Լրահոս

Արարատի մարզի բոլոր համայնքներում ակտիվորեն ընթանում են Կառավարության՝ 2023 և 2024 թվականների սուբվենցիոն ծրագրերով իրականացվող ամենատարբեր աշխատանքներ։ Այդ մասին հայտնում են ՏԿԵՆ-ից:

ՀՀ կրթության, գիտության, մշակույթի և սպորտի նախարարության աշխատակիցները և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնագետներն այցելել են Արարատի մարզի Մոշաղբյուրի Սբ Կարապետ և Լանջանիստի Սպիտակ վանք հուշարձաններ։ Այս մասին հայտնում են ՀՀ ԿԳՄՍՆ-ից։

Կիևը դեռ թույլտվություն չի ստացել Նահանգներից՝ հեռահար զենքով Ռուսաստանին հարվածելու համար, այս մասին Ուկրաինայի նախագահն ասել է CNN-ին տված հարցազրույցի ժամանակ: Զելենսկիի խոսքով՝ Ուկրաինային նման զենք է պետք ռուսական ռազմակայաններն ու ռազմական օդանավակայանները վերացնելու համար: Ուկրաինայի նախագահի պնդմամբ՝ Դաշնությունն իրենց արդեն հարվածում է մինչև անգամ 500 կմ-ից, և իրենք էլ պետք է արժանի հակահարված տալու հնարավորություն ունենան: Նախորդ շաբաթ Ռուսաստանի նախագահը հայտարարել էր, որ Արևմուտքը պատերազմի մեջ կմտնի Դաշնության հետ, եթե թույլ տա Ուկրաինային հարվածել արևմտյան արտադրության հեռահար հրթիռներով:

Վարչապետին Թբիլիսիի «Շոթա Ռուսթավելի» միջազգային օդանավակայանում դիմավորել է Վրաստանի  Տարածաշրջանային զարգացման եւ ենթակառուցվածքների նախարար Իրակլի Կարսելաձեն:

Երեկ՝ սեպտեմբերի 15-ին, խոշոր ավտովթար է տեղի ունեցել Արագածոտնի մարզում: Ժամը 18:00-ի սահմաններում Երևանի բնակիչ 25-ամյա էդուարդ Ալեքսանյանը իր վարած «Toyota» մակնիշի ավտոմեքենայով Երևան-Գյումրի ավտոճանապարհի 14 կմ հատվածում, ժողովրդին հայտնի Աշտարակի նախկին «Գայի պոստի» մոտ, դեպի Աշտարակ ընթանալիս, դուրս է եկել երթևեկելի գոտուց, բախվել ծառերին, 2-ը կոտրել ու հայտնվել երթևեկելի գոտուց դուրս:  

Իշխանությունը հաստատո՞ւմ է լուրերը, որ սահմանին ադրբեջանական զորքի կուտակումներ կան. ԱԺ պաշտպանության հանձնաժողովի նախագահը խորհրդարանական ճեպազրույցներին այս պարզ հարցին հստակ պատասխան չի տվել: Անդրանիկ Քոչարյանը նախընտրել է փոխադարձ անհանգստություններից խոսել, ասել՝ Հայաստանի պաշտպանվելը Ադրբեջանին է անհանգստացնում, Ադրբեջանի զինվելը՝ Հայաստանին: «Բայց, անհանգստության մասին պետք չի շատ խոսել, պետք է գործել, աշխատել», - ասել է Անդրանիկ Քոչարյանը՝ որպես արված գործի օրինակ բերելով Կիրանցը, որտեղ թշնամին մի քանի մետր հեռավարության վրա է միջնակարգ դպրոցից:

Սեպտեմբերի 16-ին երեկոյան ժամերին առանձին շրջաններում, 17-21-ը շրջանների զգալի մասում ժամանակ առ ժամանակ սպասվում է անձրև և ամպրոպ, սեպտեմբերի 17-ին և 19-20-ն առանձին վայրերում՝ ինտենսիվ։ Առանձին վայրերում սպասվում է նաև մառախուղ։

Հայաստանի վարչապետը մեկնել է Վրաստան։ Հայաստանի կառավարությունից Հայլուրին ասացին, որ Փաշինյանը կեսօրին՝ ժամը 1-ին կլինի Թբիլիսիում: Այլ մանրամասներ կառավարությունից չեն հայտնում: Ավելի վաղ, վրացական լրատվամիջոցները, Վրաստանի վարչապետի մամուլի ծառայությանը հղում տալով, գրում էին, որ պաշտոնական այցով է Փաշինյանը Վրաստան գնալու, հանդիպելու է վրացի պաշտոնակցի՝ Իրակլի Կոբախիձեի հետ, կկայանան անհատական և ընդլայնված կազմով հանդիպումներ, որից հետո երկու երկրների վարչապետները մամուլի համար հայտարարություն կանեն։ Հայաստանի կառավարությունը Փաշինյանի այցից ոչինչ չի հաղորդել: Իրակլի Կոբախիձեն մարտին էր այցելել Երևան, դրանից մեկ շաբաթ առաջ նա Բաքվում էր:

Զինված ուժերի մարտունակության կարևոր բաղադրիչներից մեկը բարոյահոգեբանական մթնոլորտն է, ԱԺ ճեպազրույցների ժամանակ ասաց այսօր «Հայաստան» խմբակցության պատգամավոր Գեղամ Մանուկյանը։

Սեպտեմբերի 17-ին՝ ժամը 10:30-ից մինչև 11:00-ն ընկած ժամանակահատվածում, Արագածոտնի մարզի Թալին համայնքի Դավթաշեն և ժամը 12։00-ից մինչև 12։30-ը Ներքին Սասնաշեն բնակավայրերում անցկացվելու են «Ազդարարում, պատսպարում, տարհանում» թեմայով ուսումնական վարժանքներ, որոնց ընթացքում գործարկվելու են էլեկտրական շչակներ:

Ֆրանսիան շարունակելու է պաշտպանության բնագավառում Հայաստանին աջակցությունը. Երևանում այս մասին այսօր հայտարարել է Ֆրանսիայի արտգործնախարար Ստեֆան Սեժուրնեն: Հայաստանի արտգործնախարար Արարատ Միրզոյանի հետ համատեղ ասուլիսի ժամանակ ֆրանսիացի դիվանագետը հայտարարել է. «Բարեկամների միջև բնական է համագործակցությունը նաև այս բնագավառում, մենք դա անում ենք առանց որևէ էսկալացիայի կամքի»: Ֆրանսիայի արտգործնախարարը նաև հույս է հայտնել, որ Ադրբեջանը խաղաղ բանակցություններում առաջընթաց կգրանցի մինչև COP29-ի անցկացումը: Հայաստանի արտգործնախարարը ևս մեկ անգամ վերահաստատել է Հայաստանի նվիրվածությունը խաղաղության օրակարգին:

ԿԳՄՍ նախարարի հրամանի համաձայն առաջին դասարանցիների աշնանային արձակուրդները տրվում են 2024 թվականի հոկտեմբերի 14-ից 27-ը ներառյալ, երկրորդ դասարանցիների աշնանային արձակուրդները տրվում են 2024 թվականի հոկտեմբերի 21-ից 27-ը ներառյալ, 3-12-րդ դասարանների սովորողներին նույնպես տրվում են արձակուրդներ` աշնանային՝ 2024 թվականի հոկտեմբերի 21-ից 27-ը ներառյալ։

Երեկ՝ սեպտեմբերի 15-ին, մահվան ելքով վրաերթ է տեղի ունեցել Վայոց ձորի մարզում: Ժամը 20:45-ի սահմաններում «Վայոց ձոր» բժշկական կենտրոնից ՀՀ ներքին գործերի նախարարության ոստիկանության Եղեգնաձորի բաժին ահազանգ է ստացվել, որ շտապօգնության բժիշկների հերթապահ խումբը ժամը 20:15-ին կանչով մեկնել է Երևան-Մեղրի ավտոճանապարհի Մալիշկա գյուղի արագաչափի մոտ, որտեղ հայտնաբերել են կնոջ դի:  

Վարչապետ Նիկոլ Փաշինյանը պաշտոնական այցով մեկնել է Վրաստան: Այդ մասին Ֆեյսբուքում գրել է վարչապետի մամուլի քարտուղար Նազելի Բաղդասարյանը:

«Մենք մեծապես աջակցում ենք խաղաղության «խաչմերուկ ծրագրին»։ Հայաստանը, բնականաբար, շատ կարևոր դեր կարող է խաղալ Ասիայի և Եվրոպայի հետ հաղորդակցության համար»,- Արարատ Միրզոյանի հետ Երևանում համատեղ հայտարարությունների ժամանակ ասաց Ֆրանսիայի Եվրոպայի և արտաքին գործերի նախարար Ստեֆան Սեժուրնեն։

Հայլուր 12։30 Փաշինյանը ներողություն է խնդրում և մեկնում Վրաստան

Վարչապետ Նիկոլ Փաշինյանն ընդունել է Ֆրանսիայի Եվրոպայի և արտաքին գործերի նախարար Ստեֆան Սեժուրնեի գլխավորած պատվիրակությանը:

Սեպտեմբերի 14-ին, ժամը 20.30-ին, «Կիա Ռիո» մակնիշի մեքենան Նավուր-Թթուջուր ճանապարհի 34-րդ կմ-ին դուրս է եկել երթևեկելի գոտուց և գլորվել ձորակը: Վարորդը՝ 47-ամյա Արթուր Թ.-ն, հիվանդանոց տեղափոխվելու ճանապարհին մահացել է: Մարմնական վնասվածքներով հիվանդանոց են տեղափոխվել երկու ուղևորները:

Սեպտեմբերի 19-ին ժամը 13:00-ին Երևան քաղաքի Կոմիտաս փողոցի Սուրբ Խաչ եկեղեցում կկատարվի հոգեհանգստյան կարգ՝ 2023 թվականի սեպտեմբերի 19-ին ադրբեջանական ռազմական ագրեսիայի հետևանքով նահատակված ու սեպտեմբերի 25-ին Ստեփանակերտ-Ասկերան ավտոճանապարհի նավթամթերքի պահեստում տեղի ունեցած պայթյունի հետևանքով զոհված մեր հայրենակիցների հոգիների խաղաղության համար: Այս մասին հայտնում են Արցախի թեմից։

Այսօր՝ սեպտեմբերի 16-ին, խոշոր ավտովթար է տեղի ունեցել Լոռու մարզում: Ժամը 07:50-ի սահմաններում Վանաձոր-Ստեփանավան ավտոճանապարհի 1-ին կմ հատվածում բախվել են «Toyota Land Cruiser Prado» և «Mercedes» մակնիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Վանաձոր» բժշկական կենտրոն: