Լրահոս

77 կգ քաշային կարգում ՀՀ ԶՈՒ հավաքականի անդամ, ժամկետային զինծառայող Աշոտ Խաչատրյանը հաղթել է Հորդանանի Թագավորության մասնակցին և նվաճել Ըմբշամարտի զինվորականների աշխարհի առաջնության բրոնզե մեդալ։ Այդ մասին տեղեկացնում են ՀՀ ՊՆ-ից։

67 կգ քաշային կարգում ՀՀ ԶՈՒ հավաքականի անդամ, ժամկետային զինծառայող Գասպար Տերտերյանը հաղթել է Իրանի Իսլամական Հանրապետության մասնակցին և նվաճել ոսկե մեդալը՝ դառնալով Ըմբշամարտի զինվորականների աշխարհի առաջնության չեմպիոն: Այդ մասին հայտնում են ՀՀ ՊՆ-ից։

ԱՄՆ-ն Ուկրաինային ռազմական օգնության նոր փաթեթ կհատկացնի: Այս մասին գրում է ria.ru-ն՝ հղում անելով Պենտագոնի հայտարարությանը:

Օրերս Oragir.News-ը գրել էր, որ Նիկոլ Փաշինյանը Կարեն Սարուխանյանին ուղարկել էր արյան անալիզ հանձնելու` արյան մեջ թմրանյութի առկայությունը ստուգելու համար։ Oragir.News-ի ոստիկանության աղբյուրի փոխանցմամբ` ՔՊ-ական քաղաքապետի թեկնածուի թեստի արդյունքը եղել է դրական։

Սուրբ Աթոռում Հայ Առաքելական եկեղեցու ներկայացուցիչ, Արևմտյան Եվրոպայի հայրապետական պատվիրակ Խաժակ արքեպիսկոպոս Պարսամյանը  Արցախի կրոնական և  մշակութային ժառանգության պահպանությանը նվիրված միջազգային համաժողովում խոսել է  քրիստոնեկան սիմվոլների ոչնչացման մասին։ «Այն, ինչ կատարվում է Արցախի քրիստոնեկան ժառանգության հետ, սարսափափելի է։ Խոսքը գնում է եկեղեցիների, վանքերի,  սրբավայրերի մասին։ Գումարած այն փաստը, որ 120 հազար մարդ ստիպված է եղել փախչել պատերազմի պատճառով, և այժմ հույս ունենք, որ նրանք  կկարողանան վերադառնալ իրենց նախնիների հողերը։ Այս ուղղությամբ աշխատում է դիվանագիտությունը։ Մենք անկեղծորեն հույս ունենք, ես անձամբ լիահույս եմ, որ դա տեղի կունենա»,-իտալական ilmessaggero.it պարբերականի փոխանցմամբ, նշել է Սրբազանը։

Politik.am-ը գրում է.  Շաբաթներ առաջ մենք տեղեկություններ ստացանք, որ ԱՄՆ պատվերով Հայաստանում իրականացվել է հարցում՝ Աննա Հակոբյանի հավանական վարչապետության վերաբերյալ հանրային տրամադրությունները հասկանալու համար։ Թե ի՞նչ արդյունք են ստացել՝ հայտնի չէ, բայց պարզ է, որ Արևմուտքի համար Փաշինյանին փոխարինողների ցուցակում կա նաև Աննա Հակոբյանը։

Դատախազությունը  վերաքննիչ բողոք կներկայացնի «Պզո» մականվամբ հայտնի «օրենքով գող»   Արմեն Ղազարյանի արդարացման վճռի դեմ:

Երևանը պատրաստվում է 2025-ը դիմավորել նախորդ տարիների զարդարանքներով: Տոնածառն էլ այս տարի չեն փոխել քաղաքային իշխանությունները: Բայց անվտանգային խնդիրներով մտահոգ դեմքերը քաղաքում ավելի շատ են, քան ամանորյա զարդարանքից գոհ մարդիկ:

63 կգ քաշային կարգում ՀՀ ԶՈՒ հավաքականի անդամ Հրաչյա Պողոսյանը հաղթեց Կոլումբիայի Հանրապետության մասնակցին և նվաճեց բրոնզե մեդալը։ Այս մասին տեղեկացնում են ՀՀ ՊՆ-ից:

Վարչապետ Նիկոլ Փաշինյանն այսօր Մանկավարժական համալսարանում ներկայացրել է «Ակադեմիական քաղաք» նախագծի կրթական կլաստերի նկարագիրը, որին մասնակցել են բացառապես նախօրոք ցուցակագրված ուսանողներ և դասախոսներ։

Ռուս-ուկրաինական հակամարտությունը ավելի է սրվում: Այսօր Ուկրաինայում հուժկու օդային հարձակում է կանխատեսել Վաշինգտոնը: Բայդենի վարչակազմն էլ թույլատրել է Ուկրաինային հակահետևակային ականներ փոխանցել: 

53 կգ քաշային կարգում ՀՀ ԶՈՒ հավաքականի անդամ կուրսանտ Էլեն Բաբաջանյանը հաղթեց Մոնղոլիայի մրցակցին և նվաճեց արծաթե մեդալը: Այս մասին տեղեկացնում են ՀՀ ՊՆ-ից:

6 պաշտոնյաների հրաժարականից հետո մանդատաթողության շքերթ էին կանխատեսել վերլուծաբանները: Երեքշաբթի արդեն հայտնի էր, որ առողջապահության խորհրդարանական հանձնաժողովի նախագահ, ՔՊ-ական Նարեկ Զեյնալյանը վայր է դրել մանդատը: Բայց «կանխատեսված շղթան» կտրուկ ընդհատել է Հովիկ Աղազարյանը: Նա հավաստիացրել է, որ մանդատը վայր դնելու օրակարգ չունի: Ըստ որոշ տեղեկությունների՝ Աղազարյանի դիմադրությունը իսկական շոկ է եղել փաշինյանական թիմի համար:

Պաշտպանության նախարարությունը հաղորդագրություն է տարածել՝ նշելով, որ 60 կգ քաշային կարգում  Սուրեն Աղաջանյանը դարձել է Ըմբշամարտի զինվորականների աշխարհի 37-րդ առաջնության չեմպիոն։

«Կադրային կոտորածից» հետո առաջին նշանակումներն է արել Փաշինյանը: Նա ֆեյսբուքում է հայտնել , որ Դավիթ Խուդաթյանին նշանակում է Տարածքային կառավարման և ենթակառուցվածքների նախարար: Խուդաթյանը Փաշինյանի սանիկն է: Նա այս տարվա հունվարին նշանակվել էր Արմավիրի մարզպետ Ներքին գործերի նախարարի պաշտոնը Փաշինյանը վստահում է փոխնախարար Արփինե Սարգսյանին: Նրան նախարար նշանակելու հրամանագիրը այսօր ստորագրել է նախագահը:

Նոյեմբերի 20-ին՝ Երեխաների համաշխարհային օրը, տեղի է ունեցել Մարդու իրավունքների պաշտպանին առընթեր երեխաների իրավունքների պաշտպանության հարցերով նորընտիր հասարակական խորհրդի անդրանիկ նիստը։ Այս մասին տեղեկացնում են ՄԻՊ-ի աշխատակազմից:

Ադրբեջանի և Թուրքիայի միջև տրանսպորտային ոլորտում ամենամեծ նախագիծը Զանգեզուրի միջանցքն է: Այս մասին լրագրողներին հայտնել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն, հաղորդում է APA գործակալությունը։ 

«Երվանդ Քոչար» թանգարանից այսօր «Հայլուր»-ին ասել են, թե սուտ են Ռուբեն Քոչարի մեղադրանքները, թե Երվանդ Քոչարի վրձնի 7 կտավ անհետացել է թանգարանից: ԽՍՀՄ ժողովրդական նկարչի որդին պնդում է՝ ավելի քան կես միլիոն դոլար գնահատվող գործերը ինքը թողել է թանգարանում, բայց այն տնօրինող եղբոր կինը լավ չի պահել դրանք

Shamshyan.com-ը հայտնում է, որ Երևանի Հաղթանակ  կամրջի տակ տղամարդու դի է հայտնաբերվել։

Այսօր՝ նոյեմբերի 20-ին, խոշոր ավտովթար է տեղի ունեցել Շիրակի մարզում։ Ժամը 14։00-ի սահմաններում Երևան-Գյումրի ավտոճանապարհի 99 կմ հատվածում, Մարալիկի ԱԳԼՃԿ-ի դիմաց բախվել են Կոտայքի մարզի բնակիչ 42-ամյա Արտակ Ա․-ի վարած «ԿամԱԶ» մակնիշի և Երևանի բնակիչ 39-ամյա Սարգիս Մ․-ի վարած «Nissan» մակնիշի ավտոմեքենաները։