Լրահոս

Բաքվից խաղաղության պայմանագրի չհամաձայնեցված կետերն են գաղտնազերծել, Երևանը ո՛չ հերքում, ո՛չ հաստատում է դրանց իսկությունը։ Դրանցից երկուսը, ըստ Ալիևի կառավարությունից ֆինանսավորվող վերլուծական կենտրոնի ղեկավար Ֆարիդ Շաֆիևի, վերաբերում են հայ-ադրբեջանական սահմանից ԵՄ դիտորդների դուրս բերմանը և Հայաստանի հետ իրավական վեճերի բացառմանը։

Այսօր՝ նոյեմբերի 8-ին, արտակարգ դեպք է տեղի ունեցել Երևանում: Ժմը 11:10-ի սահմաններում Լուկաշինի փողոցում գործող գազաքլցակայանի տարածքում Երևանի քաղաքապետարանի հաշվեկշռում հաշվառված թիվ 26 երթուղին սպասարկող ավտոբուսը ինքնաբերաբար առաջ է ընթացել և բախվել գազալցակայանի տարածքում տեղադրված երկաթե ցանցին և բետոնե հատվածին:

Նոյեմբերի 8-ին, ժամը 08:01-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կոթի գյուղում այրվում է տուն:

Սպիտակ տան համար մրցապայքարում Թրամփի հաղթանակից հետո միջազգային գլխավոր ինտրիգներից մեկը հանգուցալուծվեց: Վլադիմիր Պուտինը շնորհավորել է ԱՄՆ ընտրված նախագահին: Սակայն ոչ թե հեռախոսազանգով կամ շնորհավորական գրավոր ուղերձ հղելով, այլ «Վալդայ» ակումբում հարցերի պատասխանելով: Կրեմլի ղեկավարը արձագանքել է նաև նախընտրական արշավի ժամանակ Թրամփի հնչեցրած խոստումներին, թե 24 ժամում մեկ զանգով կկանգնեցնի ուկրաինական պատերազմը:

Գեղարքունիքի մարզի ջրային պարեկները նոյեմբերի 5-ի ժամը 23.20-ին Փամբակ գյուղում ծառայության ընթացքում նկատել են երկու երիտասարդի, որոնց մոտ որսորդական հրացաններ կային: Երիտասարդները հրացանների վերաբերյալ համապատասխան փաստաթղթեր չեն ներկայացրել: Հրացանների օրինականությունը, ինչպես նաև զենք պահելու և կրելու թույլատվությունը ստուգելու նպատակով պարեկները երիտասարդներին տեղափոխել են Համայնքային ոստիկանության Վարդենիսի բաժին: Այստեղ պարզվել է, որ երկփողանի և մեկփողանի ողորկափող հրացանների օրինականության վերաբերյալ համապատասխան փաստաթուղթ երիտասարդները չունեն: Նրանք բաժնում ներկայացրել են նաև 16 մմ տրամաչափի 14 փամփուշտ:

Բրիտանական առաջատար լրատվամիջոցների («The Guardian», «The Spectator», «The Telegraph» և այլն) լրատվամիջոցների ներկայացուցիչները Հայաստան կատարած այցի շրջանակներում նոյեմբերի 7-ին եղան նաև Հայոց ցեղասպանության հուշահամալիրում և թանգարանում:

Այսօր՝ նոյեմբերի 8-ին, խոշոր հրդեհ է տեղի ունեցել Արարատի մարզում: Ժամը 09:10-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Արտաշատ քաղաքի Օգոստոսի 23-ի փողոցում գործող արագ սննդի կետերից մեկում հրդեհ է բռնկվել:

Հայլուր 12։30 Պուտին-Թրամփ. ո՞վ ո՞ւմ առաջինը կզանգի

Օրերս ՀՀ ՊԵԿ մաքսանենգության դեմ պայքարի վարչության օպերատիվ հետախուզության բաժնի աշխատակիցներն օպերատիվ տվյալներ էին ստացել առ այն, որ «Ագարակ» մաքսային անցման կետի տարածքում՝ մարդատար ավտոմեքենաների համար նախատեսված ռենտգեն սարքավորման ետնամասում՝ պետական սահմանին կից, առկա է մեծ քանակությամբ ծխախոտային արտադրանք։

Ամենայն Հայոց Կաթողիկոս Գարեգին Բ-ի հրավերով` ՀՀ մարդու իրավունքների նախկին պաշտպան Արման Թաթոյանը Մայր Աթոռ Սուրբ Էջմիածնում մասնակցել է Գերագույն հոգևոր խորհրդի նոյեմբերի 6-ի ժողովին:

Մամուլի տեսություն 08.11.2024

Նա մանրամասնում է՝ ժամանակներն ու իրողություններն այլ են, միջազգային իրավիճակն այլ է, շատ ուղղություններով էլ ամերիկյան արտաքին քաղաքականությունը շատ հեռու է գնացել Բայդենի նախագահության չորսամյակում (այդ թվում Հարավային Կովկասում): Նույնիսկ լինելով գլոբալ գերտերության ղեկավար, Թրամփը չի կարող հաշվի չառնել այս իրողությունները:

«Հավելեմ որ, նեյեմբերի 1-ին նախորդող 7 օրերին հավաքագրումը կազմել է 188 474 600 ՀՀ դրամ»,-նշել է Կոստանյանը։

ՀՀ քննչական կոմիտեի Արարատի մարզային քննչական վարչության Մասիսի քննչական բաժնում քննվող քրեական վարույթի նախաքննությամբ պարզվել են Երևանի 40-ամյա բնակչի կողմից իրացնելու նպատակով առանձնապես խոշոր չափերով թմրամիջոցների ապօրինի շրջանառության դեպքի մի շարք հանգամանքներ։ Այդ մասին հայտնում են ՀՀ ՔԿ-ից:

Նոյեմբերի 2-ին «Գոյ» թատրոնի դերասանական ու ստեղծագործական կազմը հանդես է եկել հայտարարությամբ, որ կվերսկսեն իրենց բնականոն աշխատանքը, սակայն, նոյեմբերի 4-ին Սունդուկյանի անվան ազգային ակադեմիական թատրոնի տնօրեն Վարդան Մկրտչյանը պնդել է՝ որևէ որոշում չկա, որ «Գոյ» թատրոնը վերսկսի իր բնականոն աշխատանքը

Մինչ Հայաստանի իշխանությունները ցորենի ու բրնձի երկընտրանքի առաջ են կանգնեցնում քաղաքացիներին, Հայաստանում, որտեղ երբեք բրինձ չեն ցանել, հիմա ցորեն էլ չեն ցանում: Կառավարությունն այս տարի ցորենի աշնանացանի համար սուբսիդիա չի տվել: Ըստ էկոնոմիկայի նախարարի՝ փորձում են հասկանալ՝ արդյունավե՞տ է ծրագիրը, թե՞ ոչ:

Գյումրի համայնքի ավագանու «Քաղաքացիական պայմանագիր» խմաբակցության ղեկավար Քնարիկ Հարությունյանը «Ֆեյսբուք»-ի իր էջում հայտնել է, որ առաջիկա ավագանու նիստում խմակցությունը չի պատրաստվում առաջադրել քաղաքապետի թեկնածու կամ քվեարկել այլ խմբակցությունների կողմից առաջադրվելիք թեկնածուների օգտին:

Նոյեմբերի 8-ին, ժամը 05:16-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Վերին Խոտանան գյուղի վերջնամասում բեռնատար ավտոմեքենան երթևեկելի հատվածում ընդունել է մկրատաձև դիրք, ինչի հետևանքով ճանապարհահատվածը երկկողմանի փակ է. դուրս բերելու համար անհրաժեշտ է փրկարարների օգնությունը:

Կիրակոսյանների ընտանիքում նոր Հայկ է ծնվել: Ազատի զինվորական կացարանում տեղի ունեցած ողբերգության հետևանքով զոհված զինվորի ընտանիքում փոքրիկի ծնունդը մեղմել է որդեկորույս ծնողների մեծ վիշտը:

«Հրապարակ» թերթը գրում է. «Թեեւ Նիկոլ Փաշինյանն անցած շաբաթ փակ նիստում սաստել է կուսակիցներին՝ հորդորելով այլեւս չխոսել հայտնի լսումներից ու Արգիշտի Քյարամյանին պատժելուց, սակայն ՔՊ ներքին զրույցների թեման շարունակում է մնալ Քյարամյանին պատասխանատվության ենթարկելու պահանջը։