Լրահոս

Հայաստանի Հանրապետությանը կվերադարձվի շուրջ 200 հազար ԱՄՆ դոլարին համարժեք դրամ. ապօրինի ծագում ունեցող գույքի բռնագանձման գործով կայացվել է հերթական վճիռը: Այս մասին հայտնում են ՀՀ գլխավոր դատախազությունից։

Մոնտենեգրոյի Պետրովաց քաղաքում ավարտվել է շախմատի Եվրոպայի 2024 թվականի անհատական առաջնությունը, որի արդյունքներով գրոսմայստեր Ռոբերտ Հովհաննիսյանն աշխարհի գավաթի ուղեգիր է նվաճել: Հովհաննիսյանը վաստակել է 8 միավոր և զբաղեցրել է 8-րդ հորիզոնականը:

ԱՄՆ դոլարի փոխարժեքն այսօր՝ նոյեմբերի 20-ին, կազմել է 389.19 դրամ՝ նախորդ օրվա համեմատ աճելով 0.22 դրամով: Այդ մասին տեղեկանում ենք Կենտրոնական բանկի պաշտոնական կայքից։

Տասնամյակներ շարունակ երևանցիներին անհարմարություն պատճառող ու քաղաքի տեսքն աղավաղող մեծ տեղեկատու դաշտով գովազդային վահանակները հեռացվում են, հայտնում են Երևանի քաղաքապետարանից։

ՆԳՆ-ից տեղեկացնում են, որ վերջին օրերին Քրեական ոստիկանության Շիրակի մարզային վարչությունում ստացվել էին օպերատիվ տեղեկություններ, որ իրենց սպասարկած տարածքի տարբեր հասցեներում ապօրինի, առանց համապատասխան լիցենզիայի պատրաստում, շշալցնում և ակցիզավորում են ալկոհոլային կեղծ խմիչքներ, որոնք նաև իրացնում են:

Մեր ակնկալիքները և սպասումները անհամադրելի են իրար հետ։ Այս մասին այսօր՝ նոյեմբերի 20-ին, լրգարողների հետ զրույցում հայտարարեց ԱԺ «Քաղաքացիական պայմանագիր» կուսակցության պատգամավոր Սիսակ Գաբրիելյանը։

Կրկին լարված գիշեր է եղել Թբիլիսիում: Ընդդիմադիր ցուցարարները երեքշաբթի երեկոյան փակել են Ճավճավաձեի պողոտան և հայտարարել, որ պատրաստվում են այնտեղ գիշերել: Նրանք վրաններ են տեղադրել, բայց առավոտյան դրանք հեռացրել է ոստիկանությունը:

Ամեն տարի կապալառուները բողոքել են, ասել են՝ մի քիչ շուտ սկսենք, ես էլ ասում եմ՝ հա, անպայման մյուս տարի ավելի շուտ կսկսենք։ Այդ խոստումս, ոնց որ, այս տարի կիսով չափ գոնե պահում եմ իրենց նկատմամբ։ Այս մասին մամուլի ասուլիսի ժամանակ ասաց Երևանի փոխքաղաքապետ Սուրեն Գրիգորյանը՝ անդրադառնալով նրան, որ այս տարի քաղաքը զարդարելու գործընթացն ավելի շուտ է սկսվել:

Հաշվի առնելով սահմանված երթևեկության առավելագույն արագության պահպանման նկատմամբ լուսանկարահանող տեխնիկական միջոցներով վերահսկողության բացակայությունը մեծ թվով վարորդների համար նպաստավոր պայմաններ է ստեղծում երթևեկության առավելագույն արագության գերազանցման համար՝ նպաստելով վթարային իրադրության առաջացմանը, «Ոստիկանության մասին» ՀՀ օրենքի 22-րդ հոդվածի կարգով, այլ վայրից տեղափոխվել և Արարատի մարզի Վեդի համայնքի Նոր Կյանք բնակավայրի Արարատյան փողոցի թիվ 18 հասցեի հարակից ճանապարհահատվածում տեղադրվել է լուսանկարահանող տեխնիկական միջոց, որտեղ երթևեկության թույլատրելի արագությունը 60 կմ/ժ է։

ՀՀ վարչապետ Նիկոլ Փաշինյանը մանկավարժական համալսարանում ներկայացրել է Ակադեմիական քաղաքի Կրթական կլաստերը:

Երևանում նոյեմբերի 20-ին` կեսօրից հետո, 21-ի գիշերը հնարավոր է, 24-ի ուշ երեկոյան, 25-ին սպասվում է անձրև։ Նոյեմբերի 21-ի ցերեկը, 22-23-ին, 24-ի գիշերը սպասվում է առանց տեղումների եղանակ։

«Քաղաքացիական պայմանագիր» վարչության անդամ, պատգամավոր Վահագն Ալեքսանյանը խորհրդարանում հրաժարվել է մեկնաբանել թերթերի տարածած այն տեղեկությունը, որ պատգամավոր Հովիկ Աղազարյանը պետք է վայր դնի մանդատը: Նա ասել է, որ նիստի մասին պաշտոնական հաղորդագրությանը ավելացնելու ոչինչ չունի: Ըստ պաշտոնական հաղորդագրության՝ նիստում քննարկվել են ներքաղաքական և կարգապահական բնույթի հարցեր: ՔՊ-ի ամենակուրիոզ դեմքերից համարվող Աղազարյանն այսօր հավաստիացրել է, թե իր օրակարգում մանդատը վայր դնելու հարց չկա: Ըստ շրջանառվող տեղեկությունների՝ Աղազարյանի այս մոտեցումը շոկային է եղել փաշինյանական թիմի համար:

Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Իսպանիայի նորանշանակ դեսպան Ռիկարդո Մարտինես Վասկեսը:

Երևան քաղաքի առաջին ատյանի ընդհանուր իրավասության քրեական դատարանի այսօրվա դատավճռով արցախցի Ալեն Եղիշյանը, որը մեղադրվում էր զորակոչից խուսափելու մեջ, արդարացվեց, այս մասին հայտնում է փաստաբան Ռոման Երիցյանը։

Հայլուր 15։30 Ռուսների հուժկու գրոհի մասին է զգուշացնում Կիևում ԱՄՆ դեսպանությունը. օդում վտանգ կա

Ավստրիայի մայրաքաղաք Վիեննայում մեկնարկել է Շպիտելբերգի Սուրբ ծննդյան տոնավաճառը, որին առանձին տաղավարով մասնակցում է նաև Հայաստանի Հանրապետությունը:

ՀՀ վարչապետի տիկին Աննա Հակոբյանը, Զելենսկու կինը՝ Ելենա Զելենսկայան, Վատիկանում ներկա են գտնվել հրապարակային գլխավոր ունկնդրությանը: Այս մասին տեղեկանում ենք Աննա Հակոբյանի ֆեյսբուքյան էջից, որտեղ նաեւ տեսանյութ է տեղադրել:

Պարզվել են 23–ամյա երիտասարդի կողմից մեկ այլ անձի ավտոմեքենան հափշտակելու և Ոստիկանության ծառայողի օրինական ծառայողական գործունեությանը միջամտելու դեպքերի մի շարք հանգամանքներ։

Մոսվան Կիևին մեղադրում է անօդաչուներով գրոհի համար: Ըստ Ռուսաստանի պաշտպանության նախարարության՝ 40-ից ավելի անօդաչու է որսացել դաշնության ՀՕՊ-ը: Ըստ Կիևի՝ ռուսական հարվածներից 12 մարդ է մահացել Սումիի մարզում: Ուկրաինացիները պնդում են, թե մեծ տրամաչափի հրթիռներով են հարվածել ռուսները: Ի՞նչ փուլում է ռուս-ուկրաինական պատերազմը՝ ԵԱՀԿ գլխավոր քատուղարի նախկին խորհրդական Ռալֆ Բոսհարդի դիտարկումները:

Այսօր՝ նոյեմբերի 20-ին, ավոտվթար է տեղի ունեցել Երևանում: Ժամը 12:00-ի սահմաններում Կոմիտասի պողոտայում բախվել են Երևանի բնակիչներ 40-ամյա Գևորգ Մ.-ի վարած «Tesla» մակնիշի, 51-ամյա Նարինե Պ.-ի վարած «Lexus» մակնիշի և 20-ամյա Էդգար Ե.-ի վարած «Mercedes» մակնիշի ավտոմեքենաները: