Լրահոս

Սևանա լճի մակարդակը սեպտեմբերի 9-15-ն ընկած ժամանակահատվածում իջել է 2սմ-ով և կազմել՝ 1900.56մ (15.09.24թ.), որն անցյալ տարվա նույն օրվա մակարդակից բարձր է 21սմ-ով, իսկ 2024 թվականի հունվարի 1-ի մակարդակից՝ 39սմ-ով։

ՀՀ սննդամթերքի անվտանգության տեսչական մարմինը վերահսկողություն է սկսել մսի իրացման կետերում՝ պարզելու համար վաճառվող մսի ծագումը:

Անցած շաբաթվա ընթացքում Հայաստանում կարմրուկի ոչ մի դեպք չի արձանագրվել։ Այս մասին հայտնում է ԱՆ Հիվանդությունների վերահսկման և կանխարգելման ազգային կենտրոնը

Նոյեմբերյան համայնքի սահմանամերձ Ոսկեպար գյուղի 49-ամյա բնակիչ, Արկադի Պապյանը, ով կալանավորված է ամերիկացի գործարարի կնոջ առևանգման գործով, անազատության մեջ հացադուլի է դիմել: Այս մասին իր էջում գրել է լրագրող Ոսկան Սարգսյանը:

ԱԺ նախագահ Ալեն Սիմոնյանը հայցադիմում էր ներկայացրել ընդդեմ «Մեդիահաբ» լրատվականի՝ պահանջելով հերքել զրպարտություն համարվող տվյալները և վճարել իրեն որպես փոխհատուցում 1.000.000 ՀՀ դրամ գումար։

«Սրբազան պայքար» շարժման առաջնորդ Բագրատ արքեպիսկոպոս Գալստանյանն ԱԺ-ում է՝ ընդդիմադիր պատգամավորների հետ հանդիպման։ Նա լրագրողների հետ զրույցում ասաց, որ քննարկելու են առաջիկա գործողությունների ընթացքում իրենց անելիքները և հասկանալու, թե ինչ ճանապարհով են առաջ գնալու։

Սեպտերբերի 16-ին ՀՀ ԱԽ քարտուղար Արմեն Գրիգորյանն ընդունել է Հայաստանի Հանրապետությունում Նիդերլանդների Թագավորության նորանշանակ դեսպան տիկին Մարիկե Մոնրոյ-Վինթերին:

Հայլուր 15։30 Բաքվի բողոքի նոտան՝ Մոսվային. ո՞ւր են ուղարկել Չեչնիայում ձերբակալված ադրբեջանցիներին

Անահիտ աստվածուհու բրոնզե արձանը Մեծ Բրիտանիայից բերվել է Հայաստան: Պատմության թանգարանը փաստաթղթային փաթեթ է նախապատրաստել բրիտանական թանգարանի հետ, որտեղ պահվել են դիցուհու բրոնզե գլուխն ու ձախ ձեռքը, հիմա երկուսն էլ Հայաստանում են: Պատմության թանգարանում աստվածուհու մասունքները կցուցադրվեն շուրջ 6 ամիս «Մայր Աստվածություն. Անահիտից մինչև Մարիամ» խորագրով ցուցահանդեսի ժամանակ: ԿԳՄՍ նախարարն այսօր հույս է հայտնել, որ Պատմության թանգարանի մոտ այսօրվանից հերթեր կլինեն, քանի որ սա, ըստ Ժաննա Անդրեասյանի, հայաստանյան մշակութային կյանքի գլխավոր իրադարձություններից է:

Դատարանի սահմանած մեկ տարվա ազատազրկումն ամբողջությամբ կրելով՝ քաղբանտարկյալ Նարեկ Մալյանը հինգշաբթի օրը՝ սեպտեմբերի 19-ին, օրենքի ուժով ազատ է արձակվելու, այս մասին գրել է փաստաբան Ռուբեն Մելիքյանը։

Երևանի օդում փոշու քանակը չափող 108 սարք է տեղադրվել

ԱՄն նախկին նախագահ, նախագահի թեկնածու Դոնալդ Թրամփի դեմ նոր մահափորձի մասին են հայտնում միջազգային լրատվամիջոցները: Կրակոցները հնչել են սեպտեմբերի 15-ին, երբ Թրամփը դուրս էր գալիս Վեսթ Փալմ Բիչի գոլֆի դաշտից։ «Նա ողջ ու առողջ է»,- ասել է կոնգրեսական Թեյլոր-Գրինը։ Իրավապահները հայտնել են, որ կասկածյալը դեպքի վայրում թողել է AK-47 տեսակի ինքնաձիգ և այլ իրեր ու մեքենայով դիմել փախուստի, սակայն ավելի ուշ ձերբակալվել է: CNN-ը, Fox News-ը և New York Times-ը, վկայակոչելով իրավապահ մարմինների անանուն պաշտոնյաներին, նշել են, որ կասկածյալը Հավայան կղզիների 58-ամյա բնակիչ Ռայան Ուեսլի Ռութն է։ Պարզվել է, որ նա տարված է ուկրաինական հակամարտությամբ և փորձել է մարդկանց հավաքագրել Կիևի կողմից մարտական գործողություններին մասնակցելու համար, խոստացել՝ «կռվել և մեռնել Ուկրաինայի համար»: Հետաքննությունների դաշնային բյուրոն հրաժարվել է մեկնաբանություններից։ Մեկ այլ վարկածով՝ կրակոցները 2 տղամարդու միջև ծագած վեճի հետևանք էին և կապ չունեին Թրամփի հետ: Հավանական երկրորդ մահափորձը տեղի է ունեցել Փենսիլվանիայում նախընտրական հանրահավաքի ժամանակ Թրամփի ուղղությամբ հնչած կրակոցից ընդամենը երկու ամիս անց։ Այն ժամանակ ԱՄՆ նախագահի թեկնածուն աջ ականջի թեթև վնասվածք էր ստացել։

Արարատի մարզի բոլոր համայնքներում ակտիվորեն ընթանում են Կառավարության՝ 2023 և 2024 թվականների սուբվենցիոն ծրագրերով իրականացվող ամենատարբեր աշխատանքներ։ Այդ մասին հայտնում են ՏԿԵՆ-ից:

ՀՀ կրթության, գիտության, մշակույթի և սպորտի նախարարության աշխատակիցները և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնագետներն այցելել են Արարատի մարզի Մոշաղբյուրի Սբ Կարապետ և Լանջանիստի Սպիտակ վանք հուշարձաններ։ Այս մասին հայտնում են ՀՀ ԿԳՄՍՆ-ից։

Կիևը դեռ թույլտվություն չի ստացել Նահանգներից՝ հեռահար զենքով Ռուսաստանին հարվածելու համար, այս մասին Ուկրաինայի նախագահն ասել է CNN-ին տված հարցազրույցի ժամանակ: Զելենսկիի խոսքով՝ Ուկրաինային նման զենք է պետք ռուսական ռազմակայաններն ու ռազմական օդանավակայանները վերացնելու համար: Ուկրաինայի նախագահի պնդմամբ՝ Դաշնությունն իրենց արդեն հարվածում է մինչև անգամ 500 կմ-ից, և իրենք էլ պետք է արժանի հակահարված տալու հնարավորություն ունենան: Նախորդ շաբաթ Ռուսաստանի նախագահը հայտարարել էր, որ Արևմուտքը պատերազմի մեջ կմտնի Դաշնության հետ, եթե թույլ տա Ուկրաինային հարվածել արևմտյան արտադրության հեռահար հրթիռներով:

Վարչապետին Թբիլիսիի «Շոթա Ռուսթավելի» միջազգային օդանավակայանում դիմավորել է Վրաստանի  Տարածաշրջանային զարգացման եւ ենթակառուցվածքների նախարար Իրակլի Կարսելաձեն:

Երեկ՝ սեպտեմբերի 15-ին, խոշոր ավտովթար է տեղի ունեցել Արագածոտնի մարզում: Ժամը 18:00-ի սահմաններում Երևանի բնակիչ 25-ամյա էդուարդ Ալեքսանյանը իր վարած «Toyota» մակնիշի ավտոմեքենայով Երևան-Գյումրի ավտոճանապարհի 14 կմ հատվածում, ժողովրդին հայտնի Աշտարակի նախկին «Գայի պոստի» մոտ, դեպի Աշտարակ ընթանալիս, դուրս է եկել երթևեկելի գոտուց, բախվել ծառերին, 2-ը կոտրել ու հայտնվել երթևեկելի գոտուց դուրս:  

Իշխանությունը հաստատո՞ւմ է լուրերը, որ սահմանին ադրբեջանական զորքի կուտակումներ կան. ԱԺ պաշտպանության հանձնաժողովի նախագահը խորհրդարանական ճեպազրույցներին այս պարզ հարցին հստակ պատասխան չի տվել: Անդրանիկ Քոչարյանը նախընտրել է փոխադարձ անհանգստություններից խոսել, ասել՝ Հայաստանի պաշտպանվելը Ադրբեջանին է անհանգստացնում, Ադրբեջանի զինվելը՝ Հայաստանին: «Բայց, անհանգստության մասին պետք չի շատ խոսել, պետք է գործել, աշխատել», - ասել է Անդրանիկ Քոչարյանը՝ որպես արված գործի օրինակ բերելով Կիրանցը, որտեղ թշնամին մի քանի մետր հեռավարության վրա է միջնակարգ դպրոցից:

Սեպտեմբերի 16-ին երեկոյան ժամերին առանձին շրջաններում, 17-21-ը շրջանների զգալի մասում ժամանակ առ ժամանակ սպասվում է անձրև և ամպրոպ, սեպտեմբերի 17-ին և 19-20-ն առանձին վայրերում՝ ինտենսիվ։ Առանձին վայրերում սպասվում է նաև մառախուղ։

Հայաստանի վարչապետը մեկնել է Վրաստան։ Հայաստանի կառավարությունից Հայլուրին ասացին, որ Փաշինյանը կեսօրին՝ ժամը 1-ին կլինի Թբիլիսիում: Այլ մանրամասներ կառավարությունից չեն հայտնում: Ավելի վաղ, վրացական լրատվամիջոցները, Վրաստանի վարչապետի մամուլի ծառայությանը հղում տալով, գրում էին, որ պաշտոնական այցով է Փաշինյանը Վրաստան գնալու, հանդիպելու է վրացի պաշտոնակցի՝ Իրակլի Կոբախիձեի հետ, կկայանան անհատական և ընդլայնված կազմով հանդիպումներ, որից հետո երկու երկրների վարչապետները մամուլի համար հայտարարություն կանեն։ Հայաստանի կառավարությունը Փաշինյանի այցից ոչինչ չի հաղորդել: Իրակլի Կոբախիձեն մարտին էր այցելել Երևան, դրանից մեկ շաբաթ առաջ նա Բաքվում էր: