Լրահոս

2024 թվականի ընթացքում Հայաստանում թմրանյութ օգտագործած 7-8 ոստիկան դիմել է նարկոլոգ, Rehab.am կլինիկայի գլխավոր բժիշկ, հոգեբույժ Ալեքսանդր Մանուկյանի օգնությանը, նրանցից մեկը` կին։  Այդ մասին «Սպուտնիկ Արմենիա»-ի հետ զրույցում ասել է Մանուկյանը։

ԱԺ նախկին պատգամավոր Նաիրա Կարապետյանը նշել է՝   «Սրբազան պայքարը» հունիսի 12-ից հետո փոխեց իր մարտավարությունը ու հստակ քայլերով գնում է առաջ։

Վերջին երեք օրում դանակահարության 4 դեպքի մասին է հայտնի դարձել: Ամենաթարմը՝ եղբայրներից մեկի մահվան պատճառ է դարձել, սպանվածի եղբայրն էլ բժիշկների հսկողության տակ է: Նոր Ուղի գյուղում է եղել ողբերգությունը: Այնտեղ մեր թղթակցի հետ զրույցում դանակահարության դեպքերից ցնցված մարդիկ հիշել են՝ Փաշինյանն էր ի լուր աշխարհի հայտարարում, թե «եկել է վրեժի ժամանակը»:

Գյումրու նախկին քաղաքապետ Սամվել Բալասանյանին ձերբակալելու որոշում է կայացվել, հայտնում է 1Lurer.am-ը։ Բալասանյանի նկատմամբ հանրային քրեական հետապնդում է հարուցվել «Սև Բերդ» պատմամշակութային ամրոցի հարակից հողերը հանցավոր ճանապարհով օտարելու համար։

Իսրայելը հայտնել է, թե ցուցակագրել է իրանական այն օբյեկտները, որոնց ծրագրում է հարվածել: CNN-ն էլ, անուն աղբյուր վկայակոչելով, գրել է, թե պատրաստ է Իրանին պատասխանելու Իսրայելի ծրագիրը: Իսրայելական լրատվամիջոցները ահազանգում են՝ Թել-Ավիվը հարձակման ժամկետն է ճշտում: Վերլուծաբանները կարծում են՝ իսրայելական գործողությունը կլինի նախքան Միացյալ Նահանգների նախագահական ընտրությունները, այսինքն՝ ամենաուշը 20 օրում:

ԼՂ հայերի վերադարձի հնարավորություն կար և կա: Այս մասին ճեպազրույցի ժամանակ հայտարարել է ՌԴ ԱԳՆ ներկայացուցիչ Մարիա Զախարովան:

44-օրյա պատերազմից հետո սկսված պետական դավաճանության մեղադրանքների ահարկու շքերթը ինչո՞վ ավարտվեց: Ի վերջո, քանի՞ քրեական գործ էր հարուցվել այդ ծանր մեղադրանքով, մեղադրյալներից քանիսի՞ մեղքը ապացուցվեց, քանի՞սը արդարացվեցին: Այս մասին ԱԱԾ-ն տվյալներ չի հրապարակում: Միայն հայտնում է, որ 5 տարում բացահայտվել է պետական դավաճանության 28 դեպք: Այս թիվը հարուցել է փաստաբան Ալեքսանդր Կոչուբաևի տարակուսանքը: Նա պետական դավաճանության 3 գործերով պաշտպան է: Այսօր մեր թղթակցի հետ զրույցում Կոչուբաևը ասել է, որ իր պաշտպանյալներից մեկն արդարացվել է: Մյուսների գործերը դեռ ընթացքի մեջ են:

Հայ-ադրբերջանական «Խաղաղության պայմանագրի» ճակատագիրը շարունակում է մնալ անորոշ՝ չնայած Հայաստանի քաղաքական ղեկավարության վստահեցումներին, որ Հայաստանն ու Ադրբեջանը համաձայնության շեմին են, և խաղաղությունը «ձեռքը մեկնելու հեռավորության վրա» է: Հայաստան-Ադրբեջան առանց միջնորդ բանակցությունների առնվազն տասը ամսվա ընթացքում արդյո՞ք կողմերին հաջողվել է կարևոր հարցերում մոտեցնել դիրքորոշումները և խաղաղության գործընթացում լուրջ արդյունքների հասնել: Փաշինյանը համոզված է, որ Երևան-Բաքու ուղիղ երկխոսությունը «որոշակի արդյունավետություն է ցույց տալիս», սակայն փաստերը հակառակի մասին են վկայում: Հայաստանի գրեթե բոլոր խաղաղասիրական առաջարկները Բաքուն կա՛մ մերժում է, կա՛մ թողնում անպատասխան: Եվ այսպես՝ 10 փաստ այն մասին, որ տապալվել են անմիջնորդ բանակցությունները կամ առնազն մտել փակուղի:

«Ցեղասպանության թանգարան» ինստիտուտի նախկին տնօրեն Հայկ Դեմոյանը առաջարկում է բերման ենթարկել ԿԳՄՍ նախարարին, Հարություն Մարությանին, Հրանուշ և Լուսինե Խառատյաններին:

Երևանը նախապատրաստվում է հորդառատ անձրևներին: «Հիդրոօդերևութաբանության և մոնիթորինգի կենտրոնում» կանխատասել են, որ տեղումները կսկսվեն այս երեկո: Քաղաքապետարանից տեղեկացնում են, որ վարչական շրջաններում այսօր սահմանվելու են հերթապահություններ՝ տեղերում հնարավոր խնդիրները արագ հարթելու համար: Ըստ օդերևութաբանների՝ այսօր սկսվող հորդառատ անձրևները կլինեն հոկտեմբեր ամսվա նորմայի 100-150 տոկոսի չափ:

««Զանգեզուրի միջանցք» տերմինը, որի մասին դուք ասացիք, մենք այդ տերմինը չենք գործածում։ Հարցը ռուս սահմանապահների ներկայությունն է հայ-իրանական և հայ-թուրքական սահմանին, որը բոլորիվ այլ թեմա է»,- այս մասին հերթական ճեպազրույցի ընթացքում ասաց ՌԴ ԱԳՆ ներկայացուցիչ Մարիա Զախարովան։

«Ի պատասխան մի շարք լրատվամիջոցներում հրապարակված հետևյալ վերնագրով հոդվածի «Արմենիա» բժշկական կենտրոնում 21-ամյա աղջիկ է մահացել, մայրը հայտնել է, որ աղջկա ձեռքերը կապել են, հարվածել», «Արմենիա» բժշկական կենտրոնը հակադարձում է.

Հոկտեմբերի 16-ի՝ ժամը 17:54-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սևան քաղաքի ռեստորանային համալիրներից մեկի մոտակայքում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Ես չեմ կարծում, որ ստորագրահավաքի անհրաժեշտություն կա, ինքս ստորագրահավաք չեմ նախաձեռնի, բայց Արգիշտի Քյարամյանի վարքագիծն ունեցող, էդ մակարդակի պաշտոնյան չպետք է մեր երկրում պաշտոնավարի,  «Փաստինֆո»-ի հետ զրույցում ասել է ՔՊ-ական պատգամավոր Հովիկ Աղազարյանը՝ անդրադառնալով նախօրեին ԱԺ-ում կազմակերպված լսումների ընթացքում տեղի ունեցած միջադեպին։

Հայլուր 20։30 Բացահայտված դավաճաններ և ոչ մի դատավճի՞ռ. նոր մանրամասներ՝ «գլխավոր դավաճանի» գործից

Այսօր՝ հոկտեմբերի 16-ին, ողբերգական դեպք է տեղի ունեցել Լոռու մարզում։ Ժամը 16։50-ի սահմաններում ՀՀ ներքին գործերի նախարարության ոստիկանության Տարոնի բաժնում օպերատիվ տեղեկություններ են ստացվել, որ Տարոն 4 թաղամասում ամբարձիչը (կռանը) ընկել է քաղաքացու վրա:

Քննչական կոմիտեի նախագահ Արգիշտի Քյարամյանի սկանդալային «դեբյուտը» Ազգային ժողովում չի ողջունում խորհրդարանական մեծամանսությունը: Պաշտպանության, Ներքին գործերի խորհրդարանական հանձնաժողովի նախագահ Անդրանիկ Քոչարյանն այսօր ասել է, որ «հատկապես ուժային կառույցների ղեկավարները պետք է պահպանեն բարեվարքության պահանջները»: «Աղազարյանն առավոտից իրիկուն մեզ էլ է անհարմար վիճակի մեջ դնում, ուրեմն, բոլորս պետք է դանակը առնենք ու Աղազարյանին դանակահարենք»: Հայաստանում դանակահարության դեպքերի աճող վիճակագրության ֆոնին՝ այսպիսի տարակուսելի հայտարարություն է արել Անդրանիկ Քոչարյանը:

Հոկտեմբերի 12-16-ն Ազգային ժողովի նախագահի գլխավորած պատվիրակությունը Շվեյցարիայում էր: Ժնեւում կայացավ Միջխորհրդարանական միության 149-րդ վեհաժողովը, որի ընդհանուր քննարկումների ժամանակ ելույթ ունեցավ Ազգային ժողովի նախագահ Ալեն Սիմոնյանը:

Բրյուսելում հոկտեմբերի 15-ին տեղի է ունեցել ՀՀ-ԵՄ քաղհասարակության պլատֆորմի 5-րդ նիստը, որը ղեկավարել են համանախագահներ Լուսինե Հակոբյանը և Սիմո Տիայնենը։  

«Խաղաղության պայմանագրի» շուրջ մշուշը արդյո՞ք հնարավոր կլինի ցրել Ստամբուլում, ուր պատրաստվում է մեկնել Հայաստանի արտգործնախարարը՝ մասնակցելու ուրբաթ կայանալիք «3+3» տարածաշրջանային հավաքին: Հայտնի է, որ Մոսկվայում Փաշինյանն առաջարկել է Ալիևին՝ կազմակերպել արտգործնախարարների երկօրյա հանդիպում՝ համաձայնեցնելու պայմանագրի չհամաձայնեցված կետերը: Սակայն պարզ չէ՝ Հայաստանն ու Ադրբեջանը դիտարկո՞ւմ են Ստամբուլում երկկողմ հանդիպում անցկացնելու հնարավորությունը, թե՞ ոչ: Տարածաշրջանային խոշոր խաղացողների՝ Ռուսաստանի, Իրանի և Թուրքիայի մասնակցությամբ ստամբուլյան հավաքում մեզ համար ամենազգայուն թեման, այսպես կոչված, «Զանգեզուրի միջանցքը» կարող է դառնալ առանցքային: Խաղաղության պայմանագրից ժամանակավորապես դուրս բերված այդ հարցի շուրջ քաղաքական լուռ հակամարտությունը օրեցօր ավելի է սրվում: