Պատրաստ եմ իմ մեղքի բաժինն էլ ընդունել․ ի՞նչ է ակնարկում ԿԳՄՍ փոխնախարարը

ՀՀ ԿԳՄՍ փոխնախարար Ժաննա Անդրեասյանը ֆեյսբուքյան իր էջում գրել է․

«Մենք ճշմարտությունն իրար ասելու ու մեկս մյուսից ճշմարտությունը լսել կարողանալու խնդիր ունենք։ Չնայած, մինչև ճշմարտությանն էլ հասնելը, մենք ընդհանրապես իրար լսելու խնդիր ունենք»,- գրել է նա։

Փոխնախարարի գրառման մեկնաբանություններում օգտատերերից մեկն արձագանքել է․

«Մենք անորակ կրթության խնդիր ունենք, ինչի մեղավորներից մեկն էլ Դուք եք, տիկին Անդրեասյան»,- ինչին ի պատասխան՝ Ժաննա Անդրեասյանը նշել է․

«Պատրաստ եմ իմ մեղքի բաժինն էլ ընդունել, բայց կդժվարանամ հավատալ, որ մեր կրթության համակարգում խնդիրները երկու տարվա պատմություն ունեն»,- ընդգծել է ԿԳՄՍ փոխնախարարը։