Լրահոս

Նշված ժամանակահատվածում ճանապարհի երթևեկությունը ժամանակավորապես կսահմանափակվի։

«Մտածո՞ւմ եք մի թեթև ջուր, սուրճ, թեյ, տենց բաների վաճառք կամաց-կամաց սկսեք իրականացնել, բայց՝ օրինական»,- Շիրակի մարզի Անիպեմզա համայնքի բնակիչների հետ հանդիպման ժամանակ խորհուրդ տվեց Փաշինյանը՝ նշելով, որ այդկերպ համայնքը զբոսաշրջիկների համար գրավիչ կդառնա․

«Ադրբեջանական կողմը քանդել է Ստեփանակերտ քաղաքի կենտրոնում գտնվող պատմական թաղամասը, որի տները կառուցվել էին 19-րդ դարավերջին և 20-րդ դարի սկզբներին։ Տները գերազանցապես մեկ, որոշները՝ երկհարկ էին, կառուցված տեղական սպիտակ կրաքարով: 19-րդ դարավերջին տնտեսական կյանքի աշխուժացմամբ պայմանավորված բնակավայրը զգալիորեն վերակառուցվում, կառուցապատվում է Շուշիում գործող քաղաքաշինական կանոնավոր սկզբունքներով: Ստեփանակերտ քաղաքի պատմական թաղամասի տները ակնհայտ նմանություն ունեն Շուշիի պատմական տներին: Տների զգալի մասը կառուցվել է հայ բնակիչների կողմից։

2024 թվականին զինված ուժերում արձանագրվել է 39 զինծառայողի մահվան դեպք, որից 4-ը՝ հրադադարի ռեժիմի խախտման հետևանքով: «Խաղաղ պայմաններում զինվորների մահվան դեպքերի աճ․ ո՞վ է պատասխանատու» խորագրով քննարկման ժամանակ «Մեդիա կենտրոնում» հայտարարեց իրավապաշտպան Նազելի Մովսիսյանը։

ՀՀ քննչական կոմիտեն իր լիազորություններից բխող անհրաժեշտ գործիքակազմով միջոցառումներ է իրականացնում՝ ճանապարհատրանսպորտային հանցագործությունների և դժբախտ ելքով ավտոպատահարների կանխարգելման ուղղությամբ։

ԱԺ-ում ընթանում է ընդդիմադիր պատգամավորների կողմից նախաձեռնված «Բաքուն ոչնչացնում է Արցախի պատմամշակութային ժառանգությունը» թեմայով քննարկում:

«Հոկտեմբերի 18-ին Ստամբուլում անցկացվող «3+3» խորհրդակցական հարթակի հանդիպման շրջանակներում ՀՀ արտաքին գործերի նախարար Արարատ Միրզոյանը հանդիպում է ունեցել Թուրքիայի արտաքին գործերի նախարար Հաքան Ֆիդանի հետ:

Հարավային Կովկասի տարածաշրջանում կայուն խաղաղության հասնելու համար Հայաստանը պետք է անհրաժեշտ փոփոխություններ կատարի իր Սահմանադրության մեջ և դրանով «վերացնի նախկին հակամարտության նարատիվների և կառույցների մնացորդները»:

Ստամբուլում կայացել է ՀՀ և Իրանի ԱԳ նախարարներ՝ Արարատ Միրզոյանի և Աբբաս Արաղչիի հանդիպումը, այս մասին հայտնում է Tasnim գործակալությունը:

ՊԵԿ-ը հիշեցնում է Հայաստանի Հանրապետության մաքսային սահմանը հատող քաղաքացիներին, թե անձնական օգտագործման ապրանքներ տեղափոխելիս ինչ արգելքներ ու սահմանափակումներ են գործում։ 

«Հիմք ընդունելով ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանի հրաժարականի մասին դիմումը եւ առաջնորդվելով «Ազգային ժողովի կանոնակարգ» սահմանադրական օրենքի 147-րդ հոդվածի 2-րդ մասի 2-րդ կետով՝ 2024 թվականի հոկտեմբերի 18-ից դադարած համարել ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանի լիազորությունները»,- նշված է ԱԺ նախագահի տեղակալ, ԱԺ նախագահի պարտականությունները ժամանակավոր կատարող Ռուբեն Ռուբինյանի ստորագրած արձանագրության մեջ:

Անհատ տաքսու վարորդները ահազանգում են, թե իրենց արգելում են մտնել «Զվարթնոց» օդակայանի տարածք, ուղևոր վերցնել: Ըստ վարորդների՝ ոստիկանությունը բերման է ենթարկում վարորդներին, ՆԳՆ-ն էլ պարզաբանում է, թե գրեթե երկու տասնյակ վարորդ ձերբակալվել է հասարակական կարգը պահպանող ոստիկանների կողմից:

Ուրախ եմ ընդգծել, որ այս նախաձեռնությունը ողջունել են մեր բազմաթիվ գործընկերներ, և Իրանը նրանց շարքում առաջիններից էր։ Ունենալով փոխադարձ հանձնառություն՝ ընդլայնելու մեր առևտրային և հաղորդակցային կապերը՝ Հայաստանը ձեռնարկում է ակտիվ գործնական քայլեր Հյուսիս-հարավ ավտոճանապարհի կառուցման ուղղությամբ, գնահատում է Չաբահար նավահանգստի օգտագործման առավելությունները, ինչպես նաև աշխատում է մեր երկրների միջև ճանապարհային վճարները փոխադարձաբար նվազեցնելու ուղղությամբ։

Հայլուր 15։30 Միրզոյանն ու Բայրամովը՝ Ստամբուլում. Ադրբեջանն ավելի է կոշտացնում նախապայմանը

Բնապահպանության և ընդերքի տեսչական մարմնի աշխատակիցների Գեղարքունիքի մարզի Սևան քաղաքում գտնվող «Մարիա Ռեզորթ» հյուրանոցային համալիրում կատարված ստուգմամբ պարզվել է, որ տարածքում շահագործվող 2 խորքային հորից իրականացվել է ապօրինի ջրօգտագործում՝ առանց համապատասխան թույլտվության։

Թել-Ավիվը հայտնել է՝ ՀԱՄԱՍ-ի ղեկավարի սպանության մասին: Ըստ իսրայելական կողմի՝ Յահյա Սինվարը սպանվել է ոչ թե հատուկ ջոկատայինների գործողությունների ժամանակ, այլ՝ իսրայելական զորքերի հետ «պատահական բախման ժամանակ» Գազայի հարավում գտնվող Ռաֆահում։ Սինվարի սպանությունը Իսրայելի ամենամեծ հաղթանակ է որակել BBC-ն, Իսրայելի վարչապետն էլ ասել է՝ թեկուզ մեծ է հաղթանակը, պատերազմը դեռ ավարտված չէ:

Ինքնասպանություն է գործել զինծառայող Աղասի Դալլաքյանը, պարզել է Քննչական կոմիտեն: Կիրակի էր ՊՆ-ն հաղորդել, որ առավոտյան հայտնաբերվել է զինվորի մարմինը, վարույթ էր նախաձեռնվել սպանության հատկանիշներով: ՔԿ-ն հայտնում է, որ Աղասիին ինքնասպանության են հասցրել դասակի հրամանատարն ու ծառայակիցներից մեկը: Ըստ կոմիտեի՝ դասակի հրամանատար սպան ու շարքայիններից մեկը կրակային դիրքում նվաստացրել են մարտական հերթապահության ընդգրկված, նույն զորամասի զինծառայող Աղասի Դալլաքյանի պատիվն ու արժանապատվությունը։ «Դրա հետևանքով գտնվելով անելանելի վիճակում՝ նշված օրը, նույն կրակային դիրքում դիտորդի պարտականությունները կատարելու ընթացքում, վերջինս իրեն ամրակցված «AKM» տեսակի ինքնաձիգով մեկ կրակոց է արձակել կզակի շրջանում և ինքնասպան եղել»,- ասված է ՔԿ հաղորդագրությունում: Լեյտենանտն ու շարքայինը կալանավորվել են:

Նախօրեի հորդառատ անձրևները կրկին հեղեղել են Երևանը։ Ֆեյսբուքյան օգտատերերն են կադրերը հրապարակել: Հինգշաբթի ուշ երեկոյան անձրևաջրերը ողողել են Դավիթաշեն վարչական շրջանի՝ Եղվարդի խճուղին, վարորդները դժվարությամբ են կարողացել երթևեկել: Հորդառատ անձրևներից հետո անգամ քայլելն է անհնար դարձել մայրաքաղաքի շենքերի բակերում, այնտեղ անձրևաջրերը լճակների են վերածվել: Գիշերը առաջին ձյունն է տեղացել Հայաստանի բարձր լեռնային շրջաններում: Այս կադրերը Արագածոտնի մարզում են նկարահանվել այսօր առավոտյան:

Ինչպես արդեն ՀՀ քննչական կոմիտեն հայտնել է, 2024թ․ հոկտեմբերի 13-ին` ժամը 09:30-ի սահմաններում, ՀՀ ՊՆ N զորամասի պահպանության տեղամասի կենտրոնացման շրջանում հայտնաբերվել էր մարտական հերթապահություն իրականացնող, նույն զորամասի զինծառայող Աղասի Սերոժի Դալլաքյանի դին՝ կզակի շրջանում հրազենային վիրավորումով:

Հայլուր 12։30 Պատերազմն ավելի սարսափելի կդառնա կամ կավարտվի՝ ՀԱՄԱՍ-ի առաջնորդի սպանությունից հետո