները փոխվել են՝ ուղղվելով դեպի Թուրքիա, Չինաստան, Արաբական Միացյալ Էմիրություններ։ Ինչպես փոխանցում է Reuters-ը, Թուրքիան մեծ դեր է խաղացել ռուսական ոսկու առևտրի գործում։ Թեև ոչ ռուսական ընկերություններից ոչ մեկը մի քանի տոննայից ավելի ոսկի չի տեղափոխել Թուրքիա, համաձայն մաքսային տվյալների՝ 2022-ի փետրվարի 24-ից մինչև 2023-ի մարտի 3-ն ընկած ժամանակահատվածում ներմուծվել է ավելի քան 1 տ․ ռուսական ոսկի։ Ըստ արձանագրությունների՝ այս առևտրին ընդհանուր առմամբ մասնակցել է 8 ընկերություն։ Հաղորդում է Ermenihaber.am-ը՝ վկայակոչելով Reuters գործակալությանը։

«Տապալված» բառին համաձայն չեն իշխանական պատգամավորները, բայց ոչ էլ հաջողված են որակում մոսկովյան բանակցությունները: Պնդում են, որ սեղանին չի եղել ստորագրման դրված փաստաթուղթ, որը չի ստորագրվել: Այդպես պնդում էր ռուսական «Կոմերսանտ»-ը, ինչը ՔՊ-ականները «բայղուշություն» են անվանում:

Մոսկվայում Փաշինյան-Պուտին-Ալիև հանդիպումից հետո Արցախի նախագահի խորհրդականը առաջարկում է ՔՊ-ականներին Ադրբեջանի քաղաքացիների անձնագիր տալ ու ուղարկել Միլի Մեջլիսում աշխատելու: Դավիթ Բաբայանի խոսքով՝ արցախցիները հիմա միայնակ պետք է պայքարեն Ադրբեջանի քաղաքացի չդառնալու համար, ինչի մասին Ալիևը խոսել է նաև Մոսկվայում՝ Փաշինյանի ու Պուտինի ներկայությամբ ու դրան չի արձագանքել Հայաստանի վարչապետը:

Հայաստանի արտգործնախարարությունը հերքել է Ֆրանսիայում Ադրբեջանի դեսպանի հայտարարությունը, թե խաղաղության պայմանագիրը կարող է ստորագրվել 6 օրից՝ Քիշնևում՝ Փաշինյան-Ալիև-Միշել-Մակրոն-Շոլց հանդիպման ժամանակ:

Հայաստանում այսօր դպրոցական վերջին զանգն է լսել ավելի քան 55000 շրջանավարտ՝ հիմնական ու ավագ դպրոցում: Ոստիկանությունն ուժեղացված ծառայության ընթացքում 81 մեքենա է պահպանվող հատուկ տարածքներ տարել, նրանցից 75-ի ղեկին եղել են անչափահասներ, այդ թվում՝ մեկը՝ ոչ սթափ վիճակում: «Հայլուր»-ի տեսախցիկը Երևանի թիվ 192 դպրոցի 9-րդ դասարանում է որսացել վերջին զանգի տրամադրությունները: