Լրահոս

Հայաստանն ու Ադրբեջանը ոչ միայն խաղաղության պայմանագրի, այլև ռազմավարական գործարք կնքելու կարիք ունեն: Այս նոր ձևակերպումը Փաշինյանն այսօր երեկոյան հնչեցրել է խորհրդարանի ամբիոնից: Ըստ Փաշինյանի՝ հայերն ու ադրբեջանցիները պետք է հասկանան, թե ինչ բանաձևերի շրջանակում են առաջիկա հարյուրամյակներում պատրաստվում ապրել կողք-կողքի: Հայ-ադրբեջանական «ռազմավարական գործարքի» մասին Փաշինյանի պատկերացումը հենվում է «Իրական Հայաստանի» իր իսկ հայեցակարգի վրա: Նա իր պատկերացումները Ալիևին ներկայացրել է Կազանում, երեք շաբաթ առաջ:

Ամեն երկրի ԱԳ նախարար մեկնաբանություն է անում՝ ելնելով իր երկրի տեսլականից, շահերից ու պատկերացումներից և, ըստ ամենայնի, մեր ՌԴ գործընկերը ներկայացրել է ՌԴ-ի տեսլականը»,- ԱԺ-կառավարություն հարցուպատասխանի ժամանակ հայտարարեց ԱԳ նախարար Արարատ Միրզոյանը՝ անդրադառնալով ՌԴ ԱԳ նախարար Սերգեյ Լավրովի այն հայտարարությանը, որ ի տարբերություն արևմտյան կեղծ միջնորդների, Մոսկվան չի դրդում Երևանին և Բաքվին հապճեպ պայմանագիր կնքել։

Ուրուգվայի Ներկայացուցիչների պալատի նախագահ Անա Օլիվերան, Ուրուգվայի նախկին նախագահներ Խուլիո Մարիա Սանգինետտին և Լուիս Ալբերտո Լակաժե Էռեռան, 45 պատգամավոր և 4 սենատոր Ադրբեջանին կոչ են անում ազատ արձակել բոլոր հայ ռազմագերիներին և պատանդներին:

«Ուզում եմ գոհունակությունս արտահայտել Ադրբեջանի նախագահի հետ՝ իմ ու հետո՝ ընդլայնված կազմով շփումների վերաբերյալ: Այդքան երկար խոսակցություն կամ վաղուց, կամ ընդհանրապես չէինք ունեցել։ Գոնե ես զգում էի, որ մի քիչ էլ կոռեկտության խնդիր կա, որովհետև մյուս լիդներները ելույթ են ունենում, մենք այդ ընթացքում մտքեր ենք փոխանակում, բայց շատ կարևոր զրույց տեղի ունեցավ»,-  ԱԺ-ում  հայտարարեց նա:

Ռուսաստանը դժգոհ էր ԵԱՀԿ Մինսկի խմբի աշխատանքից, ինչի մասին բազմիցս բացահայտ հայտարարել է։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Հայլուր 18։30 Պղտորվում են հայ-ադրբեջանական ջրերը. ԱՄՆ դեսպանի սկանդալային հայտարարության հետքերով

ՀՀ հակակոռուպցիոն կոմիտեում քննված բազմադրվագ քրեական վարույթով կատարված նախաքննությամբ բացահայտվել են զորակոչիկներին պարտադիր ժամկետային զինվորական ծառայությունից ազատելու նպատակով հիմքեր ստեղծելու համար մասնավոր ոլորտում կաշառք ստանալու, տալու, պաշտոնատար անձանց կաշառք տալու փորձի, ինչպես նաև կաշառքի պատրվակով գումար ստանալու և կոռուպցիոն բնույթի այլ հանցանքներ կատարելու դեպքեր: Այս մասին NEWS.am-ին հայտնում են հակակոռուպցիոն կոմիտեից:

Դատախազը 2024 թվականի նոյեմբերի 13-ին հաստատել է մի խումբ անձանց կողմից 2024 թվականի հունիսի 12-ին Երևան քաղաքում կատարված սպանությունը կազմակերպած և ղեկավարած անձանց վերաբերյալ մեղադրական եզրակացությունը և վարույթի նյութերի հետ հանձնել իրավասու դատարան:

Ռուսական կործանիչները հասցնում են նաև միջազգային ավիաշոուների մասնակցել: Ռուսաստանը Չինաստան է գնացել հինգերորդ սերնդի Սու-57 կործանիչների դեբյուտով: Բազմաֆունկցիոնալ կործանիչը նախատեսված է հակառակորդի բոլոր տեսակների օդային թիրախները ոչնչացնելու, ցամաքային ու վերջրյա թիրախները խոցելու, տեղակայման վայրերից մեծ հեռավորության վրա օդային տարածքի վերահսկման, հակառակորդի գործողությունների կառավարման համակարգերը շարքից դուրս բերելու համար։ Առասպել է. պնդում է ուկրաինական մամուլը՝ հղում անելով տարբեր փորձագետների: Նրանք ասում են, որ ռուսները հանդիսատեսի համար անմատչելի գոտի չէին կարողացել ապահովել, իսկ չինացիները ազատ նկարահանում էին անտեսանելի կործանիչը:

Նոյեմբերի 13-ի ցերեկը, 14-15-ը սպասվում է առանց տեղումների եղանակ։ Նոյեմբերի 16-ի ուշ երեկոյան, 17-18-ը առանձին շրջաններում սպասվում են տեղումներ, լեռնային շրջաններում՝ ձյուն։

Այսօր՝ նոյեմբերի 13-ին ՀՀ ՊՆ ռազմական ոստիկանության Իջևանի ռազմական ոստիկանության կարգապահական գումարտակում զինծառայող է մահացել: 19-ամյա զինծառայողի մարմինը հայտնաբերվել է ժամը 15։00-ի սահմաններում։ Այս մասին հայտնում են լրատվամիջոցները։

ՔՊ-ական մի պատգամավոր ասում է՝ այնպիսի հզոր հենակետեր են կառուցվում այսօր, որ ինքն իր ընտանիքին պատերազմի դեպքում վերցնելու է գնա հենակետ, որովհետև միակ ապահով տեղն է։

Մոտ մեկ ամիս միայնակ պահել է դիրքը դաղստանցի Զաքարիան՝ Զապորոժիեի ուղղությամբ: Ռուս-ուկրաինական պատերազմից հերոսական դրվագ են տարածում ռուսական լրատվամիջոցները՝ հակառակ Կիևի պնդումների, թե Մոսկվան զինվորի խնդիր ունի ռազմաճակատում:

Հանրապետության նախագահ Վահագն Խաչատուրյանը նոյեմբերի 13-ից 15-ը աշխատանքային այցով մեկնել է Շվեյցարիայի Համադաշնություն:

Ադրբեջանի կողմից օկուպացված Ստեփանակերտում հոկտեմբերի 20-ին մահացած տարեց հայ կնոջ մարմինն առ այսօր չի փոխանցվել Հայաստանին՝ նրան ՀՀ-ում հուղարկավորելու համար։

Նոյեմբերի 12-ին Հունգարիա կատարած այցի շրջանակում ՆԳ նախարար Վահե Ղազարյանը հանդիպել է Հունաստանի միգրացիայի և ապաստանի նախարար Նիկոս Պանագիոտոպուլոսին։

ՀՀ քննչական կոմիտեի հատկապես կարևոր գործերով քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցա­գործություն­ների քննության վարչությունում իրականացված քննչական և վարութային մեծածավալ գործողությունների արդյունքում բացահայտվել է առանձնապես խոշոր չափերով «Մարիխուանա», «Հերոին» և «Մեթամֆետամին» տեսակի թմրամիջոցների մաքսանենգությանն օժանդակելու և իրացնելու նպատակով ապօրինի շրջանառության դեպք․ 4 անձի մասով նախաքննությունն ավարտվել է։

Եվրոպայի խորհրդի Խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման հանձնաժողովը Հայաստանի վերաբերյալ հրապարակել է զեկույց՝  ներկայացնելով ոստիկանության և զինվորականների կողմից ազատությունից զրկված, ինչպես նաև բանտերում, սոցիալական խնամքի տներում (ինտերնատներում) պահվող անձանց վիճակը։

ՔՊ-ական Հովիկ Աղազարյանը պատանեկության տարիներին լացել է «Կիլիկիա» երգը լսելիս, մեծացել, հասկացել է, որ զուր էր էներգիա ծախսում՝ Կիլիկիան ուր, ինքը՝ ուր: Այս խոստովանությունն իշխանական պատգամավորը խորհրդարանական ամբիոնից է արել՝ անդրադառնալով ընդդիմադիր պատգամավոր Արմեն Ռուստամյանի՝ հայրենիքին վերաբերող հայտարարություններին: ՔՊ-ականները պնդում են՝ իրենց հայրենիքն իրական Հայաստանն է, այն Հայաստանը, որ իրենք են ստեղծում:

ՀՀ Քննչական Կոմիտեն ՀՀ քրեական դատավարության 1-ին մասի 1-ին կետով, այն է` մեղսագրվող արարքը չկատարելու հիմքով՝ Ասկերանի քաղաքապետ Հայկ Ալեքսանդրի Շամիրյանի նկատմամբ ՀՀ քրեական օրենսգրքի 255-րդ հոդվածի 3-րդ մասի 3-րդ կետով և 457-րդ հոդվածի 1֊ին մասով հարուցված հանրային քրեական հետապնդումը դադարեցրել է. այս մասին տեղեկացրել է փաստաբան Վահե Եփրիկյանը։